فلمّا دخلت ام البنین استقبلتها زينب واعتنقتها وبكت وقالت : عظم الله لك الأجر في أولادك الأربعة.
قالت : وأنت عظم الله لك الأجر في الحسين (عليه السلام) وفيهم، وبكت وبكى من كان حاضراً .
صار العتب من طگهن البین
بـین الـعَـقیله و اُم البـنیـن
تگلهه راح حسین و نزلت دمعتی
تجیبنی و تاخذنی ضلت صفنتی
واحـسیـناه
➖➖➖➖➖➖➖
یمه ماچنتی و لاشفتی شعمل بینه الدهر
الغاضـریه شیبـتنی و نکـسر منـی الظَـهر
لیلة الوحـشـه عـیونی ماغُفـن من السـهر
آنه کل لحظة بحیاتی تمر علي چنها شهـر
لیلة الـحادی خـتنـگت ابعـبرتی
تجیبنی و تاخذنی ضلت صفنتی
واحـسیـناه
➖➖➖➖➖➖➖
آنـه اَشـاهـد ذبـح اخوتی و الدمع منی یصب
والـشـمر یـمـه یـباوع و آنـه مـحـروگـة گلب
اتعثرت آنه و خواتی شگد صعب هذا الدرب
وآنـه محـتاره و اَصـدن کل اِخـوتی عالترب
چـن حـمام الـدوح صارت ونتـی
تجیبنی و تاخذنی ضلت صفنتی
واحـسیـناه
➖➖➖➖➖➖➖
المـصـایب ابتدت لمن مشیـنه امیـسرات
سلّبـو کل الـتراچـی و اضـربو کل الـبنات
الـعلیل اِحـتار بـینه و احـنه کلنه مدللات
آنـه کـل الیل احـرسـه لا اضیـع الـخـوات
آنه اشاگـف عـن بناتی و عـیلتی
تجیبنی و تاخذنی ضلت صفنتی
واحـسیـناه
➖➖➖➖➖➖➖
الـشام مـاینجاب اسـمـه واللّه هـَد متـونی
لـو یسمـعـون البـواچـی بالشَتـٍم سـکـتونی
آنه بـنت حیـدر علی و بسیاطهـم ضربونی
عالفـراگ اهـلـی و عمامـی وشلـن اعیـونی
چـن سکیـنه تنـادی وینـچ عمتی
تجیبنی و تاخذنی ضلت صفنتی
واحـسیـناه
➖➖➖➖➖➖➖
بعـد شحچیلچ و اگولن من مـصایب کـربله
یـمـه عباسـچ تـوذر و صـاب عـینه حـرملـه
زین مـحضّـرتی و لاشـفتـی الـرزایا و الـبله
و بتحـت رجل الحوافر ینسحگ سید المله
بنارهم تالیهـه حـرگـو خیمتـی
تجیبنی و تاخذنی ضلت صفنتی
واحـسیـناه
➖➖➖➖➖➖➖
کلمات خادم الحسین
محمد الحایـی
https://hottg.com/tercheyeh
>>Click here to continue<<