السلام على الامام المظلوم المسموم
كريم أهل البيت الحسن المجتبى ع
✍✍
مسموم الحسن من بيته انشال
ماظل الكــرم من راح ابو دلال
♡♡♡♡♡♡♡♡♡
يا اول ســبط يافرحة الزهــــره
مضايف كل عربنه عليك منكسره
المثلك يلحسن ياحيف انخسره
ونعشك ماسلم يرمونه بنبال
♡♡♡♡♡♡♡♡♡♡
الله يساعدج يازينب اللــــيله
شال ابو المحنه كومي لطميله
وحسين اعله خيه منهدم حيله
وناته اعله خيه اتهــــــد الجبال
♡♡♡♡♡♡♡♡♡♡
اويلي عليه جبده منمرد حيل
ومن كثر الوجع مانايم الليل
ريحانة محمد يصرخ الويل
ملعونه يجعده كلبج شكال
♡♡♡♡♡♡♡♡♡♡
الله يلعنج ياجعده كل يوم
ليش بياذنب مغدور مسموم
مظلوم الحسن ياناس مظلوم
وحاله مايسر صار باشد حال
♡♡♡♡♡♡♡♡♡♡
ام الفاتحه زيـــــنب يلحبـاب
متربعه ابمصاب واله المصاب
ونته طويله بطول الغيــــــاب
وتكله وراك انشوف الاهوال
♡♡♡♡♡♡♡♡♡♡
تكله يلحنين وكل اهلنه
افراكك كلف ونفل شملنه
كون الليل خويه لايمرنه
صوابك بلكلب من تطري علبال
♡♡♡♡♡♡♡♡♡♡
شالو نعشك العباس وحسين
وتترامه السهام امنل ملاعين
كل سهم انرمه مشروك سهمين
لاعنهم محمد ذوله الانذال
♡♡♡♡♡♡♡♡♡
كلمات الشاعرة
ام الحسن الزيدي
>>Click here to continue<<