【全球共有48億互聯網用戶😳每人平均每日上網7個鐘 🧐】
近日有研究機構發表咗一份全球互聯網報告。報告由全球互聯網用戶增長速度、平均上網時間、流動網絡速度以及社交媒體等多方面分析咗目前全球互聯網情況，並且對未來互聯網趨勢作出相關預測。👍
報告裏面顯示， 目前全世界一共有48億互聯網用戶，相當於世界總人口61%。
全球流動用戶亦達到52.7億，大約佔世界總人口比例67%。舊年一年裏面全世界就增加咗1.17億流動用戶。😃
同4月發表嘅報告相比，過去3個月每人每日使用互聯網嘅平均時間稍為下降。
不過，每日上網嘅時間仍然接近7個鐘，時間上其實只係減少咗一分鐘。🤔
而通過電腦上網嘅時間就減少咗大約30秒，喺其他流動設備嘅上網時間都係減少咗30秒左右。
反而對睇電視興趣大咗嘅人就增加咗。報告顯示同上季比較，過去三個月每人睇多咗5個鐘電視。📺
而用喺社交媒體上嘅時間亦越來越長，過去3個月每人每日比之前用多咗兩分鐘喺社交平台上面。
過去12個月全球平均流動網絡速度提高咗60%。
同舊年用戶通常使用35Mbps嘅速度相比，依家大家都可以享受超過55Mbps嘅下載速度。📲
目前世界上已經有13國家或者地區嘅平均流動網絡速度達到100Mbps，阿拉伯嘅平均速度更加已經接近200Mbps。
不過仍然有兩個國家嘅平均流動網絡速度係低過10Mbps，佢哋就係阿富汗同委內瑞拉。🤷♂
喺固網方面，目前總共有10個國家或者地區嘅平均下載速度超過200Mbps，摩納哥同新加坡嘅平均下載速度甚至超過咗250Mbps。
而網站方面，Google 成為全世界最多流量嘅網站，平均全球每個人每日都會用 Google 網站17分鐘。💻
稍為意外嘅係，中國嘅天貓、淘寶同京東排名都比 Amazon 高。不過大部份流量都係嚟自國內用戶。
天貓95%以上流量嚟自國內市場，淘寶係94%，京東係95%。而剩低嘅流量裏面，美國同日本消費者佔咗3.5%。
目前全球電子商務都偏重於通信同娛樂範疇。市場估計下一輪可能會轉向日常公用事業，教育、銀行同醫療保健等業務發展。💵
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
>>Click here to continue<<
