أستاذ شنو رأيك بالأسئلة بصورة عامة ؟
بالنسبة للعلمي : مركزة نوعاً ما بالنسبة للطالب الي يريد ( ١٠٠ ) ، وهالشي لاحظتو بآخر سنتين صارت الأسئلة يتلاعبون بيها ع الطالب ، يستهدفون بعض الأسئلة الي ما وردت وزاري بالسنوات السابقة ، أو يكرر شي مو متوقع ، زين شنو الغاية ؟
ج : يريد يميز الطالب الي قاري المادة بشكل كامل وتعبان بدراستها ومبين هذا طالب مستواه عالي ، وبين الطالب عايف المادة السنة كلها وجاي يقرا المادة بآخر كم يوم وطاب للامتحان قاري كم موضوع ويدور درجة الـ ١٠٠ !
أما بالنسبة للأدبي : دائماً أسئلتهم مستواها طبيعي ، واضحة ، أغلبها وزاريات مكررة ، مابيها أشياء مبهمة أو مختاريها بدقة مثل الفرع ، وبالمجمل أسئلة اعتيادية .
زين ليش هيج : كلنا نعرف انو العلمي تصير بي منافسات ع المعدلات ولهالسبب آخر سنتين صارت مو بس الاسلامية بل حتى بقية المواد أسئلتها هيج نظامها ، يعني تكدر تجيب بيها درجة نجاح جداً طبيعي لكن بالنسبة لطالب يطمح للمعدل العالي والدرجة الكاملة الوضع مختلف ، لازم يحترم كل مادة ويقراها بما يرضي الله .
مجرد وجهة نظر شخصية ، وسلامتكم 🤎.
>>Click here to continue<<