قصیده للأربعین لزوار الحسین ع

زوار اجینه  ..   اتقبلینه

یم الحسن یا فاطمـه ۲
ـــــــــــــــــــــــــــــــــــــــــــــــــــــ
زوار اجینه  الکربله  انزور الحسین
نذکر مصابه و محنته و الدمعه بالعین
مذبوح ضل ابلا غسل و بلایه تچفین
لجله یزهـره  هالگلب مجسوم نصین

یجري دمعنـه  ..  لجله انهظمنه

یم الحسن یا فاطمه
ــــــــــــــــــــــــــــــــــــــــــــــــــــــ
جینه  یزهره للذبـیح  ابگلب مهظوم
نستقبل  الحــره  العقیـله ام الهموم
رجعت حزینه  الکربله و الگلب مآلوم
یبقـه حزنــه  للأبــد یا زهــره  للدوم

نلطم عله الراس  ..  الآخر أنفاس

یم الحسن یا فاطمه
ــــــــــــــــــــــــــــــــــــــــــــــــــــــــــ
یبقه عهدنــــه فاطمه لحسین خـدام
زوار أجینه الکربله و ارفعـنه الاعلام
طول الدرب یالطاهره حافـین الجدام
انواسي زینب بت علي و نلطم عاللهام

انواسي الحره  ..  و الدمع یجره

یم الحسن یا فاطمه
ــــــــــــــــــــــــــــــــــــــــــــــــــــــــــ
ما ننسه  یا ام الحسن زینـب سبیـه
مهظومـه  ردت  بالحزن  للغاضـریــه
تنعه و تون اعله  الولي ابدمعه جریه
تگله  خویـه  الیوم  نتلاگه  سـویــه


یا خویه هالملگه  ..  یصعب بالف شهگه

یم الحسین یا فاطمه
ـــــــــــــــــــــــــــــــــــــــــــــــــــــــــ

تمت بعون الله..
الشاعره بحر الاحزان.. ✍🏻

قصیده للأربعین رجوع السبایا ألی کربلاء

رجعت الیوم العقیله
بهظم و المدمع تسیله
هـذا یـوم الأربعـین
رجعت تزور الحسین
ـــــــــــــــــــــــــــــــــــــــــــــــــــــ
رجعت الیوم العقیله تزور گبر اخوانهه
بس تطب الکربلـه تشکي الولیانهه
تصیح ودوني الگمر هاشم و عدنانهه
ترید تحچي بالجره تحچي عن احزانهه

تصیح وین هو الحنین
هــذا یـــــوم الأربعیـن
ــــــــــــــــــــــــــــــــــــــــــــــــــــــــــ
ردت الیوم ابحزنهه یا خلگ متحسره
شافت اگبور الأهالي و الدمع منهه جره
تزور گبر البي حمیه ابن امهه الطاهره
تبچي لمصابه وحزینه عله گطعت منحره

حسین مگطوع الوتین
هـذا یـــــوم الأربعین
ـــــــــــــــــــــــــــــــــــــــــــــــــــــــــــ
شوفو اشبیهه اختکم سئلو عن احوالهه
اجت عالناکه الهزیله و الشمر یبـرالهه
حیل تعبانـــه العقیله و منجرح دلالهه
هاي اختکم الگبل محد یشوف اخیالهه

هسه یحدیهه الاعین
هــــذا یــوم الأربعین
ــــــــــــــــــــــــــــــــــــــــــــــــــــــــ
یاحنان اتلگو اختکم بت علي و فاطمه
تعبانه ردت الهظمهه حزنت املاك السمه
تصیح اختکم آنه زینب عالدلال معلمه
ردیت هسه بالهظم من الجراح انزف دمه

رجعت ام گلب الحزین
هــذا یــوم الأربعین
ــــــــــــــــــــــــــــــــــــــــــــــــــــــــــ

تمت بعون الله
الشاعره بحر الأحزان.. ✍🏻

https://hottg.com/Fatima841381

ركز عدل بالك تزل
بالخدمه كن گول وفعل
بالك تزل وي حسين يا خادم احذر احذر

00000000

ياخادم اسمع وفتهم هل چلمه
الخدمه نعمه ولا تبدي النعمه
اليثبت ابدرب الحسين احسن زلمه

اليخدم صدك جاسه العشگ
وگلبه عله زينب محترگ
اليمشي عدل وي حسين طول العمر مايخسر

00000000

أتواضع وخلك ويل وادم زين
وكونك سبع لحسين دم بچي العين
هنياله كلمن يكبر ابعين حسين

عيش الـ ألم وي الخدم
وابچي صدك لــحرگ الخيم
وعوف التكبر يفلان وبعين الحسين اكبر

00000000

اسمعلي هل چلمه الـ أريد احچيها
گدّر لگمتك گبل لتغص بيها
روحك وقف لـ اُم الحسن خليها

ابچي ابحزن وبحرگه ون
وچلب ابثوب اُم الحسن
يوم الحشر ماتنساك اطمئن يوم المحشر

00000000

احذر ولا يغريك ابد شيطانك
ياخادم احذر احذر من السانك
الـ لطامه كلهم ذوله مثل اخوانك

كلهم وفه وبيهم صفه
وكلهم محنه وعاطفه
عد فاطمه اشكد غالين ويحبهم اشكد حيدر

00000000

أترك حياتك واتجه للخدمه
وللزهره صدرك بالمجالس وسمه
باجر تميزك فاطمه امن الطمه

صيح ابضمه يافاطمه
وسچب دموعك من دمه
اشما تجري دمعك ربحان واجرك يزيد ويكثر

00000000
حسين عبد الزهرة الدراجي

مقدمه الحجه ع

                            يامهدي     ياسيدي
                                  0000000
             يالتـــــــندل ابروحي  وتعرف  اشبيه
             رايـــــد تطـــــــهر  كلــــــبي بيدك ليه
             ارزقني مـــــــن حزنك يمهدي اشويه
             وخليني اموت  من البجي عله ارقيه

            ياسيدي /ارزقني البجي/ وفقني  اشوفك
           تسوه العمر /  يبن الحسن/ لمست جفوفك
  
                          يامهدي      ياسيدي
                                  0000000
              مو كبر شيب افراك هـــــــذا ابراسك 
              يالشايف  ابعـــــــينك ذبح كل ناسك
              صاير ابكبر حسين جـــرح احساسك
              ودخان خيمه تشـــــــتم وي انفاسك

        دمعك جمر /  تبجي العمر/  للسحكته الخيل
        جفنك  ذبل   /همك   جبل   /ومهدم الحيل

                       يامهدي      ياسيدي
                                   0000000
             شخـــــــصك قليل الــــوادم اليدعوله
             أعقول البـــــــشر ياسيدي معـــــلوله
              بفلان وفلان الخــــــلك مشـــــــغوله
              ولرحمه مـــــــن اكلـــــــوبهم مشيوله

            هاي البشر /  يالمنتضر / غرگت بالذنوب
          هاي ألخلك / ماتدعي الك/ ياغلى محبوب

                          يامهدي    ياسيدي
                                0000000
              يالمثل ليلك  صـــــــار  ظلم صبحك
              سامحني خافـــــن بل ذنب أجرحك
              مالحضه  أذكـــــــر مره أنه أمفرحك
              أشكبر  بخته  سيدي لـــــــي يلمحك

      أبيض كـــــــلب/ اليمشي بدرب / ويتلاكه وياك
      أبخيت وعلي  / الشافك صدك  /وبالوجنه باساك
                                 0000000
              ليليه شـــــــوكي يهزني لـــــــك ليليه
              وســـــــهر  وضـــــــل مناطرك يوميه
              خلـــــصـــــت عمري انتضر منك جيه
              كل يـــــــوم  اكـــــــولن باجر يمر بيه

           ليلليه احن/ وشتاك الك / وتمنه الاكيك
          يبن الحسن/ أنه الصدك / ميت عشك بيك

                           يامهدي     ياسيدي
                                 0000000    
             سولفلي ويـــــــن اتــــروح لمن أتحير 
             هــــم مثل حيدر تشـــــكي همك للبير
             جرحك سبي  وهل جرح مولاي أجبير
            المسبيه عمته اشتضن بي جرحه ازغير

         زينب وسف / رگبت هزل / وطبت دواوين
         بعينك شفت  /ذاك الشمر / من طك الحسين

                            يامهدي       ياسيدي
                               0000000
               مـــــــو نزوه حزنـــــك لا عمر يالمهدي
               واليليه ونـــــــك بيك للـــــطف يحدي
               اوصل الكـــــــلبك يابـــــــو صالح ودي
               غير الله  وانـــــــت بهل حياة اشنعدي

            ماعندي ابد/ غيرك سند/  ياوجه الحسين
            وجهك إذا/  عني درت/  انطي الوجه ين

                            يامهدي       ياسيدي
                                0000000
حسين عبد الزهرة الدراجي

يافطـــمـــــه نوحـــي... جرحچ غفه ابروحــــي

ابهل مسأله .… عن كربله ... لونبچي للمسموم

★★★★★★★★★


يافاطـــمه ارد اسألــــج وادري ابهظـم روحچ

بــــس ياخبــر منـهــن اجه وهدملج اصروحچ

اتهون الجروح ابخاطرج بس كـــربله جروحچ

عالمنذبـــــــــح ماظن غفه ساعه وبطل نوحچ


وبرض االبقيع ادري.. دمعج دمـــــه يجري

دم هامله....... عن كربله.. لونبجي للمسموم


★★★★★★★★★

لتگلي كافي من البچي واعيونـــي خل تعمه

اشلون انسه ابني المنذبــح تارك جـــــرح بمه

.الصادق صفه ابجبدي يفت جمروهظم سمه

وحســـــــــين اله حيلي انهدم لمن سفح دمه



اتگلي البجي بَطلي.. اولدي انگظو واهلي


متجتله....... عن كربله... لونبجي للمسموم


★★★★★★★★★



ابرض البقيع اتهدمن كل حيلي وصروحي

چـبد الحسن لو دَم علـــي وبكربله اجروحي

الباقــــــــرجرح طربالگلب والصادق ابروحي

مــــــدري على ياگبراجــي وتسله وي نــــوحي



كف عني يالحادي... شــــو كلهم اولادي

گلبي امتله. .... عن كربله. .لونبجي للمسموم

★★★★★★★★★


يومــــــيه اروح ابدمعــتي الســـامره وانعاها

ماحسـبت گبـــــــة علــــــي متهدمـــه الگــاها

ابسردابت الغيبه من اطب دم عيني مجراها

وانـــــدب ترة الغيبه ابعدت يالمهدي منواها



يالمهدي ناديتك….. ذبحوا اهل بيتك


ابسيف البله...... عن كربله..لونبجي للمسموم

★★★★★★★★★



كلما أحــــن واذكر جــــرح دَم تهمــل ادمـوعــي

أنهــــض واروحــــٱ للرضا ومهشــمه أضلــوعــي

وأرجــــع وديه اعله الضلع يرويحتي لــــــوعــي

بالكاظميـه ابـلا ذنـــب طفــــــوهــن أشموعـــي



والحيدر أتعنه ،، ... ويمه اجذب الونه

وارد اسئله......... عن كربله..لونبجي للمسموم


★★★★★★★★★


يافاطــــمه خلـــــــي نجي ونگعد سوه اليله

انتي ابجي لحسين السبط وانه اگعد انعيله

ونـــذكـــــر مصيـــبة كربله واطـــفاله والعيله

وزينـــب يطـــــگ بيها الشمر واتصيح ادخيله



.وتندب يبو الغيرة...... زينب تره ابحيرة

ومتعلعله...... عن كربله.. لونبجي للمسموم


★★★★★★★★★



اليفگد محـــــب يافاطمه لازم علــي يصبر

بس أنتي ليش ابكل وكت بابج ضلع يكسر

ولسه بعد من الرجس جفنـــــچ دمع يمطر

نفس الجفوف ابكربله أبزينب غــدة تسطر



وزينب بگت تنعي. ... يمه أنكسر ضلعي

اشيتحمله...... عن كربله… لونبجي للمسموم






ـــــــــــــــــــــــــــــــــــــــــ

ماجد حبيب الخيگاني

ونسألكم الدعاء

يذبح جرحِ الفراك     أحن يا موت واشتاك         
أعيش المن بعد مـــا يسوه عمري
أمشي منكسر وايدي اعله ضهري
يذبح جرحِ الفراك
......................................
أحلامي صحره بلا ضوه وديرة هلي مذبوحه
وأعيونـــــي طفاها الدمع خيط الفجر مالوحه
معقوله من رد الشمس كدامه تطلع روحـــــه
وتحترك بابه وفاطمة جانت ضماد اجروحــه
واقع لو حلم جان     عطر الزهرة دخان
أول مره احس مخنوك صدري
أعيش المن بع ما يسوه عمري
يذبح جرح الفراك
.....................................................
من أحترك بابي رحت أركض وادور احلامي
وبعينـــــي شفت أم الحسن بيديها محسن دامي
كالتلي يا حيدر عصر طفلك وكـــــــــع كدامي
ومن شدة النار أحتــــرك جسمه ودفنت آلامي
اليمشي وضهره مكسور   نور وفا رك النــــور
الباري ايعضم أجرك علي وأجري
أعيش المن بعد مـــــا يسوه عمري
يذبح جرحِ الفراك
.....................................................
عرش الله نوره فاطمة ونور العرش من نوره
وقرءآن عفه أتجمعت باء وحمد كـــــل سورة
مـــــا همها نيران الحقد همها الحجاب ودوره
صاحت دخيلك ياعلي أضلوعي أحس مكسوره
مـــا هم لسعة النار      طك بضلعي بسمار
وينك يا علــــي محتاره با مري
أعيش المن بعد ما يسوه عمري
يذبح جرحِ الفراك
.....................................................
ذبلت مثل عمر الورد من عمره يخلص توه
وبعيونها مات الحجي وكـل ذكرياتي الحلوه
كالتلي أسمع يا علـــي وتهمس همس بالكوه
بالليل أريدن دفنتي الـــــــــوادم بلايا امروه
ونزل نعشي بهداي      وادفن محسن أوياي
وضيع كل أثر يمشي اعله كبري
أعيش المن بعد مــا يسوه عمري
يذبح جرحِ الفراك
............................................
لمن شلت نعش ام حسن زينب أجت تحضني
وكالتلي بويه يا علــــــي وي امي فدوه ادفني
كبر لحدها والكبر طكت ضلعها أبأذنــــــــي
يا بويه امـــي امن انولت بهذا الخبر وصتني
اليحرك بيت الاسلام      يرجع يحرك أخيام
وانته ابحالتي يا بويه تــــــدري
اعيش المن بعد ما يسوه عمري
يذبح جرح الفراك
.........................................
خادم خدمة الحسين
الشاعر
محمد الموالي

يكلبي كونك ميت وياهم
يكلبي شني ضلتك بلياهم
يكلبي يتعبك حيل فركاهم يكلبي

هذوله اعزاز روحي اهواي احبنهم
امل من روحي والله وما امل منهم
اخوتي حسين والعباس حيل احنان
علي ياكلبي كلي ياهو احن منهم

وين الكه مثلهم ياكلب وين
اعز من روحي عباس ويالحسين

يكلبي. موتك بفركاهم

ــــــــــــــــــــــــــــــــــــــــــــــــــــــــــــــــــــــ

يكلبي شفت اشسوو بحالي
يكلبي مشو غالي بضهر غالي
يكلبي افراك اخواني جتالي يكلبي

دمع غيابهم دم عيني اتهله
اه يفراكهم حط بيه الف عله
مايتعوضون حسين والعباس
عمري بدونهم ياكلبي مايحله

احله ايامي وي حسين كضّيت
وعلي الشوفت اعيونه اهواي حنيت

يكلبي موتك بفركاهم

ــــــــــــــــــــــــــــــــــــــــــــــــــــــــــــــــــــــ

يكلبي اليفارك خلته وناسه
يكلبي تضيك بصدره انفاسه
يكلبي يشيب كل شعر راسه. يكلبي


مو حكي دمعتي بخدي هماله
اليفارك مثلهم موته يحلاله
اكرام الميت التغسيل والدفنه
(بس حسين محد غسله وشاله)

ضل حسين مرمي وصدره مسحوك
وانه مجتفه وطبيت للسوك

يكلبي موتك بفركاهم

ــــــــــــــــــــــــــــــــــــــــــــــــــــــــــــــــــــــ


يكلبي اشعدك تنبض بصدري
يكلبي موت انه اكرهت عمري
يكلبي اروحن وين مادري يكلبي

صح من السبي رديت متعوبه
لجن زينب انا ضليت مهيوبه
سمه ثامنه عد اخواني محسوبه

انا المني راحو وين الحنين
انه مفاركه عباس وحسين

يكلبي موتك بفركاهم

ــــــــــــــــــــــــــــــــــــــــــــــــــــــــــــــــــــــ

يكلبي الغربه اهواي اذتني
يكلبي ناس الشام شافتني
يكلبي استثكل هدمي احس متني. يكلبي

من الغربه ماحصلت بس نوحي
بكبر حسين ازغر جرح بجروحي
ماتت بالخرابه ياكلب روحي

من بعد الدلال وهيبتي هاي
امشي براي بيد الماله كل راي

يكلبي موتك بفركاهم
ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

.
.
آنه فضه وگلـبي ماطاب
عالزچيه دمـعي سـچاب
ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ
.
خـادمـه للـزهــره وافـخـر بالخـدامـه
حاضره وشفت اشجره ابيت الامامه
والله چوّت جـرحي جمـرات الملامه
فاطمه انصـابت وأنه اطلع بالسلامه
.
لا جـرح لا لطـمه بالعـين
والصفع بس بم الحسين
ماچواني جمر العتاب.. ريته كاسر ضلعي الباب
.
ـــــــــــــــــ ❁ ❁ ❁ ـــــــــــــــــ
.
ما أطيب من الهظيمه گلبي مصدوع
السطر مولاتي چفه ابخـدها مطبوع
يدري بيـها لاذت وما شـاف الدمـوع
بيها يعــصر وآنه أسمع كسر الضلوع
.
ناده فاطم طلعوها
الها ما يفـزع ابوها
مايجيها الحدر التراب ..
        ريته كاسر ضلعي الباب
.
ـــــــــــــــــ ❁ ❁ ❁ ـــــــــــــــــ
.
فاطمه اليوم اصبـحت اول سبيه
ماتنادي ادركني يا حـامي الحميه
تدري حـيدر چتفه حـبل الوصـيه
ماتحرجه وتهظم اجـروحه الابيه
.
تگلي يافضه ادركيني
اسّـقط الظالم جنـيني
انظرلها امخضبه خضاب..
          ريته كاسر ضلعي الباب
.
ـــــــــــــــــ ❁ ❁ ❁ ـــــــــــــــــ
.
ما اوفـي لـو گضـيت اسنـيـني انعه
من نختني الزهره رادت مني فزعه
تحيـرت باب الزچـيه شـلون ارجعه
وبالصدر بسـماره نابت بيش اطلعه
.
لـــوردت الــزم اديـــها
تختنگ كل شهگه بيها
مانسيته ذاك الصواب…
         ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ

أسنـدتها وظـمت العـبـره ابحـزنها
تمشي محـنية ظهـر مـذبوح ابنها
قنـفذ ابسـوطه غده يظرب متنها
من لطمته ويلي ظل ازرگ وجنها
.
عالترب ظل دمها مسفوح
بـويه بـويه گـامـت اتنوح
من حزنها ايشيب الشاب..
            ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ

أظلمت شمس السمه برض المدينه
غمـضـت مـن الالم أمـنه الحـنـيـنه
بيها اسـمع كل عظـم ينعى ابونينه
چفي گامت تنچوي ابخد الحــزينه
.
بيها تسري كل الآلآم
وبدمعها نــار الخيام
گمت اشم ابخدها عطاب
         ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ

ودعتني وگبري گالت رايـح ايضيع
وبمصيبة ضلعي تحــتار المواضيع
گلبي لبحـور الـدمه اصـبح ينابيــع
عمـري يافـضه بعـد ينعـد بســابيع
.
منـــها تــم ١٨ عــام
بالگبر مولاتي اتنام
تنحرم من الهوه الهاب
        ريته كاسر ضلعي الباب

ـــــــــــــــــ ❁ ❁ ❁ ــــــــــــــــ

تارك ابروحي الهظم ياشيعه نيشان
فاطــمه گـالت اريــدن اقـره قـــرآن
لوخفت صوتي يفضه مـوعدي حان
يعني للبـاري رحت اشكيله الاحزان
.
من خفت صوت الزچيه
ارتـفـع صـــوت المـنـيـه
ماتت الزهره بهالسباب
           ريته كاسر ضلعي الباب
.
.

حسن الموالي الفاطمي
.
.
القصيــدة محرمة على رواديد ال DJ
.

طاحت دموع السمه
عالضلع يا فاطمه
من مشيتي ٠٠ فارگ اعيوني الضوه
من مشيتي ٠٠ فارگ اعيوني الضوه
☆☆☆☆☆
الدمعته اعله الخد غريبه تلالي
شلون يحچي وهوه فاكد غالي
الباري وحده هوه يعلم حالي
بيتي اظلم چي  مكانچ خالي

گلبي ما يحمل هجر
ظهري بعدج منكسر
حن عليه ٠٠ الطير وبناري انچوه
من مشيتي ٠٠ فارگ اعيوني الضوه
☆☆☆☆☆
آه يم بيتي وبعد عافيتي
چم جرح بيه وكسر خليتي
من اشوفچ يا وجه صبحيتي
كل هوه عذيبي يطب بريتي

فاطمه بعمر الورد
وينچ أو  وين اللحد
وانه عمري ۰۰ سجل يالزهره انطوه
من مشيتي ٠٠ فارگ اعيوني الضوه
☆☆☆☆☆
بگلبي دافن صورتچ يالطاهره
داري چانت بیچ تزهي وعامره
العين حمره والضلوع امكسره
جنة الله ونمتي وسط المگبره
المگبره دار الغرب
تاخذ احباب الگلب

آه يجرحي ٠٠ الما يطيب بكل دوه
من مشيتي ٠٠ فارگ اعيوني الضوه
☆☆☆☆☆
آه ياخلي البعد عن عيني
فاطمه وسلوة حياة سنيني
شلون گلبچ يقبل تعوفيني
والله بعدچ ما ابطل اونيني

آنه وي روحي افترگ
وروحتچ  صارت صدگ
يا خساره ٠٠ ما نرد  نگعد سوه
من مشيتي ٠٠ فارگ اعيوني الضوه
☆☆☆☆☆

يايسر روحي اذا مرني العسر
هسه منچ نظره يالزهره انتظر
يافرحتي النامت بوسط الگبر
صار من بعدچ تره مُر الصبر

گامت ادموعي تصب
وضل يدك حيل الگلب

بالمصايب..واصله الهالمستوه
من مشيتي..فارگ اعيوني الضوه
☆☆☆☆
مثل ضلعچ عمري يالزهره انحنه
گلبي بغيابچ فلا شاف الهنه
بعد فگد الهادي ماعشتي سنه
وحته محسن مات مايدري اشجنه
حته ماسامعله حس
چن سمه وطرحت شمس

رحت ادفنه ..وگلي يابويه الگوه
من مشيتي..فارگ اعيوني الضوه
☆☆☆☆☆
حيدر بشار الدراجي