قالت جواهر لي وأنا كنت سرحان
أشوف برق الشيب شعشع وناضي
قام وغزاك وصار يطلق له عنان
واحتل منك الراس دون اعتراضي
وانت صغير السن بالعقل رجحان
وسيفك على كل المعادين ماضي
وهذا عدوٍ لك وتعطيه الأمان
كنك بغزو الشيب للراس راضي
قلت البياض يزيدني بر واحسان
ويعطي وقار وحكمةٍ وانتهاضي
قالت وقارك ثابت طول الأزمان
مااحتاج في قدرك لحكم قاضي
قلت البياض يخلي الرجل له شان
قالت اللي قلت ذا هرج فاضي
قلت البني لا شافت الشيب تنسان
ويمحل عقب فرقاه ذيك الفياضي
قالت عقب ما ضمتن وسط الأحضان
الله يكثر في شعرك البياضي
>>Click here to continue<<