بيتي بلا زچيـــــــــــه
صار اضلم عليــــــــــه
شما طبله اختنگ بيه
خنگة مغربيــــــــــــــه
،،،،،،،
شفت خدها العليه سطره وضلعها
صحت بويه بعلو صوتي الوضعهـــا

عمت عيني صحت صيحه بعلو حسي
لما مغمي طحت يمها وخمد نفســـــي

لمن غسلتهـــــــــــــــــا
تتوجع شفتهـــــــــــــــا
شما اصب طاسة الماي
تونّ أمن الأذيـــــــــــــه
،،،،،،
خذت نعش ال گبل چانت نسمتي
نگع ردني بكثر ماهل دمعتـــــــــــي

انه المنگد دمع عينه انجرح رمشـــه
ونه الشايل على متنونه الفجر نعشه

ونه احفر لحدهــــــــا
مدمعها اعله خدهـــــا
ابچي اعله ام الحسين
وميته وتبچي ليـــــــه
،،،،،،،
كِسر ضلعچ كسر گلبي يعمــــــــري
انه الجرحچ حنه ضلوعه اويضهري

علي ثگلن يفاطمتي تره هدومـــي
ومصابچ شيباني وغير ارسومــــي

الحنيّه ابكبرهــــــــا
بيدي احفر گـــــبرها
شلون وباقي ماموت
وضلت روحي بيّـــــه
،،،،،،،
احفرت بيدي الحد وبچي وگلتله
على كيفك علم بيتي صحتلــــــه

نحليله ام الحسن والعصره تاذيها
احلفك يالحد حط عينك اعليــــها

أمّنتك امانــــــــــــه
ام بيتي وحنانـــــــه
يتراب انه ابو تــراب
لا تنسه الوصيـــــــــه
،،،،،،،
ارجعت ميت تلگتنــي بنتهــــــا
بچت زينب اريد امي الخذتها

يزنب ايسي من امچ ترد لينـــــه
ابوچ اضلمت الدنيه بوسط عينه

ابقي بهذا همــــــچ
امچ ماتت امــــــچ
اتمرچ بس بالحلام
باچر يالسبيــــــــــه
،،،،،،،
لخادم الحسين ع
محمد الفهداوي

الزهرة تشــــــكر من اجه واساها
شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ
 
  فاطمه باب الله خـــن دك بابها
  ومنها خل نطلب دمع المصابها
  بينها مــو  بيها انتمنه اصوابها
انطيح كلنه ومايطيح احجابها


   فاطمه ايــــــــــة  عشك  نقراها
  شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ

  كل صلاه خدمتها واجب فاطمه
    الدمعه لها اطفي نار الحاطمه
  المابجه عليها عسن عينه بعمه
  كون اسمها عله الكلوب انوشمه

  والله ينــــــــسانه اذا نـــــــنساها
  شكرآ مــــــــــن الزهرة يامحلاها

  ــــــــــــــــــــــــــــــــــــــــــــــــــــــــــــــــــــــ
 
فاطمه هيه الصـراط المستقيم
وهيه بسم الله الـرحمن الرحيم
حبك لها يقـــــربك الرب الكريم
الله جاعل بيها سر كلش عظيم

وباب للرحــــــــــمه العــلي خلاها
  شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ


الله من فاضــــــــل الطين اختارها
الوحي جــــان يبوس عتبت دارها
اهل السمه اتحب فاطمه واخبارها
  يالاهي  اجعــــــــــلنا من انصارها

وبالحشر تحـــــــشرنه كون وياها
  شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ

امرئه مـــــــــن نور سواها العلي
ومالكه كفو لها بـــس حيدر علي
وحيدر يصـــيحلها يازهرت هلي
  راحت وخلت دمـــع عينه يهلي

  بليل دامــــــــــس للكــــبر وداها
  شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

ياعيد  ماريــــدك تجي بفراك  ابونه
ياعيد  گبلك والدي غُمضت  اعيونه

  حيدر ضمه  التراب  وجرح الفركه ماطاب
ــــــــــــــــــــــــــــــــــــــــــــــــــ
 
عمت عيني  الاعز من روحي ضمه اتراب الكبور
مشه عني    وبقيت انه يتيمه وكلبي مكسور
ودمع فكده  مثل المطر فوك اخدودي منثور

   صعبه  ينحط  بالكبر
   العندي اغله من العمر
    حسره تخنك بالصدر  اه

   منه  حارمني الدهر
  بعيني مرسومه الصور
  وعودي بالفركه انكسر اه
 
   ياعيد  مافك حزني بيك ولا اعايد
   ياعيد بيك اشيفرح الفاكدله والد

   يبقه  ابسود الثياب  وجرح الفركه ماطاب
ــــــــــــــــــــــــــــــــــــــــــــــــــــــــــــ
مشه الغالي  وبقت بس صورته فوك الحياطين
يكون ابجي  عله فراكه لحـــــد ماتنعمي العين
يهـــل وادم    تره يتــــعب غياب الكلبه احنين

   غالي عن عيني مشه
   وداره  ضلت موحشه
   الجيته رمشي فارشه  اه

  حيدر نايم ابلحد
   ماظن لداره يرد
   وانه كلبي منمرد  اه
  
   ياعيد  تره التفكد ابوها اتموت سكته
   ياعيد  اريدن حيدر وما اريدك انته
 
   ذابح روحي الغياب  وجرح الفركه ماطاب

ــــــــــــــــــــــــــــــــــــــــــــــــــــــــــــ


كضت روحي بعد عيون حيدر شلي بالروح     
بحر دمعي   يغركها السفن وشراعها النوح         
ولا ريده  الكلب لو ساعه بعده ايبطل النوح
    
حزني لعيوني وطن         
والله غدار  الزمن        
يتم حسين وحسن  اه 
    
   وليرحل عنها ابو             
   تبقه بالدنيا شكو             
   تفكد أحضان الدفو   اه

  ياعيد  تمنيت  اويـبوي الموت والله
ياعيد  شني ضلتي وبوي اللحد ضماه

    جبدي من الهضم ذاب  وجرح الفركه ماطاب
  ــــــــــــــــــــــــــــــــــــــــــــــــــــــــــــ

صدك وسفه تشم بنته النسيم وما يشمه
لون بيدي  اعوف البيت وسكن كبر يمه
علي ليله  مشه وصار العمر بغيابه ضلمه

جنه  نتفطر سوه
يحبني ويشمني هوه
يترك جرحي بلا دوه     اه    

صارت شفافي خشب       
هدم اركاني التعب       
مغطه بتراب الذهب  اه

   ياعيد من حيدر ابوي انه انحرم ليش
  ياعيد شفت جرحه عميج وموش بريش

   ودمعتي مغركه الحجاب  وجرح الفركه ماطاب

ــــــــــــــــــــــــــــــــــــــــــــــــــــــــــــ

عله متوني  تضل ريحت جفوفه شما لزمني
اشم بيها   ششم من راح من عدها حرمني
اخذ كلشي  واحس بالعمر بعده  مايهمني

ماكو منك ياعلي
بيتي من دونك خلي
   راحت بويه ادللي   اه

ذني  ايام الدمع
حسره  وتجوي بضلع
ونتي صارت تنسمع  اه

ياعيد   راح  الليله حيدر مني ياعيد
ياعيد  لون فص عيني اذبه افكده ميفيد

دمعي ابفكده سجاب  وجرح الفركه ماطاب

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

أنا الباســــــــــط أنا الرازق
كتابُ الخــــــــــالق الناطق
انه المافـــــــــوكي بس طه
علي ومثل الشــمس واضح

الفـــــلك بـــــــــيدي اديرنه
قســــــيمُ النـــــــارِ والجنه
بَمر مـــــــن الله أدير الكون
وعله متـــوني النجم طايح

علي انه علي ياهــــــو يوصل القدري
علي انه علي بيدي كلشي ضل يجري
علي انه علي فــــــــــي العسرِ واليسرِ

علي ولي الله علي ولي الله

ــــــــــــــــــــــــــــــــــــــــــــــــــــــــــــ

انا الكـــــــاســــــــر انا الجابر
ولامــــــــره بحـــــــرب خاسر
اذا كــــــــــض سيفي بالميدان
الخــــــــــيول عله الزلم تركب

اذا اشـــــــــتد الوطيس اشتد
عليُ الـــــــــفـــــــارسُ الأوحد
انا بكــــــــل الجـــــــهات اطلع
منــــــــي ولا يصـــــــح مهرب

علي انه علي ســــــــــر الباري بعيوني
علي انه علي عالي ومايــــــــــلوحوني
علي انه علي هنــــــــــيال اليحبوني


علي ولي الله علي ولي الله
ــــــــــــــــــــــــــــــــــــــــــــــــــــــــــــ

انا امرجع الشــــــــــمس بيدي
نــــــــــزل مـــــــــن الله تأييدي
علي انــــــــــه حبـــــــــيب الله
الدنيه ابكـــــــيفي امشـــــــيها

انا الكلــــــشي خـــــضع لسمي
مـــــــن رب الســـــــمه عزمي
انا الـــــــذل العــــــــده بسيفه
وانـــــــا الخاســــــف اراضيها

علي انه علي ياجــــــــف يكدر الجفي
علي انه علي كلشي تحــــــير بوصفي
علي انه علي متــــــجي للسمه جتفي

علي ولي الله علي ولي الله

ــــــــــــــــــــــــــــــــــــــــــــــــــــــــــــ
وليد الكــــــــعبه انـــــــا حَيدر
وانا القــــــــلع حــــــصن خَيبر
الزلم تشــــــــهدلي بالخــــندق
جهــــنم سيــــفي من يغضب

قبائي الاصــــــــفر امن البس
الهوه بالكـــــــــوه يتــــــنفس
وخلي الخــــيل تـــــردم خيل
ماكو اكبالي شـــــــــي يصعب


علي انه علي لمـــــحد يشبه ارسومه
علي انه علي لو كض سيفي بالحومه
علي انه علي ذاكه يــــــنزع اهدومه


علي ولي الله علي ولي الله

ــــــــــــــــــــــــــــــــــــــــــــــــــــــــــــ

انا خلـــــــــفي الوحي يصلي
الملائك كلها تســــــــــجدلي
علي انـــــــه كـــــــفو الزهراء
على اللـــــوح اسمي مسجل

أمــــــــــرها الدنيه بجفوفي
سلام الله عله احـــــــروفي
جـــــــــبير الساده انا حيدر
أعدل الماهــــــــــي تتعدل

علي انه علي بحــــــروفي البحر يغرك
علي انه علي ميزان العــــــدل والحك
علي انه علي موت احــــــمر اذا ازهك

علي ولي الله علي ولي الله

ــــــــــــــــــــــــــــــــــــــــــــــــــــــــــــ

انــــــــــا الغالب انـــــــا الراهب
عليُ ابــــــــــن أبــــــــــي طالب
انــــــــا الباطن انــــــــــا الضاهر
انــــــــــا ليث الحـــــــرب حيدر

الهــــــــوه والــــــــماي والانهار
تمــــشي بكيــــــــفي انا الكرار
عليٌ صــــــــاحــــــــــبُ النشرِ
انــــــــا الساقـــــي عله الكوثر


علي انه علي ماصح مثلي ابد حاكم
علي انه علي خيري مغــــرگ الوادم
علي انه علي ماضــــــيع تعب خادم

علي ولي الله علي ولي الله


ــــــــــــــــــــــــــــــــــــــــــــــــــــــــــــ


#حسين #عبد #الزهرة #الدراجي

يا علي

يگولون ماينفع دوه الجرحه يگولون
بـمـصـاب الـوصـي أجـرن يلـعـيـون
بـكـل دمعه التطيح اتواسن ام عون

*-----------------------*-----------------*

ألليله الوصّي المرتضى  راسه انطبر هظيمه
ياوَيلي ويسيل الـدمـه   من لحيّته الكريمه
أهتزّت اركـان الـسـمـه    بهل فاجعه الأليمه
مايگدر ايـگـوم الفحل   حيله أنهدم جريمه

اويلاه يگوم اشلون والينه اويلاه
يـتـچـيـلـه الـحـسـن للبيت جاباه
ولمصاب الصميده أظلـم الـكـون

*-----------------------*--------------------*

أتـحــمـلـت نــار وألـم    بطبرت علي العقيلة
شافت علامات الوجه    وعرفت قرب رحيله
بحسرتهه ضلت والدمع   فـوگ الجـفـن تسيله
گـالـتـلـه بويه بغيبتك    ايـزيـد الگلب عَويله

تحاچيه زينب بالحزن گامت تحاچيه
صـعـبه اتـشـوف واحـد مـن يـتچـيه
ومـا چـنـه ابـوهـه اتـغـيّـر اللون

*----------------------*-----------------------*

الـلـه يـعـيـن الـصـابـره   مـن شاهدت وليهه
ما حاسبه احساب الولي   بدم هامته يجيهه
انـعـادت اهمـوم الدهـر   وكسر الضلع عليهه
بـس المدامـع والـحـزن   هـذا الحصـل بديهه

سلامات صاحت ياعلي بحرگه سلامات
وتـشـوف الـصـميـده ايگـوم هـيـهـات
ما يـگــدر يـگــوم وگـومـتــه اشـلـون

*-----------------------*---------------------*

اتـحـمّلـت مـن الـزغـر   لـبـوة عـلـي الظلامـه
ما انصف وياهه الزمن   وسط الكلب سهامـه
يـتـمّـهـه بسنين الورد   وألـهـه الحزن علامـه
واليوم ابوهه ابطبرته   ما اضن تصح سلامه

يالجروح هايه ام عون عوفنهه يالجروح
ضـلـت بالـمنـاحــه لـحـيـدر اتــنــوح
مصايبهه چـبـيـره ومـا اضـن اتـهـون

*----------------------*-----------------------*

الحامي الحميه المرتضى   يحلـه الدمع يشيعه
واسـو العـقيلـه ابطبرتـه   أشتحمل بعد فجيعه
سيـف المرادي بالـحـقـد   عـاد الالـم جـمـيـعـه
اتـذكـرت كـسـر الـضـلـع   مـن فاطمه الوديعـه

الفراگ يجرح زينب ابطاريه الفراگ
ايـعـذبـهـه وتـضـل الروح تـشـتـاگ
وحـزنـهـه بالـگـلب يا ناس مرهون

*-----------------------*--------------------*

خادم أمير المؤمنين ((ع))
✍الشاعر رعد الجريخي

السلام عليك يا ولي الله

بساعة الم حيلي انهدم مني الامل ضاع
حار الصبر بيه اشكثر من صار الاوداع
هوه اليفارگ نبضه هم يتسمه انسان
جثه لوون عني مشه وبيه الحزن شاع

وانه بعذابي ودمع الجروح
گلبي يگله لالا تروح
من وجهه اقره صرت المصاب
ياحيدر ابقه روحي التصيح
ابلا عمدهه الخيمه تطيح
وبقه اسيره ابجمر العذاب


لاتمشي گتله ومايرد لجوابي
لميت حيلي اتحضرت لمصابي
إلفاجعه ابوجهه شفت مرسومه
موهيين اموادع جبير احبابي

ياحيدر ياحيدر
--------------------------------
افراگه صعب حن الگلب يم عتبت الباب
انضر اله وتوسله ريض يبو اتراب
ليش ابضنوني گمت احس هالمره ميعود
يالماشي لاتنسه گلت تنتضرك احباب


بخطواته يبعد ونضر گفاه
مو دمعي روحي طاحت وراه
سترك يربي من هالوداع
لهناكه كبر صوت النياح
طبره اعله راسه بمحرابه طاح
وهنانه ضگته طعم الضياع


ابگلب السمه ناده المنادي وكبر
انفصلت العروه وتصوب حيدر
مدري اشدهاني ابگلبي شب يااحساس
امشي واطيح ابهمي صرت اتعثر

ياحيدر ياحيد
-----------------------------
ردلي الخبر راسه انطبر عودج يزينب
كلشي انحنه ابجسمي وذبل حتى اسمي حدب
توه مشه عني ورحل مثل الجبل جان
شو راجع ابجدمه يخط وحيله تسلب


شفته اعله طوله ينزف دماء
وانه ادعي ربي شن هالبلاء
الطبره اعله راسه غيرت صفات
صفره اعله وجهه وجسمه نحيل
معقوله هذه حامي الدخيل
من شفته ضاگت بيه الحيات


ردلي جريح امصوب اعله الهامه
امفرع وماكو اعله راسه اعمامه
ياحيف گتله اعله الوكت ياحيدر
المثلك ايطيح اوتشيله ازلامه
ياحيدر ياحيدر
---------------------------
ايلا عمته ودم هامته متخالط الشيب
شفته وصحت بصوتي نحت يالتعلم الغيب
معقوله هذه حيدره قتال الابطال
ابعيني شفت دمه جره لاشك ولا ريب


دمه اعله وجهه نازل عجيب
وشيباته حمره وصبح خضيب
سيف المرادي سمه استقر
ضلت علامه من الجروح
كل ساعه دمه منهه يفوح
حتى ابجبينه بان الاثر


ياحيف عالقاهر الدنيا وذلهه
تصعب عليه اجدامه من يحملهه
جاوينه حيلك صحته يادح الباب
بسمك يحلال المشاكل حلهه

ياحيدر ياحيدر
----------------------------
بهذه العمر ماضل صبر بس گلبي مشلوع
بادي بضلع عصره ودفع وحسراتي ودموع
من كسر ضلع ام الحسن للطبره احزان
وشعنده وياي الوكت طفالي الشموع


يادهري كلشي ماخله الي
طفه الزجيه وصوب علي
حسره بدليلي خلالي ليش
لسه ابعيوني مرسومه نار
وهجمه اعله امي وحرگ الديار
وردلي اعله ابويه يطلبني بيش


كلشي طفه ابعيني بعد خلاني
من الطفوله رافگتني احزاني
ضلع الزجيه وحرگ دار وحيدر
ولجاي اصعب وي جروح اخواني

ياحيدر ياحير
-----------------------
علي سليم الحسناوي

من فاطمه العلي
هلي خلصو هلي
من الباب للمحراب  لچمه
حيدر علي محتاجه اشمه
هلي خلصو هلي

***


شيعود لمتكم الي شيجيب ابوي وامي
مشتاگه للكعده سوى يا خبر موت جدمي


التمينه   تونه  وجتنه  الاخبار
فرهدو   فرحة  گلبي    والدار
الصدر اليضمنه ايكسره بسمار
منهه   وكرهنه  الباب    والنار

من اهد طيحت أمنه  طحنه
من  ماتت    وداعتهه    متنه

والنوب  طاح  شلون  زلمه
حيدر   علي محتاجه اشمه
هلي خلصو هلي

*

مخنوكه يا وادم ترى صعبه اليفارگ روحه
من الليل حد جيت الفجر  سهرانه  لا مذبوحه

اتمنيت اشوف   الچانو   وياي
واشتم  عطرهم  وانحب هواي
الرايح گبر   بس  بالحلم   جاي
بحسرة  حظن خلاني    وفياي


فگد    العزيز    يشل   الچفوف
ياخذ   الحيل   وياخذ  الشوف

يا   شيلت  المهيوب   ندمه
حيدر  علي  محتاجه اشمه
هلي خلصو هلي

*


لا  والد  ولا  أم  بعد   طير وبلا جنحانه
گاع وصفيت بلا مطر  للموت اظل عطشانه 

چلمة  ال  بويه   امغربه   لهناك 
حدر    التراب   امدده     اوياك
حاضر   الشده    الرمل    غطاك
چنهه     بحلم     لمن      دفناك


نهيل   التراب   ودمع   العيون
ظلينه   بس   شلون    وشلون

ميت    واصيح   الله  يسلمه
حيدر  علي   محتاجه  اشمه
هلي خلصو هلي


*


عيد المگابر من يهل  كلمن يروح الناسه
يبدي المشيب من النظر سهله اليشيب راسه

يهل    التراب    اهلاه     يلحنان
تعبان     ظل    ايتچي      تعبان
يمكم     گعدنه   بعمر       ذبلان    
دورنه    هلبت   يمكم      امچان

ياهو    اليريد  انموت  يمه 
حيدر   علي محتاجه اشمه
هلي خلصو هلي

****


خلصت بعد  يابو  الحسن  ردينه وشردينه ؟
تابوت رد من الدفن خلونه  وانذبينه

بيت  انهدم    لن   اهله   غياب  
لمة     اهل      خربهه    التراب
ما  ظل   زغير   اوجوه   شياب
يسلمنه  حزن   انگاب    لنگاب

واضح  دمعنه   وما  نضمه
حيدر   علي محتاجه اشمه
هلي خلصو هلي


كلمات  الخادم /  رعد الفريجي
   

ﻻتهل ياعيد وارحم حالــــــي
بيش اعيدك مني راح الوالي
___
طبع التعيّد ابوها اويـــــــاها
الفرحه ويه الوالي يامحلاها
وآنه وياي الدهر سواهــــــا
اخذ مني اﻻبو وحيّـــــــــر بالـــــــــي
____
جان جرح امي بعلي ناسيتـــه
وآنه ادري امي اشكثر ماذيته
ليله ليله اهلالك امتانيتـــــــــه
افرح امحسبه بوجود الغالــــــــــــي
____
شلون الك عين وبعد حيــدر تهِل
آنه لو منك بعد مااكتمـــــــــــــــل
راح اخلي ادموعي لعيوني كحــل
والمناحه بكل وكت تبرالـــــــــــــــــي
_
شنهو بعد المرتضى طعم الفــــرح
وجان بلسم كل گلب شافه انجــرح
انشلت ايده الصوّبه براسه اشربح
جنها احسّن طبرتــــــــــــــــــــه بدﻻلي
__

امّج آنه ايگلي جان وآنه ابوج
واخوِتِج برواحهم كلــهم فدوج
اي يزينب اهلج اشكَد دللّــــوج
خو ابوفاضل اگرب امن اخيــــــــــالي
_
من مشه الكرار معنــــــاها انحنيت
متني ظل يوجعني واسهام انرميت
راح نور اعيوني ياعيــــد وعميت
بكل كتر دم راسه يتراوالـــــــــــــــــي
__
شلّه بالعيـــــــــــــــــــد التهدّم بيته
طبر راسي الطابره اتمنيتــــــــــــه
ثوب اﻻسود بعد ماذبيتــــــــــــــــه
وتظل دمعاتي اعله خدي اتلالـــــــــــي
__
شلون فارگتي علي يعمـــــــــــــامه
طاح ابوي وكسر ظهر اسلامـــــــه
راح تكتلها البواجي ايتـــــــــــــامه
وبعد كل عيد انه مايحلالــــــــــــــــــي
__

علي محسن الزيادي

يعينك الله بصحره صاير صومك
ـــــــــــــــــــــــــــــــــــــــــــــــــــــــــــــــ
شلون رمضانك يمهدي ويكضي وين
ويـن تفطـر وين تبجي عـلا الحسين
من العطش مولاي هم تذڪر غريب
المـاي فدوه يروحـلك ها يل الحنين

ويـن تبجي حــسينك ومضلومك
يعينك الله بصحره صاير صومك
ـــــــــــــــــــــــــــــــــــــــــــــــــــــــــــــــ
بيا رمـــل مــــولاي بالحر مــــن تنام
وانته يمكن ڪاضي ليلك هـم صيام
ويـن تفطـــر ويـن تقــــره الافــتتـاح
عميه عيني الصحراا بيها شكد ضلام

شلــون يخللص يابو صالـح يومك
يعينيك الله بصحره صاير صومك
ــــــــــــــــــــــــــــــــــــــــــــــــــــــــــــــــ
يعين ڪبلك بالعطش يالوعه هاي
وتذڪر العطشان بالطف ماله ماي
وتبدي تفطـر بالبوابجي وبالونيـين
الله الي عيينك يمهـدي وماكو راي

وتبجـي دم الزهره خـاف تلومـك
يعينك الله بصحره صاير صومك
ــــــــــــــــــــــــــــــــــــــــــــــــــــــــــــــــ
بل القصور نكوم نلتم عل الفطور
وانته وحدك ضال بالصحره تدور
مـدري يامـولاي تفطـر مـدري لااه
مدري من تذكر الطف تضل صبور

اللــه يعلـــم بيــــك وبمعلومـــك
يعينك الله بصحره صاير صومك
ــــــــــــــــــــــــــــــــــــــــــــــــــــــــــــــــ
#حسين_جاسم

قصيدة جديدة بحق الامام علي عليه السلام ( بعد التعديل)

اه يغالي.. يالعفتني بحيرتي وناوي الرحيل
اه يغالي .. من بعد عينك يظل دمعي يسيل
يبوية فارگتني   وبگلبي صوبتني
اه  يغالي   اه يغالي
======================
بوية دمع العين ما يگطع مسيلة
يالعفتني وغيبتك صارت طويلة
يالخذت عافيتي بغيابك عليلة
آه يا فگد الابو ماكو مثيلة
ماشي عني .. والله منك شوف ما شبعانة ابد
ماشي عني ... للمات وما يكف حزني بعد
يتيمة يالعفتني   وبگلبي صوبتني
اه يغالي   اه يغالي
=======================
راح خيمتنا وبگينا ابلاية خيمة
يا ابو الايتام تتركني يتيمة
حالي حال الضيم والعيشة اليمة
رحت عني بساع يابوية هضيمة
يا حسافة... بوية گلبي عليك ذاب من الهضم
يا حسافة ... ما يوفيك البچي وكثر اللطم
بالفرگة عذبتني   وبگلبي صوبتني
اه يغالي    اه يغالي
=======================
من اطب للبيت ادور وين وانشد
بس صدى الحيطان لو ناديتك ايرد
لا ابو لا ام اطب للبيت واگعد
گمت اشوفك طيف لو فزيت يبعد
من تجيني  گلبي ينصاب وعلي ليلي يطول
من تجيني   انت وامي وانضر لحال البتول
اتمنى لو خذتني   وبگلبي صوبتي
اه يغالي    اه يغالي
======================
من يجينا العيد گلي انعيد شلون
وبصباح العيد ايتامك ينشدون
ابوجهك الايتام چانوا من يعيدون
حيرة عدهم وبدمع متروسة العيون
ماهو ابونا    هذا عيد الله اجة والوالي غاب
ماهو ابونا    حيف غطاك وصرت حدر التراب
هالحالة آلمتني   وبگبلي صوبتي
اه يغالي   اه يغالي
========================
مرتين اتصير ايتامك يتامة
يا ابونا امودع الله وبالسلامة
الليل كلة انوح بعدك ما ننامة
الحزن والنوح صار الهم علامة
يتمتنا   بوية وبفرگاك الدنيا اضلمت
يتمتنا   وكل يتيم ايموت حلمة من متت
مكسورة لو شفتني   وبگلبي صوبتي
اه يغالي    اه يغالي
==================
أسألكم الدعاء رائد الاسدي