ذس اس بطل الساحة🤤🩷🧴✅✨✨✨✨✨✨✨

إذا عدكم جلد الوزة خشونة بالركب والاكواع شوية اسمرار شووووية يعني تصبغ بسيط مو عميق تصبغ اعتيادي هذا البطل يگدر يوحدلكم لون جلدكم بالأستمرارررر طبعاً وبي نسبة من اليوريا هي الي مخليته يصير بطل هيچ

قوامه لوشن خفيف ع مائي وايضاً خالي من العطور بس بطل بطططططل ١٠/١٠🔥
وي استمرار ترطبيكم لجسمكم من خلاله كلش راح يقلل من ظهور الشعر تحت الجلد الي سببه طرق ازالة الشعر المعروفة
تستخدمينه بعد الحمام وجسمچ يكون رطب تدهنين كل جسمچ بي ++ عادي ترطبين بي بالنهار والليل بس استخدمه فقط بالليل خوش ترطيب عليه وبالاستمرار ينعم الجلد هواية ويسوي بي لمعة حلوة نسميها اللمعة الصحية✅🤏🏻✨✨✨

ترا الجسم حالة حال الوجه اله منتجات وعناية خاصة ينهمل يخرب يتدارى يصير يخبل🥹🤏🏻✨✨


أعادة توجية بدون حذف الحقوق
المدربة حوراء الياسري
@hawra31

- الرساله ؛ اني حالتي نفس البنيه الكالت عندي خسفات واريد اكبر الأرداف هم سبحان الله كلشي نفسي حتى نفس الوزن بس الزوائد معندي واريد نصيحه منج اني هم اشوف الخسفه شي طبيعي بس مرات اباوع لجسمي اشوف المؤخره زغيره فا الخسفه مبينه انطيني حل

منطيتكم الحل صار قرن

اقروا هالبوستات💕.

باقات اشتراك جديدة🌈🤍✨✨✨

للأشتراك بالتدريب الشخصي والمتابعة ( اسعار مناسبة للجميع حسب طلبكم بعد ما چانوا باقات اثنين فقط والأفضل ع الاطلاق بسس انتم بعد شسويلكم🥲🫰🏻💕)

1- نظام غذائي فقط لمدة شهر 50 الف ( متابعة كل 10 ايام مرة)✅

2- جدول تمرين فقط مدة شهر 50 الف ( متابعة كل 10 ايام مرة) ✅

3- نظام غذائي مع كتاب مرشدك الغذائي 70 الف (متابعة كل 10 ايام مرة)✅

4- جدول تمرين مع كتاب مرشدك الغذائي 70 الف (متابعة كل 10 ايام مرة) ✅

5- نظام غذائي مع كتّاب وتمارين 120 الف ( متابعة كل 10 ايام مرة)✅

6- نظام غذائي وكتاب ومتابعة يومية 150 الف✅

7- نظام غذائي وكتاب ومتابعة اسبوعية تبقى نفسها 130 الف✅

الدفع:
عن طريق زين كاش او مندوب يستلم منكم ( الأشتراك الدولي متاح)

بوت الحجز ( اي مسج غير عن الأشتراك يهُمل) :
@Halyasiri_bot

-
صباح الخير حبيباتي🌞💕💕💕
بما انو نزلت باقات جديدة الكم وطبعاً هاي الباقات هي الأفضل للكل حسب طلبكم وارداتكم انتم والا لو عليه ما اخلي فقط الباقات الأثنين الموجودة صارلها حتى بالسنة واكثر!

بس ؏ گولتكم ممكن انو وحدة تعرف لجدول الأكل بس جدول التمرين ماكو عدها او العكس المهم لذلك سويتلكم اكثر من باقة وحدة تشتركون بيها حسب الي تريدونه اكيد وحتى تجوني وانتم مطمئنين تماماً!

بس الي تريد تضعف او تغير وزنها للأفضل وتشوف الفرق بعينها فـ خلي تخلي براسها شغلتين وهي:

تگطعين الأكل حتى تضعفين❌❌❌❌
خصوصاً لو چان وزنچ عالي راح تضعفين صح بس شتضعفين تعرفين شراح تخسرين انتِ من جسمچ؟
وراح تبقين طول عمرچ حارمة نفسچ؟؟؟
١٠٠٠٠٪؜ ترجعين تاكلين من بعد الجريمة الي سويتيها بنفسچ الأخضر واليابس وترجعين دبل وزنچ الي چنتي ما راضيه عليه خليها ببالچ كتلچ كلش زين هاي النقطة!

++++ لا تتوقعين اذا انتِ من جماعة نقصان الوزن تركضين للرياضة وتعوفين الأكل الي هو الاساس الاسسسسساس الاسسسسساس برحلتچ يعني تخيلي اكل صفر قيمة ومجهود مو طبيعي شسالفة!!

جسمچ وتغييره يعتمد ع تحُسن نظام وجدول اكلچ بنسبة ٧٠٪؜
روتين حياتچ الباقية مثل ( النوم وغيرها بنسبة ١٠٪؜)
ويعتمد ؏ الرياضة بنسبة ٢٠٪؜

فـ المختصر لو انتِ رايده تشتركين وياي وتردين وحدة من الأثنين اما جدول تغذية او تمرين فـ اختاري التغذية اكييييد🤝✨✨✨

وهذا اقوى سبب عندي چان اني ما انوع بالباقات حتى لا تركزون ؏ شي وتهملون شي ثاني🫠💔💔

والسلام عليكم ورحمة الله وبركاته🫡💕💕💕

المدربة حوراء الياسري
اعادة توجية بدون حذف الحقوق
@hawra31

اعمال ليلة القدر🌙♥️.

لا تنسوني ووالدي من دعواتكم♥️.

ابسط الأعمال سووها والي تگدرون عليه اهم شي ما تضيعون هاي الليلة من ايديكم!
انتم تعرفون شگد ثوابها عظيم وابداً ما حاجه اجي اني واگلكم بس جاي اذكركم لا غير💕

واهم شي تدعون لكل ناسكم واحبابكم لعل اكو احد بحاجة الدعاء فعلاً وذكركم اله راح يهون عليه هواي بلاء، وتقبل الله مقدماً منكم وعسى دعواتكم مستجابة كلها🤲🏻💌.

اسمعوا الڤيديو زين🤍🤍🤍.
@hawra31

-
الله نعم عليكم بليالي الدعاء بيها ما ينرد شتردون بعد؟؟؟
وشمنتظرين؟؟؟
ليالي القدر وين اكو اعظم منها؟
السماء عبالك مفتوحة والملائكة تنتظر بس تطلب حاجتك ودعوتك حتى تسجلها ورب العالمين اذا چان الك بيها صالح يحققها متخييلين؟؟؟


لا تطلبون طلبات عاددددية شبيكم؟
كافي عدكم ايام السنة كلها وانتم تدعون بطلبات عادية اطلبوا شيييي عميق يسبب الچ نقله بحياتچ☹️😍

خلي قلبچ وعقلچ تارسه الإيمان ان الله سبحانه راح يحقق طلبچ ע محالة💕💕💕💕

ولا تنسوني من دعواتكم🥺🫀.
إعادة توجية بدون حذف الحقوق
المدربة حوراء الياسري
@hawra31

عمري ما طلبت شي لنفسي تدرون؟
كل الي اطلبه أمور عادية چنت كلش ودائماً اقدم ناسي عليه بحيث لو ادعي لروحي لو ما ادعي🥲
بعدين تفطنت ؏ روحي گلت اني شجاي اسوي؟
اوك اذكرهم وادعيلهم بس ما اقدمهم ؏ نفسي لأن غلط هيچ وراح ينعكس سلباً عليه

-
‏ادعوا الله بكل حاجة بخاطركم حتى لو طلب صغير ينفعكم بباقي حياتكم أن يتوفر الكم ويجيكم اطلبي من الله حتى
كل الأمور و الأمنيات و الاهداف اللي ودچ تتحقق وتتسخر الچ حياتچ وأفضل وأجمل الاحتمالات فعلًا فعلًا اطلبي من الله كل ما يجول بخاطرچ صغير او كبير وتذكري إن الله لا يعجزه شيء وانه يعلم حاجاتچ وما يجول بخاطرچ لكن المطلوب منچ ترفعين ايديچ وتدعين بكل يقين وتسعين و اقل شي إنچ ترفعين ايديچ وتطلبين الله اللي بخاطرچ🥺💕💕💕💕

المدربة حوراء الياسري
@hawra31

ايام وترجع فقط اسعار الأشتراكات القديمة الي هما الباقات الاثنين الكاملة اليومية والأسبوعية ماكو كل التفاصيل المنشورة فوگ الي تريد تستغل الفرصة من هسه✨

‏‌تحدَّثوا مع الله، لا تتراجعوا عن البكاء، عن البحث في ظلمة الليل من نور طمأنينته، لا تحاولوا أن ترتِّبوا الكلمات، وتستهلكوا وقتًا في الصمت، إنه يسمع جميع اللغات، اللهجات، الحسرات، الأوجاع، الخدوش، النزاعات، لا تفرضوا معادلات غريبة وصعبة للوصول إليه، ستجدونه في كل مكان و في كل وقت🕊️✨.

- الرساله ؛ اكول هاي شلون اني بقناتج من ٢٠٢٠

- الرساله ؛ مدري ٢٠٢١

- الرساله ؛ هسه لاحظت

لأن قناتي موجودة وياكم من ٢٠١٩ يعني سنين مو يوم ويومين ومن خلال تواجدي بيها نقلت الكم كل المعلومات الصحيحة بجميع جانب تطرقت اله بالقناة بالذات اختصاصي التدريب ( تمارين وتغذية)
واخذتها كـ جانب لتغير الف بنية ( هذا الي اتذكره بالضبط ) والعدد مستمر بالتزايد والمعلومات كلها علمية بحتة مبنية ع دراسات وبحوث مو هبد بهبد وهذا الشي واضح من نتائج مشتركاتي بنية بنية +++ حتم بمجال البشرة والشعر جاي احاول اتطور بيها وكلتلكم شكو شي ماسكات ومن هالسوالف چنا نسويها فهي خطأ وتدمير النا ولبشرتنا لأني تعلمت كل المكونات والمواد الاساس الي لازم نستخدمها ونبتعد عنها + حتى الي ذاكرته الكم وطلع بالنهاية مغلوط اجي واحچي الكم واوضحة ويمكن لأني رغم ابتعادي عن القناة الى انها تعتبر لحد هذا اليوم مرجع كامل من المعلومات لشكو شي محتاجينه والمواضيع اغلبها حاچيه بيها ومتطرقة الها بصورة مفصلة🥹✨✨

وهذا السبب الي يخلني عايفه القناة وما حاذفتها رغم عدم نشري
لأن ادري اني ناشره اشياء كافية ووافية💋