نعي/يمه لوتعودين
لو وياج نمشي لو تعوديـــــن
خلافج يلحنينه موش طيبين
على درب النجف صرنه مضعنين
ميته اكلوبنه بس احنه عدليين
😭
اخلافج لاطعم لالون دنياي
نص عمري ادفعه وطي عيناي
يرد بيج الوكت وتكعدين وياي
ييمه ضحكتج من العمر هاي
👇👇👇القصيده
🚪ابابج يلحنينه شكثر دكينه
وظلينه اعله بابج مامشينـــــه
✍✍✍✍✍✍✍
نشم ابشيلتج نشبع محنــه
تطيح اعيونه وماكف دمعنه
اساس البيت انتي وكل اهلنه
محدبه اظهورنه يمه وحنينه
✍✍✍✍✍✍✍✍
خسرناج وندك الراح عل الراح
وخلافج ييمه بيتنه طـــــــاح
اصيح ومايردج يمه الصيـاح
عله وجهج ييمه اتعلمينه
✍✍✍✍✍✍
مرت هلشهور وذيج الايام
وبعده اعيونه ماتقبل اتنام
عله فراكج ييمه عشنه بالام
من بعدج ييمه اتفرگينــــــه
✍✍✍✍✍✍✍
يمه من نجيج اشمحلا ملكاج
يلرحتي من ايدينه وين نلكاج
عمت عينه التراب شلون طماج
وياج الوكت شيرده لينـــــــــه
✍✍✍✍✍✍✍
ماألنه بعد بلحوش رغبــــه
بلا أمي الحياة تصير صعبه
وبين الاهل انصير غربـــــه
خلافج يلحنينه من يبارينه
✍✍✍✍✍✍✍
لهسه البيت منج بي محنه
مسك ريحت عباتج بي تمرنه
شمحلا وياج من يخلص عمرنه
ولا هسه برحيلج هاظمينه
✍✍✍✍✍✍✍
أم الحسن الزيدي
>>Click here to continue<<