نزال في ليلة عزاء القاسم
يبني فدوه لشوفتك
روحي اخذهه ابهجمتك
للحرب طب يقاسم للحرب للحرب
.......................................
للمعارك طب ييمه والحرب تفصالك
سيفك وكشخة قتالك والحسن تحلالك
خلي كل جيش ال اميه تخاف من اخيالك
وبالشهاده ابدم وريدك تنختم اعمالك
يسره اكَلب عاليمين
فدوه نحرك للحسين
للحرب طب يقاسم للحرب للحرب
.......................................
بالبدايه اوكف ييمه وارتجز حاجيهم
بالسهام ايجاوبونك هذا جهل البيهم
عاند احفاد السقيفه زلزله وطب ليهم
توكَع ابلا روس بعدك من تصول اعليهم
كَلهم انه ابن الحسن
ابن حلال الفتن
للحرب طب يقاسم للحرب للحرب
.......................................
زلزل الجيش ابحسامك خلهم ايعرفونك
ابن اخو العباس انت اشحدهم ايردونك
من الحسن كلهن صفاتك هيبه ويهابونك
عزمك من حسين بالطف واضح بمضمونك
خلي سيفك بالركَب
نار والروس الحطب
للحرب طب يقاسم للحرب للحرب
.......................................
بشسع نعلك جيش اميه البسهم ورد حارب
حته لو ضربه اعله راسك توكَع اترد غاضب
مثل جدك حيدر انت طبرتك للحاجب
طفك المحراب يبني اتصلي وانت اتحارب
انت يامن هلى اتى
عالاعادي لا فتى
للحرب طب يقاسم للحرب للحرب
.......................................
يمه راح اجرع مصيبه راسك ايكَطعونه
ويانه من نمشي سبايه برمحك ايرفعونه
واحنه نسوان ويتامه نبقه ويشتمونه
من البجي عليكم يغالي راحو ايحرمونه
وجن تكول ادللي
من يصد راسك الي
للحرب طب يقاسم للحرب للحرب
الشاعر
ياسر العارضي
>>Click here to continue<<