الى سيدي ومولاي الامام الكاظم (ع)
مزجت هذه الكلمات باوتار ناعيه من صميم الفؤاد وراجيه من الله والامام القبول...🙏
ميت بلسجن والروح خلصانه
غريب وعلجسر مايمه دفانه
~«~«~
ميت بلسجن ابن الميامـــــين
خلصه ابظلم كل هاي السنين
عليه شمابجت ماتسكت العين
وحبابه من اجت امضيعه عنوانه
~~~
مربط بلحديد اليضهد الحــــيل
ينزف من جروحه يخلص الليل
وتتراوح صور الحسين والخيل
يون من الوجع لو شال ذرعانه
~~~
ياشيعه وليكم كومو شيــــعوه
بلارحمه اجو علجسر خـــــلوه
مثل جده الحسين بيوم كتلوه
كطعو منحره وحترك صيوانه
~~~
ياموسى ابن جعفر ياولينه
علجسر املنه عايفيــــــنه
لنعشك من بعيد وجايينه
حبابك علجسر تنعاك حزنانه
~~~
صبركل كلب متروس حرگه
رجع كل غريب العاش فرگه
وكتب لليريدك كون مـــــلگه
حاشه سيدي ابيوم تنسانه
~~~
لوضاج الخلك نتـــــعنه بغداد
شوگ الحظرتك كل يوم يزداد
ميرد اليجي عطاي المــــــــراد
ابصبرك ساجن الهارون وعوانه
~~~~~
كلمات الشاعره: ام الحسن الزيدي
اللهم بحق الغريب موسى ابن جعفر
اقضي حاجة كل محتاج...... 🙏
>>Click here to continue<<