الـبـارت الرابع 4☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــــــــــ

صـباح يووم جديد في مكان جديد عليناا

..تكلم بصوتة الغليظ والمرتفع :انااا كلمممتك تكلمهم يكوونوا على الموووعد ويييننهم

..المرافق:سيدي لقد أخبرتهم انتظر قليلاً من الوقت وسيأتوا حالاً

..لف الكرسي الطووويل ودار لا خلفة

..ثواني وجاءوا سبعة رجال وامرأتين

..جلسوا في الطاولة الكبيييرة وعينهم على الكُرسي المتوجهه للخلف

..تكلمت بصوت إنثوّي:كيف حالك يا صقـر

..ابتسم بخبث ولف لهم وهوه ب قناع الجوكر

..افتجعت ومسكت يد عمتها :اييش هاذا الجووكر من صددق

..لفتت لها :اهدأي

..الصقر بضحكة شيطانية:هههههها ههههها شايف اليوم معانا عضوا جديد يا ...

..ردت له بمثل الإبتسامة :اكيد اللي كلمتكم عليها ياصقر  الشهر الماضي هذي سلمى بنت أخي وعنستفيد منها كثثير من ما يرضيكم

..قبض يداتة وقام وهوه بيضحك بإتجاهها

..نشف ريقها ونكعت بطونها (تشبيه انها خافت قوي)

..قرب راسة للكرسي اللي جالسة عليه وبهدووء:نووورتي الصقر وخليّـتة ي سلمى

..وضحك بخبث وهم ضحكوا بمثل النبرة

..مفجووعة ومتمسكة ب عمتها وهيه بتبسر لها بنظرات

..الصقر لف ل...: علمي بنت أخوش جميع أعمالنا  الصقر مايحب الخوافين معانا

.....:اكييد شاا ادرِّبها واعلمها ومايجي اسبووع الا وهية جاهزه

..ضررب الطاولة لما فجعهم كلهم  :مشتيشش........

.
.

..في بوفية (كوفي) في قلب صنعاء

..جالس هوه وصاحبة
..يعني يكملين إمتحانات خواتك وترجعوا ذمار

..يوسف بضيق :نعم

..مصطفى: طيب وشغلك مش عادك اول سنة اشتغلت في الكادر الطبي الفيزيائي 

يوسف :ايش افعل امي وابي مصّرين نرجع ذمار وشااكمل في جامعة ذمار والكادر عنتواصل معاهم من هناك والمشاريع شااشتغلها هناك ولكل

مصطفى غمز له :والله ان اهلك ناويين لك على زواجة

..يوسف ضحك : ههههههههههههه سمعت امي أمس بتكلم ابي انها تشتي تخطب لي من هناك

..مصطفى :هههههههههههه ابسرت وانت الان قول لي مابش في بالك واحدة وغمز له

..يوسف بنص عين :مش انت داري ب صاحبك إنة مايعجبة هذه الخبالة ويكرة البنات بشكل عام من حين سايرك يامعقد ولا البنات يموتين عليا مووت  

..مصطفى ضحك : اهاااااااا  مادخلي انا مابلا لانك  الوحيد بين البنات جنننك كرهت بنات حواء

..يوسف ذكر خواتة وضحك :امس لو كنت مكاني انك نحرتهن وانتحررت

..ضحكك :اشكيي ياصاحبي اييش فعلين بك مررة ثانية هولا جن عفروت 

..يوسف ضربةة بالشاال:جلدك بيحككك اوومة حاااو

..مصطفى ضحك:يلاة قوول لي ايش فعليين

..بدأ يقول له وبيضحك بإرتباك وحدة 

. ضحكك بصوته:هههههههههههههههههههههههههههاي مش قلتلك خواتك هولا جن ماهن بنات ماصدقتني

..ضربة باللحفة :مااعلييك منهن

..مصطفى وهوه ميييت ضحكة:تمام ازعل عليهن وهن بيصبنين نك  كل يوم انى زادين عليك يااهبل

..ضحك من كلامة ويتذكر موقفة امس قدامهن ويضحك كيف فعلين به
يحب خواته جدددا ومهما شاغبين وجننة مايرفض لهن طلب.......عكس مصطفى اللي مااايعجبة أبدًا وعصبي من هذه الناحيةة وفيه عقدة

.
.
..نرجع للمستودع المقررف

..بصوت انا ماااشتييي اسبوووع اشتتتي يووومييين بسسسسس يوووميين

..بخوف:ح ححاض حاضر ياصققررر يووميين يووميين

..واحد منهم :متى عنبدأ مهمتنا ياصقر

..الصقر جلس وعينة على نقطة معينة : قررريب قررريب

.
.
..في المعمل الكيميائي (مكان شغل وتين)
..جالسة في الحوش لفتت لبعض البنات :بناات بسرتين سماء وين هيه

..واحدة منهن : لا ياوتين من الصبح مابسرتها

..قوست شفايفها وقامت تبسرها لاهية في المختبر

..صوت من وراها : وتين

..لفتت وكان ماهر صاحب اخوها واستغربت من وجوده هنا : ايش

..ماهر : امس انتي ومح....

..قاطعته بحدة : دككتوور ماهر لو سمحتت لاتكون تدخل بمشاكلنا العائلية انت صاحب اخي وهذا على راسي بس تحشر انفك في خصوصيتنا لا

..فتح عيونة من جرائتها وضحك منها:طييب طييب لاتعصببي

..شلت الملفات وخطيت من عندة بغضب

..ماهر مبتتسسم من طبعها النادر: والله معك حق يامحمد طلعت صعببة قووي ومعك حق انك تضبح منها

..خرجت وبسرت سماء عادها وصلت :واخييييرا ويينش مختفييية ياابنت

..قربت وحضنتها وتنهدت :حيييا بروووحي قدنا  فاااقدة لش قووي

..وتين بزعل وعتاب :بالله عليش يومين ولا تتصلي لي ولا تجي المعمل وتخليني في قلق

..سماء مسكتها وخطيين لا مكانهن خلف المعمل  :خليها على الله امي تعبت واسعفناها

.. وتين جلست وبخوف: يوووة سلامتها خالة رحاب ماحصل لها

..سماء: قدش عارفة ارتفع لها السكر وفقدت الوعي بعدين بقيت انا عندها

..وتين : كان عتتصلي لي ياكلبةةة

..سماء غمزت لها : ايش افعل اخيي زيد شل التلفون حققي عنددة منتظظر تتصلي

..ضربتها بالشنطة : سماااااء والله لو يشل رقمي لااذبحش

..سماء:هههههههههههههههههههههه دلا دلا اخي مأدب ماعيشلة وصدقيني تتباخر امي ونجي نخطب رسمي

..تنهدت بضييق :انتي في عالم وانا في عالم ثاني مش وقت الخبر هذا الان

..سماء بقلق:مالش ياعيووني احد زعلش

..وتين تنهددت بضييق وسندت راسها لاكتف سماء وبدأت تكلمها

..كانت ماتتكلم باللي بيوجعها الا عند سماء كانت هي الصديقة والاخت والام وكل شيء رفيقة دربها وتحبها أكثثر حتى من نفسها ومستعدة تدي  لها رووحها مجررد ماتحس بإهتمامها وتسائلاتها عنها ترتاح بس بالرغم من انها كتووومة وقوية ومستحيييل تنزل دموعها قدام احد أو تضعف قدام أحد او تتكلم بهّمها لأحد  وتخرج كتمانها بس سماء وليفة روحها تكلمها بكل شيء

..سماء بزعل : محمد صح ؟

..امتلت عيونها بالدموع : ومن غيرة

..سماء : ليش ماتخلية لما هوه هادئ وتكلمية انتي عارفة ب محمد وعنادة وعصبيتة وانتي هوه اخوش الكبير لاتعاندية واكيد له حق يعصب عليش ماانتي تصرفتي من راسش وقمتي تألفي لش خبر

..وتين بقهر : ياسمااء ايييش تصررفت من رااسي اايش ألفت من خبرر،،،، انا مقهوووره امي قد لها 15 سنه من حين مااتت وكان عمري 5 سنين ونرجس عاد هي مولودة واخووتي صغار مستحيل انسى هذذاك اليوم اللي انعدمت فرحتنا في يوم وليلة تشردنا وابي تعوق وامي ماتت وانا تحملت المسؤلية في تربية اخوتي لوحدي يعني مايحق لي وانا بين ابسر الظلم انه اكيد ماهوه حادث وانهم...... وبعدا محمد يكرهنني بسبب هذا الشي ولادرجة انه امس.....وسكتت

..سماء بعيوون ملان دموع : ايش

..وتين بغصة : مد يدة وضربني قدام ابي قدددام ابي ياسماااء ما هّـم ان ابي بيتعب و

..سماء بقهر : ليش اييش حصل له محمد فجأة صح كان معش في مشاكل بس ماكان يسخى على ابوش وخواتش

..وتين :مدري تغير عليهم فجأة من وقت ماعرض علية عمي الظالم يخطب بنتة سونيا وانا ازداد كرهه عليا

..سماء تنهدت: اااه مش كان خاطب رؤى وفارح ايش غييرة

..وتين تنهدت :عاد رؤى المظلوومة بيننا كلنا اظتلمت من محمد اللي تغير عليها ولا كأنة يعرفها وفلتها(تركها) وجرحها ومظلومة من ابوها اللي ولا يشوفها بنتة وبيخلوها خدامة عندهم

..سماء: اكيد بسبب مرة عمش اللي ابليس متبرئ منها وحقدها اللي بألف شيطان مدري ايش لعبت بعقلة

..وتين تنهددت بضيييق:مش عاارفة مششش عارفة اللي انا عاارفة له ياسماء اني مشتااقة ل اخيي محمد الاول مشتااقة له

.
.

الـبـارت الخامس 5☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــــــــــ

..بعد ايام روتينية عادية والأمتحانات الجامعية كملت واليوم يووم جديد

.. في صنعاء

..تجهزووا وقدهم خاطيين ذمار

كلهم في السيارة منتظرين ابوهم وامهم

..يوسف لف ل خواتة : اقسم بالله لاتتندمين وتجلسين اسبووع وتجين لاعنددي يووسف رجعنا صنعاء

..رقية :هههههههههههههههه عنبسسر

..ريما :احناا مرتتااحين وأخييراً عنفرررح فييك ونزززوجك

..رهف بمداخلة :يوزري مابش في بالك واحددة من بنات عمي او بنات خالاتي

..رانيا :لااااااا مش هن حلووات اشتي اخطب ل يوزر ارووع عرووسة

..رقية :اسكتتي انتي وياها ماشخطب له الا انا

..وبيتصايحين من يخطب له

..بيبسرهن ومصدوم اللي ولا سمحين له يتكلم

..فتح ابوه الباب ولف لهن : مالكن يابنات اصواتكن لاخارج

..يوسف لف لاابوه وبيحسب بأصابعة : قد زوجنّي وسفرنّي قد زوجتي حامل في الشهر العاشر قد شااتزوج الثانية

..ضحك منه :هههههههههههههههههههههههههههه

..ضحكيين وتكلمت رُقية:اصه للقانة ماشااخطب لك الا انا

..فتحت الام الباب القدام وركبت جنب زوجها : مالكن دخل من ابني شااخطب له انا

..يووسف ضحك وتحرك بالسيارة :حتى انتي يمممة

..ابويوسف :ما عنخطب له الا على مايشتي هووه

..يوسف بلقانة :عليييك نوور ياابو يووسف قووول لهن

..وحركوا وهم مرتاحين وبيضحكوا

.

.
بعد الظهر في ذمار

..جالسات بيرتبين وكل واحدة في عمل ماعدا وتين اللي سارت هيه وابوها للتمارين علشان يكمل دورة التمارين

..محمد راقد في غرفتة

..وعمار مع وتين وابوه

..كان بيتهم جدداً عادي حوش متوسط والبيت عبارة عن شُقتين صغاار الشُقة الاولى أربع غرف صغار وحمام (أعز القارئ)  وصالة صغييييرة ومطبخ
والشُقة الثانية مجلس صغيييير والعفش عاادي وعلى قدّهم وحمام (أعز القارئ ) وصالة صغيرة

..نرجس وميار في الحوش بيرتبين لأنه كان تراب وماهو بلاط ويتوسخ بسرعة

..طرحت المكنسة وفتحت الباب وبتتأمل  : وينهم أهل هذه الڤلة ياميار ابسرري مااحلاها قصصر قصصر احلى من الفله حق بيت عمي

..ميار : الا صح ابسري كيف شكلها والحووش حقها مااكبره والباب لاجنبنا 

..نرجس : صحح ولوتبسري لما نخطى المدرسة انا والبنات مانبسر فيها الا حارس ومره سألناه وين اصحابها قال هم في العاصمة

..ميار : ناس أكابر مايجلسوا في مكان واحد

..نرجس بهياام :اااااه ياليت وادخلها

..ميار بحدة :ااخطي نكمل قبل تجي وتين تطايرنا لاوسطها

..ضحكت منها وتوجهين يكملين عملهن

.

.
..في طرف الشارع وصل الباص لاباب حوشهم ونزل عمار وصاحب الباص ووتين يساعدوا ابوها ينزل


..في نفس اللحظة وصللت سيارة صالون سوداء فخمة لاباب الفله اللي جنبهم

..يووسف اللي بيسوق بسرهم وهم بينزّلوا واحد معاق من فوق الباص

..ابويوسف بسرهم وكأنه عرفة  :لحظه لحظة هذا عاصم الذماري

..ام يوسف:اين عاصم مالك بتخدرس

..ابويوسف اشر ل يوسف يوقف:والله انو هوه اللي فوق الكرسي انا اعرفه وقف وقف

..وقفت السيارة لاجنبهم

..لفتت وتين وبتبسر السيارة هذه الفخمة اللي  وقفت عندهم ومااعطت اي انتباه ولفتت تساعد ابوها

..عمار حاسب صاحب الباص وخطي ولف يبسر من هولا اللي وقفوا

..افتتحت البوابة الكبيييرة وابويوسف نزل من السيارة وخطي لاعندهم

..وتين وابوها بيبسروا  السيارة والرجال اللي نزل منها وخاطي بإتجاههم

..يوسف نزل الزجاج واول ماسار نظرة لاعند البنت الموقفة خلف الكرسي مااهتم ورفع الزجاج ولف بالسياره ودخل الحوش 

.
.
..ابويوسف قرب وبغصه : عاصم!

..ابومحمد عرفة: علي صح

..وتين ماتحب احد يرحم ابوها او يرحم حالهم وماسكة للكرسي وبحدة : تفضلوا عندنا ياعموة ابي مايجلس بين الشمس خيرات

..خرج يوسف لاعندهم بعد ماصف السيارة  وقرب ووقف مع ابوه وطرح يدة فوق العسيب ومسنب بهيبة

..ابومحمد مسك يدها وهيه ماسكة للكرسي بمعنى تسكت وتكلم بفرح : ويحين ساافرتوا والحمدلله على سلامتكم وسلامة الغيبة نورت ذمار بوجودكم

..ابويوسف بغصة : الله يسلمك وبنوركم ياغالي  وسلامتك ياحيدي  ايش وكيف حصل معك هكذا

..وتين بحدة : بخير والحمدلله بس تاعب شويه ومابيقدر يمشي

..ابومحمد بحدة : وتييين

..ابويوسف ضحك :ههههههههههههههههههه لاتقول لي ان هذي وتين

..يوسف بيتأملها وبيشوف كلامها وحدتها وقوتها ومصدووم من غرورها اللي ولا حتى لفتت له

..ابومحمد : لاتشل على خاطرك ياعلي هي ماعرفتك

..ابويوسف لف لها : ماتغيرتي هذك المغرورة والقوية ياوتين وماعرفتيني

..ساكتة وبتحاول تتذكر كأنها تعرفة

..ابومحمد : اتفضلووا عنددنا اليووم غدااكم عنندي

..وتين في نفسها :اوووف لااا مابش معانا شي في المطبخ ياارب انهم يرفضوا يااارب

..ابويوسف قاطع ابومحمد قبل يحلف : لاا لاا ياحيدي اليوم اخي عزمنا وعاد احنا في صنعاء ان شاء الله عنزوركم بعد العصر،،، انت في البيت

..ابومحمد : انا في البيت كل يووم يلاه انا في انتظاركم

..سلم عليه وخطي ويوسف خطي وراه وكان يلف لاخلفة يبسرها بفضول 

..عمار قرب ومسك الكرسي وبيسوق ابوه لاداخل البيت

.
.

..وتين بغضب بعد مادخلوا  : كييف كنت عتعزمهم ياباة وانت عارف ان مش احنا جاهزين ومابه شي

..ضحك منها : خلاص يا أُم الاعصاب قد ستر الله ورفضوا

..نرجس بفضوول من باب المطبخ : من همممم

..بسرتها بنظرات : الغداء جااهز

..ميار بصووت : ايووه جاااهز جي قربي معانا

..قامت لاغرفتهن تغير ملابسها لبست روب بيت وتحجبت وخرجت تقرب معاهن الغداء 

..نرجس جالسة جنب ابوها بتسألة : من هم اللي عزمتهم ياباباه

..بيتحيلا لها : بسرتي هذه الفلة اللي جنبنا اللي بتعجببش وتجلسي تسألي عن اصحابها

..نرجس بلهفه :ايييووواه

..ابومحمد : اليوم اصحابها سافروا من صنعاء لاهنا وانا اعرف صاحبها كان بيننا شراكة من زمان لما كان ابي موجود وكنّا اصحاب واليوم شفناهم باب البيت وقلت مايصلح مااعزمهم

..نرجس بعجلة : باللله عليييك ياباباة تعرررفهم

..عمار لف لها : وانتي ليييش هذا الزقع كله مادخلنا منهم

..نرجس :نففسيي ادخل لها نففسي يعني انت عتعزمهم وهم عيعزموونا ياااااااااي

..وتين قربت السفرة وبسرت لها بنظرات: من عيسمح لش من الهبالةة قرري من الجنان

..نرجس لفتت ل ابوها بقهر : ابسررر هتلررر ياباباه واااصل تتحكم بنا

..ابومحمد ل وتين : وتين يابنتي مالش قدش قاسية على خواتش من متى وانتي هكذا ايش فيها لاتكلمت

.. بقهر ولفتت ل محمد اللي قام وبيمسح عيونه : تغير القلوب والجروح هي اللي خلتني أقع هكذا

..ابومحمد بضيق ل محمد : صح النوم ياابني

..جلس بضيق : صباح الخير

..وقفت بضيق وخطيت تكمل تقرب الغداء ولا كلمتة ولا حتى لفتت له

..محمد بقهر : انت بتبسر بنتك ولا عاد فيها إحترام ل اخوها الكبير

..ابومحمد : ياابني الله يرضى عليك لاتضغط على اختك وهيه بتفعل هذا كله زعل منك انت وانت عارف طبعها عنييد لاتسخى عليها

..سكت بضيق والبنات جلسين ووتين جلست جنب ابوها وبيتغدوا والصمت سيد الموقف ومابه الا محانكة نرجس وعمار ونظرات وتين لهم بمعنى يهجعوا (يهدئوا)

.

الـبـارت السادس 6☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــــــــــ

..بعد العصر في بيت ابومحمد

..رتبين البيت وبخريّن وابومحمد وعيالة في المجلس منتظرين وصولهم

..جالسات في غرفتهن ووتين عندهن وساكتات بضيق

..لفتت لهن بإبتسامه : مالكن صامت او عندكن جني

..نرجس بعيون ملان دموع : مشتاااقة ل اختي وتين الاوله ول اخي محمد الاول

..ميار بتأييد : عندش محمد اللي تغير وعندنا انتي تغيرتي اكثر منه

..نرجس بعتاب ولفتت ل ميار : ابردي منها  ياميار مش احنا سماء تحبنا مثلها

..وتين اقتهرت وبزعل : بالله عليكن هذا كلامكن

..نرجس : لييش او بنكذذب علييش لييش تغييرتي علينا ماكنتي هاكذا كنتي تجلسي عندنا وتضحكي معانا اما الان واصل صياح ومشاكل وهنجمة

..بسرتهن بزعل : مابتشوفين الضغوطات اللي علينا وانا مشتيي تشعرين  بقلق ولا هّم يكفي انا

..ميار : بس هكذا بتضيقي علينا قد بنفتجع منش ياوتين وتصرفاتش قد هي قاسية علينا صح ربيتنا وأمنا على عيوننا وراسنا،،بس تتصرفي هكذا قد هوه ظلم الصدق

..اوجعها عتابهن وامتلت عيونها دمووع وزعللت وعرفت انها قد زيدت بها عليهن وترجع تخرج ضبحها فوقهن وتصيح تندمت وعضت على شفتها السفليه بقهر وقربت وحضنتهن وبكيين الثلاث : خلاااص انا ااسسفة اسفة بس لاتكونين تضغطين عليا يكفي الضغوطات اللي احنا فيها

..بيضمنها بحب وبكاء وكانت وتين لهن الأم قبل الأخت

.

.

..وصلوا بيت ابو يوسف وخرجوا عمار ومحمد يستقبلوهم

..دخلوا المجلس وجلسوا

..قام محمد ودخل الكراتين الببس والماء وابوه ابتسم منه راكن (مفكر) انه اداهن (جابهن) من عملة

..عمار بيضيّفهم بضيق لانه عارف ان محمد اداهن من بيت عمة ولو تدرا وتين لاتفعل كارثه

..يوسف بيتأمل بيتهم وكيف هم ناس متواضعين وعلى قد حالهم قوووووي

..وابومحمد وابويوسف بيتجاابروا

ابويوسف : ماقلتلي ياابو محمد كيف حصل لك هاكذا

..ابومحمد : قبل 15 سنة فعلنا حادث انا حصل لي هكذا وزوجتي توفت

..ابويوسف بزعل : ياباطل انا سمعت انها توفت ماسمعت انكم فعلتوا حادث

..ابومحمد بقهر : الله يرحمها

..ابويوسف : ياعاصم احنا اصحاب لاتزعل مني بس اشتي اقول لك اخوك ماشاء الله مكتفي ومعه المال والجاه والشركات وانتوا كيف لوما عايشين بهذا الوضع وانت مش كنت في ڤلتكم حق ابوك 

..بقهر : الحمدلله وانا وعيالي راضيين بعيشتنا هاذه ومرتاحين واترك المال والجاه ل اخي يتهنى بهن هي دنيا فانية وبالنسبة ل ڤلة ابي شلها اخي مدري باعها

..عمار بهمس ل محمد ويوسف سمع : من وين اديت الماء والببس من بيت عمي هاه والله لو تدرا وتين اختك لاتهدم السقف فوق رؤسنا ليش تشل منهم

..محمد بسرة بنظرات تقتل بمعنى يسكت ودعممة

..يوسف في حيرة من اول مابسرها وكيف كان ردها لاابوه وفي نفسه : ايش هذه البنت وماقصة قوتها هذه من انتي ياالوتين

..كملوا يومهم وارتاحوا بعد اسئلة التوتر اللي حصلت 

.
.
..اللــيل في فلـة ابومازن

..ام مازن بخبث: وللييييش الباش مهندس علي ماااايجي عننندددنا ليييش على طووول لابيت المنحططيين

..ابومازن بضبح : اهدأي ياغصوون انا شاابسره واعزمة هجعيني

..ام مازن بتسير وتجي وقد عتنفجر : ووو وييينه محممدد من الصببباااح مابسررتة ولا جاء لاعننندنا وصيحت تنادي : سوووونيييا

..وهية نازلة من الدرج :ايييييييش

..ام مازن بغضب : اتصللي ل خطيييبش الان وقوولي له يجججي بسسررعة

..سونيا فتحتت عيووونها : ياااااه هكذذااا كثرتوووا بها خطبة وخطبتوووني به والان تشتووني اكلممة مستحييييل

..ام مازن بغضبب:سوننننيا انااا خطبتتش له علاميد نكمل خطتنا وقددد انتي عااارفة لييش الان بتتكلمي هكذا تعاالي اتصلي له

..بصياااح : ماشتتتصل ماااشتتصل ايش عتفعلوا وعطتهم ظهرها وطلعت 

..بسرتها بقهر ولفتت ل ابومازن : انت بتبسسر كيييف ولا بتسممع الكلااام لو مثلا احد سمعها ولا هذه الخددامةة تسسمع (قصدها رؤى)

..ابومازن :وانتي ليش تشتيها تتصله اتصلي له انتي

..ام مازن جلست : اشتتيهم يتعررفوا على بعض وتجذذب محمد اكثثر

..ابومازن : اقسم بالله انش مثل جهنم إمتلئتي قالت هل من مزيد قد سحرتية على خواته وقده في صفش وماقلتي له قال تمام اييش عاد تشتي

.
.
..الليل في بيت ابويوسف
..رُقية : والله ياباباه ان ڤلتنا اللي هنا احلى من صنعاء

..ريما بتتأمل الڤلة بتعجب وشاردة

..رهف : ذلحين ياباباه هذه حقك مِلك ولا تبع الشركة

..ام يوسف : اكيد مِلك

..ابويوسف شارد

..جاء يوسف وجلس معاهم وبيحارش خواته

..لفتت رانيا ل ابوها :بابااه اشههد على ولدددك

..شارد ولاهوه معاهم

..ام يوسف : علي مالك شارد من اول في علم الله

..ركّز معاهم:هاه هاه ايش قلتي

..ام يوسف:خير ايش شاغل بالك

..تنهد :والله زاعل على عاصم ابومحمد شكلة تااعب قووي

..يوسف :انى ياااباة قلتلي انهم مالهم شيء ومعاهم مش هم فقيرين

..ابويوسف:ايووة اسأل امك

..ام يوسف:كلام ابوك صح هم تُجار كبار ابوك تعرّف على هذا عاصم في تجارة

..يوسف :بس شكلهم انهم فقييرين بسرت بيتهم كيفهوه

..ابويوسف :هذا اللي محير لي واخوه عايش في اضخم الفلل والقصور

..رهف  : لايغركم المظهر لاهم مايحبوا احد يبسرهم أغنياء

..ابويوسف:لا لا انا بسرت وتأكدت مستحيييل وبعدين عاصم انا اعرفة طييببته وكرمة مابش مثلهن 

..ام يوسف : كم معه اولاد

..ابويوسف :ثلاث بنات واثنين عيال

..ام يوسف : وزوجتة قد توفت صح اذكر لما اتصلّنا اخوه في العزاء

..ابويوسف : ايووه قال لنا انها توفت وهذك المرة كنا مسافرين بس ماقلنا انهم فعلوا حادث وعاصم اتعوق

..ام يوسف قوست شفايفها بدهشة

.. ابويوسف: وليد نزل من عيني قوووي  كيف مفلّت ل اخوه واسرته هكذا وهوه عايش افضل عيشة

..ريما بزعل:الناس الظلمة ياباباه كثثثيرين

..رانيا  :والله جااني فضوول اتعررف على بناته

..ابويوسف ابتسم لما ذكر وتين

..يوسف : ايش ضحكك ياااباة

..ابويوسف : انا لما التقيت ب عاصم كان معة بنتة اللي هية وتين ااووووف مااشغبها والعناد اللي فيها والقوة ومغروورة وتحب ابووها وكنّا لااحنا بنزبج(نمزح) مع ابوها ولا بنضحك علية تقلب الدنيا فوق رؤسنا وتسمع بنا ولسانها ذراع

..يوسف جذبة الكلام ويشتي يسمع :هههه ايش كانت تفعل

..ام يوسف بلهفه :قصدددك وتتين القممرية العسسل اللي كان عمرها 5 سنين وكان يديها معة هذك الايام وطرحها عندنا لما سافرتوا

..ابويوسف:ايوووة وتيين اللي كانت تعجبش

..ام يووسف :بالله علييك انها بنته كنت راكنة انها بنت وليد

..ابويوسف :لا هيه بنت عاصم

..رُقية : الله "وتـيـن" إسمها ضخممم شوقتوني ابسرها

..ابويوسف : ههههههههههههههههههه اليوم بين اكلم ابوها وتعصبت ليش زعلت على حالة ورحمتة

..رهف :هههههههههههههههه والله شووقتووني ابسرها الوتين هذه

..رقية وريما ورانيا :وانااا

..ام يوسف: وانا ان شاء الله اقرب فرصة  عنزورهم

..ابويوسف : ان شاء الله

..بيسمع وسااكت وكل تفكيرة عندها بدوون شعوور ومن أول مابسرها وبسر حشمتها وكيف قوية دخلت في بالة 

.

.


..صبـااح ثاااني يوووم

..لبست العباية والجلباب والبرقع وأخذت شنطتها وخرجت تقيم عمار يخطوا لا مركز الرياضة

..بحددة :عممماار يللاااه قوووم

..لارد..........

..بتطرق الباب وهوه مطنش وما فتتح

..لفتت لاوراها وابسرت غرفة محمد بقهر

..ميار : اقيم محمد ياوتين

..وتين : لا مشتي اتناقد معة خلينا لان احنا هذه الفترة هادئين انا شااشل ابي انا ولفتت صلا غرفة عمار وضربت الباب،، انا اووريك ياعماار ي عود السيخ بعيني ياحذاا

..خطيت ووادت ابوها من غرفتة وبتسوقة بالكرسي

..لف ل بناته واشر لهن بإيديه بحب وهن أشرين له ومبتسماات

..خرجتة لاخارج الحوش وارتكزت تتصل ل صاحب الباص

..اتصلت المرة الاولى المرة الثانية ولا رد : ايييييش من ناااس هولا وقد حجزنااه طوول الشهر يكون يجي يووصلنا

..ابومحمد: وتين اهدأي يابنتي ابسري غيرة
.

بارتـات يومنـا 👆🏻😍
آرائكــم محل اهتمـامنا اعجبتكم البارتات نكمل الروايه👍
ما اعجبكم نوقف💔
.. وكل واحــد يــرسل تعليقـة ...
تعليقاتكم وأرآئكـم تفاعلوا وحطوا قلب 😍❤️

الـبـارت السابع 7☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــــــــــ

..قربت وبتسوق الكرسي وخاطية في طرف الشارع

..في الطرف الثاني كان بيسوق السيارة راجع من البقالة وبيكلم مصطفى في التلفون :والله لوتبسر على أجوواء هنا مططر والدنيا جنننة...هههههه ...يلاه يلاه .....مع السلامة

..غلق الخط وبسر قدامة ابومحمد وبنت بتسوقة في الكرسي

..وقف السيارة جنبهم

..وتين ماوقفت وخاطية ولا لفتت

..نزل يوسف من السيارة وبصوت: ء ء اوصلكم

..لفو له وتكلمت وتين :لا شكراً

..ابومحمد : من انت ياولدي

..يوسف : انا يوسف ابن علي اللي زُرناكم امس

..ابومحمد :هاه هاه حيياك الله ياولدي

..يووسف:اسمحوا لي أوصلكم ياعم عاصم

..ابومحمد: لاتتعب نفسك ياولدي الباص عيجي لنا ذلحين

..وتين  ل ابوها : اباة نمشيي

..يوسف ل وتين : ايش فيها لاوصلتكم مابتبسروا الجوّ الباصات موقفة والمطر في الطريق

..بسرت للسماء وضاقت وبإصرار: لا لا الباص منتظر لنا شكراً

..دورت الكرسي وابوها مبتتسم منها ومن تصرفها العفوي وخطيوا

..فتح عيونه ع الأخر وقوس شفايفة :طزز فيش عادها بتنخط(تتكبر)

..وطلع فوق السيارة وجلس بقهر : انا قد واجهت ألآف البنات بس مثل هذه البنت ماقد بسرت  وبضبح :بيمووتين علييا مووت ومنتظراات مني نظرة واحدة وهذه ولاحتى رفعت نظرها تبسرني  سكت بقهرر وشغل السيارة وبيخطى وراهم بفضول ومعاندة فيها

.
.
..ابومحمد :يابنتي الشارع فااضي والمطر عينزل الان

..وتين بقلق : لاتقلق ياتاج راسي عنبسر حل

..ابومحمد : لو طلعنا مع يوسف

..وتين بضيق: لا عنبسر الباص الان وبعدين مابسرتة كأنه شفق حالنا وانا مشتيش احد يرحمنا ويشفقنا

..ابومحمد : كيف افهمش ياوتين انهم مايتساوو وكل واحد وطيبة قلبة

..نزل المطر ووجعها قلبها وبسرت شجرة كبيرة وساقت ابوها لاتحتها

..ابومحمد : وتين

..جلست ومسكت ارجله : عيونها ونظرهن

..طرح يده فوق راسها : يابنتي خليش متواضعة لاتخلي للغرور يسيطر عليش،،بسرتي كيف الله هدى لنا قلبه يوصلنا وانتي رفضتي وابسري لاوين وصلنا

..قاطعته بعيون ملان دموع : بس يااباة دائماً هولا اللي معاهم مال وجاه يبسرونا احنا العاديين بعين الشفقة و..

..قاطعها : ياعيوني ياوتين انتي متحسسة من بيت عمش ونظرتهم لنا وظلمهم لنا وراكنة ان الناس كلهم مثلهم بس ياعيون ابوش الناس ماهم سوا به ظالمين وبه طيبين وبه متكبرين وبه متواضعين والله يحب ويمتحن واحنا الان في امتحان إلـٰهي لنا يمتحن صبرنا ويمتحن تحمّلنا ولا تقلقي الله ما عيتركنا وعيشوفنا مؤمنين به وصابرين عيعوضناا ويسخر لنا
انتي لاتكوني تفكري هكذا وتدخلي هذه الافكار في راسش ان الناس عيرحموش ولا يستحقروش ليييش ماانتي عايشة في عزز ورافعة راسش بقوة ليش بتفكري هكذا
وياوتيني الله ما عيوفقنا ااذا كانت نظرتنا للناس بمثل هذه النظرة ؛ هُم بشر واحنا بشر مابه فرق عند الله بين غنّي ولا فقيير ؛ لاتنظري لهم بإستحقار ؛ خليش قوية وعادية واذا ابرزوا لش ظلمهم خليش قووية وواجهيهم ؛ واذا ابرزوا لش طيبتهم اتقبليها وبادليهم بالمثل

..كان كلام ابوها والمطر كـ جبر غسل قلبها من كل هذك الافكاار عيونها فاضت وامطرت وساكتة ونظرها للأرض

..بيبسرهم من بعييد وبفضول :ايييش بيكلممها  قطب حواجبة وشغل السيارة وخطي بإتجاههم: والله لاابسر غرور هذه البنت لاوين نهايتة بتنخط على يوسف هااه

..ابومحمد : وتيني انا ماتكلمت هذا كله علشان ابسر دموعش بالعكس قوتش وصبرش مااشتي يبتعدين منش ابداً اشتي وتين تبقى وتين مثل ماربيتها قوية

..مسحت دموعها بخفة ووقفت : تأثرت بكلامك ياسند قلبي وانا اسفة من تصرفاتي في الفترة الاخيرة والله شاهد عليا اننا مابين استحقر أحد بس مابين اوثق ومفكرة انهم كلهم سوا

..ابومحمد : مثل ماقلت لش الناس ماهم سوا ي وتيني

..وصل بالسيارة وزمر بالبوري ونزل الزجاج وبضحكة : صاحب الباص تعطل وزلجني (أرسلني)  بدالة يعني مابش عذر يخليكم ترفضووا 

..ضحك ابوو محمد ووتين ابتسمت بإحراج وفي نفسها: ماله هذا مصّرر يوصلنا

..نزل وقرب وفتح المظلة على ابوها وساقة  لاجنب السيارة عشان يركبة قدام

..وتين كانت خلفهم ومحررجة قووي وبتمشي على حياء واستحت تقرب تساعدة يشلوا ابوها للكرسي حق السيارة

..ابومحمد ويوسف مظلل له : وتيني ماعيقدر يوسف تعالي

..حاولت ماتظهر احراجها وقربت عادي ومسكت ل ابوها

..كان غاضِ بصرة بس كانت عيونة تخونة ولمح عيونها اللي صعقيييييين قلبة بجمالهن وواسعات بنعاسة خفيفة  ولونهن الليلي والرموش اللي غابة مظللة عليهن وكيف مبروزات وظاهرة قوتهن عليهن كانت قريبة وماسكة ل ابوها من جهه وهوه من جهه وطلعوه قدام ووتين عطفت الكرسي وطلعت ورا بسرعة

..ارتبك وغلق المظلة وطلع يسوق وإحساسه ضايع

..بسرت المراية وابتعدت لاخلف الكرسي اللي جالس فيه ابوها علشان مايقدر يبسرها وقد هي  مُحررجة قوووي وتندمت انهم وافقوا يخطوا معة 

..يوسف بسر المراية بسرعة ومابسرها وضحك وفي نفسه: الله عليش ياام العيون السود 

.
.

..بعد دقائق وصلووا للمركز ولف ل ابو محمد : انتظر لكم

..ابومحمد : لا ياولدي ما عنكمل الا بعد الظهر وان شاء الله يكون قد قلّ المطر

..نزلت وتين ومدت الكرسي لابوها وتراجعت لما جاء يوسف

..ساعد ابوها ينزل وساقة لاباب المركز

..خاطية خلفهم لما وقفة باب المركز وفي نفسة:ييييخ والفضوول شااسوق ابي بنفسسي

..لف يوسف وابتعد ووتين قربت ومسكت ابوها

..ابومحمد وعينة على يوسف اللي محترم ومنزل نظرة ومبتسم منه

..شكرة ابومحمد ووتين دورت الكرسي ودخلوا المركز

..بيتأملهم لما دخلوا وابتسم لاارادي وخطي

.

.

..في بيت ابومحمد

..كانين جالسات في الحوش بعد ماكملين يفعلين الغداء

..نرجس :اوووف مليت كل يوم مكروونه ولبن

..ميار بنظرات :احمدي الله غيرش بيتمناها

..خرج محمد وسمعهن واوجعه قلبة

..لفين له وافتجعين  لايصيح عليهن مثل كل مرة

..محمد ابتسم : ايش فيكن كأن شفتين ملك الموت

..ميار وقفت : ههههه ولا شي

..جلس واشر لها تجلس وبحدة : ووين هتلر

..نرجس بزعل : محمد وتين هية تحبك وتحنجك أكثر مننا كلنا لا تكرهها

..بنرفززة : وانا ايييش قلت ماهية تشتي تتحكم وماتسمع الكلاام تشتي تربية من جديد 

..نرجس بشجاعة: ايش تفعل ومادام وانت نسيتنا وقد اكبر همك بيت عمي

..ميار مسكت نرجس بمعنى تسكت

..بسرها بعيون تسطع شراره: بنننت لسانش قد طوول او هتلرر علمتش

..سكتت بقهر وهوه خطي ودخل صلا غرفة ابوه

.. بسر ومابحد

..عمار فتح باب الحوش وفي يدة كيس ومبتسم دخل وبسر خواتة متوترات والجو ماهوه تمام

..عمار : ايش فيكن ؟

..خرج محمد وبسر عمار وانهبل : وييييين ابي مااسرت معاهم

..عمار بضبح لانه زاعل منه: لا مااسرت ساارت اختتي وتين

..خارج الحوش

..كان راجعي من مقر ماوصلهم ووقف السيارة باب البوابة ومنتظر يفتحوا له شد سماعة الصياح اللي في بيت ابو محمد وبيسمع

..داخل الحوش

..محمد بصييااح : ليييش ماااتدوا لهااا  العسييب(حزام يمني ) مادام وقد هيه الرجال ولاعاد بتفعل لنا قيمة وتشل ابي وماتتكلم

..نرجس بزلة لسان : عممار كل يوووم يسيير معاهم اليوم هوه كان تااعب بس كلم نففسك انت قد يوم كلفت نفسك وسرت معاهم لااااا مثلك مثلنا

..فتتتح عيووونة بصددمة وقررب لاعندها : ايييش اييش قللتي ورفع يدة وضربهااا كفف بقووه لسااانش طووول هااااااه

..عمار تشنجين أعصابة وقرب يضربة ومسكة من خلفة : ماااااعلييييك من خوووواتي ياانذذذذل

..محمد لفت له وبدأوا يتضاربوا

..نرجس بكت وميار بتبكي وهم بيتضاربوا

.
.
..خارج تووتر لمن سمعهم بيتضاربوا والبنات بيبكين ومتردد يدخل

..ميار بصياح : عمااااار عمااااار خلاااص

..نرجس قربت تفك بينهم ومحمد دهفها بقووة

..كانوا يتضااربوا قوووي والبنات انفجعيين وبيصيحين

..محمد بجنان أخذ المجراف ويشتي يضربة و.......

..صاااحين بصووووتهن كلةةةةةةةة عمااااااااااااااااااااااار

.
.

البـارت الثامن 8☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــــــ

..عند وتين

..الدكتورة : الحمدلله في تحسن كبير وان شاء الله فترة قصيرة ويرجع يمشي

..استببشررت بفررح وبسرت ابوها اللي مبتسم وبيحمد الله

..وتين للدكتورة : يعني كم عاد يحتاج تمارين

..الدكتورة : شهر او شهرين وان شاء الله ماتروحوا اخر يوم الا ويشلش انتي

..وتين :ههههههههه ان شاء الله تسلمي يادكتوورة تعاملش وتفهّمش معانا ماشنسااه

..الدكتورة : واجبي ياوتين وعموة عاصم مثل ابي

..ابتسمت : ء كم الحساب

..الدكتورة : مع المرتين الأخيرتين 25 الف

..وتين قطبت حواجبها :  ليش ماليوم الواحد ب 15

..الدكتورة ابتسمت :خفضت لش السعر لا 10 الف واليوم انتي دفعتي 5 الف يعني مع الباقي وامس واول امس 25

..ابتسمت لها: شكراً لش

..بادلتها الابتسامة ووتين اللي الارض مش واسعة لها من الفرحة ل ابوها دورت الكرسي وخرجوا

..وهم منتظرين الباص

..وتين بلقانة: اباة الشهر اللي ع يجي اعمل حسابك ع تسوقني بالكرسي للبيت ان شاءالله

..ضحك منها  : هههههههههههههههه عوذبي من الشيطان

..وتين : ههههههه ايش فيها اشتي ابسر هوه راحه ولا لا

..ابومحمد :والله ياروح ابوش ماالراحه الا العافية

..وتين : الا صح العافية غنى

..قاطع مجبرهم الاتصال ل وتين

.
.
..نرجع لابيت ابومحمد

..مسكة من خلفة بقوة :صلي على النبي صلي على النبي ماالك يامحمد

..عمار بيشهق نفسة بصعووبه وقد انفه بينزف

..ميار ونرجس ردين الطرحهه على وجههن وتراجعين من الرجال اللي دخل ومسك محمد في اللحظة الاخيرة ولا كان محمد عيقتل عمار بالمجراف

..محمد بجننان وبيحاول يفتك من يوسف: فللّّتتتني اررربيييية

..عمار بصيااح : اتركة يايووسف خلينا نبسسر  ماعيفعل

..يوسف بتوتر : ياجماعة صلوا على النبي انتوا اخوه،،، وابوكم تاعب تخايلوا بسركم الان وكل واحد عيقتل الثاني ايش عيحصل له

..محمد كان يتنفس بقوة فك نفسة من يوسف و دهفه وخرج ولاحتى لف لهم

..عمار اشر ل خواته يدخلين

..ويوسف منزل نظرة وغاضِ بصرة

..بعد مادخلين قرب لاعندة بضيق : ايش حصل بينكم

..عمار بيتنفس بصعوبه مارد عليه

..يوسف بضيق : جي معي لافوق السيارة نبسر جروحك

..خطي معه وخرجوا من الحوش وطلعوا فوق السيارة ويوسف خرج الأسعافات الأولية وبيجارح له

.
.
..داخل في البييت
كانين بيبكيين بكاء يقططع القلب

..ميار بتبسر من الطاقه ومن بين بكاها : ل لوما ههذا ان عم عما عمار اهى اهى اهى

..نرجس بتشهق وحالتهن حالة مش مستوعبات ان محمد فعل هكذا

.
.
..نرجع ل وتين بتكلم سماء في التلفون
..الان انا منتظرة باب المركز

..سماء : وصلي ابوش وتعالي المعمل ضروري

..وتين : لييش ايش به ماليوم خميس مابش شغل

..سماء بقلة صبر : اليوم خطبة المديرة جي

..وتين :هههههههههههههههههههههههههه قد هيه عجوز ماينفع

..سماء بنرفززه: ااوووفف كم اكرره طبعش لاهوه رايق

..وتين وابوها بيضحكووا :هههههههههههههه لمو هكة (ليش كذا)

..سماء:يخخخخ لغاجتس تطلع لواحد الضغط المهيييم تعالي المعمل ضروووري

..وتين بنذالة:في اي شارع

..سماء طفحت منها وغلقت

..ردت التلفون لاقدام وجهها وابسرتها غلقت وضحكت

..ابومحمد من بين ضحكته :ايش فيكن

..وتين : ههههههههههه مدري مالها ابليس معلق فوقها بتتنرفز 

..ابومحمد:ههههههه وايش تشتي

..وتين :قالت اسير المعمل

..ابومحمد:ليش ماليوم خميس

..وتين :والله ماانا دارية قالت ضروري شااوصلك واسير ابسر ايش به

..وصل صاحب الباص ووتكلمت وتين بحدة: ليييش مستعجل عاده بددري

..ابومحمد ضحك:اخطي اخطي بعدا يفلتنا ويرحله

..نزل يساعدهم يطلعوا وطلعوا وتوجهوا للبيت

.
.
في بيت ابومازن

..وصل محمد وصورتة مقلوبة

..كانوا كلهم في الصالة عدا ابومازن

ورؤى بتشكل لهم الفواكة وكانت لابسه روب زيتوني ومحجبة

..اما سونيا لابسه جينز وبشعرها

..دخل محمد وام مازن ابتسمممت :واخيييراً شررفتنا

..لفتت تبسر من اللي بترحب به خالتها وبسرتة محمد وانحرررجت ولفتت ل سونيا اللي ماسكة تلفونها ولا في بالها

اول ماسار نظرة ل رؤى وهذه ثاني مرة يبسرها  لانهم مايسمحوا له يبسرها ابداً

..ام مازن لفتت وان رؤى عند الفواكة وانهبلت ومن بين اسنانها : خللاااص يكفففي اخرججي من هنا

..وقفت وخطيت تحت انظار محمد

..قرب محمد وبسر سونيا ونززل نظظرة بسرعةة ومادقق ولف ل ام مازن :عممممة ممكن نجلس لووحدننا

..ارتبكت من بنتها ومن محمد واشرت لها تقوم

..عوجت فمها وقامت وهيه بالكعب وبتفعل حركات تغاثي البطون

..بيسمع خطواتها اللي ازعجنّه وماعجبة هذا التصرف ابداً واستحقرها وفي نفسة:ايش التربية هذه راكنين ان احنا اجانب ماعدبش حياء ولا دين!

..ام مازن بسرتة كشر : هه هههههه ووينك ياولدي بالله عليك يومين ولا تسأل علينا

..جلس بضيق:ايش افعل

..ضبحت من حركاته وفي نفسها : انا ماغسلت دماغك تقتلب ضدي ولا تجنن على الكل اييش افعل ؛ صح شااقوم ادي له الباقي يوم الخطبة ماشربهن كلهن

..رفعت صوتها وضحكت :ههههه حبيبي يامحمد شااقوم ادي لنا عصير برتقال نروق وبعدين كلمني ايش ضبح بك

..اشر براسة بمعنى تمام

..وهي قامت للمطبخ بنفسها

..رؤى كانت في المطبخ بترتب وكانت بتخطى وتعرج من رجلها

..ام مازن بغضب وخبث : يعنني ضرووري تخلييه يبسسر وجهش ياحيوانة

..رؤى بحدة : انا متحشمة ومحجبة بعدين سيري كلمي بنتش اللي لابسه لبس استحي انطقة قدامه ولا استحت قليلة التربيةة

..فتحت عيونها : قد لساانش طوول بس الان مش وقتش يلاااة اخررجي من عنندي

..طرحت مافي يدها وخرجت وهي باب الباب استغربت من خالتها اللي ماتعرف تدخل المطبخ وليش اليوم دخلت رجعت على وارها وبتبسرها بشك

..سكبت العصير وفي يدها علبة صغيييره فيها طحين وبتضحك بخبث وسكبتهن

..رؤى فتحت عيونها بصدمة وتراجعت لمن شافتها خارجية

..خرجت ومتوجهه ل محمد : نووورت بيتك يااروحي

..ابتسم لها

..رؤى تضايقت انفاسها وبدون شعور ركضت وراء خالتها

..محمد بسر رؤى وقطب حواجبة ودق قلبة

..رؤى قربت وشلّت الصحن من خالتها : لاتتعبوا نفسكم ياخالة انا شااضيف ابن عمي انا

..تغييييرت ملامحها لا غضضضب وارتبكت من وجود محمد :ههه ههه

..شلّتة منها وهية بتررجف ومحمد مستتغررب لمح عيونها اللي لونهن كالبحر وهن مغورقات بالدموع ومش عاارف كيف اوجعة صدررة حس نظراتها لة كـ عتاب قااسي 

..ام مازن لو لا محمد لاتذبحها

.رؤى بحركة سريعة وبالقصد خلّت القلص ينزلق من الصحن واستكب للقع

..ام ماازن بصررراخ : لااااااااا

..محمد وقف وارتبك

..ورؤى لفتت ل خالتها بخوف : ء ء انا انا اسفة وطاارت مسرررعة وهيييه منحرررررججة وخايفةةةة نزلت للبدرووم وغلقت على نفسها وبككككت

.
.
..ام مازن اللي قد عتطفح ونادت الشغالة تنظف

..محمد اللي الان في دوامة تفكيير وإستغرراب من تصرف رؤى
.

البـارت التاسع 9☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــــــ

✨اوقف يازمن وشوف كل اللي وثقنا بهم طعنونا ✨ كتاباتي

.
.
..وصلوا لاباب البيت ووتين نزلت وصاحب الباص نزل وبيساعدوا ابوها

..يوسف كان فوق السياره هوه وعمار وجارح له وبيتجابروا لفوا للزجاج وابسروا الباص،،،، وعمار نزل من على السيارة

..لفتت وتين وبسرتة نازل من سيارة يوسف اللي بيبسرهم من الزجاج وكشرت بغضب

..عمار قرب لاعندهم وملامحة ماتطمن

..جلس ابوها على الكرسي ولف ل عمار : عمار ايش فيك ومن جرح وجهك

..وتين بخوف : تضاربت مع احد

..عمار بكذب: لا بس باب الغرفة ماكان يفتتح وكنت افتحة بقوه وافتتح وضرب وجههي

..وتين بحدة :تستاهل مثل مابين اقيمك الصبح وانت راافض وفاعل لي فيها أهل الكهف

..ابومحمد ضحك منها : ههههههههههههه يلاه مشينا

..وتين لفتت ل عمار: عاد معي مشوار دخل ابي وان تأخرت اتغدوا

..ابومحمد : وتيني اتغدي واخطي يابنتي

..قربت وباسته في راسه :انا فدالكم اتغدوا انتوا وانا شتغدا لما ارجع قد سماء أحرقت تلفوني اتصالات

..ابومحمد : طيب وطمنيني

..وتين : حاضر

..لف ابوه بالكرسي ودخلوا ووتين نزلت راسها وبتفتح الشنطة ويوسف بيبسرها وهيه مابتبسرة 

..نزل من السيارة ومبتسم ولف لها

..رفعت نظرها وبسرتة وفي نفسها :اوووووف اين ماخطيت وهذا المقعش قدامي،،،،، وخطيت

..يوسف بصوت : ء لحظه

..لفتت بحدة : ايش

..يوسف : كنت اشتي اكلمش ب ..ء...

..قاطعته

..تكلمت ومنزلة نظرها : شوف مش لما وافقنا اليوم توصلنا واتعبناك معانا تفكر انو نشتي نكلمك او نشتي خدمتك لا... شكراً لك ول وقفتك معانا وبس

..فتح عيونة وماعد قدر يتكلم

..اعطته ظهرها وخطيت ولا اكترثت له ليش! ومايشتي يكلمها

..يوسف وبصددمة تاامة : أيش هذي البنت ايش قلت☹ تنهد بضيق وفتح السيارة واشر للحارس يفتح له البوابه ودخل بيتهم وهوه مقوس شفايفه منها

..خاطية في الطريق وبتتحلطم : ماالان عيزيد بها ويشتي يكلمني وين مابسرني يخخ اغنياء تفكيرهم زبالة

.
.

..جالس وشارد في بيت عمة وبيتذكرر

..وتين : ياعيوني يامحمد مش ابي كلم عمي ان رؤى خلاص خطيبتك ليش القلق هذا

..محمد: بس ياوتين خايف انها ترفض عادها بتدرس

..ابو محمد : هههههههه تحبها لاهذه الدرجة

..وتين :اوووف يابااة  محمد من حين حب رؤى نسي حتى نفسه ونسينا معة

..ابو محمد لفت له :ههههههههههه الله يجمع بينكم على خير وان شاءالله نخطبها لك في أسرع وقت

..قاطع سرحانة صوت عمته : ذلحين ياولدي ايش رأيك متى نسوي العرس

..كشر بضيق ووقف: من وقته وعطاها ظهره وخرج

.
.
..خرج من بيت عمة والتقى ب ماهر

..ماهر :وين انت ياحيدي

..بضيق :ااااه ياماهر جيت في وقتك اخطى لابقعتنا

..وخطيوا بإتجاه المقبرة
.
.

..وصلت للمعمل وبسرت سماء جالسة لوحدها وكان وجهها ضايق

..سماء :واخيييراً شررفتي

..وتين بضيق :اووووف ايش به جننتيني

..سماء :مالش

..وتين بنفس :  خرجتيني في هذا الوقت والدنيا مابش احد وكنت اتخايل احد بيلاحقني

..سماء : الله،،،، وتين اللي بتتكلم لا لا مستحيل ويين الدنيا،،،، انتي لو يطلع لش جني أبو ألف راس ماتفتجعي

..وتين ضحكت : الله يقلع ابليسش الان قليلي اييش به 

..سماء :معي لش خبر عيخليش تحضننيني للبيت

..وتين:ههههههههههههههههههه ياساتر اييش هذا الخبر

..سماء بلهفة : اليوم الصباح اتصلت لي المديرة وكلمتني انهم ادوا لش مكافأة وارتفع اسمش عالمياً ويمكن مشروعش ينجح هنا وفي الخارج والدكتور امين يمكن يكافئش بـ أسهّم في شركتة

..وتين قطبت حواجبها وابتسمت :وليش كل هذا

..سماء : مش ب فكرتش للمستثمر في المعمل  بالمشروع ادت نتيجة ونجح مشروعة وقرر يكافئش وأيضاً نجاح مشروعش ولكل

..وتين بشبه فرحة : ضخم الحمدلله

..خرجت المديرة وفي يدها ظرف : حيييا بالكيميائية حقنا

..ضحكت بإحراج : الله يحييش يامديرة

..المديرة جواهر : ذكائش وتفكيرش العاقل رفع قيمتنا لدى المسثمرين وبيشكروا معملنا بجهودش

..وتين : هذا بفضل الله والحمددلله

..جواهر : الحمدلله....مدت لها الظرف: وهذه جائزة قليلة في حقش وان شاء الله تكون مناسبة

..وتين ترددت وبعدين شلتها وهيه محرجة ومبتسمة : تسلموو

..ابتسمت مننها ووقعت الملف وخرجين

..سماء بفررحة : الففففف مبررررروووك

..وتين بفرررح كبيير حضنتها

..ضحكت منها وبادلتها الحضن وعارفة ان وتين تعبر عن فرحتها بهذه الطريقة

..بعد موجة فرح

..سماء : ابسري الظرف

..فتحت الظرف وبسرتة 250 الف

..وتين انصدمت : سمماء مبلغغ كبييير

..سماء فرررحت لها : اللف الحمددلله

..ابتسمت برضا ورفعت ايديها:الف الحمددلله ياارب

..سماء :اييش عتفعلي بها

..جلست وتين فوق الطاولة وسماء جلست معاها

..وبإبتسامة:شكلي ماشااضوي الا وقد كملتها كلها

..سماء: اووف ليش شلي اللي تحتاجي وخلي حاجتكم

..وتين : والله ماانا عارفة الدين اللي علينا كثيير وبه حاجات ناقصة على اخوتي وأهم من هذا كلة علاج أبي

..قاطع مجبرهن الاتصال من عمار وقفت ولفتت ل سماء : ابي بيقلق واكيد الان منتظرين لي فوق الغداء

..سماء وقفت معاها : قد الساعه 2 اجلسي والعمل قد عيبدأ الساعة 3

..وتين : لا ابي بيقلق شااسير وارجع

..سماء : يلاه ولا تتأخري

..قربت وباستها :حاااضر ياهرمة

..ضحكت منها : يلاه انتبهي لنفسش

..ابتسمت وخرجت من المعمل وهييي فاااارحة وطرحت الفلوس في شنطتها وبتتخايل ملامح اخوتها وابوها لما يعرفووا كيف عيفرحوا

من خلف العموود بسرها خرجت وواصل يلحقها
(ماكانت بتتخيل كان احد بيلحقها صودق☹)

.
.
في بيت ابويوسف
..كملوا يتغدوا ويوسف وقف

ام يوسف : وين عتسير ياولدي

..يوسف : شااسير عند بيت عمي عنخزن كلنا

..البنات صيحين بصووت : رجعععت للقااات

..يوسف لف لهن بفجعة: ماااالكن

..ام يوسف ضحكت : خووفتنّه جعلكن الخير

..يوسف ل امه : يممه هولا مش بنات هولا بقرر بقرر وعطاهن ظهره وخرج وهوه بيضحك

..رقية بصوت: شااوريك من البقررر ياا يووزرسييف

..خرج وكان متشييك (متكشخ ) على افضل شياكة بالثوب والكوت والعسيب وبشعره الاسوود ابو قعشة كيرلي من تحت القوباعة،،، رد النظاره على عيونة وخاطي مبتسم شغل سيارتة وخرج

.

.
..عند وتين
..بتوزع نظرها ومابش لاباص ولااي شي والشارع فاااضي
..خطيت وكانت تحس بأحد خلفها ومتأكدده

..كان حرريص انها ماتبسرة وبيقرب منها اكثر

..بذكاء منها ماكانت تلتفت لان المكان اللي هي موجودة فيه بنايات وشجر اكيد  عيتخفى خلفهم

..خاطية بكل قوة وصح مفتجعة هي في الأخير بنت بس قوتها بتغلب خوفها

.

البـارت العاشر 10☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ــــــــــــــــــــــــــــــــــــــــــــــــــــــــــــــــــــــــــ

.. خطي بالسيارة وبالصدفة كان في نفس الشارع اللي خاطية  فية وتين

..كان منزل راسة للكرسي اللي جنبة بيدور على شي وقف السيارة بهدوء وجالس بيدور 

..من بعيد بسرت سيارة وكأنها حست بأمان لان مابش معاها شي تدافع عن نفسها

..كان لابس قناع وبيلحقها بخفة ومستغرب انها مالفتت تبسره

..وصلوا لامكان فية حجار خييرات وكان بعيد من السيارة بس 3 أمتار

..وقفت بكل قوة

..وهوه خرج المنوم وتقدم وقددة قررريب منها قووي

..في هذه اللحظة يوسف رفع راسة وبسرهم واصتدم:اييش هذا
..ونزل من السيارة مسرع

..نزلت نفسها وأخذت  حجرة كبيررة ولفتت بسرعة ورمتـة في راسة

..صيييح بصوووت وتراجع :اااااااااااه

..وتين أخذت حجرة ثانية ورمتة في رجلة وبغضب وبصوت متقطع: من مفككككر حااااالك ياااحقققير

.. وقف وقررب ودهفها بقووة وشل شنطتها وهرب

..وصل يووسف ومسكة من ظهره

..بحرركة سرريعة خررج السلاااح وأشرة بإتجاههم

..بتهديد والسلاح مأشر عليهم : ابتعدووا ابتعددوا ولا والله لااقتلكم 

..يوسف بيطلع انفاسه بصعووبة : ادي للبنت شنطتها

..وتين تضايق نفسها وعيونها دمعين وبتلاحق نفسها بعصبببية

..خطي على وراه والسلاح مأشر صليهم وقرب بإتجاة متر(دراجة نارية) كان في أخر الشارع ركب علية وعينة عليهم

..وتين بصراخ : ياااااحقيييير هاااات الشنطططةة

..شغل المتر وطاار مسررع

..رجع يوسف على وراه ومسرررع  وركب علىى السيارة وشغلها وأسررع وراااه ومالفت ل وتين

..مسكت على راسها بإنهيار: ي يااالله ي اللله رحممتك
..بسررت باص واشرت له يوقف،، ووقف وركبت وقالت له يلحق السيارة السوداء ولحقتهم

.

.
..في بيت ابومحمد

..نرجس بدلع:ياباباه قد قالت لكم اتغدوا خلاص ليش ننتظر لا معاها عمل خلينا نتغدى

..عمار بسرها بحدة: انتي مابتفكرري الا ببطنش

..ميار ساكتة بضيق

..ابومحمد ركز عليها:مياري مالش ياعيوني

..ابتسمت بضيق :ولاشي الله يحفظك

..ابومحمد :خلاص قومين قربين الغدا واتغدين وانا شنتظر وتين

..عمار: لا اتغدا معانا وبعدين معك أدوية بعد الغداء مباشرةً مايصلح يتأخرين

..قامين البنات يقربين وكان الغداء مكرونة ولبن

..ابومحمد بضيق: ومحمد وينه

..عمار كشر بضبح

..ميار بغصة:اكيد في بيت عمي

..سكت ابومحمد بقهر من تصرفات ولدة اللي المفروض يكون العاقل منهم وانه الطايش

.
.
.. نرجع لوتين

..عند يوسف كان يسسرع خلفة ولا ابتعد نظرة منه

..فوق المتر خطي من طررريق مهجورة وبيبسر وان السياره السوداء باقية بتلحقة

..وتين فوق الباص بصووت متقططع  وبحدة:خليييك وراء هذه السياارة لاتضيييعها

..وصل المتر لا أرض كبيره وفاااضيه ووقف ونزل

..نزل يوسف بعدة وبصوت: ماابش لك مهرب هات الشنطة واحفظ روحك

..لف له بالمسدس: شكل اليوم امك ترحمت عليك

..كان معه الآلي لانه شلة من السيارة ورفعة لاوجهه: والله شكلهم دعوا لي اقتل واحد

..انفججع وتراجع

..نزلت من فوق الباص وبتقطيع نفس: اننتظر وشاااحااسبك وجزعت مسرعة لاعندهم

..صاحب الباص بسر الرجال اللي تحت في الأرض والاثنين بالسلاح افتجع وراح له 

..نزلت بسررعة لاعندهم

..قرب لاعنده ومأشر بالآلي بإتجاهه

..بخوف وصيااح: ايييييش دخللك ممننني ماااعليك

..يوسف بهيبة:بين اقل هاات الشنطة واكشف عن وجهك ياجبان

..خطيت من خلف السارق ويوسف لمحها وفتح عيونة بصدمة ايش جابها،، ارتبك وبيحاول يلهية علشان مايلف لاخلفة ويبسرها : ء اا هات الشنطة واخطى ماشا ابلغ علييك

..قربت منة وفي يدها حجرة كبيررة

..ويووسف خااايف عليها لايلف ويطلق عليها رصاص بالمسدس وانفااسة بتضييق

..السارق بنذالة: ايش عررفك بـ وتين ومن انت

..بدوون اي مقدماات ضربته بقوووة في رااسة لما ترك الشنطة والمسدس ومسك راسه وتكلمت بصوووت: الجنننن

..يوسف فتح فمة بصدمة

..أخذت المسدس والشنطة وأشرت المسدس لاوجهه : من انـت يا مننحط من انننتتت!!!!!!

..يوسف قررب ومسسكة وبسررة قده بينزف 

..بيحااول يهرب وهم حاوطوا علية وتين موقفة ومأشرة المسدس صلية ويوسف ماسك لاايديه لاخلف ظهرة

..وتين بحدة:اكششف عن وجهه

..يوسف لف لها بلقانة: الله اقتلبنا في فلم أكشن وانتي البطلة بتدي أوامر اومه

..بسررتة بحدة عيونها بغضب

..تأمل عيونها اللي خلاص ذااب فيهن وبضحكة : ههه خلاص خلاص لاتفجعيني بنظراتش انتبهي تقتليني باللي في يدش

..بدون مقدمات رفعت المسدس للجوّ واطلقت رصاصة ولا أهتز لها كيان وبصوت: بينن اقل اكششف عن وجههه للخبالة

..يووسف انففجع وقوس شفايفة بصدمة،، تمتم بهمس : هذا عقيد معسكر مستحيل انها بنت 

..وتين بحدة:يلااااه

..شال القناع عن وجهه ولف لها بحدة: كشفنننا ياعسككري

..وتين فتحت عيونها بصدمةةةةة لمن بسرته وعرفتة :اننننننت ياااااااحقييير

.
.

..في فلة ابومازن

..بعد ماروح محمد نزلت لاعندها للبدروم وماهي  ناوية ل خير كاانت تضررب الباب بكل قووة : افتتتتحيييي يارؤى والله لاأوريش نجووم الظهرر

..كانت تبكي بخووف وترجف :يااااربي ياااااربي ابعد عني شرهاا يااالله إهئ إهى إهى

..نزلت الشغالة : أتى بابا وليد ويقول أين ماما غصون 

..لفتت لها بعيوون تسطع شر: وييينه الان

..الشغالة بخوف :برا حديقة

..لفتت للباب وبصوت:شرجع لش يا***

..وطلعت

.
.
..رؤى بكت منهارة وعارفة ان مرة ابوها بعد ماخربت خطتها اكيد مش ناوية لها ل خير قامت مدت سجادتها وبتصلي وبتبكي بحررقة

✨ في غـياهِـب الظُلّم كان لي هناك أثراً كبيراً ✨ كتاباتي

.
.
جالسين في المقبرة ومحمد ضايق من وقت ماخرج من بيت عمة وبيذكر رؤى ودموعها ونظراتها اللي خلتة في دوامة بيفكر لما يوجعة راسة

..تنهد بضيق من حال صاحبة :طيب انت ليش قدك هكذا مابتحس بنفسك او كيف

..بقهر ودموعه تسبق كلامة: والله ياماهر ان انا مااذكر ايش حصل الصبح الا خييال مش مصدق اننا كنت شقتل اخييي

..ماهر بيسمعة بقهر

..سند راسة للقبر وبيتكلم من بين دموعة: مشش عاارف ايش بيحصل لي مش عاارف كل ماابسسر أخووتي وابي ماعد بين اطيق وجودهم وصلت معي اننا ضربت وتين واليوم ضربت نرجس وكنت شقتل عمار وميار واصل أهزئها و ..... سكت بقهر

..ماهر :وايش

..محمد:رؤى اليوم بسرتها وكأنني رجعت للماضي تصددق ياماهر مااذكرش كيف افتسخت خطوبتي بها ماااذكر شيي ضااااايييع ضاااااييع قووووي نفسسسيي ضيييقة مششش عااارف اييش اششتيي قد شجننن شجنن ماابين أحس بتصرفااتي مابين أعررف ايش افعل بين ابسرهم بيهربوا منيي قدنا وحش وحش حتى رؤى اليوم عاتبتني بعيوونها

..ماهر بقهر : محمد معقول انك ء....

..محمد مسح دموعة ولف له: ايش

..ماهر :مـــســحـــور!!!!!!
.
.

البـارت الحادي عشر11☆
فـي خـبـايـا الـظـلّام تـعـلّمت القـوة مِـن عْيّنيـهـا ...🖤

للـكاتبه/ توليـ,ـن سنحانـية🍂  .
ـــــــــــــــــــــــــــــــــــــــــــــــــــــــــــــــــــــــ

..عندهم

..يوسف بإستغراب :تعرفية !

..وتين مطنشة يوسف وبصوت ل مازن اللي معبى دم :وصلت معااك السفاااههه والنذاالة انك تهجم على بنت ومممن هذذه البنت للأسسف بننت عممك وعررضك ياااحقير

..كان يفتح عين ويغمض عين وبنذالة وصوت مبحوح: ان انتي وت يني وبيضحك بخبث

..يوسف حررقت أعصابة وضربة كفف لاإراادي

..خطيت من جنبهم وفتحت تلفونها ودقت للأمن
.
.
نرجع ل محمد
..بصدمة : كيف يعني

..ماهر :يعني احد سحرك على أهلك ونفسك

..محمد بضيق : بالله عليك انا بين اشكي لك همي وانت تتكلم بـ هذه الخرافات

..ماهر : محمممد هذي مش خراافات والله ان بة بشر مايخافوا الله ولا رسولة ومايتركوا احد مرتاح وانت باين عليك هذا الشي ابسر كيف مابتعرف ايش بتفعل بإهلك ونفسك وتصحى وقد انت ناسي وتصرفاتك كلها ماهي طبيعية يعني ايش والله الأمر واضح

..محمد ماعجبة الكلام: اوووووف ممنك ومن كلامك انا جيت اشكي لك ارتاح زيدتها عليا

..ماهر سكت بضيق

..قام ووسنب وخطي وماعد كلمة

..ماهر بصوت:محممد وويين ...محمدد

..خطي ومارد علية
.
.
عند وتين
..بعد ربع ساعة وصلت الشرطة ونزلوا وحاوطوا المكان

..الشرطي ل يوسف اللي قد ربط مازن ومسنب جنبة :ايش بيحصل هنا ووين اللي بلغت

..وتين من خلفة : انا

..الشرطي : من اللي تهجم عليش وحاول يسرقش

..اشرت صلا مازن اللي وجهه معبى دم ومبتسم بنذالة

..الشرطي بحدة  : من سوا به هكذا

..يوسف قده عيتكلم ووتين قاطعتة

..انــا

..الشرطي بضبح : لو تووفى انتي عتتحملي المسؤلية

..بحددة : يتوووفى بالناااقص وبعددين هذااا دفاااع عن النفس ماتشتيني افعل اصفق له

..لف ل يوسف اللي متصنم من كلامها: وانت من

..يوسف :انا اللي لحقتة ومسكتة

..جلس الشرطي يحقق معاهم لما طفح ارواحهم وأشر للعسكر وشلوا مازن وراحوا لهم

..بقيت وتين ويوسف مسنبين وبيتأملها بصدمة : ليش ماتدي لهم السلاح

..وتين بهدوء وهية بتفتح شنطتها وحطته فيها : ماكان داعي ولفتت له : وشكراً للمرة الثانية على وقفتك النبيلة

..يوسف بإبتسامة :هذا واجبي

..وتين ابتسمت وعطته ظهرها وخطيت

..يوسف رفع حاجبة :ووين

..لفتت : كيف وين!  أروّح

..يوسف بلقانة: على مااعتقد مابش باص مورع (منتظر)  لش ومابتبسري هذه المنطقة مهجورة مافيني اذا بسرش خاطف ثاني قد توترين اعصابي بما فية الكفاية حطي غرورش ع جنب واخطي اوصلش

..سكتت بضيق وماعرفت ماترد فعلا المنطقة اللي هم فيها مهجورة وماعتقدر تروّح لوحدها 

..خطي قدامها وطلع لامكان السيارة ودخل شغلها ومنتظر لها

..خطيت بحياء ومحررجة منه ومتوترة ومش عارفة ايش تفعل فتحت الباب الخلفي وجلست خلف الكرسي القدام بعيد من المراية

..وخطيوا والسكووت سيد المووقف

.
.

الساعـة أربع عصر
..في بيت جديد علينا

..ام يوسف : هههههههههههههههههههههه أقسم بالله ان الجلسة عندش يا سماح تريح القلب

..سماح (أم وفاء) : ههههه انا فدالش ونورتي ذمار مرة ثاني ي مُهّاني

..ام يوسف بتبسر وفاء بنتها اللي جالسة مع رهف ورانيا بهدوء وبتتحيلا لها

..ام وفاء :ماقلتيلي ويحين عتخطبي ل ولدش اللي مثلة قد معاهم جهال

..ام يوسف ابتسمت : والله ان احنا سافرنا ذمار علشان أخطب له

..ام وفاء:هههههههه كنتي عتخطبي له صنعانية

...ام يوسف : هههههههههه لا أشتي أخطب ل إبني من بلادنا اللي تربينا وكبرنا فيها ولفتت ل وفاء وابتسمت

..وكملين مجبرهن ومرتاحات

.
.
نرجع ل وتين
..وصلوا لاباب البيت ونزلت بسرعة ومالفتت له ولا تكلمت

..ابتسم منها وبسرها لما فتحت الباب ودخلت وضحك ولف بالسيارة وخطي بيت عمة وهوه كل تففكيرة عندها

.
.
..دخلت للبيت ووجها مايتفسر بسرت خواتها في الصالة بيتفرجين الشاشه

..نرجس بضحكة وهي ممدده :حيييا بهتلورتي قد عنتغداء مرة ثانية وعاد هي جات

..ابتسمت وجلست :اوووووووف ميار ادي لي ماء

..ادت لها الماء ووتين شلته منها وبتشرب
..نرجس شلت الشنطة وفتحتها وصيحت :يممممممة

..انفجعت وتين لما اشترغت وبتكح

..ميار بفجعة :نررجس ماالش

..نرجس لفتت ل وتين ببلاهه : من قد قتلتيي

..ميار فتحت عيونها بصددمة ولفتت ل وتين اللي بتكح بقووة

..قربين وبيضربين في ظهرها ومفجووعات

..رجع نفسها ولفتت لهن بغضب : اييييش بت بتقول ي ورجعت تكح

..بعد موجة توتر
..نرجس بخوف: وتين ايش هذا الذي في الشنطه

..وتين بحدة: اشتتي أعرف انتي عقلش وين نكعتية

..نرجس بنظرات: اييش جاب المسدس والززلط هذه كلها لاعننندش

..وتين بلقانة: ايش رأيش ادي لش العصا وتضربيني

..ضحكت وحكت حاجبها :طيييب قولي لي

ميار بسرت الشنطة وفتحت عيونها بصدمة وقاطعتهن :من وييين جبتتيهن

..نرجس ل ميار : قلت لش هتللر قتللت يامياار ويمكن سرقت

..ميار : لاااااا هتلر ماتقتل وماتسرق

..نرجس بهبالة : ابسرري مسدس وفلووس وهتلر في الوسط يعني اييش خليش فطينة

..وتين بتبسرهن بصدمة ومقوسة شفايفها بضحكة كيف ولا سمحين لها تتكلم

..ميار ونرجس بصووت ل وتين:ماااالش سااكتة

..وتين :لييييش سمحتين لي اتكلم من حقكن الهدرة

..نرجس بلقانة: شوفي اكلمش من الان ماحد عيكون يدي لش الاكل للسجن مش فاضيين للمغامرين عيس تعاقبي

.. فتحت عيونها بصدممة

وميار ضحكت :ههههههههههههههههههههه نرجس ايش بتدوري تشتي وتين تقوم تقتلش من صدق وتدخل السجن

..وتين : اقسم بالله مافيكن شوية عقل

..بيبسرنّها ببلاهه ومنتظرات تتكلم

..وتين أخذت نفس عمييق وبسرتهن : يابقراتي الفلوس جابوها لي في المعمل و ء

..وقاطعتها نرجس:والمسسددس

..عصصببت وغلي دمها وسكبت الماء لاوجهها :اصصصصصص خليننني اتكللم

..ميار :هههههههههههههههههههههههههههههههههههه

..محست وجهها من الماء وسكتت ولاعاد ادت نغمة(ولاعاد جابت صوت)

..وتين كلمتهن بـ كوول شي وفي كل موقف بيشهقين

..ميار بزعل :الله يقلع وجهه التافهه وصلت معه لاهذا الحد

..نرجس بهيام :الصدق الصدق ماعجبني الا موقف يوسف كيف أنقذ أختي مثل البطل ياااي

..ميار مسكت على فمها وضحكت

..وتين شلت الوسادة وضربتها : او بييين احكيي لش رووواية تهيمي

..نرجس بزلة لسان: اوف هاليوسف الصبح أنقذ عمار وبعدين أنقذ أختي امانه انه بطل

..ميار بتأشر لها تسكت

..وتين قطبت حواجبها :ايش دخل عمار

..نشف ريقها لمن حست نفسها انها ودفت

..وميار ضربت وجهها بكفها بضيق

..وتين ونظرها عليهن : مابةة اتكلممين

.
.

بارتـات يومنـا قراءه ممتعه 👆🏻😍
#يسعدلي_اوقاتكم 😍❤

هنا بلادي الخضراء والجمال القناه مميزه نورها 😍❤

https://hottg.com/R_A_H_AR

أهلا بيك يجميل في مجلد روزالـيـن💘 .
هنا أجمل مجلدين على التيلجرام، أجمل استوريهات وتس، ألطف محتويات ( كارتون،حب، دينيه،اقتباسات) هنا ڪُل ما تبحث عنه انضم وتصفح بنفسك 🫣💘💘.
خمس دقايق وهحذف المجلد 📌
https://hottg.com/addlist/pTyeLmmKslZkNjc8

للاشتراك في الدعم 💘.
@Rozaleen33
لو محظور 💘.
@Rozaleenbot