اسميتُها نورا..
# الحلقة - السادسة.
# بقلم.. فاطمة - عبدالقيوم


نورا جات داخلة لي ناس عمتها لقتهم كلهم قاعدين ويتبسموا😂
نورا : .ازيكم☻..
عمات نورا : اهلييين نورا😂 قالوها ليها كلهم في وقت واحد ،، ما ردت ليهم عارفاهم قاصدين ليها سامر😂💔.( هو الوحيد ال بناديها بي نورا))
امها : وين الايسكريم يا نوران؟!..
نوران نست خالص حكاية الايسكريم دي وبدت تسألها بإستغراب؟! ايسكريم شنو يا امي؟! ..
ابوها : انتي اسي كنتي وين؟😐!! طبعاً هنا خافت شديد وكانت قايله انه ابوها شافها واقفة مع سامر وهو بعمل في حركاتو الغياظة دي برا😆؛؛ .. بقت تتمتم.. انا كُنت ..كُننت
كنتي وين وامك بتسال فيك جاوبي.. يا ربي الحاصل لي شنوو😭💔.
جا سامر وهي واقفة قدام امها وابووها وعماتها .. وقف عندها ومسك يدها اداها كيس الايسكريم.. وعاين ليها كده 😂💔 ختيته برا ده ال بسألوك منه☻.
نورا : جرت يدها وختت الايسكريم في الطربيزة .. ومشت بيتهم زهجانة من سامر😂💔..
قفلت عليها الاوضة وقعدت ..
نورا : انا عارفة سامر ده لو قفلت الدنيا دي كلها بقدر يدخل😐. حركات الشفع دي اصلو ما بخليها .. ودايما بحب يحرجني قدام اهلي ..
بقت تتكلم كده وجاها صداع من كترة التفكير😂💔. ياربي ده ظهر لي من وين .. اصلو ما بقعد ليهو سنتين .. طوالي بجي ناطي..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سامر بجاي مبسوط شديد انه شاف نورا، طول منها شديد .. بقى يقول لنفسه اكيد ده سِحر وما حاجة طبيعية .. معقولة انا حياتي كلها ما اقدر اشوف غير نورا؟!
علاقاتي كتيرة وحاولت اني اشوف غيرها وانساها بس كلهم حاجة ونورا حاجة تانية مختلفة عنهم.
بس لازم الفترة دي اخليها تعترف بي حُبها لي انا عارفة انه نورا بتحبني اكتر ما انا بحبها بس البت دي صعبة وعايزة تجنني معاها😂💔. لازم احاول معاها كتير..

الساعة اسي 6 مساء ..
سامر : مشى المطبخ .. لاقي تسنيم اخت نورا الاصغر منها..
بقى يتونس معاها
سامر : كيفك يا تسنيم .. وبتقري شنو واخبارك وكدهه.. قالت ليهو .. ممتحنة تالته 💔. كويسة والله.
كلامهم كان مُختصر .. قبل ما تمشى سامر قال ليها عايز رقم نورا..
ادتو ليهو وهي عارفة ومتأكده انه نورا ما ح تغفر ليها😂💔..سامر : شكرا ليك ،،كان ح يطير من الفرحة😂💔..
طوالي مشى فتح تلفونه ورسل ليها رسالة مستعجل شديد.. (اصلو الحاجات السمحة ما بتستحمل التأخير😍🙊).
رسل ::
( لابُد أنكِ ساحِرة كبيرة .. تُجِيدين أعمال السِحر ،، وقعتُ أنا ضحِية سهمُ نظراتُكِ القاتِلة .. كفاكِي مُكابرة يا حُلوتِي وأسمحِي لِقلبُكِ يُمارسُ حُبِي..،،
كتب لها فى الآخر..
لا أحد يجرؤ على مُغازلتُكِ غيري .. فلا تحتاري مَن المُرسِل..)

احيييااا😍😍🎶🎶💜.. ياربي😭..
نورا : بس الود ده اكيد ح يجنني. اسي جاب رقمي من وين كمان💔 ياريت لو غيرك يرسل لي كلامك ده 😂💔. ماف زول معبرني غيرك😂
ردت ليهو بعد ساعتين..

( لم تكُن مُحِباً يا سامِر حتى فى غزلُك قاسِي .. تنعتُنِي بالساحِرة ، والقاتِلة.. تُعامِلُنِي كأسيرة عِندك ، او كالتي إرتكبت جُرماً،، انت لا تعرِفُ الحُب يا سامِر""..

بعد وصلته الرسالة بدقيقة اتصل ليها..

ما ردت ليهو سريع طبعا😂💔.. ما عارفة كانت حاسة بشنو .. بس اكيد تقُل البنات ده😂
فتحت الخط وساكتة.. قاليها بصوتو الرهيب ده😍 كيفك يا نُوراتِي .. 🎶. برضو ما ردت😂 هبلة طبعا😂..
سامر : نورا!!
نورا : ايوه يا سامر معاك💜..
سامر :: ان شاء الله معاي ليي آخر العُمر😍.
نورا: احم اسي انت اتصلت عشان تقول لي كده يعني؟!
سامر: ايي😂 ومالو .. ما حاجة مُهمة يعني؟!
نورا.. : بالنسبة ليك بس🙂🖐 انا ما مهمة عندي...
سامر : ضحك ضحكة خفيفة كده .." بجاي نورا قلبها كان بدق شدييد كسرتها الضحكة دي ودشدشدتها"😂💜..
سامر : لا اتصلت عشان اقول ليك كل ما اجي مِن اجازة بلقاك زايدة سماحة😍. بتعملي شنو وريني😂..
نورا : قالت ليهو بإستفزاز .. عايز تعمل الوصفة؟!
سامر : لا طبعاً بس عندي واحدة كده بعرفا عايزة تبقى سمحة😍.. مع انه هي سمحة.. بس ما زيك .. ولا انا ما شايف غيرك ما عارف.
"" هنا نورا اتضايقت كيف😂.. الغيرة ظهرت .. اسي ما قلنا لا😂😂😂💔.. ""
نورا : تقدر تقول ليها اعملي اي شي🙂.. بعيد مني لو سمحت انا لازم اقفل اسي عندي جامعة بكره.. وبدون ما يرد ليها قفلت في وشو😂💔..

نورا : غياظ فاكر نفسه شنو😐.. وبعدين لما هوو عنده واحدة بعرفها عايز بي انا شنو😐..

تاني قالت لي نفسها .. يا نورا لو بالجد سامر ده عايزك كان قال كده لي ابوك بس ده واحد مُدلع ما بعرف يحب .. عايز يتسلى بس .. ولا عشان انا ما اديته وش عايز يكسر الكبرياء حقو ده .. كلهم واطين🙂..
نورا : انا لازم ابعدو من طريقي لانو خبيث شديد..
اول زول فكرت فيهو خالد😅.. قالت ده البست فريند وح يساعدني😍.. ح احكي ليهو الموضوع وهو يوريني اعمل شنو.. ،،،، ( كان حركة غبية منها وفى لحظة ضعف وعدم قُدرة على التفكير قررت تستنجد بي خالد .. مع ا

اسميتها نورا..
# الحلقة - السابعة.
بقلم - فاطمة- عبدالقيوم.

سامر بهنا مبسوط شديد واتاكد انها بتحبه وبتغير كمان😂.
كان متأكد انه لما يجيب ليها سيرة واحدة ح تجن😂💔..
قرر ما يتصل ليها ولا يبرر ليها الموقف مع انه اشتاق لي صوتها اول ما قفل منها الخط😂😍💜..
فتح شنطته وطلع البوم الصور صورهم من صُغار كله نورا😍ورسوماته عبارة عن نورا بس .. ما مُحترف الرسم بس عيون نورا دي حافظها وممكن يرسمها وهو مُغمض😂..
لقى صورة نورا بتاعة التخريج من الروضة😍..
واتذكر لما نورا لبست ملابس عروسة وعملو ليها الحنه😂. كان معاها واحد خريج صغيرون ،، لبسوه الجلابية وقالو يتصور مع نورا😍💜.. كانو جاين حلوين كدهه🎶.
سامر اتذكر لما طلع المسرح ونزل نورا قال ليهم ما تتصور معاهو😂 وضرب الولد وقعد يبكي قال الا نورا تتصور معاه هو😂.. اتصوروا الاتنين😍 وخرّب لي نورا التخريج وهو مبسوط😂.. احتفظ بي احلى ذِكرى في حياته😍.
قعد يضحك وقال : مِن زمان انا بغير عليها وبعمل مشاكل عشانها وهي كالعادة ما شغالة بي من صغيرة؛؛ وكمان لما كِبرت بقت تشكك انه انا ما بحبها😔..
اتصرف مع نورا دي كيف انا😔💔.. بس لو تظهر لي حُبها ده واعرف انها بدت تحس بيّ ساعتها ح اخد خطوة جادة وتبقى حلالي💜🎶..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
خالد : الو.. كيفك يا مان ..
مُجتبى : اوووو حبيبنا خالد😂💔. ازيك يا زول وينك ليك يومين مُختفي.. عِندي ليك حتة طلعة عجيبة نسوان ولمة كاااربة..
خالد : نسوان😂 انت يا مُجتبي حركات الجاهلية دي ما داير تخليها اصلو😂💔💔.. وبعدين انا زهجت ياخ من الصنف ده انا اسي مُركز مع قلبي وحبي لي نوران..
مُجتبى : يا مان حُب شنو كمان ، انت شافع يا زول .. البت دي بس استلمها يومين وفكها عكس الهواء وبطل امور المراهقين دي😂.
خالد : عليك الله يا مجتبي نوران دي ما زي باقي البنات كلمتك مية مرة.. وبعدين انا لما اتعرفت عليها صحي كان قصدي انو اوقعها .. بس اسي الامور اتغيرت وانا بقيت بحبها جد جد. لو عايز تساعدني تمام ما عايز تساعدني اكسر الحنك💔.
مُجتبي: لا يا خوة لو الموضوع كده ح اساعدك ياخ💔.
طيب خلي لي الموضوع ده انا بظبط والله ..
بس اصبر لي💜. ح اخليها تموووت عشان تحبها انت🙊.
خالد : كيف ده يا مان اوعك تأذيها..
مُجتبى: أأذيها كيف ياخ احنا عندنا اخوات يا مان كبر عقلك ده..بس كُل الحِكاية ح اخلِي بت خالتي تدخل ليك واسطة وتلين ليك قلبها شوية هم بنات وح يفهموا بعض..
خالد: مدام الحِكاية كده تمام😂👋.. نتلاقى..
،،،،،،،،،،
في بيت حبوبة نورا..
تسنيم قاعدهه بتذاكر .. طبعا تسنيم دي حلاتها كده وبتاعة حركات وفاااهمة الرصة😂💔.. ما زيي نورا هبلة..
مع انها ممتحنة تالته بس امورها سااالكة😂😂💔..
ما بتحب بس ال عايز يحنك بتحنك😂..
بتخاف مِن نورا عشان بتشغلا ليها حرام وعيب وانتي لسة صغيرة والجوطة دي😂😂💔..
المهم قاعدة كدها جا لؤي ود عمتها اتخرج وشغال .. حلاتو كدهه بس مفتري وشايف نفسه😂💔.. وزاتو ما بجي كتير لي ناس حبوبته😂.. عنده الجكس كتااار بس يوم ما يقرر يرمِي واحدة برميها ما بهمه شيء..
تسنيم طبعا عنيدة ولسانها اطول منها😂💔..
قاعدة في الكرسي لابسه بجامة النوع ال بنطلون البجامة طوييل ديل😂.. ولابسة شراب ما عارفه السبب شنو بس نفسيات الإمتحانات بتعمل اكتر من كدهه😂.. ماسكة كتاب وعاملة بتقرا ده كله عشان ما تشتغل في البيت😂..
المهم لؤي جا وقف وقال السلام عليكم...
ردت ليهو بدون م ترفع عينها وتشوف ده منو: وعليكم السلام..
لؤي : ناس البيت وين؟!.
تسنيم : برضو بدون ما تتلفت ليهو .. والله عندك البيت فتشهم..
لؤي : سكت وبقى واقف ساي بدون صوت.. وهي طبعاً الشمار حرقها😂،، اتلفتت تشوف ده منو..
عاينت لقتو ده لؤي🙊.. جرري مشت لبست توبها وجات😂.. كانت عايزة تقع😂..
جاتو راجعة لقتو قعد في السرير حبوبة كانت نايمة جوة..
ماسك تلفونو ومستكيين ،، ادتو موية وسلمت عليهو ،،
ورجعت شالت كتابها وقالت ليهو: انا لازم امشي البيت لو حبوبة صحت ممكن تتفاهم معاها!! .
لؤي : طيب يا تسنيم تسلمي وبالتوفيق💜.
مشت غرفتها وقعدت تنططت😂.. اخيراً لؤي جاااانا ويييي😍..واي يا تسسنيم من الحلا دي الود ده بياكل شنو سمح كده😍.. بتتكلم براها ومبسوطة تقولي عقد عليها 😂.
بقت تفكر .. انا لازم اوقع الود ده لاااازم .. بس اعمل شنو وهو مفتري كدهه😔. واااي قال لي بالتوفيق💃💃 يكون قصده شنو🙈. وكمان قال لي يا تسنيم وااي😍 اول مرة احس اسمي ده سمح كدهه😍💃
جاتني فكرة😍.. عمتي حبيبتي بسس😂. امسك فيها قوووي😂.. لا ياخ ده ما بشتغل بالحاجات دي..
انا لازم اصاحب علياء اخته☻. مع انها حامضة زيوو وما بتنطاق وبتكرهنا انا ونوران 😂.. بس يلا لازم اصاحبها😐.
دقيقة انا اصاحبها ليه؟! ما اصاحبه هو طوالي😍.
لو صاحبته ما ح يعرسني😔. ح يقول لي انتي اختي والحنك البيش ده😭.. ياااربي راسي ح ينفجر اعمل شنووو💔..
دخلت الفيس رسلت لي سجي صحبتها.. عايني يا سجي انا ج

اسميتُها نورا.
#الحلقة -الثامنة
#بقلم - فاطمة - عبدالقيوم.

الساعة 1 صباحاً.. المفروض نورا تنوم لأنو ح تتأخر على الجامعة بكرا. ،، بس ما قدرت الليل كله بتفكر فى سامر .. بتحاول تزيد الحاجات ال ما سمحة عشان يطلع معاها حق وتقدر تقول ليهو انت ما ينفع نكون بعض💔..
وخاته تلفونها جنبها ومنتظرة منو يضرب ليها ..
منتظرة المكالمة حقتو من بدررري بس ما اتصل💔..
فجأة جاها صوت الرسالة وبلهفة جرت تفتحو وهي بتدعى يارب يكون سامر😔..
فعلاً كان هو. رسل ليها : صاحية؟! .
ردت ليهو طوالي : ايوه ..
ممكن اسمع صوتك؟! .
ما ردت ليهو..
فا اتصل ليها .. فتحت الخط.

سامر: اشتقت لي صوتك ،، انا ما قادر اصبر اكتر من كده يا نوران 💔. عليك الله ياخي قولي شي اي حاجة قولي انك بتحبيني زي ما انا بحبك ..
نوران : انا خايفة يا سامر 💔.
سامر : من شنو وانا معاك .. انتي عارفة كويس انه انا مستعد احارب الدنيا كلها عشانك .. ما مقتنعة بالشي ده؟! اثبت ليك اسي ؟!
نورا : ردت بصوت فيهو رجفة وقلق.. انا خايفة منك انت يا سامر وقعدت تبكي زي الهبلة😂💔..
سامر : نورا وقفي بكا واحكي لي مالك .. انا جايك .. وفصل الخط..
نورا: وااااي سجمي المجنون ده جاي وين😐💔. الساعة 1 اجيي .. بقت تتصل ليهو بس هو ما برد عليها.. وترسل فى مسجات برضو ماف رد😂.
بعد نصّ ساعة اتصل ليها .. عايني بالشباك انا تحت.. انزلي وفهميني الحاصل او افتحي الشباك وانا بتصرف اجيك..
يخواني؟! ده جادي المجنون ده😂💔...
نورا : سامر اكيد عقلك ما فى محله انت عارف احنا وين والساعة كم؟؟!!. الناس كلهم نايمين ما خايف عليي من كلام الناس؟!
سامر : شكلك ما ح تفتحي لي الباب طيب ح انط ليك بي باب الحوش.. قفل الخط وهي بتعاين ليهو بالشباك .. القمر كان منور الدنيا .. يعني الليلة سامر ح يتقبض ح يتقبض😂 نورا : 💔مجنووون بقت تقول كده ومشت لبست عبايتها وطرحتها الود ده ممكن يطلع عادي 😂💔..
وقفت لقتو نطّ باب الشارع وااقف في الحوش تحت😂💔.
اتصل ليها .. تنزلي ولا اطلع ليك بالشجرة دي😐.
نورا : ما بنزل ليك .. وامشي يا سامر من فضلك. وخلي حركات العيال دي.
سامر : طيب راحتك يا سمحة .
طلع الشجرة وبدا يتسلق زي طرزان ونورا بتمووت بالضحك😂💔 خت رجلو في الشباك ودخل كيف زاتو ما عرفت😂💔.. هنا اتجمدت نورا وقف ومسح ليها وشها ..
سامر: ده ما مكان دموع..
نورا : اطلع عشاني يا سامر والله ابوي لو لقاك هناك بقتلني😭.
سامر: يقتلك؟! خليك منطقية شوية واحكي لي خايفة مني ليه شرير انا؟ وضحك ضحكة خفيفة..
نورا : سامر ابعد مني واطلع ..
لو ما شرير ما بتعمل كده😔. عملت شنو انا؟!
سامر : بحبك يا بت والله بحبك بس ارضى عليّ خليني اتمم الموضوع..
نورا : ما بحبك بالغصب هو؟! ويلا اطلع من هناك ..
سامر : قرّب شوية شال نفسه مسسافة وعاين ليها مسك يدها ورفع راسها بيده .. نورا ال بحبها مِن وعِيت على الدنيا ومن عرفت الحب بتكذب اسي وقالت ما بتحبني ..
سامر : ساكتة ليه يا ايامي الحلوة!! ردي..
نورا : سحبت يدها من يده وقالت ليهو بصوت ما واضح .. انت ابعد مني اسي ياخ.. وال بتعمل فيهو ده عيب وما برضي ربنا .. فاطلع عليك الله ونتفاهم بكرا..

سامر : طيب ح ابعد🙊. بس قولي بحبك والله اطلع من هنا ..
نورا : بحبك 😭 اطلع يلا😔..
سامر : وانا بحبك من زمااان يا عمري ..
نورا : اطلع طيب ياخ..
ادها بوسة في راسها وطلع.. قال ليها بحبك تاني😂💔 يا خوافة..
جا ينزل طبعا من اللبشة وقع على يده وشكلها اتكسرت💔..
وااي😭
نورا :ح تجن سامر نادت ليهو بصوت عالي انت كويس؟!
ما وراها انووبتألم أشّر ليها انه كويس وطلع.💔
لما جا ينط الحوش بصعوبة قدر ينط .. طوالي مشى المستشفى وجبروا ليهو الكسر ..
نورا بتتصل ميه مكالمة وبتبكي بجاي💔.. بعد ساعتين كده ردّ ليها .
سامر : معليش حبيبي ما قدرت اردّ ليك قبيل مشيت الدكتور وجبّروها ليّ م فيها شيء .. نومي انتي.
نورا : الف سلامة عليك😭. طيب ارتاح
سامر الله يخليك 💜بس عايز انوم اسي .. بكره بضرب ليك .
نوران : طيب تصبح على خير.
انا زاتي اول م اصحى ح اضرب ليك.
سامر : ح اكون منتظر رنة بس💜 بحبك..
نورا قفلت الخط😂💔..
نورا مع نفسها : .. انا بين خايفة على سامر وبين خايفة من اعترافي دهه .. ما قدرت افرح اني اتخلصت حبة من عقدة الخوف وبوحت لي سامر بالحب ال فضلت اضاريهو عمري كله.. سامر بعد كده ما ح يسكت وحيكلم ابوي وكل الناس.
التفكير اخد منها وقت كتيير لقت اذان الصبح بيأذِن .. طوالي مشت اتوضت واستغفرت ربها وبكت في السجادة .. وناجت ربها .. " ياربي انت اعلم بحالي ،، وانا خايفة من شنو💔.. يارب هوّن عليّ وما احتار ابداً .. يارب ارزقني الخير يا كريم ..) ..
مسكت القران وقرت شوية ونامت وهي فجأة..

امها الصباح فتحت الباب لقتها بالحالة دي ما صحتها وقفلت الباب طوالي .. حسّت انه نوران مُحتارة وعندها موضوع كبير والا ما كان ساهرت لحدي الصبح..

سامر برضو كان بفكر عكس نورا تفكي

# اسميتها نورا
# الحلقة - التاسعة
# بقلم - فاطمة - عبدالقيوم.
الظهر كدهه نورا صحت ، اول حاجة عملتها فتحت تلفونها عشان تطمن على سامر ؛؛ لقت مكالمات كتيير من خالد.. ما فكرت تشوفو اتصل متين اصلاً همها كله في سامر اتصلت لي سامر .. ،، ما ردّ ليها المكالمة الاولى ،، خوفها خلاها تتصل تاني قلبها بدق شديدد.. احساس عايزاهو يرد وتطمن عليهو .. وبين ما عايزاهو يرد😂.. بسبب الاعتراف الأمس ..
لسه ما ردّ...
ختت التلفون وبقت تدعي انه يكون كويس ..
اتذكرت امبارح باليل وقعدت تتبسم😂.. ياربي الولد ده ما كان خايف من اهلي يشوفوهو يفهموا غلط😐.. ح اسألو اول ما اشوفو🙂.. ح اقول ليهو حركات الأجانب دي ما بتنفع في السودان وح... اتصل ليها وماصدقت طوالي فتحت الخط..
نورا : الوو سامر يدك كيف؟!
سامر : اخخخ يا نورا بتوجعني ياخ ده كسر عديل الدكتور قرّب يبكي على حالتي😔💔.. نورا ما شوفتيها كيف والكسر ده حار شديد ياخ😔💔..
نورا : قعدت تبكي وبصوت مليان خوف ؛؛ انا السبب😭،، لو ما جيت عشاني ما كان ده حصل😭💔.. انا اسسفة 😭💔.
سامر : هههههه حبيبتي ما فيها شيء بهظر معاك😂💔..
مُجرد رضوخ بسيطة وح اتعافى بعد كم يوم والله😂💔..
بطلي بكا خلاص😂💔..
نورا : متأكده يا سامر انها ما رضوخ بسيطة😭💔.. عارفة انك بتتألم اسي💔..
سامر : احييا والله لو كنت عارف ح تخافي علي كده كل يوم اقع من الشجرة تاني واتكسر مية حتة عشان اشوف الخوف ده بس😍.. من زمان ما تقولي لي بتحبي القرود وطلوع الشجر ده اسي كان انجزنا وجبنا بنوتة سمحة زيك كده😍..
نورا : سكتت مسسافة ولسة دموعها بتنزل وبتبكي كل الاحاسيس السمحة وال بقولوا عليها دموع الفرحة نورا حست بيها في اللحظة دي 😍.. الحب ده كلو وثابت من سنين ما اتغير رغم محاولتها انه تبعده والظروف والغربة وكل شي لسة نورا هي البحبها سامر ،، ولسة نورا بتحب سامر😍..
سامر : هوووي لسه بتبكي !! والله انا كويس وريني بتبكي ليه؟! اقفل منك واخليك تسكتي ولا شنو☻..
نورا : لا 🙊؛؛وبعدين لو انت بتحبني بالجد ما بتخليني وقت ضعفي ووقت البكا !! انا طول عمري بكاية كده ؛؛ لو عايزيني يبقى تستحملني وانا ببكي ووشي شين من البكا.. واعرف اني ما طول الوقت سمحة ومبسوطة..
سامر : اتنهد تنهيدة طويلة كدة ؛؛؛ قبل كلامك ده كانت يدي بس بتوجعني ،، اسي يديّ وقلبي وراسي💔.. لسة انتي ما مستوعبة حبي ليك واني ح اكون جمبك لحدي ما الشمس تموت💜.. ولحدي ما نكبر سوا لو العمر فيهو باقي .. انا متأكد انه انا ح احب تفاصيلك حتى بعد وشك يتجعد والشيب يزيّن خصلات شعرك💜.. انا ما عايزك وقت شبابي عايزك عصايتي لما اتكسّر وعيوني لما اعمى ،، عايزك تترجمي كلام اولدنا بعد سمعي يبقى تقييل ؛؛ عايزك مرايتي ال بشوف بيها الدنيا 💜..
عايزاك الحُضن الطويل بعد تعب السنين 💜..
اكمل ليك ولا اثبت ليك كلامي دهه اسي بي مأذون وعقد💜🎶...
نورا : عارف يا سامر انا السنين دي كلها لي ما كنت عايزة اعترف ليك بي حبي ؟!
سامر : قولي يا قلب سامر وحياتو كلها سامعك ..😍
نورا : 😐 بتقاطعني ليه في الكلام اها اسي طيرتو لي من راسي😭💔.. ونسيت كلامي💔..
سامر : بيضحك عليها😂😂.. معقولة قلب سامر وحياتو كلمتين بس ينسوك حاجة زي دي ؟! اها لو سمعتي الباقي ح تعملي شنو😂☻..
نورا : ما عايزة اسمع🙈..
سامر : ما هو ما بكيفك😂💔.. طيب كدي اسي وريني خايفة من شنو؟!..
نورا : زمان لماا كنا صغار ما قدرت افهم انه خوفك عليّ ومشاكلك مع الناس بسببي كانت بتزعجني ؛؛؛ ولما اسمعهم بيقولوا كلو من نوران كنت ببكي😔💔..
كبرنا وبقيت بخجل من نظراتك لي قدام اهلي كلهم ؛؛ حتى في المناسبات تركيزك بيكون معاي؛؛ بحس انو انا لازم امشي بي اوامرك واسمع كلامك ؛؛ بس انا ما بحب كدهه انا كمان عايزة اعيش حياتي بطريقتي انا ما بي تعليماتك انت،، بقيت ما بحب الاقيك في مكان😂 ؛؛ دهه غير غزلك وكلامك بيني وبينك وقدام الناس ما كنت بتخجل تتغزل بي قدام الناس؛؛ المفروض زي باقي البنات اكون مبسوطة بالشيء ده لكن كنت بتضايق منو💔.
سامر : ما مهم احساسك زمان المهم اسي انا معاك ومبسوط.
نورا : بتتذكر لما قلت ليك اني بحبك زمااان🙈💜
سامر : بتذكر طبعا😂💔.. غشيت عليك وقلت ليك انه دي اخر اجازة لي تاني ما جاي.. لو عايزة تقولي لي كلمة ؛ اتذكرك بيها قوليها لي ..
نورا : وانا جريت منك وقعدت ابكي براي😂💔 ؛؛ حسيت انك بالجد ح تضيع مني💔💔.. ف جيت لقيتك بتجهز فى شنطتك وباقي ليك معانا ساعة بس💔.. ناديت وعاينت ليك فى عييونك وقلت ليك بحبك يا سامر 😭💔..
سامر : وقفت مصدوم وما قادر اصدق زاتو😂 .. بعد مسااافهه استوعبت وطلعت فتشتك بس م لقيتك💔..
نورا : مشيت لي ايمان بت جيرانا😂💜..
سامر : نورا قوليها لي تاني بي نفس الطريقة ديك ياخ😍..
نورا : الا اكون ببكي😂😂💔..
سامر : ان شاء الله دموع ماف تاني 💜💜.. يلا انا جاي بيت حبوبة اسي اعملي حلو من يدك الحلوة دي😍.
نورا : ح تقدر تسوق؟؟!
سامر : لا لا جايني لؤي .
نورا :

# اسميتها نورا
# الحلقة العاشرة
# بقلم فاطمة - عبدالقيوم.

بعد قفلوا الخط من بعض الاتنين فى نفس اللحظة مشوا فيس بوك وكتبوا بوست..
سامر كتب ::
" عِند الساعة 1 صباحاً. ذات قمَراً مُضِيء..
إرتوى ظمأ قلبِي بِرشفةٍ مِن حُبُها ؛؛ واكتحَلت عيّنايّ بِرؤيَتُها تُنافِسُ ضُوء القمر جمالاً .. نَفسِي تشتاقُ .. أعِيدِينِي لِحُضن عيَناكِ ""
ونورا كتبت ::
" وُلِدتُ الليلة الماضِية ..
عُمرِيّ يومُ وليلة .. ما مضى قبله كان سراب ..""

ختت تلفونها ومشت على المطبخ😍.. عملت ليهو طبق الحلو ال قال عايزهو😍..
امها جات لقتها مستلمة المطبخ😂..
امها : الليلة ده شنو الروقان ده كلو😂.. زمان نشحدك شحدة عشان تعملي كباية شاي الليلة حلو عدييل..
نوران : والله يا امي بصراحة كده مزاجي رايق شديد وبعدين جاي سامر ناس حبوبة هو ولؤي وعملت ليهم الحلو دهه..
امها : سجمنا🙊 الحكاية فيها سامر؟! انتي عرفتي من وين انه جاي؟؟ نورا رضيتي خلاص😍.
نورا : ما كنت رافضة انا🙈. وبعدين شنو التحقيقات دي يا امي ياخ ..
امها : سمح خليتك😂.
جهزت الحلو ومشت غرفتها تجهز .. لقت تلفونها بيضرب ..
دهه خالد.
نورا : الو خالد كيفك😍.
خالد : وين انتي ما بتردي ؟! وليه لسه م جيتي الجامعة والموضوع شنو ..
نورا : براحة براحة😂. كنت نايمة الموضوع بكره بعد اجي بكلمكم كلكم اسي جايننا ضيوف لازم اقفل. يلا باي.
وقفلت الخط .
خالد : قفل فيني الخط!!
مجتبى : ههههه البت دي مجهجهاك شديد يا خوي😂. واسي تكون بتلعب بيك😂 .
خالد : كيف يعني؟!
مجتبى : يعني انت الجكس حق الجامعة بس🐸. حدك الجامعة وتظبط ليها امورها هنا البت دي ذكية ياخ😂.
خالد : معقولة!.
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
نورا بجاي اتصلت لي سمر عشان تحكي ليها ..
سمر : يا بت ويين انتي ؟! برسل ليك ما بتردي الحاصل شنو ..
نورا : تعالي لي في البيت احكي ليك ..
سمر : طيب ظابط اصلاً انا طالعة من الجامعة اسي ح اجيك ..
نورا : يلا.
تسنيم جات داخلة غرفت نورا لقتها سرحانة فى المراية ومبسوطة😂.
جات وقفت فيها كده وعاينت ليها ومستغربة .
تسنيم : نوران يا بت اجيي سجم خشمي ال بت دي جنت ولا شنو يا بت امي هوووي هاااا..
نورا : اححح يا تسنيم😍. سامر😍 انا وسامر بقينا نحب بعض🙈.
تسنيم : وين الجديد في الموضوع يا هبلة🙂.. كلنا عارفين انكم بتحبو بعض😐.
نورا : انتي م ح تفهمي😍 انتي لسه صغيرة🙈.
تسنيم : اجيي يا اللسه صغيرة😂.. اها قال ليك شنو مستر روميو ده😂..
نورا : بعد تجي سمر احكي ليكم الاتنين😍.
تسنيم براحتك انا ماشة اكل لي شي واستحم واجي انوم☻..
نورا : عايني يا بقرة اوعك تمشي تاكي الحلو ال في التلاجة عاملاهو لي سامر ولؤي🙂..
تسنيم جاتها جارية .. : حلوووو ؛ ولؤي في نفس الوقت ح يجيني سكرررري والله😭😭😭💔..
وقعدت تحكي ليها : بت يا نورا انا مكسرة في لؤي ده😍.
نورا : انتي عندك امتحانات ناسية🙂.
تسنيم : بلا امتحانات بلا زفت انا لو لؤي ده طرح ليّ ح اخلى ام المدرسة والقراية وكل شيء 😍..
نورا : 😂😂😂 لازم يعرف انك منبرشة فيهو كده لازم😂.
تسنيم : اوووعك🙂.. لازم اتقل شوية يا بت والا ح يضيع مني😔.. ال بت ال خفيفة ما ظريفة💔..
نورا : يا بت اساليهو كيفك واحوالك وكده يعيني ..
تسنيم : لاااااا اسي انتي سامر ده طلعتي زيتو من الولد شافع جاري وراكي ما اديتيهو كلمة حلو حتى الهدايا ال بجيبها ليك م بتلبسيها وجاية تقولي لي اتخاففي لي لؤي اااه يا حاقدة😂..
نورا : سامر شيء ولؤي شيء تاني .. ما كلنا بنحب بي نفس الطريقة كل واحد حبو مختلف للتاني ، فى حاجات ما بنقدر نطبقها مع اي زول .. انتي اتقربي منه واعرفيهو كويس وانتي وذكائك تاني تعرفي ال طريق لي حبو شنو .
تسنيم : عايني كلامك ال كبار ده انا ما بفهمو ليك . الولد ده لازم يخطبني😭💔.
نورا : سمح سمح ..
ام نورا : بنات سمر دي قاعدة ليكم برا تعالو..
نورا : تسنيم امشي سلمي عليها وجيبيها هنا.
سمر : جات داخلة وسلموا على بعض .. اها احكي لي يختي.
نورا : كلمتها بالحاصل كله😍.
سمر : احييييا بس اديني سامر ده شدة والنبييي😭.. حتى عايني احنا جاين كيف سامر وسمر😭💔.. اديني ليهو عايزة نسخة منو😭😭😭💔..
نورا : سمر😐. بطلى سخافة😂..
سمر : مشاعري انتهيتوا منها😭... يا زولة تتهنوا يارب وتستاهلوا كل خير وربنا يبعد عنكم عين الحسود😍💜. ارح اظبطك اعمل ليك ميك اب خفيف كده😍..
نورا : سجمي لا لا يختي ما عايزة ،،، ح يلاقني كده😍 بخلقتي دي😂.
سمر : اصلو م بكيفك🐸.. طلعت حاجات الميك اب من شطنتها وبقت جارية ورا نورا في الاوضة😂.
#يتبع.

فديوهات ٢٠ ثانيه للمجروحين والفاگدين اعزاز 😔💔
ادخِل وشوف بعينگ كله جديد HD✔️😔💔💔💔💔
https://hottg.com/+AAAAAFfnx5n9Vpg2nI3L9g
تعـاالو هناااا #فيديوات تمووت 😔💔💔

#اسميتها نورا
# الحلقة الحادي عشر .
# بقلم - فاطمة - عبدالقيوم.

مُجتبى : يا مان خليك معاي شنو ماسك تلفونك كده اقوم منك انا يعني؟ ..
خالد : لا ياااخ تقوم شنو معاك انا .
مُجتبى : فى شنو يازول ال بت دي صاحبتك يعني ح تطير منك وين ما تخاف ح تجيك ..
خالد : المرة دي حاسي بيها اتغيرت شديد ياه.
مُجتبى : قلت ليك وغلاوتك عندي ال بت دي تكون من نصيبك لوك الصبر بس انت . وخليك رايق.
خالد : منك خوفة والله انت😂. سمح ارح نطلع ..
مُجتبى : طلع سجاراته ومفتاح العربية واتخارجو..
؛؛؛؛؛؛؛؛؛؛؛؛؛::::::::
بهنا فى شقة سامر --.
لؤي : يا حبيب سلامتك ياخ مالا يدك ..
سامر : لا حاجة بسيطة كده وقعة خفيفة كده.
لؤي : ما تستاهل والله دي البلد دي ما بتنفع معاك😂.
سامر : البلد دي روحي فيها وفى هواها ياخ😍.. ح اعمل مكالمة بس وبجيك يا لؤي..
لؤي : طيب انا هنا راجيك .
سامر : الوو يا حاج كيفك..
ابو سامر : كيفك يا ولدي واخبار البلد شنو..
سامر : والله كلو تمام الحمد لله.. انت كيف والشغل وامي كيف.
ابو سامر : كلهم تمااام بس انت قول مالك حاسي عندك كلام . مكالمتك دي غريبة شوية..
سامر : اي والله يا ابوي انا بصراحة قررت اخطب نورا الليلة انتو لازم تجو الاسبوع الجاي نتم الموضوع ده.
ابو سامر : على بركة الله ربنا يتم ليكم على خير اخيراً العروس ديي رضت😂.. طلعتوا روحنا..
سامر : اخيراً والله عنادكم ده وراثة😂..
ابو سامر : خير. . انا كنت رسلت ليك وقلت ليك عندي شوية مشاكل فى الشغل .. اسي حالياً صعب شديد اتحرك تم الخطوبة انت وتعال لي محتاجك هنا وبعد المشاكل دي تتحل بنجي كلنا ..
سامر : ابشر الاسبوع ده بكون عندك .. ماف شيء بتم غيرك..
ابو سامر : على الاقل يا ولدي اتكلم مع ابوها لحدي ما نجي ونعقد ..
سامر : حاضر يا ابوي.
؛؛؛؛؛؛؛؛؛؛؛
نورا : سامر بتصل😍..
سمر : ردي يا بت سريع..
تسنيم : نطلع احنا؟!
نورا : خليكم بطلع انا😂.
نورا : الوو يدك كيف اسي ؟!
سامر : اول مرة اشوف لي واحد عيان بتصل لي حبيبتو عشان تتطمن عليهو .. ال بعرفو هي ال بتتصل😂.. بس نعمل شنو الحب غلاب😍.
نورا : قفلنا قبيل من بعض🙊.
سامر : سمح🙄.. انا ح اجي اخطبك من ابوك بعدين عشان م تعملي لي حركات الخجل دي ماشي!
نورا : ما موافقة!!
سامر : ح اقول ل ابوك انو انتي سبب كسرة يدي😂..
نورا : برضو ما موافقة😂.
سامر : المهم كلمتك😂.. والحلو ما يطلع كعب.
نورا : يلا لبعدين..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سمر : اها يا بت قال ليك شنووو؟!!
نورا : بتكبي قال ح يخطبني!!.
تسنيم : بتبكي ليه اسي يا هبلة😿.. وقعدت تبكي معاها..
المهم بعد البكا ده كلو رجعوا يضحكوا وجهزوا نورا للخطوبة وميكب خفيف كده وفستان أزرق ..
رسل ليها رسالة بعد ساعتين..
(سامِر الذِي عَهدّتِيه قوِياً دوماً يقِفُ اليوم مَهزُوزاً بارِدُ الكَفتَيّن تتضاربُ نَبضاتُ قَلبه أمام القرارُ المَصِيري مِن والِدُكِ الجلِيل.. أباكِ قادِمُ إليكِ لِمُشاورتُكِ .. أرجوكِ أقبَلِينِي بِعُيُوبِي وأصلِحِيني فِيما بعد .. أرجوكِ لا تَرفُضِيني وحٌبِي..)...
قرت الرسالة وعيونا بتدمع😭😭..
باب غرفتها اتفتح بسيط كده وسمعت زول بدق خفيف..
نورا : أتفضل .
أبو نورا : عروسنا السمحة..
نورا : ابوي ادخل😍.
ابوها : ماشاء الله انتِ الليلة احلى واحدة فى الدنيا دي.. كأني شايفك مولودة لسه جديد.
كبرتي وبقيتي عروسة.. عارف انك عارفة بحكاية خطوبتك وطلب سامر..
بس عشان قلبي يتطمن عايز اسألك انتي موافقة تكملي حياتك مع سامر؟! شايفه انه مناسب ليك؟! ..
نورا : انت اكتر واحد عارف سامر وتقريباً ربيتو انت وبتعرف مصلحتي اكتر مني لو سامر مناسب لي ولا لا .. وانا مستحيل اكسر كلمتك ورايك ال بتقولو بمشي عليّ..
ابوها : شوفى يا نوران يا بتي انا عايش عمري ده كله عشان اسعدكم واشوف الفرح بيكم .. انا فى اللحظة دي سامر ولا بعرفه ولا ربيتو .. انا بعرفك انتي بس فى اللحظة دي بتي ال بريدها وعايز ليها الخير عايزها ملكة ومبسوطة في حياتها .. اعرفي يا نوران لو انتي اتكسرتي وعيونك نزلت منها دموع غير دموع الفرحة انا حياتي دي ما عندها معنى يا بتي .. انا عايش عشانكم ..
نوران بتبكي من كلام ابوها : الله يخليك لينا ياارب.
ابوها : لو شايفة انو سامر ده ح يأذيك فى يوم وشايفة انو قاسي عليك وح يقسى اوعك تترددي وتقولي لي استخيري ربنا يا نوران وشاوري قلبك تاني وقولي لي ح يحصل شنو..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سامر بهنا متوتر شديد وخلاص الوقت طول شديد ونورا وابوها بتكلموا😂..
• ابوها : جا طالع وعيونو ظاهر فيها الحزن واثر الدموع .. لأول مرة يلاحظو ليها .. قاعدين كلهم منتظرين القرار .. جا قال ليهم عندي شغل ضروري يجماعة .. يا سامر نوران ح توريك قرارها بعدين..
سامر : طيب يا عمي ..
بجاي اتصل لي نوران بس ما ردت ليهو😂..
المهم لؤي كان لازم يمشي جاهو شغل وطبعا ح يوصل سامر لانه يده ما بقدر يسوق .. طلعوا من البيت..
#يتبع

#اسميتها نورا
#الحلقة - الثانية عشر.
# بقلم - فاطمة - عبدالقيوم.

سامر وصل شقتو ولسه بتصل لي نورا تلفونها مقفول .. كان خايف شديد من انو نورا ترفض او ابوها يقنعها تغير رايها .. المهم كانت فى خوفة كده ما مفهومة.. كان برجف ومنتظر قرار اكيد ح يغير حياته نورا بتعلب بأعصابه وبتختبر فى صبره شكلها..

بعد المحاولة ال مية على الأقل فتحت تلفونها ردت ليهو..
سامر : نورا بتصل ليك من الصباح ليه ما بتردي .. ووريني الحصل شنو انتي موافقة؟!
نورا : تلفوني فصل شحن والله..
سامر : انتي موافقة بي يا نورا؟! موافقة انو انا اكمل معاك حياتك واشاركك فيها؟! ..
نورا : ابوي قال ليك شنو..
سامر : نورا أعصابي ياخ ابوك ما اتكلم وقال لي نورا حتوريك..
نورا : ابوي قال لي استخيري قبل م تديني رايك .. قلت ليهو انا مدام انت موافق ح اصلي ركعتين شكر .. وقلت كمان لي ابوي انك ما بستخيروا فيك ..
سامر : بحبك اقسم بالله والله ح اسعدك ح اعيش عمري كله عشان تكوني مبسوطة❤.. سعادتك مسؤليتي..
نورا : انا ما مصدقة انك خطبتني😭..
سامر : زغرتي طيب😂💔..
نورا : ما بعرف😂💔..
اتونسوا طويييل سااعات طويلة كأنه العالم كله أختفى وبقوا هم والنجوم بس..
سامر كلم نورا انه ح يسافر لي ابوهو عشان مشاكل الشغل وح يرجع يتم العرس..
بس طلب منها يشوفها قبل م يسافر .. نورا قالت ليهو ح تكلم ابوها وتطلع معاهو..
اتفقوا انهم يتلاقوا يوم الأربعاء نفس اليوم ال ح يسافر فيهو بس سامر ح يسافر بالليل وطلب من نورا انو اليوم كلو يكونوا مع بعض لحدي المساء😍❤..
الليلة الأتنين نورا طولت ما مشت الجامعة طلعت الصباح بدري ..
نورا : الوو يا سمر وينك انا قربت للجامعة ..
سمر : ده شنو النشاط ده انا يادوب ح اركب الموصلات نتلاقي..
نورا : طيب يا كسلانة ح اضرب لي نهي اشوفها وين.
سمر : طيب طيب .
نورا وصلت الجامعة ومشت الكافتريا طوالي من الصباح جعانه 😂😂💔.. تلفونها اتصل.. ده سامر.
سامر : خطيبتي السمحة😍..
نورا : خطيبي الشين😂.
سامر : ههههه شكلك برا صح!
نورا : اجل اجل فى الجامعة والله .. وانت؟!
سامر : عندي واحدة كدة زميلتي جاية السودان ماشي استقبلها ف المطار.
نورا : إلا انت؟! وضروري زول يستقبلها ؟! ووين اهلها مقطوعة من شجرة؟! ولما ما عندها اهل جاية ليه؟!
سامر : قاطعها حبيبي زميلتي دي مخطوبة .
وانا عيني مليانة فااا ارتاحي❤.
نورا : انا بسأل عادي بس🙊.
سامر : من حقك تسألي وتأمري وتنهِي وأي قرار تقوليهو يمشي عليّ. سمعاً وطاعة يا ساكنة القلب.
نورا : بس انا ما بعرف أرد على كده🙈.
سامر : اشتقت ليك وعايز اشوفك ح اجيك بعدين.
نورا : لو كنت فاضي لي من الست هانم دي تعال.
سامر : احتمال ما اكون فاضي😂😂😂.
نورا : والله؟؟
سامر : بحبك يا مجنونة
قفلت من سامر وطلعت للقاعة ..
لقت نهي قاعدة مع نِذار طبعا م فاضية ليها😂..
شافتهم من بعيد ومشت بإتجاه القاعة .. نُهي جات لاحقاها ..
نُهي : نوران نوران ..
نورا : اهلييين نُهي .. كيفك
نُهي : بخيير والله سمعت انك اتخطبتي كلمتني سمر الف الف مبروك .
نورا : الله يبارك فيك وعقبالك انتي ونِذار.
نُهي : حاولت تغير الموضوع ... موش سامر ده كنتي رافضاهو.
نورا : لا طبعا بس كنت بحاول اثبت اني م عايزاهو ..
نُهي : م عارفة بس حاسة ود اهلك ده ح يخليك في نص الطريق..
نورا : لما ده يحصل ح اجيك تواسيني حالياً هو معاي ومبسوطين😃..
نُهي : وانا عايزة ليك شنو غير انك مبسوطة حبيبتي😘.
نورا : تسلمي لي. المحاضرة حتبدا يلا.
المحاضرة بدت بس نورا تفكيرها كله فى سامر وال بت ال ماشي يجيبها دي .. وكلام سامر ليها وقال ليها انه ما فاضي ليها .. المحاضرة مرت عليها كأنها سنين .. فى نص المحاضرة م قدرت تستحمل فتحت تلفونها ورسلت لى سامر : ( اشتقت ليك.. ).
وقفلت تلفونها ..
سامر بهنا وصلتو الرسالة وهو طالع المطار كان مبسوط شدييد😂.. حيطير من الفرح ..
رسل ليها : ( وانا اشتقت ليك ركزي فى المحاضرة يا أيامي الحلوة ..) .
المهم المحاضرة انتهت ونورا طلعت مع سمر ال جات نص المحاضرة😂.. طلعوا كده لاقاهم خالد ..
#يتبع.

#اسميتها نورا
#الحلقة الثالثة عشر .
#بقلم - فاطمة -عبدالقيوم.
خالد : عاش من شافك يا نورا.
نورا : عندي ليك اخبار رهيييبة ح تفرح لي يا خالد.
خالد : قولي طيب😍..
نورا : اتخطبببببت لي ساااامر يا خالد💃💃.
خالد : شنو؟ كيف يعني!! ما جادة .
نورا : انا زاتي ما مصدقة بس الايام الفاتت دي حصل فيها حاجات كتيييرة😍. اسي م بقدر احكيها ليك ممكن سمر تحكي ليك عندي مشوار ضروري.
خالد : مع سامر ؟!
نورا : ايي جايني الجامعه😍. يلا نتلاقى😍.
نورا طلعت وخلت خالد مع سمر وكأنه الدنيا كلها اسودت فى وشو..
سمر : احكي ليك الحصل؟!
خالد مشى وخلاها كان متضايق شديد..
مشي لي نورا في باب الشارع لقاها واقفة مع بنات كده قال ليهم عن اذنكم عايز نوران .
نورا : مالك يا خالد البنات بسألوني من حاجة مهمة الدكتور منتظر ردهم..
خالد : العبط ده ملحوق.. انتي كيف تتخطبي لي زول غيري!.
نورا: زول غيرك؟! ده لعبة جديدة من العابك يا خالد صح 😂. بس حلو ظريفة ودمها خفيف.
خالد : انا صح م قلت ليك اني بحبك بس مستحيل تكوني ما لاحظتي للشيء دهه م ممكن انا من عرفتك موقف حياتي عشانك وتجي فى الاخر تقولي لي سوري انا اتخطبت لي سامر!. بالبساطة كده ترميني ؟! طيب وانا وسنيني ومنظري قدام الجامعه؟! جاري وراك زي الخروف لحدي م وصلتك لي ود الحلال؟! ده انا في نظرك ولا كنت عاملاني اسبير في الجامعه هنا وال بظبط ليك امورك ووقت الضحك والونسة والشيتات وكلو وتجي تعرسي قريبك.. اسمعي يا بت الحلال انا عارف كويس انك ما بتحبي سامر ده اسي تمشي تقولي لأهلك اي حجة وتتخلصي منه وانا بجي بتقدم ليك والإ ما ح يحصل ليك طيب..
( خالد قال كلامه ده ونورا مصدومة اكيد بحلم مستحيل خالد يقول كده خلص كلامو وطلع من باب الجامعة ونورا بجاي منهارة وبتبكي..).

اتصلت لي سمر ونهي عشان يجوها.. حكت ليهم القصة كلها وبتكبي شديد😭😭💔..
نورا : اول مرة احس اني مكسورة كده😭💔.. خالد صاحبي الوحيد فى الجامعة بهددني وطلع من البداية حايم حواليني وعندو هدف من ده😭💔.. عمري م اتخيلت اتخدع فيه ..
نهي : اهدي يا قلبي اسي هو خدعك في شنو ده خالد ال بتعرفيه وصريح معاك من البداية اسي ما قال ليك شيء يخليك تكرهيهو.. كلامو واضح..
نورا : انتي م شوفتي لهجتو كيف ال بتكلم بيها ده ما خالد ال بعرفه ابداً وبعدين انا ما جبرته انه يساعدني ولا استغليته في شيء ..
سمر : كل الأولاد كده يا نورا ماف صداقة بين بت وولد الا ويكون عندو هدف من الصداقة دي .. يعني اسي السيد خالد ده كان بعمل كل الحاجات دي طمعان فيك..
نهي : الود قال عايز يتقدم ليها عديل شنو طمعان فيك دي ي سمر انتي م تكبري المواضيع كمان.
سمر : يتقدم؟! بعد ما سامر خلاص خطبها وبعدين لو عايزها بالحلال كان زمان فتح خشمو ده معاها ما باقي ليها سنه وتتخرج وهو لسه خايف.. انتي عارفه الفرق بين سامر وخالد شنو .. اصلاً ماف مقارنه .. يا ستي سامر ده راجل بمعني الكلمة ..كان لي نورا ابوها واخوها وكل شيء مع انه ابو نورا كان ح يوافق من نورا صغيرة بس سامر كان شايف انو نورا مترردة ف كان بظهر ليها في حبو بس وما حصل جبرها عليهو .. مع انه ود عمها وهو اولي ..
اما السيد خالد دخل ليها بحنك صاحبها في الجامعه والوحيد ال قدر يثبتها ويبقى معاها الوقت كله حاسي بإنتصار كده خصوصاً انو نورا اي واحد يقرب ليها بتنفض ليهو الا خالد لانها وثقت فيهو للاسف وهو اسي جا وقال ليها منظري قدام الجامعة فهمتي؟! يعني القصة منظره وود شفت فهمتي يا سيدة نهي..
نورا : انا راسي ح يتفجر من الصداع😭💔.. معقولة خالد طلع كده لا لا م قادرة اصدق انا😭💔..
سمر : لسة ما قادرة تصدقي؟! طيب راحتك..
تلفون نورا اتصل ..
نورا : ده سامر😭💔. اسي اقول ليهو شنو💔💔.
سمر : ردي وقولي ليهو انك عيانة او اي شيء.
نورا : الوو.
سامر : حبيبي كيفك اها وين انتي؟!.
نورا : في الجامعة لسه شوية وح اطلع.
سامر : مالو صوتك في شيء؟؟؟
نورا : شوية صداع كده ح يروح اسي.
سامر : نص ساعة واكون عندك وقفل الخط .
نورا : المجنون ده جاي😭💔..
اعمل شنو اسي😭💔..
سمر : ارح الإستراحة غسلي وشك ده طيب😂.
مشوا الإستراحة نُهي قالت ليهم ح تطلع البيت..
سمر ظبطت لي نورا وشها كده بس لسة عيونها ورامة من البكا😂💔.. شربت قهوة من الصداع وقعدت شوية كده اتصل ليها سامر انو برا..
#يتبع.

#اسميتها نورا
#الحلقة - الرابعة - عشر .
#بقلم - فاطمة -عبدالقيوم.

نورا طلعت ل سامر ..
سامر : مالك يا نورا كويسة؟!
نورا : كويسة انا الحمد لله ما فيني حاجة.
سامر : كيف ما فيك حاجة ووعيونك ورامة كده انا متأكد كنتي بتبكي احكي لي في شنو.
نورا : سامر بالجد ماف شيء ح تقعد تحقق معاي كده يعني؟ .
سامر : فتح باب العربية يلا نمشي طيب
نورا ساكتة جوة العربية وشاردة اتذكرت خالد وكلامه ليها ..
سامر : عاين ليها كده ومسك يدها ..
نورا : اتفاجئت وعايزة تشيل يدها😂🙈🙊.
سامر : ده منو ال ضايقك وخلاك تبكي ده وانا امسحوا من الدنيا ما تبكي انا والله قلبي بتقطع كده..
نورا : م حاجة معينة شوية مشاكل فى الجامعة.
سامر : ح ننزل جمب البحر وبعدين نتناقش.
نورا : عرفت كيف انو انا بحب البحر😭❤.
سامر : انا عارف عنك كل شيء وقفت على حكاية البحر؟!. لما تكوني زعلانه كده وبتبكي وانا قاعد بتفرج يبقى لازمتي شنو؟ على اساس بقينا واحد انا وانتي ..
نورا : ماف شيء بس عندي صحبتي اتخدعت فيها .. طلعت سيئة عشان كده متضايقة..
سامر : طيب على العموم ايّا كانت المشكلة انسيها اسي.. اديني شوية وقت😿 احبك فيهو عشان انا مسافر😿.. اوعدك تنسي همومك كلها معاي..
نورا : وقتي كلو ليك🙈❤..
سامر : دي نورا ال بحبها 😍..
نورا وسامر نزلوا وقعدو فى كافيه قريب للبحر .. وبقوا يتونسوا كتييير ..
كل مشاعرهم ال كانت مكتومة والاحاسيس اتكلموا فيها❤
نورا : عاينت للساعة يييي انا لازم امشي البيت اتأخرت كتيير.. وتلفوني م فيهو شحن يلا نمشي..
سامر : قعد يضحك عليها😂🐣.. يا بت انتي مع خطيبك وح يبقى راجلك وود عمك وخايفة😂.. على العموم انا كلمت عمي انك معاي واننا ح نتأخر شوية عايزين نشتري حاجة..
نورا : كلمتو؟! وليه م قلت لي🙂.. وعايزين نشتري شنو طيب.
سامر : دبلة وخاتم.
نورا: بس ديل لما يجوا ناس عمي .. ما اسي مستعجل مالك..
سامر : يا ستي بعد يجوا ناس عمك دي حاجة براها اسي انا عايز اشتري ليك ولي دبلة نكون قريبين لي بعض والناس تعرف انك بقيتي لي وح تبقى حلالي..
نورا : خايف يجي زول ياخدني منك؟!.
سامر : لو فى واحد امو داعية عليهو يجي يجرب.
نورا : ولوو جا وفعلاً قِدر يهز الحب ال بينا .. وخلاك تتراجع وتخليني ف نص المشوار..
سامر : اولاً ده امو لسه ما ولدتو ال ح يفكر يعمل كده.. ثانياً حبي ليك ما بتغير بشوية افكار من ال في راسك اطمني انا جمبك طول العمر انتي حبيبتي ال إخترتها من انا صغير اخترتك تكوني مشواري الجاي وحياتي الأبدية .. لما اقول ليك بحبك ما لعب عيال ولا كلام افلام ورويات انا بحبك بالجد وساعي ليك ف الحلال .. بدعي ليك في صلاتي تكوني من نصيبي .. وبدعي ربنا يلين قلبك عليّ وتحبيني شوية من حبي ليك..
نورا: الحب ده ح يتغير او يمكن ينتهي كلو بعد العرس.. المشاكل ح تبقى كتيرة وح تكتشف انك اخترت بقلبك ما عقلك..
سامر : انتي بتحاولي تبعديني ولا تثبتي ليّ اني ممكن اتغير وابطل احبك؟!
نورا : ما عارفة لكن عندي احساس انك ح تتغير!.
سامر : اكيد ح اتغير..
نورا : كنت متأكدة😭..
سامر : نزل من الكرسي وقعد فى الأرض تحت رجليها ( حركة الأفلام دي😍) .. وباسها فى يدها وبقي يقول ليها .. الله يعيني بعدين على البكا ده😂.. اسكتك كيف تاني..
يا قلبي ح اتغير واحبك اكتر يا أيامي الحلوة.. ما تشيلي هم الجاي كلو خير وحب اكيد..
نورا : خجلانه من حركة سامر ... ( طيب قوم من الأرض الناس بتتفرج) ..
سامر : ويعني!! اسي ممكن اكلم الناس دي كلهم اوريهم قدر شنو انا بحبك..
نورا : طيب طيب قوم من الأرض😂. ي روميو..
سامر : م مصدقة صح؟!

سامر وقف فى نص الكافية والناس بتتفرج طبعا😂.. بأعلى صوت قال ليهم .. دي خطيبتي يا جماعة وعرسنا قريب ان شاء الله ادعوا ربنا يتم على خير.. بس يا شباب حبيبتي دي بتبكي اسي وقالت انه انا ممكن اتغير بعدين وابقى ما بحبها .. كلموها انو ده ما ح يحصل والله.. اشرحوا ليها اني بحبها اكتر من روحي.. وانها دنيتي واحلى حاجة في الكون..

مشا مسكها من يدها وقال ليها لو انتي م ح تكوني فى عمري الجاي انا م بعيشو.. وباسها ف راسها قرب ليها قال ليها .. ( لو م الناس ديل كان حضنتك😂❤🙈🙊)..
" الناس هنا بدت تصفق ويصفروا وويك الكافيه بقى حفلة😂" نورا : ارح نطلع يا سامر الناس كلها بتعاين لي😭.
سامر : اقيفي شوية😂 بعد قلبتي المكان فرحة عايزة تمشي؟!..
الناس اتشجعت وكل واحد بقى يتكلم عن مشاعرو للتاني..
وبدوا ينصحوا ف نورا انها تستلم للحب الكبير ده وانه سامر بحبها .. جاتها واحدة كده ف نص الزحمة قالت ليها : اديني سامر ده لو م عايزاهو😂.. طبعا نورا حمّرت ليك فيها كده وقالت ليها : اديك ليهو كيف يعني ؟! لعبة هو؟! وبعدين اهو ده لو عايزك شيليهو🙂 بصوت غيرة كده😂😂.. سامر بضحك فيها والكافية كلو😂..
سامر قال للبت : قلبي مليان بي نورا والله معليش يعني جيتي متأخرة شديد😂..
البت : على شنو لو كانت احلى شوية م كنت عارفة ح تعمل شنو..
نورا : واقفة بتتفرج ف البت قليلة الأدب دي و

# اسميتها نورا.
# الحلقة - الخامسة عشر.
#بقلم - فاطمة - عبدالقيوم.

بعد رجعت البيت كانت نورا مبسوطة شديد كأنها مولوده جديد😍..
رسلت لي سامر ..
( م كنت عايزة ارجع البيت ياخ.. ده احلى يوم ف حياتي.. ما تسافر وتخليني..).
اتصل ليها ..
نورا : سامر!!
سامر : انا كمان مبسوط واليوم ده احلى يوم الحب ده شيء حلو ياخ..
نورا : لو كل حبيبين زينا كده يبقى الحب حلو فعلاً.
سامر : فى ناس م بتعرف تعبر عن حبها وبرضو ح يفضل ده حب.. الحب كلو حلوو.
نورا : ماف أعذار لي واحد بيحب وما عارف يعبر .. ده عمرو ما عرف الحب.
سامر : طيب بالنسبة ليك!!
نورا : انا مالي؟! انت كنت عارف ومتأكد انه انا بحبك من زمان.
سامر : ما كنتي بتعبري شيبتي لي راسي.
نورا : بس انت ما زهجت مني..
سامر : كان باقي لي شووووية وازهج😂..
نورا : اممممم عايزة اسألك!
سامر : الله يستر اسألي حبيبي طوالي..
نورا : ما حاولت تحب غيري؟! خصوصاً انك محاط بكمية بناات وكلهم بتمنوا رضاك.. اخر شيء وانا معاك ال بت ال في ال كافيه😭.. قال اديني سامر!.
سامر : انا بحبك انتي براك بس بحكم انه ف بنات حواليني اكيد كنت بتكلم معاهم حاولت انساك ف كل مرة برجع من الإجازة وبلاقي صدود منك كنت برد على البنات وبوهم نفسي انه ممكن احب غيرك!. بس كنتي مسيطرة على شديد .. ساحرة زي م قلت ليك..
نورا : يعني عادي بتلاقي لي بديل لو اتخلفنا!
سامر : انتي غريبة ياخ😂.. انا عارف انك خايفة من انه اتخلى عنك مع انه انا ما صدقت اعترفتي بي حبك.
نورا : واهااا!
سامر : انا حبيتك بقلبي وعقلي ما بعيوني بس..
نورا : والفرق شنو!
سامر : الفرق لما احب بعيوني ح احب المظهر بس.. وطبيعي ح اشوف الأجمل.. وده ال بحصل لما اوهم نفسي بواحدة غيرك.. بس برجع ليك بعد تمشي من قدامي..
اما انتي ف حبيتك بقلبي يعني انتي قاعدة براك بس ف القلب .. وكمان بعقلي .. انتي اختياري الصاح او اصح اختيار لي ف الدنيا دي .. انتي انتصار لي.. وبدونك انا مهزوم.
عايزك م تستعجلي .. ح اثبت ليك كلامي ده كلو .. اطمأني وانتي معاي..
نورا: امممم طيب يا روميو😂..
سامر : ح اسافر بكرة الصباح .. ح اكون مشغول الفترة الجاية واحتمال ما الاقي وقت اضرب ليك كل يوم خلى بالك م نفسك واي شيء يضايقك رسلي لي ..
نورا : ح اشتاق ليك بس😭.
سامر : هانت يا روحي !!.
،،،،،،،،،،،،،،،،،،،،،
اليوم التاني سامر سافر ورسل لي نورا اخر اليوم انو وصل بخير..

ح ترجع نوران تاني للجامعة والملل خصوصاً انها بعد شهر بس ح تنزل اخر سنة ومشروع التخرج ووو الجوطة دي..
المهم مشت الجامعه الايام دي امتحانات..
نورا بتقول ..
ما كنت عارفة انو بعد السعادة ال مؤقتة ال عشتا فيها مع سامر دي راجياني ايام سوداء كده بدونه.. خصوصاً انه مشاكله ف الشغل م بتسمح ليهو بإجازة قريبه.. الا بعد سنة.
مع كده كان كل صباح بتصل لي وبالليل كمان بحكي لي مشاكل الشغل وبتكلم معاي كتير مع انه عارفة كويس انه مُرهق وفتران شديد.. بس م كان بِفوت يوم الا بنعرف تفاصيل بعض❤..
انا متأكده انه سامر ده هدية ربنا لي وسط جوطة حياتي دي كلها .. وسط سيئاتي هو الحسنة الوحيدة.. رغم انه بنكد عليهو كل الوقت بس هو مستحملني بكل عيوبي وشايفني اجمل ملاك.
انا ندمانة شديد على الفترة ال ضيعتها بدون سامر .. ندمانه على الإجازة ال بجيني فيها مشتاق لي وهو بلاقي مني جفا وصدود..
م ح انسى محاولات سامر المجنونة عشان يشوف ضحكتي ورضاي بس يعني كدهه حكايات ألف ليلة وليلة..
كأني ملكة وباقى النسوان جواري.. دايماً بقول لي كده.. بقول لي إنتي فى مملكتي ماف مكان بِقرّب على مكانتي😍.

،،،،،،،،،،،
فى الجامعة..

سمر : حاسة بي حاجة غريبة قلبي مقبوض يا نوران وحاسة بضيق شديد..
نوران : بسم الله الرحمن الرحيم ارح المسجد اقري قران واستهدي بالله كده واستغفري..
سمر : طيب حاضر حاسة اني عايزة اموت💔 ارح سريع ..
نوران : طيب يلا..
مشوا المسجد وسمر اترمت ف السجادة وبقت تبكي شديد قرت قرآن ولسة حاسة بضيق شديد.. نوران بقت م عارفة تعمل ليها شنو وتهديها المشكلة ماف سبب معين!!.
نوران: يلا البيت حالتك صعبة وم ح تستحملي تقعدي يا سمر.
سمر : وديني ارجوووكي😔💔..
نوران وسمر طلعوا سوا ومشوا بيت سمر ..
سمر : ارتاحت شوية لما وصلت بيتهم وحست بالأمان انهم بتونسوا سوا اخواتها وهي اكبر واحدة ف البيت محبوبة شديد وعندها اخواتها الصغار اربعة واخوانها اولاد تؤام عمرهم سنتين يادوب.. اخوانها بحبوا نوران شدييييد بقوا يتونسوا معاها وابو سمر وامها اتلموا وبضحكوا..
سمر : انا ح امشي انوم يجماعة نتلاقي يا نوران..
نوران : طيب حبيبتي ارتاحي ح اتونس شوية مع الحلوين ديل.
؛؛؛؛؛؛؛؛؛؛؛؛؛؛
طلعت منهم بعد الغداء نوران ومشت البيت اتصل ليها سامر وبقت تتونس كتيير لحدي ما نامت❤..
صحت نورا على صوت تلفونها ولقت دي نهي وكم مكالمة منها ردت ليها ..
نورا: الو نهي
نهي : بتبكي الحقيي يا نوران سمر😭😭😭😭💔.
#يتبع.

معليش علي التأخير ي جماعه 🤗
يلا التفاعل مهم بليييز

ندي القلعة - ما كنت من 9 بتنوم 😴💕

اول طلبات فبراير الازرق 💙😂

صفحه الفيس بوك

فديوهات ٢٠ ثانيه للمجروحين والفاگدين اعزاز 😔💔
ادخِل وشوف بعينگ كله جديد HD✔️😔💔💔💔💔
https://hottg.com/+AAAAAFfnx5n9Vpg2nI3L9g
تعـاالو هناااا #فيديوات تمووت 😔💔💔

عبدالله الطيب - ما بفارقا ☝️🙅‍♂

فديوهات ٢٠ ثانيه للمجروحين والفاگدين اعزاز 😔💔
ادخِل وشوف بعينگ كله جديد HD✔️😔💔💔💔💔
https://hottg.com/+AAAAAFfnx5n9Vpg2nI3L9g
تعـاالو هناااا #فيديوات تمووت 😔💔💔

مادلين مطر - اخر كلام 💕، مصري🇾🇪

اول طلب 👆