أبوذيات حسينيه
الامام علي السجاد ع...
الكوم الما يعرف الخطأ من صح
ابذبح يستقبل اللي جاي منصح
ابوي ابيوم للايمان من صاح
ألكوم اتجاوبه اسهام المنيه
. . . . . . . . . .
يرسي اعله الحزن والهم بلاماي
والطف عايش ابروحي بالامي
أبوي حسين من شفته بلاماي
انذبح عطشان شبت نار بيه
.............؛
هم دنياي اعيشنها على هم
أبوي اعله الرمح راسه علاهم
بس من شافني ابكصته علا هم
عليل وصعبه مجتوفات اديه
السيده زينب ع..
بناتج آخ يـــــــــازهراء يمهن
نهاره وليله اسود صار يومهن
بعدعبــــاس بس حسين يمهن
شويه وتاخذه اسيوف ال اميه
. . . . . . . . .
زينب وابقه اصفك راح وي راح
بعدهم بالدليـــــــــــــل آلام ويراح
مثل حنطه اصبحت ياحيف وي راح
تدور وتطحن الاهات بيه
. . . . . . .
زينب ماكو هم يكرب لهمها
ولمصايب لها زينب لهااُمها
السان النار كل خيمه لَهمها
وبقت زينب الخيمه الهاشميه
. . . . .... . .. . . . . . . . . .
التل تحت رجليها لهاون
ومن تطلع كلبها ايدك لها وين
اويلي شلون إذا ونت لها ون
حنين ايهز عرش رب البريه
السيده رقيه ع...
رقيه امدلِـله آنه وبت عز آنه
اعله ابوي حسين عرش الله عزانه
من اول قطره من نحره عزانه
بده ومـــاينتهي يالجعفريه
. . . . . . . .
بعد حسين ابوي اني ويمي
سبيه باول اسنيني وايامي
ابحلم وحسين جن كاعد ويمي
شبكني وكالي شلونج رقيه
. . . . . . . . . . . .
رقيه وشفت ابوي اهناك يومي
انه بساعتها اسود صار يومي
روحي اتمنه ذاك الحين يوماي
جان انطيها كون ايرد اليه
للامام العباس ع..
من ايميني جيش اعداي ياعن
شمالي والجربتي اسهام ياعن
تتنطر سكينه الماي ياعين
لاتطفين دربي ايطول بيه
. . . . . . . . . .
خواتك من بعدعينك بلاهن
كُـبَـر والنوح ماينعد بلاهن
يعباس الشمر سوطه بلاهن
انطبع بظلوعهن يبن الحميه
. . . . . . . . . .
شاجر ماطفه بعدك يمرهن
واخلافك بعد ياهو يمرهن
انت الواعدت زينب يمرهن
جفوفك ليش توكع عالوطيه
الشاعر
ياسر العارضي
>>Click here to continue<<