Тошкент вилояти прокуратураси томонидан давлат дастурларида белгиланган қурилиш объектларини муддатида ва сифатли топширилиши устидан назорат тадбирлари олиб борилмоқда.
Жумладан, ҳозирда вилоят ҳудудида инвестиция дастурлари доирасида жами 106 та объектда қурилиш-таъмирлаш ишлари давом этмоқда.
Ҳудудий штаблар томонидан ўтказилган ўрганишларда жорий йилда вилоят бўйича инвестиция дастури доирасида 122,1 млрд. сўм маблағ иқтисод қилинишига эришилди.
Прокуратура органлари томонидан ўтказилган назорат тадбирларида 11,6 млрд. сўмлик сифатсиз ишлар аниқланиб, бу борада 343 та прокурор назорати ҳужжатлари қўлланилиб, 85 нафар шахсларнинг ҳуқуқларини тикланиши таъминланди.
Вилоят прокурори С.Эшқувватов раҳбарлигида ушбу масала юзасидан соҳага масъул идора ва корхона раҳбарлари иштирокида йиғилиш ўтказилди.
Йиғилишда, қурилиш объектларининг лойиҳа хужужжатларини тайёрлаш, экспертизадан ўтказиш, пудратчи томонидан объектни муддатида, сифатли топшириш ҳамда ажратилган маблағларни мақсадли ва тўғри сарфланиши борасида йўл қўйилаётган камчиликлар муҳокама қилинди.
Шунингдек, буюртмачи, лойиҳачи ва назорат инспекцияси масъулларига объектни лойиҳалашдан бошлаб, фойдаланишга топширилгунга қадар бўлган барча босқичларда кунлик назорат ўрнатилишини таъминлаш, бюджет маблағлари мақсадли сарфланишини таъминлаш бўйича топшириқлар берилди.
🌐 Бош прокуратуранинг ижтимоий тармоқлардаги саҳифаларига аъзо бўлинг!
Telegram | Instagram | YouTube | Facebook | Veb-sayt
>>Click here to continue<<