آ يا مصايب نوايب كربله -
آ يا مصايب نوايب كربله
………………..
ماي الفرات آعله ريج اختك حرم
نار العطش بالكلب مثل السهم
صاحت حبيبي ركضنه أمن الخيم _ أنته وين
أطلعت وبناتي يركضن عالجمر
ترس الصحاري أشيلمه يخويه الخدر
حشمنه بيك ولحكنه وضربنه الشمر _ ياحسين
وينك _ صاحت دموعي أعليك
وينك _ دليني أوصل ليك
وينك _ حاجيني شمأذيك
………………….
أتبدينه ماي أعله رملة كربله
تاهت علي جم عزيزه أمدلله
طشن بناتك على عرض الفله _ بالعراء
إمشينه ولا من كفيل أولا علم
أولاضل محامي يحامي أعله الخيم
لا طفله سلمت ولا طفل سلم _ بكربلاء
صحره _ أحتارينه وين نروح
صحره _ أنصيح بكلب مجروح
صحره _ ونتعنه للمذبوح
……………………
عالتله أوكف وصيح أبدمعتي
ياهي اللي مثلي أبمصابي وحيرتي
أتجول الخيول وتدوس أعله أخوتي _ أشكد عذاب
إن كنت حياً أجبني يا شهم
عن خيمة أختك ترد هاي الزلم
ليش الخيول أعله جسمك تزدحم _ يا مصاب
خويه _ عذبني سحك الخيل
خويه _ ماخله عندك حيل
خويه _ منك ضلوع أتشيل
……………………
طلعت رقيه تدوس أعله الجمر
أتلكاها ملكه وسطر خدها الشمر
من البواجي تكوم وتنهطر _ أبلايه حيل
سلب تراجي ودمه أتصب الآذن
وسوط الاعادي كسر منهه المتن
مسطوره بنتك يخويه أعله الجفن _ دم تسيل
بابا _ تكسرني من أتصيح
بابا _ تكوم وترد أتطيح
بابا _ تتلاوه وي الريح
…………………….
أيسنه منك يايمكسور الجرح
من شفنه راسك عله ابراس الرمح
قصة وداع أبتدت من الذبح _ والخيول
الفركه تطول أبدرب أسمه السبي
أختك تروح بطرك خدر وعبي
روس وضعينه يباريهه أجنبي _ أشكد يطول
هيمه _ باجر نطرها بنوك
هيمه _ من تكضي ندخل سوك
هيمه _ وطرف العبي محروك
……………………
حسين باهض الحلفي
>>Click here to continue<<