Gaafas Maal Nuuf Wayya
Kutaa 1ffaa...
Gaafa guyyaan geessee
Amriin rabbii taatee
Garriin afuufamtee
Aduun lixaan baatee
Socho'iinsa jabaa
Gaaf dachiin sochootee
Waan garaashee jiru
Hundaa ifa gootee
Gaafa ilmi namaa
Hundinuu kaafamuu
Osoo hin uffatin
Kan qullaa dhaabamuu
Waan dabarsee dufe
Irraa gaafatamuu
Gaafa abbaan ilmoo
Gatee biraa dheessuu
Gaafa haati ulfaa
Naasuun ilmoo deessuu
Siraax dabalatee
Hisaabaf miizaannii
Ragaan hojii keenya
Gaaf dhufe kitaabni
Waggaa kum shantam
Hunduu ni dhaabbataa
Ebaluu koo jedhee
Eenyu wal gaafataa?
Wal arguun hin jiru
Qullaa dhaabbatanii
Nabsee nabsee jedha
Hunduu gaafasanii
Meeti ree gamoon kee
Liiftin buutee baatuu
Meeti makiinan kee
Kan si baatee kaatuu
Meeti ree soofan kee
Kan ati irra teessuu
Meeti ree firiijin
Hoo'aa qabbaneessuu
Meeti ree sireen kee
Kan ati irra ciiftuu
Hirriba filattee
Kan salaata dhiiftuu
Meeti ree digriin kee
Kan ittiin of dhaadduu
Ani beekaa jettee
Ittiin boonuu yaadduu
Lafarratti hafe
Hundumtuu hin jiruu
Gaafas si fayyadu
Rakkina kee hin furuu
Kutaan 2ffaan itti fufa
Qaasim Kadiirin
Join Join Join
👇👇👇👇
https://hottg.com/walaloo_islaamaa_telegram
Yaada nuuf kennuuf
https://hottg.com/FiraafanK_telegram
>>Click here to continue<<