Павловния — минтақанинг келажак дарахти.
Бу сафар Қарши кўчаларига чирой бахш этаётган павлония дарахтлари намойиш қилинмоқда. Олдинроқ бу каби павлония гуллаш манзараси Андижон шаҳри кўчаларини безаб тургани билан боғлиқ фотолар ахборот маконига сиздирилган эди.
Павлония минтақа учун келажак дарахтидир.
Биринчидан, иқлим ўзгариш фонида бизнинг минтақанинг катта қисми павлония каби кенг баргли дарахтлар маконига айланади.
Иккинчидан, аллерген қўзғатувчилар чиқаришда ҳам унинг таъсири кишилар саломатлигига жуда кам. Яъни экиш мумкин бўлган тавсиявий қаторда бу дарахт тури бор.
Учинчидан, павлония — келгусида йўқолиб кетиш хавфида турган асалариларни "чақириш"да асосий рол ўйнайдиган дарахтдир.
Тўртинчидан эса кишиларга эстетик завқ бериш, жазирамада офтоб тиғидан одамларни асраб қолувчи соя берувчи ва тез ўсувчи ўсимликдир.
Келгуси авлод учун хам жойларда игнабаргли дарахт турлари ўрнига Ўрмон хўжалиги агентлиги тавсияларига таяниб, шу каби кенг баргли дарахтларга эътибор бериш мақсадга мувофиқдир.
>>Click here to continue<<