اغلب الناس البتشير الفيديوز تبع البلوجر والناس اللي تفتي فى العلاقات وتضع تصورات خنفشارية للعلاقات والرجال وما خدين علاقات السوشيال ميديا إستاندر لحياتهم الحقيقية فى الواقع , اتس اوكي حبيبتي انت صح , بس طالما عاوزة كدة وشايفة دي العلاقات البتمثلك ياريت انت تسوي نفس اللي يسونه البلوجر البنات ديل , تعملي لك صفحات كبيرة فى انستا وتيك توك وفيسبوك , وتجيبي تلفون كميرا بتاعته رهيبة , وتصرفي فى الاسكين كير والهدوم بتاعتك كتييير خالص , تسوي محتوى اي محتوى بيمشي الدنيا ما تركزي شديد
خلاص تمام سويتي كل دة , اقبلي انه زوجك تكون مهمته فقط يصحى الصباح يلبس ويتشيك ويمشي يلف معاكي الكافيهات والهوتيلات والمنتجعات السياحية وتصوروا ريلز وتيك توك وصور حلوة وهو بيعاين لك بهيام ودوبان , فقط ده المطلوب منه , لا تجي تجي تسألية من مسئوليات وشغل ومشاريع وقوامة ولا تقولي له اصرف انت ولا اي شئ هو وذوقه بقى علشان هي دي الحياة
عاوزاه راجل مهمته يحقق لك اللي يعملوه البلوجر البتشوفيهم فى السوشيال ميديا انت حققي كل المسئوليات المطلوبة من الرجال فى الحياة من صناعة اموال واستقرار وغيره وغيره , وهو مهمته يتصور معاكي ويلف , هو دة الشغل اللي يجيب لكم قروش , إرضى بهذه الحياة لانه الانسان ما حيتقطع يعني , يا نصنع محتوى فى السوشيال ميديا عن حياتنا وناكل من وراه عيش , يا ننزل سوق العمل وعلشان ناكل فيه عيش ونتطور ونخلق حنتعرض لضغوطات كتيرة جدا محتاجة مننا طاقتنا وتركيزنا وزمنا واللي حيفضل منها يدوبك نقدر نصنع منها بيوت هادئة عادية فيها قدر من الخصوصية لانه مشاعية العلاقات بتخلي الكنترول على قوانين العائلة وقيمها وتقاصيلها اليومية شوية صعب , النوع ده من الرجال ما حيكون عنده مساحة يحقق لك استاندر رجال السوشيال ميديا
وعلية العاوز ياكل عيش من علاقته الزوجية والعاطفية ياكل عيش نحنا حنتعلم منهم كيف نطلع حلوين فى الصور والاستايل والنظرات وكل الحاجات دي , زي ما بنتعلمها من الافلام وممتنين خاالص لهم
لكن ما حنكون ممتنين خاالص خالص لما تحاولوا تروجوا انه ده نموذج الزواج الناجح الرهيب علشان نحنا كناس مختصين إرشاد اسري وزواجي وعلاقات حنضطر نوضح قدر شنو دي علاقات مصنوعة وغير حقيقية ومجرد بزنس وده حيوقع ليكم البزنس
الناس تختار خيارتها فى الحياة من غير تحاول تغيب الوعي وتتلاعب على المجتمع وتخرب البيوت العمرانة علشان خراب البيوت العمرانة ده شئ لا يرضينا خالص , كونك ترفع توقعات مجتمع كامل عن العلاقات من غير تاخد فى الاعتبار بقية العوامل او حتى توضح الصورة كااااملة للكلام البتقوله , ده تلاعب خبيث منك حتلاقى اللي يفضحه زي كدة مثلا , ودي اخف طريقة انا يدوبك بكتب بوستات فيها جرعات توعوية خفيفة , فى ناس ممكن تبحت وراك وتطلع الجوانب المظلمة الانت ما بتطلعها فى السوشيال ميديا وتبدأ تواجه و, تضيع فى معارك حقيقية على أرض الواقع وتطلع تصدع الناس بالحقد والحسد , صحيح اللي يفضحونكم دافعهم الحقد والحسد مش التوعية بس لا تنسى انت اللي صنعت الكارما كل شئ له تمن
المجتمع بقدر ما فيه تغيب فيه كمان اصوات الحكمة موجودة , الحكمة مش حكماء المجتمع فقط , الحكمة دي بتلقاها عادي عند الناس القاعدة ومتوهطة فى الارض واتعلموا من التجربة فقصص اللالاند دي قادرين تماما يلاحظوا زيفها
اما اللي بيخربوا بيوتهم وعلاقاتهم العمرانة علشان الكلام الفارغ البتقال فى الميديا تستاهلوا بكرا تتعلموا بالطريقة الصعبة
#وصال_سعة_نماء
>>Click here to continue<<