🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 35 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

عند ولاء.......
دخلت المركز وتحديداً مكتب عبدالله بعد م قالوا له ..
ولاء وهي تدخل وتجلس:سلام
وبدون مقدمات طلعت الملف ومدته له:كل هالأسامي عندك وعطها صاحبك اللي ارسلته
عبدالله طالع فيها بصدمه:شدراك إنه صاحبي
ولاء هزت رأسها بسخريه:اهبل إنت ! لا يعني كيف نوصل للي نوصله وم عندنا مصادر ! يكون بعلمك وبثقه: أنا اللي بداخل هالمكتب وهي تأشر باصبعها يجيني خبره قبل م يمر نص ساعه
وقامت: اتوقع تصافينا لا تجلس تقلقني م تعرفني ولا اعرفك ووقت يصير اللي ببالي اتصل عليك أنا وهكذا
وطلعت ملف ثاني ونزلته ع الطاوله:خذ الضحيه الأولى
ورفعت حاجبها الأيسر بجديه وبكره لهالشخص اللي بالملف : سلام
وطلعت برا وهي تلبس نظارتها
.

تسريع للأحداث بعد مرور نص اليوم
وفي صباح يوم جديد اليوم المنتظر لعهد اليوم.اللي متحمسه له صحت من النوم وتجهزت وطلعت لأخوانها
منصور: الله الله الله عيني م تصدق عهده المعهوده صحت لوحدها وبهالوقت وتجهزت ولا بعد مجهزه.لنا الفطور صراحه العين تبكي وم تصدق
عهد ضحكت بروقان: الله الله الله حسستني م اسويلكم شيء...
سعد وهو ياكل:افا بس تسوين وأنا اخوك محد يجي نفسك
عهد طالعت منصور بتصنع للغرور وهي تخزه وتطالع فيه بطرف عين
منصور هز رأسه:هذي للحين م اشتغلت بالمستشفى شافت نفسها اجل كيف لو اشتغلت
عهد وهي تجلس معهم وتفطر: والله اصير م اطالع بوجهك وضحكت
منصور وهو يطالع بسعد:شفت شفت الورعه
عهد ضحكت:م ورعه غيرك
منصوور ضحك:اقول اكلي اكلي وروحي لدوامك لا تنطردين من أول يوم
سعد بتعزيز:من يطرد اختي الحلوه عهد؟
منصور بسخريه: والله مديرها يطردها
عهد ضحكت:وه يافديت ي ناس جعلني م ابكيك
وطالعت بمنصور اللي يخزها: طبعاً أنا مقطوع من شجره
عهد ضحكت:ولا ابكيك أنت بعد ترا انا احبك بس والله احب احارشك شسوي الفطره
سعد ضحك:اجل الفطره؟ وأنا اللي بينكم ضايع انتوا ومناقراتكم
منصور ضحك:كذا حبنا شنسوي عاد
وطالع فيها:اقول قومي لدوامك خلصيني
عهد قامت وهي تشوف الساعه وباستعجال
عطتهم بوسات بالهواء:سيو حبايبي دعواتكم
وركضت وهي تطلع برا وتلاقي السواق ينتظرها
.

عند ياسمين
كانت امام مراية تسريحتها وتطالع بنفسها بحسره وتذكرت إنها بتقابل تغريد اليوم ولا شُعورياً رجفت أطرافها بشكل غريب مُمكن خايفه من الإنسانه اللي بتشوفها من الأشياء اللي تتردد بذهنها بشكل موجع صحت ع صوت بندر:ياسمين ياسمين
ياسمين وهي تعدل نبرة صوتها:هلا
بندر:جاهزه؟
ياسمين:ايوه وتقدر تدخل
بندر دخل وهو يطالع فيها:للحين ملزمه؟
ياسمين ضحكت: ايوا وايوا وايوا
بندر هز رأسه بأسف
ياسمين:يلا
وخذت طرحتها اللي ع اكتافها ولفتها ولبست نقابها وجاء هو ودف كرسيها
.
.
الساعه ١١:٠٦
عند عهد دخلت مكتبها بعد ما فهموها نظام المستشفى وطبيعة شغلها وآيش عليها
ورد (الموظفه اللي معها بالريسبشن ):عهد حبيبي إذا م عليك امر ابيك تودين هذي الأوراق لغرفه ٨٩ فوق بالدور اللي فيه العنايه بالغرفه اللي جنبها خليهم يوقعون نسيت اخذ توقيعهم
عهد:من عيوني وخذتها وهب تدخل المصعد وتروح فوق مشت وهي تسمع أصوات صراخ وازعاج
من لما طلعت من المصعد وكل م اقتربت الصوت يقترب أكثر
وقفت بصدمه وهي تشوفه يبكي ومنهار واللي يشوفه يحلف بالله إن فيه شيء والأكيد مو هين وكيف يبكي وكيف رجال منهار بهالقد
عند الرجل ووجهه أحمر ودموعه تنزل وماسك الدكتور من يده:ي دكتور تكفى طلبتك قول انك تمزح
وصرخ بقوه: قول اللي قلته مزح تكلم تكفى تكلم
الدكتور وهو يربت ع كتفه:ي اخوك استهدي بالله وادعي لها
اياد نزل يد الدكتور اللي ع كتفه بقوه وصرخ:تدري شسويت أنا عشان اعالجها؟ تدري والا م تدري
وبكى بقهررر وحزن ويحس قلبه م هو قادر يسيطر ع مشاعره نزلت دموعه وهو يمسحها بطرف شماغه: تكفى قول لي كذب تكفى لا تخليني أعيش الألم من جديد تكفى لا تترك الموت ياخذها تكفى
عند عهد
كانت ماسكه الأوراق ومو مصدقه إياد اللي محد يهزه كذا حالته ومنهار نزلت دموعها وهي تسمع حكيه والواضح فقد حبيب والا قريب
إياد حط يده ع الجدار وهو يثبت نفسه بين دموعه وتعابير وجهه اللي تحكي بما في قلبه: ي دكتور
سويت اللي محد يسويه علشان اعالجها
وضحك بسخريه:والحين جاي تقول لي ماتت بهالبساطه؟
وصرخ بقوه وهو يمسك الدكتور من ياقته: بهالبساطه علمني تدري م بقى لي أحد غيرها تدري اموت وراها
ياليت الموت اخذني قبلها ليتني ما عشت الألم مرتين ..

🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 36 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

ونزل يده عن ياقة الدكتور وهو يلف ويدخل العنايه بكل شعور واجهه يمشي والروح راحت معها لكن عظم الله اجره بقلبه ..
جاء عندها وهو يشوفهم شايللين الأجهزه ومغطينها
اخذ يدها وهو يحضنها بين يدينه ويبوسها ويبكي عليها يواسي نفسه لكن ليش يعيش ودنياه كلها راحت
حط يدها على خدها وهو يلف رأسها ويحضن يدها و يبوسها اكثر من مره ونزلت دمعته ع يده اخذ طرف
شماغه وهو يمسح دمعته ما يقدر يكتم مشاعره
هالمره تكلم بنبره ترجف وطغى عليها اليأس والحزن:يابوك لا تتركيني وحيد واخذ نفس: يبوك لا تعيشيني
ألم الفراق من جدبد يبوك ارجعي وعلميهم إنك م تتخلين عني اخذ نفس عميق ”
.
.
عند ياسمين وبندر وقفوا عند باب السجن ونزلها بندر وحطها ع كرسيها المتحركه ودفها وهو متوجه لبوابة السجن ياسمين كانت تلعب بأصابعها وترجف بخوف من المواجهه
دخلوا وطلبوا انها تقابل ياسمين لكن لازم الدكتور يكون معهم نظراً لحالتها النفسيه لكن بدون موافقة تغريد ولا علمها لأنهم عارفين بترفض
مشى الدكتور قدامهم ووراه ياسمين اللي يدفها بندر وقف بكرسيها خلف الباب وهو راح ينتظرهم وعشان ياخذون راحتهم
الدكتور دخل قبل ياسمين وابتسم: السلام عليكم تغريد
تغريد بذبول ما عهده الدكتور من اسابيع:وعليكم السلام
الدكتور تنحنح:تغريد فيه شخص يبي يقابلك
تغريد بإرتباك وخوف:لا لا لا مابي اشوف احد ان..انا ما اشوف احد لا لا
الدكتور بتهدئه:اهدي اهدي بس بتقابلك وتروح
تغريد لفت رأسها بخوف ورفض بات
الدكتور بمناداه :ادخلي
دفت ياسمين عجلات كرسيها المتحرك ودخلت وهي منزله راسها ورفعته تدريجياً وهي تطالع بتغريد اللي لافه وجهها وترجف بقوه
الدكتور:تغريد تغريد
تغريد لفت وجهها بتجاهل زياده ووجهها صار احمر وعرق من قوة خوفها وتوترها
الدكتور:تقدرين تطالعين فيها
تغريد بتردد لفت وجهها وهي مرتبكه جداً
لكن عندها فضول تعرف هالشخص فتحت عيونها بصدمه ودمعتها نزلت بشكل سريع و.....
.
.
العصر...
عند غيث جالس بالكافيه وينتظرها شاافها تمشي من بعيد والعبايه ملونه ومو لابسه نقاب وحاطه ميك آب وما هي دقايق من تأمله إلا وصلت عنده وريحة عطرها اخترقت انفه
رفع عيونه وابتسم
كوثر بنعومه:هاي كيفك؟
وجلست مقابله له بدلع
غيث بتأمل:هايات
كوثر ابتسمت وهي تشوفه يتأمل وجهها وع ثغره ابتسامه خفيفه وحسبالها خاق عليها م تدري إنه متقرف منها
غيث كان يطالع وجهها وكانت حاطه ميك آب وعبايتها بربط من الخصر وموضحه تفاصيل جسمها تكلم بينه وبين نفسه: الله لا يبلانا
وطالع فيها وابتسم:شهالجمال ماشاءالله شوي شوي علي وضحك
كوثر نزلت عيونها وهي تتصنع الخجل: ياروحي والله
غيث رفع يده لينتبه له الموظف وجاء له
غيث:شحابه تشربين؟
كوثر:ع ذوقك
غيث ابتسم ولف للموظف: اثنين قهوه فرنسيه
الموظف كتب طلبهم وراح
غيث ابتسم ويسولف معها ولين سوالفها قالها كخبر وصل لعنده:تعرفين البنت اللي كانت معكم؟ وتسببت بثلاث قضايا
كوثر بتوتر وهي ترجع لوراء:ايوه ذيك الحقيره شفيها؟
غيث:يقولون إنهم عرفوا اللي تسببت بالقضايا كلها والبنت اللي صارت لها الحادثه عرفت وقالت لهم إن اللي طيحتها مو هي وحده ثانيه
كوثر بلعت ريقها ووجها بدأ يعرق بقووه:اي..وا عرفتوا البن.ت والا !؟
غيث:ابيك تعرفين إني معك بكل شيء وبساعدك بس لازم تقولين لي كل شيء بالتفصيل
كوثر بتهرب وتوتر:ش..شقول م في شيء أقوله مالي دخل أنا
غيث:ترا عرفت كل شيء قلتلك البنت اعترفت
(ياسمين م اعترفت ولا تدري وحسبالها إن تغريد هي اللي طيحتها ومو متذكره ولا شيء لكن قال كذا
علشان تخاف وتعترف ويستخدمه كدليل ضدها )
كوثر وهي ترجف من الخوف:طيب خل نروح مكان ثاني هنا مقدر....
غيث ابتسم بمكر: تمام
وقام يحاسب على القهوه وخذاها وطلعوا وتوجهوا للسياره وراحوا للبحر نزلوا اثنينهم وجلسوا وعطاها قهوتها وفتح جواله وهو يدعي إنه يراسل أمه بينما كوثر مو معه ابداً وتفكر ايش بيصير لها وخايفه جداً بعد دقيقتين نزل جواله بينهم
غيث:تكلمي يلا
كوثر وهي تبلع ريقها: أنا كنت أحب وليد لكن ه..هو راح وخطبها وتملك عليها بدون م يقول لأمي اللي هي خالته وكانوا من احنا صغار يقولون كوثر لوليد ووليد لكوثر كبرت وانا م اتخيل نفسي مع غيره لكن فجأة قالوا لي وليد تزوج وعرفت إن اللي تزوجها وحده معانا بالمدرسه واسمها تغريد م كنت اقدر اسيطر ع نفسي والله كنت احبه وكثير
ونزلت دموعها:لدرجة حقدت ع تغريد وبيوم دخلوا المقصف ..

🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 37 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

فلاش باك...
طلعوا من الحمامات أكرم القارئ وتوجهوا لمقصف المدرسه ع أساس يشترون لهم مويا
تغريد دخلت المقصف هي وياسمين
ياسمين بضحك:يا ربي لو تشوفين شكلها تموتين ضحك
تغريد بضحك:من جدها تخاف منه!
ياسمين ضحكت:وربي وتضحك بعد
تغريد طالعت حولها:غريبه م فيه أحد!!
ياسمين:مُمكن الإستاذه تكلم أو شيء
تغريد وهي تفتح الثلاجه وتطلع مويا لها ولياسمين: مُمكن
ياسمين طالعت خلف تغريد من جهة الباب الثاني للمقصف اللي يطلع للساحه الخارجيه وشافت كوثر وقروبها وكانوا كثير والواضح ناويين ع نيه
ياسمين بسخريه:لهدرجه خايفه !
كوثر ضحكت:نشوف مين اللي يتكسر رأسه بالنهايه
وطالعت بتغريد:شعندك إنتي ساكته
وبسخريه:والا من الخوف بلعتي لسانك
تغريد بهدوء:ياروحي والله كلنا ندري من الخايف والمقهور واللي بيموت وعلشان تنقهرين أكثر
وبإبتسامة:وليد زوجي وأنا زوجته وحبيبته واحنا لبعض وإنتي اجلسي سوي مُخططات لبُكرا قلنا تمام صديقة أخت وليد بس مو معناته تتمادين احفظي كرامتك وانهي الموضوع أحسن لك
كوثر انقهرت من كلامها واقتربت من تغريد وشدت شعرها بقوه ياسمين كانت تحاول تبعدها عن تغريد و تغريد تحاول تفك نفسها إلا إن البنات اللي مع كوثر قربوا من ياسمين وضربوها بقوه ع وجهها وصار في آثار أظافرهم
ياسمين دفتهم بكل قوتها إلا إنهم م اهتزوا ولا تحركوا منها وغرزت أظافرها بكتف صحبة كوثر اللي ماسكتها إلا إن صحبتها لفت يدها بقوه وهي تبي تبرد قلبها أكثر لكن كوثر م كانت تبي تأذي إلا تغريد...
تغريد بصراخ:بعدوا عنها مالها دخل هي
كوثر:عشان م تتدخل بشيء م يخصها
أعطت إشاره للي ماسكين ياسمين بمعنى اتركوها
ياسمين كان عندها فقر دم وبين فتره وفتره تجيها دوخه قويه تفقدها الوعي كانت واقفه والدنيا تدور فيها وحاطه يدها ع رأسها بإستسلام من قوة التعب اللي حست فيه والرؤيه تشتت عندها كان خلفها الباب الخارجي ودرجات مرتفعه شوي مسكت الباب وهي تحاول تثبت نفسها ونزلت عيونها بتعب من قوة التركيز اللي ماله فايده م حست إلا وهي تسقط بقوه من ٧ درجات ع زاوية آخر درجه
كوثر دفت تغريد بكل قوتها ع ياسمين
ياسمين ما قدرت توازن نفسها وطاحت من ع الدرج بقوه....
وكانت تغريد بتطيح معها بس مسكت الباب و وازنت نفسها نزلت دموعها وهي تشوف ياسمين فاقده الوعي تماماً ظهرها مائل ع آخر زاويه ونص جسمها ع الأرض ورأسها ينزف
نزلت بسرعه وهي تشوف صديقة عُمرها طايحه قدامها وكأنها جثه والدم حول رأسها:ياسمين ياسمين
كانت تناديها بس م حركتها خوفاً من أي شيء مُمكن يكون صار لها تغريد وهي كل جسمها يرجف ودموعها تنزل:ياسمين ردي علي
كوثر كانت تطالع بصدمه
ماهي دقايق إلا اجتمعوا المعلمات والمدرسه كلها ع صراخهم دخلوا وشافوا الباب الخارجي للمقصف مفتوح و تغريد طالعه برا وياسمين طايحه ع الأرض وكأنها جثه ودمها حولها
المُديره ركضت لياسمين:ياسمين ي بنتي ياسمين
شافت م فيه رد طالعت بمُعلمه:اتصلي ع الإسعاف بسرعه
رفعت نظرها لتغريد اللي كانت منهاره تماماً
وماسكه يد ياسمين وتحس للحظه الدنيا اسودت بوجهها
المُديره:شصار؟ كيف طاحت؟
ياسمين كانت منهاره بكي وم ردت عليها
كوثر بإستغلال للفرصه وبدموع:استاذه دخلنا ع آخر لحظه وكانت ياسمين دايخه م شافت كويس وتغريد استغلتها ودفتها وطاحت
وبكت بمكر ولا كانت تفكر بالإنسانه اللي ظلمتها ولفين مُمكن يوصل الموضوع
المُديره صرخت بقوه وعصبيه:كيف تسوين فيها كذا؟؟
تغريد كانت بنوبة بُكاء وشكل تغريد قدام عيونها فقط وم تسمع غير صوتها
البنات اللي مع كوثر كانوا يطالعونها بصدمه وتعجب من حكيها كوثر عطتهم نظره بمعنى لا تتكلمون طبعاً كل بنات المدرسه جاؤا ع لحظة تغريد لما كانت قريبه من ياسمين وياسمين طاحت بقوه لذلك كانوا كلهم مو مستغربين حكي كوثر رُغم إنهم مستغربين شيء واحد ليش تغريد سوت كذا بصديقة عُمرها الي ولا مره تفرقت عنها ذا أكثر سؤال تردد في أذهان الجميع
م هي دقايق إلا صوت الإسعافات صار بكُل المكان دخلوا بسرعه وخذوا ياسمين
(هالحدث سبق ونزلته لكن نزلته من جديد للتذكير وللي ما فهموه اقرؤا لتركيز وتفهمونه إن شاء الله )

نرجع للواقع...
كوثر بكت :وبعد خروجهم هددت البنات اللي شافوا بإن اللي بتتكلم بيصير لها أقوى من كذا ومن بعد الحادثه بأربع شهور صاروا القروب اللي معي يهددوني بأنهم بيقولون
غيث ضحك بسخريه:والمقابل انهم يسكتون بفلوس صح؟
كوثر هزت راسها بايوه

🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 38 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

غيث بمكر:عندك ادله وهم يهددونك محادثات أي شيء وريني يمكن يفيدك وينقذك بعد
كوثر وهي تبكي:ل..وبتذكر: إلا إلا عندي بالقروب حذفته
فتحت جوالها ودخلت ع الواتس وهي تدور هالقروب
دخلت ولقت كل محادثاتهم نزلت دموعها وهي تمد له الجوال غيث اخذه وهي يقرأها وأي شيء مهم يكبتشره وبعد م قرأ كل شيء وبعد مرور نص ساعه ارسل كل الصور له ومد لها الجوال واخذ جواله وهو يقفل التسجيل بدون ما تنتبه وبباله م توقع إنها تصير غبيه لهدرجه وتفضح نفسها وتعطيه ادله على نفسها
غيث وهو يطالع فيها بقهر:م عمرك فكرتي إن كل اللي يصير لك حوبة هالمسكينه اللي بيضيع عمرها بالسجن!....
كوثر سكتت وهي فعلياً كل هالسنوات ما حست ولا مره بتأنيب ضمير يخليها تعترف ع نفسها كانت كل يوم تصحى وهي فخوره باللي سوته م فكرت إنها خربت حياة ارواح
قام غيث:معليش عندي شغل اتصلي ع اي سواق يوصلك
كوثر بلعت ريقها بإستغراب:تمام
توجه غيث لسيارته وركب وهو يحرك وم يدري ليش مقهور بقوه ضرب اللي قدامه بقوه : البنت ضاعت حياتها وهي م فكرت اوريك أنا إذا م دخلتك السجن بيدي
.

عند تغريد وياسمين....
تغريد لفت لها وطالعت بوجهها بصدمه لكن سرعان م صرخت بقوه وهي تردد:طلعوها طلعوها م..مابي اشوف احد
الدكتور وهو يحاول يهديها:تغريد ارتاحي وخليك هاديه
تغريد وهي منهاره وتبكي وتصرخ بنفس الوقت:طلعها تكفى تكفى لا تخليني أعيش هالشيء يكفيني اللي جاني خلوها تطلع برا
وكانت معطيتهم ظهرها ووجها أحمر ومعرق بقوه وكل خليه بجسمها ترجف م تبي تشوف ياسمين
م تبي تشوف صديقة عمرها اللي بالنسبه لها خانت صداقتهم م تبي تشوف اختها الثالثه بهالحاله طاحت ع الأرض مغمى عليها من قوة االإنفعال
ياسمين كانت تطالع بصدمه وأثار اهتمامها جملتها ”لا تخليني أعيش هالشيء“
طلعت لما شافتها منهاره وقبل م تطلع من الباب شافتها تطيح ع الأرض مغمى عليها
نزلت دموعها وحست بكتمه وضيقه م تدري ايش سببها طلعت وهي تحرك عجلات كرسيها المتحرك
بسرعه تبي تطلع من هالمكان تحس نفسها مو قادره تتنفس بشكل طبيعي
.
.
عند إياد صار له ساعه وهو عندها وحاضن يدها قاطعه دخولها بعد م نزلت ورجعت فوق وشافته ع نفس الحاله م حبت تتركه كذا
عهد تنحنحت.....
أما إياد لف وجهه وهو يمسح عليه وياخذ نفس عميق
عهد:كيفك إياد؟
إياد حس إن نبرة صوتها مرت عليه لكن م اهتم كثير وسكت وما رد عليها وهو فيه م يكفيه
عهد:عارفه ان الواحد بهذا موقف ما يكون جبل واقف ما يهتز لكن ادعي لها بالرحمه لا تعذبها وعارفه إنك قوي جداً وبتكمل حياتك وبتبقى قوي اعتبرني اخت أو صديقه م ترضى لك بالحزن ولا ترضى تكون بهالحاله ترا هي عند ربك اللي م ينسى احد ابقى تذكر هالشيء
وطلعت وتركته يفكر بكلامها لكن يسرقه الحزن بلحظه من اللحظات ويوشك ع الإنهيار
قام من عندها وهو يغسل وجهه ويقوي نفسه
.

عند عهد رجعت البيت...
وسمعت صوت جوالها يدق ردت وهي مالها خلق :هلا
نيهال:شصار معك ؟ كيف الدوام؟ارتحتي ولا؟
عهد :كويس الحمدلله
نيهال حست فيها شيء من نبرتها وردودها:عهد فيك شيء؟
عهد ضحكت وهي م تبي تحسسها:لا ياعيوني
نيهال:علي !!
عهد تنهدت وتذكرت شكله وهو منهار وم تدري ليش بكت
نيهال سمعت صوتها وهي تحاول تكتم بكائها لكن بدون بدون فايده:عهد شفيك؟
م سمعت من عهد اجابه
نيهال وهي خايفه وشوي وتبكي:عهد بليز لا تخوفيني قولي لي شفيك!!!
عهد وهي شوي هدأت:مسكين والله كان منهار علشان زوجته ماتت...
نيهال زفرت لما سمعت حكيها:خوفتينيييييي !!!!!
عهد:تدرين مين هالشخص!
نيهال: مرافق مريض ما تعرفينه بس مشاعرك علشان كذا بكيتي لازم تقوين نفسك مو كل مره بتبكين
عهد:لا مو ما نعرفه تعرفين إياد؟
نيهال:إياد الجدي !؟
عهد: ايوه زوجته اتوقع متوفيه والله لو شفتيه ينرحم نيهال طلع يشتغل معنا علشان علاجها انا سمعته يقول للدكتور كذا
نيهال وهي راحمته:ياحياتي الله يصبره ويعوضه
عهد: آمين،اقول انا بروح انام عندي دوام بكرا باي
نيهال:نوم العوافي،باي
.

بعد مرور يوم كامل ويوم الخميس اليوم
المنتظر للبعض يوم....
المغرب غيث وهو نازل ومتكشخ وريحة عطره سابقته
هيا ابتسمت وهي تزغرط له بفرحه وبيدها المبخره اقترب منها وهو يبوس راسها
ابتسمت له وهي ترفع شماغه وتبخره:عسى السعاده م تفارقك ياحبيب قلبي
غيث ضحك: آمين
وطالع فيها بإعجاب: ماشاءالله غطيتي عروستي شكلك
هيا ضحكت بخجل:لا ماعليك
غيث: والله محد يجي بحلاوتك وحلاوة قلبك ..

🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 39 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

هيا ابتسمت بحب وبتذكر أشرت ع غرفه بالدور الأول:هذي غرفتكم يمه فيها كل شيء شريناه جديد وبخرتها
لكم علشان إذا جيتوا
غيث: الله لا يحرمني
هيا ابتسمت له : ولا منك
غيث ضحك وهو بس يمسك يدها ويدورها:شهالزين شهالزين ماشاءالله واقترب منها وهو يحضنها بحب:الله يحفظك لي ي بعد راسي والله
هيا وهي بتدمع خلاص:ي غيث القلب ناوي تبكيني!
غيث ضحك:لا لا عاد م نبي دموع تغرقنا
هيا ضحكت وهي تروح تجيب عبايتها وشنطتها اللي على الكنب مجهزتها ولبستها وطلعت معه...

.
في بيت العروس....
كانوا مجهزين الضيافه من غير الضيافه اللي وصلتهم من أهل العريس أرسلوها قبلهم علشان يمدي يرتبون مع الشبكه اللي جابوها بنفس يوم الملكه والزواج

بعد مرور الوقت وبعد أن تم عقد زواجهم أخذ عروسته وتوجه للفندق اللي حجزه
بجناحهم...
بدلت ملابسها لبجامه ناعمه وتركت شعرها ستريت نفس ما هو ومسحت الميك الآب اللي كانت حاطته وناعم جداً
طلعت وهي متعطره وبتموت من الحياء
غيث طالع فيها بإبتسامه وهو يمسك يدها ويرفع وجهها بأطراف أصابعه و.......... .
.

صباح يوم جديد عند فوز كانت بغرفتها جالسه وتذاكر قاطعها دخوله عليها رفعت عيونها وشاافته ونزلت عيونها وهي تكمل كتابه
أبو فوز:افا وأنا أبوك لا تحسسيني إنك ما صرتي تحبيني ولو شوي
فوز بلعت ريقها جملته اللي هزت ثباتها
جاء وجلس بجنبها وهو يطالع بيده :يابوك أنا حاولت لكن ما قدرت ! أحاول أصير أبو كفو حتى لو متت تدعون لي ما تدعون علي أبيكم تفتخرون إني أبوكم أبي أصير أبو كفو ظهر وسند لكم لكن م صرت
فوز كانت تسمع كلامه وماسكه دموعها لا تطيح
أبو فوز: أنا اوعدك بحاول ابتعد عنهم وعن هالشيء والتغير كلياً وبتشوفين هالشيء ولف لها وهو يمسك يدها بس مابيك تتضايقين ولا تتفشلين علشاني ابوك
فوز: أساساً انا فخوره إنك أبوي بس كذا قلته سهواً
وحضنته وهي تمنع دموعها من النزول م تبي تنهار قدامه
قاطعهم دخول رائد طالع فيهم بإستغراب وبصدمه شوي:شفيكم؟
أبو فوز ضحك وهو يبتعد عن فوز:م فينا شيء
رائد بإستغراب:متأكدين؟
فوز ضحكت:ايوه أنت اللي شفيك
رائد: والله الحمدلله
أبو رائد وهو يقوم:بروح اخلص كم شغله وبرجع لكم
وطلع من عندهم وراح رائد لفوز وارتمى ع سريرها وهو يطالع في كتبها: ماشاء الله ماشاءالله اللهم الثبات
شعندك تذاكرين قولي لي شوراك؟
فوز طالعت فيه وخزته:حسستني ما اذاكر
رائد:هو انتي م تذاكرين إلا عندك شيء
فوز:مستقبلي وبعدين أنا اذاكر بس أنت م تشوفني
رائد ضحك بتسليك:بحاول أصدق
فوز خزته بقهر:مو لازم تصدق ترا والحين اطلع برا مو عندك زوجه روح لها
رائد ضحك وهو يجلس:فديت المعصبه
فوز ومالها خلق:رائد اطلع بسرعه
رائد طالع فيها وحس جد مالها خلق تتكلم وطلع وتركها
أما فوز كملت كتابه وهي تشغل نفسها عن التفكير.
.

نيهال دقت ع ولاء وبعد دقايق من رنين جوالها ردت:هلا
نيهال:كيفك؟.
ولاء:شبغيتي؟
نيهال تأففت:هفڤ والله إنتي ما تخلين الواحد يعرف أخبارك
ولاء سكتت وهي تنتظر المهم
نيهال:نبي نتقابل كلنا ضروري جداً
ولاء:يصير خير وقفلت الخط
نيهال وهي تشوفها قفلت الخط:ياناس هالبنت م تتغير !!
.

صباح العروسين قام بروقان وبدل ملابسه ولبس ثوبه وشماغه ع أساس يروحون بيت أمه يفطرون ونُورا لبست فستان أحمر ناعم جداً وتركت شعرها ع طبيعته وحطت مرطب شفايف وميك آب صباحي وطلعت غيث طالع فيها بإبتسامه:شهالحلاوه؟
نُورا ضحكت بخجل ونزلت عيونها وهي مستحيه جداً
غيث ضحك:يلا ننزل
نُورا:ايوه بس بلبس عبايتي
ودخلت وهي جداً سعيده بإنها تزوجت الشخص اللي تحبه من سنتين وكان حلمها يكون زوجها وصار حقيقه صحت من تفكيرها ع صوته...
غيث:يلا نُورا تأخرنا عليها
لبست عبايتها بشكل سريع وطلعت معه
.

مرت ثلاث أيام ع أبطالي بدون أي أحداث مهمه
غير إن نُورا صارت تتعلق بغيث بكل يوم أكثر
وتغريد مستغربه غيابه المفاجئ وانه م جاء ليناقشها بالإدله
أما ياسمين تصحى وتنام وفي بالها شكل تغريد وهي تصرخ رفض لمقابلتها والتحدث معها
أما بندر يوم عن يوم يجتهد أكثر ويرفع مستواه
ورائد ونيهال عايشين حياتهم وينتظرون الإجتماع اللي حيطرح فيه رائد فكرته اللي اثارت فضول نيهال
إياد تمر الأيام عليه وكأنها سنوات لكن بدأ يتقبل الوضع
أما عهد تجتهد بدوامها أكثر وتحس براحه ورضا تام عن نفسها
أما صالح ما زال يفكر كيف يتخلص من أخته اللي لو عرفوا الناس بتطيح سمعتهم حتى لو متزوجها بالسر هم يدرون وغيرهم ؟يفسر ع كيفه
وكوثر اللي تدق ع غيث ليل نهار وخايفه من اللي بيصير لها وخاصه ان مرافعة تغريد الثلاثاء ..
.
🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 40 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

عند عبدالله...
عبدالله ابتسم:أبشر طال عمرك علي افا عليك بس بفضى لهالمهمه إن شاء الله
المدير:كفو والله هذا الهقوه فيك ي عبدالله لكن أبيك تعلمني بكل تحركاتها طبعاً وأبيهم خلال شهر ونص نكون مسكنا الشبكه كلها
عبدالله:باذن الله لك م بغيت
المدير:بارك الله فيك ويعطيك العافيه
عبدالله: الله يعافيك
المدير:مع السلام
عبدالله:بحفظ الكريم
وقفل الخط وهو يطلع القائمه اللي بدرج الطاوله ويقرأها بتمعن تام. .
.

عند غيث
لبس بسرعه وهو ياخذ اوراقه وتسجيلاته وأدلته ونزلهم ع التسريحه ولبس كبكه وجت نورا وبيدها المبخر وبخرته بإبتسامه خفيفه غيث إقترب منها وباسها ع خدها وهو مستعجل:مع السلامه حبيبي وخذا اوراقه وأشيائه الخاصه فيه وطلع بسرعه وركب سيارته وسرعته شوي عاليه لازم يوصل خلال ٩ دقايق ولا تتأجل
المُرافعه
رد ع جواله بتوتر:هلا يمه؟
هيا: وينك ياروحي؟ باقي ٩ دقايق بتتأجل إذا تأخرت
غيث:مسافة الطريق
هيا بقلق:زين يمه انتبه لنفسك أنا بحاول اكلم القاضي شوي لا تسرع بركود أمس إن شاء الله خير
غيث ابتسم وهو يلف ع المرتبه اللي جنبه ليتأكد من شيء جابه أو لا رفع نظره إلا ينصدم بشاحنه كبيره
تعترض طريقه داس ع البريك بقوه وع آخر لحظه وكان بيصطدم بالشاحنه لكن توقفت السياره طالع بالشاحنه ويبيها تبتعد عن طريقه لكن وقفت وبعد دقايق نزلوا ٤ أشخاص ولابسين أقنعه وأسود بأسود ولا شيء واضح منهم فتحوا باب سيارته وهم يطلعونه بقوه ويثبتونه اثنين من يده اليمنى واليسرى
غيث بعصبيه:من أنتم ؟
المجهول لكمه بقوه ع خشمه:تراجع عن القضيه أحسن لك
غيث وهو يحاول يفك يدينه:ما راح أتراجع لو الموت نفسه جاني وقول لل**** الي أرسلك بتطلع براءه وغصباً عنه وعن اللي فوقه سمعتني
المجهول اتصل ع مديره واعطاه خبر رجع للي معه واعطاهم إشاره
جاء واحد منهم ورفسه بقوه ع بطنه
انحنى غيث بألم وجاء الثاني والثالث وهم يكملون ضرب ع وجهه وبطنه وظهره والواضح كانوا يبونه يغمى عليه وم يبونه يروح للمحكمه
غيث تآوه بألم وهو ما يقدر يدافع عن نفسه اكثر لإنهم ٤ أشخاص ع واحد !!
طالع الساعه وكان الوقت بدأ
وجت بباله فكره وعرف مقصدهم واغمى عليه
ابتعدوا عنه وهم يطالعونه
المجهول:خلاص نمشي هذا إذا فيه حيل يقوم إذا صحى
ومشوا وركبوا الشاحنه حقتهم وانطلقوا لطريقهم
غيث فتح عيونه وهو يحس بدوخه فعلاً ضحك:شهالعريس اللي م كمل أسبوع إلا مطقوق
قام بصعوبه وهو يركب سيارته اتصل على امه وهو يرسل لها الأدله برساله وكتب:يمه صار شيء طلبتك طلعيها من هالقضيه مقدر أجي ولا يمدي لا تخلين تعبي يروح ودق عليها علشان تنتبه وقفل جواله
وهو يتوجه للمستشفى ومروق بإنه مسك طرف خيط ومو مهتم للي سووه فيه لأنه حلف يردها أضعاف وأضعاف
ودق ع عبدالله عشان يجيه للمستشفى .
.
.
في المحكمه تغريد كانت جالسه بدائرة المتهمه هيا دخلت لصالة القضاء من جديد بعد ما لبست روب المحاماه تغريد طالعت بإستغراب
هيا:أعتذر منك حضرة القاضي صارت للمحامي مشكله ووكلني بدل عنه للمدافعه عن المُتهمه
القاضي تنهد وهز رإسه بأسف وهو مو راضي إن المحاميه هيا تمسك قضيه ميؤوس منها ومثل هالقضيه :تفضلي
هيا طالعت بتغريد بإبتسامه وهي تسكر عيونها و تطمنها فتحت اوراقها وهي تلبس نظاراتها (هيا كانت يومياً
وقت نوم غيث تدخل وتشوف مذكراته وملاحظاته حول القضيه غير إنها من قبل دارستها وفاهمتها )
تكلمت بكل ثقه:حضرة القاضي بالنظر للمنطق والعقل مستحيل إي شخص سليم عقلياً يفعل ٣ قضايا في يوم واحد خلال ١٢ ساعه ! بالنظر إن القضيه الأولى كانت ظهراً وتقريباً الساعه ١١ بعدها خرجت للمستشف وبنقول مرت ٣ ساعات تماماً بعدها توجهت لبيتهم مع زوجها واعترضت طريقهم شاحنه وأخذتها
القاضي: لكن ذا مو بأقوالها
هيا إبتسمت وهي تهز رأسها:أي شخص مننا كبير والا صغير جرب الحياه والا ما جربها بينصدم وم بيدافع عن نفسه محاولةً لإستيعاب اللي حوله بالصمت واليوم القضيه اللي بدافع عنها قضية ياسمين خالد مُستحيل صديقه مُقربه تسوي كذا بصديقتها لكن في القضاء ما نعتمد على الإعتقادات نعتمد ع الأدله بتكلم لك بدايةً عن القضيه من أولها لنهايه ونهايةً بخليك تتطلع ع الأدله
تغريد بلعت ريقها ودموعها تنزل ما تدري ليش وهي تسمع المحاميه هيا تدافع عنها وبكل ثقه وكأنها تعرفها كويس مع العلم إن اللي حملت فيها ٩ شهور وربتها ما صدقتها
كان بين الحضور ويسمع مدافعة المحاميه عن تغريد ويتمنى من كل قلبه تطلع ندم وآيش كلمة ندم عند اللي بقلبه !

🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 41 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

هيا وهي تفتح ثاني ورقه: في الساعه: العاشره تقريباً
وقت بريك الطالبات في الثانويه **
دخلوا تغريد وصديقتها ياسمين مقصف المدرسه على أساس يشترون مويا لكن ما لقوا بائعة المقصف وقالوا بينتظرونها خذوا مويا لهم لكن قاطعهم دخول كوثر والبعض من صحباتها من باب دخول البضاعات ”الباب الخلفي“ بدؤا يرمون كلام محاوله لخلق مشكله مع العلم إن طليق تغريد ”وليد“ ولد خالة كوثر و سبب حقدها وكرهها لتغريد حبها له ي حضرة القاضي ...
عُموماً أرجع لمحور حديثنا بعد حديث مليء بالحقد والكره لتغريد بدؤا الضرب ونظراً لكثرة عدد اللي مع تغريد م قدروا اثنيهم يدافعون عن بعض وياسمين صديقة تغريد والضحيه كانت تعاني من دوران بسبب فقر الدم وبعد ما دفت كوثر تغريد ع ياسمين قدرت تتسند بالباب تغريد لكن ياسمين كان خلفها الباب الخلفي المكون من درجات مرتفعه وحادة الزوايا سقطت بقوه إلى أن وصلت ع آخر درج ظهرها مائل ورأسها ينزف تغريد كأي إنسانه بقت ساكنه لثواني بصدمه وراحت لتشوف صديقتها المقربة إنهارت عندها وبدؤوا البنات يوصلون والبعض صرخ والبعض راح ينادي مديرة المدرسة وأي شخص بيدخل ويلاقي تغريد عند ياسمين
اللي طايحه كأنها جثه وترجف ومنهاره بيعتقد إنها المُجرمه وصلت المديره وألفت كوثر السيناريو وقالت بأن
تغريد دفتها وهي السبب بما حصل لها المديره بسرعه اتصلت ع الإسعاف ووصلوا.
هيا تقدمت للقاضي ومعها أوراق مدت أول ورقه : هذي الورقه تثبت بإن ياسمين تعاني من فقر دم حاد
ومدت ثاني ورقه:وهذي الورقه تثبت بإن المُتهمه مالها سوابق والكُل يشهد بإنها كانت قريبه من ياسمين جدا ومدت الورقه اللي مليئة بأقوال الناس وتواقيعهم وبصماتهم وفتحت جوالها ع الشاشه اللي أمامها وكانت
كوثر وبجانبها غيث ( بما إن غيث م يقدر يصورها ويسجل بنفس الوقت وكل واحد يصورها وهي معه )
هيا:حضرة القاضي هنا دليل قوي يؤكد صحة كلامي بأن تغريد بريئه من هالتهمه التي وجهت بحقها وأن المُتهمه الحقيقيه كوثر ..

كانت بآخر شيء بالمكان وبجانبها بندر وأبوها وأمها وتستمع وتحس كل اللي تقوله المُحاميه شيء أول مره تسمعه نزلت رأسها وهي تحس بهجوم قوي على ذاكرتها وصوت ضحكه مو غريب عليها يتردد بذهنها :
ياسمين بموت تضحكيني وضحكت بقوه
وهالجمله تتكررر في ذهن ياسمين وملامح وجه مو واضحه جداً أمام عيونها وفجأءه صوت صراخ وصوت ناس حولها وصوت دكاتره سكرت اذنها بقوه وهي شوي وتصرخ من قوة الضغط اللي تحس فيه
ضغطت ع يد بندر اللي يستمع للكلام بإنتباه التفت لها وعرف إن الحاله جتها من جديد فتح شنطتها وهو يطلع حبوبها بسرعه
ما يقدر يسبب فوضى بالمحكمه مدها لها مع علبة المويا وشربتها بتعب كبير وهي تشوف خروج القاضي بعد م قال كلامه. بدؤوا يطلعوا
تغريد قامت وهم يأخذوها لمحت هيأته وقفت بصدمه لكن هالمره بالذات ما تضعف مشت وكأنها تأكد له تغريد أول ما عادت تغريد الحين
ياسمين كانت تطالعها بتأمل لملامحها المألوفه جداً
بندر وهو يكلم أبوه:شكلها حيتم تبرئتها
أم ولاء: إذا بريئه ي يمه تطلع ليش لا يكفي إنهم ظلموها وخلونا ندعي ع شخص بريئ سنوات حسبي الله على اللي كانوا السبب
هيا اتصلت ع غيث بقلق وكان مقفل واتصلت ع نُورا
هيا:كيفك نُورا
نُورا وهي جالسه بغرفتهم:تمام الحمدلله
هيا:غيث جاء البيت؟
نُورا والخوف بدأ يتسرب لقلبها:لا فيكم شيء خالتي؟
هيا تنهدت بتوتر وتحس فيه شيء:لا إن شاء الله م في شيء يمه
وطالعت بالوقت:يلا يمه بتبدأ المحاكمه مع السلامه
نُورا:مع السلامه
وقفلت الخط منها وراحت تتصل ع غيث بخوف عليه لكن م رد
أرسلت له:حبيبي فيك شيء؟ لكن برضوا م وصلت له.
.

نروح لغيث تحديداً بالمستشفى
دخلل عبدالله وشاف وجهه وم قدر يكتم ضحكته وضحك: الحين فيه عريس وجهه كذا؟ من سوا لك وجهك كذا؟
غيث ضحك: إنت تشوف !! عريس ويضربوني صحيح إنهم م يفهمون الحين أنا شايل هم كيف أروح لزوجتي كذا
وضحك:أخاف أفجعها وتخلعني
عبدالله ضحك بقوه وهو يجي ويسلم عليه ويضرب ظهره:حمدلله ع السلام تعيش وتاكل غيرها
غيث: الله يسلمك،فالك م قبلناه وجهي مقدر أضحك منه سوو لي تعابير جديده ....
عبدالله بجديه:مين سوا كذا؟
غيث:الشخص نفسه مجهول وحتى الشاحنه بدون لوحه ومعناته؟ صاحب الشقه وصاحب المخدرات اللي تسبب بالقضيتين للبنت الي موكلتني هو نفسه اللي سوا فيني كذا
وضحك وغمز له:شرايك فيني وأنا مكسر ومشغل عقلي ..

🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 42 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

عبدالله ضحك:ينخاف منك إنت وأمك ماشاءالله خالتي هيا أقولك إذا دخلت مكان الكل يحترمها وهيبه هيبه وبطقطقه:مو نفس ولدها
غيث بسخريه:شفيه ولدها شف سلم ع الموت ولسّى يضحك
عبدالله ضحك:امزح معك ياشيخ
غيث ضحك وبجديه:المُهم طبعاً أبيك الحين تفتح محضر لكن لا تبحثون عن اللي تسبب لذا لي بس وقت اوصل لهالشخص أبيه ينضاف لقضاياه
عبدالله ابتسم:ابشر
غيث: تسلم
عبدالله:يلا بما إنك خلصت نطلع يوصلك
غيث:لا ماعليك أنا اقدر اسوق
عبدالله:لا تناقش قوم يلا
قام غيث وطلع معه وتوجهوا لبيت غيث وهيا
.

بالمحكمه....
كانوا بنتظرون القاضي بقلق وتوتر
دخل القاضي وهو يجلس ويطق الطاوله: حكمت المحكمه بعد النظر للأدله القرآنية وبإتباعها لدين الله وسنة
نبيه بتبرئة المتهمه تغريد سليمان وبالحكم ع المُتهمه الرئيسيه كوثر عوض بالسجن لمدة ٥ أعوام مع ١٠٠ جلده نظراً لأنها المتسبب الرئيسي في الحادثه ونظراً للتلفيق والكذب وإلقاء التهمه ع تغريد وتم الحُكم إتباعاً لقوله تعالى:
{وَلَقَدْ أَهْلَكْنَا القُرُونَ مِن قَبْلِكُمْ لَمَّا ظَلَمُوا وَجَاءَتْهُمْ رُسُلُهُم بِالْبَيِّنَاتِ وَمَا كَانُوا لِيُؤْمِنُوا كَذَلِكَ نَجْزِي القَوْمَ المُجْرِمِينَ. ثُمَّ جَعَلْنَاكُمْ خَلائِفَ فِي الأَرْضِ مِنْ بَعْدِهِمْ لِنَنظُرَ كَيْفَ تَعْمَلُونَ} [يونس:13-14].
وطق الطاوله من جديد وطلع
هيا ضحكت وهي تطالع تغريد بفرحه
تغريد ابتسمت صحيح فرحت لكن متضايقه لعدم وجوده وما تدري آيش سبب عدم وجوده.....
هيا اقتربت من عندها وهي تبتسم: تذكرين؟!
تغريد طالعت فيها بنظرات إستغراب:
هيا ؛ إنتي قادره ي تغريد ع العوده للحياه إنتي قادره تعتزلين هالعُزله أحبابك كُثر واللي يتمنونك كُثر أنا جداً فخوره بأن إبني إستلم قضيتك !
تغريد إبتسمت بتذكر لهاليوم:مابي أحلم وأحلامي تطيح فوقي وتهدمني م أعيد الغلط مرتين مع الأسف ببقى أنتظر هالغيث لو بعد دهر لكن مُستحيل يكون في أمل الأمل راح مع اللي راحوا
هيا ضحكت:قلتلك الأمل حياه حُلو وشوفي بداية الغيث رذاذ باقي قضيتين بس وتطلعين وتعيشين حياتك وتحطين عينك بعين كل شخص كان يوم من الأيام يطالعك كـ مجرمه و تقولين للدنيا وللحياه إنتي م تقدرين ع كسري !
ابتسمت تغريد:شُكراً من كل قلبي كنتي غيمه للغيث حرفياً
هيا:اشكري غيث ترا كل ذا هو ارسله لي لأنه م قدر يجيي لسبب
تغريد كانت بتسأل شالسبب لكن فضلت تسكت ابتسمت وأخذوها الحرس تحت أنظار ياسمين وعائلتها
طلعت هيا بكل ثقه وقابلت المحامين اللي كانوا مصدومين تماماً بأنها برأتها من أول قضيه موجهه بحقها وجميعهم كانوا يقولون لهيا م تستلم هالقضيه لا هي ولا إبنها وتطييح إسمها بالأرض لأنها بالنسبه لهم الجُرم ثابت عليها ابتسمت بشموخ وفخر كبير ومرت من جانبهم متوجهه لسيارة السواق الخاص فيها.
.

عند إياد دخل المستشفى
وهو يبحث عن ذا البنت اللي كلمته بوقت الوفاة راح للريسبشن وهو بيسأل بس ما يدري شيقول :سلام عليكم
عهد:وعليكم السلام
إياد إنتبه لصوتها اللي ميزه بسرعه وبتذكر:إنتي اللي جيتي عندي بالعنايه؟
عهد رفعت رأسها وعرفته بسرعه وابتسمت:ايوه غريبه م عرفتني !
إياد:ليش أعرفك من قبل؟
عهد:مُو مُهم آمرني شبغيت؟
إياد إبتسم بذبول: شكراً ع مساعدتك
عهد وهي تهز رأسها:العفو
إياد: م عندي شخص أودعه لكن جيت أشكرك قبل م أروح
عهد بفضول:وين بتروح؟...
إياد:بسافر بحاول أشغل نفسي
عهد م تدري ليش انغبنت:وليش تروح تهرب يعني !
إياد تجاهل تدخلها:كذا يلا سلام
عهد سكتت وحست ع نفسها أما هو طلع وتركها.
.

عند غيث
دخل البيت وهو يسحب رجله اليسرى إلى أن وصل للصاله وجلس ع الكنب
نُورا فتحت باب غرفتها لما سمعت صوته وانصدمت بـ شكله ركضت له بخوف وهي تمسك وجهه بخفه وفيها الصحيه:مين سوا فيك ك..كذا !!!
غيث ضحك ع خوفها ومسك يدها وهو يجلسها بجانبه:ماعليك لا تخافين شوفيني قدامك م متت
نُورا بقهر:تستهبل إنت تنتظر تموت يعني !!
غيث ضحك:وه فديت المعصبين ياناااس
نُورا نزلت عيونها بخجل وكأن حكيه قادر يغير مزاجها فعلياً تحبه وجداً
قاطعهم دخول هيا وهي تضحك ومو منتبهه لوجهه: مبروك ي حبيب قلبي ربحنا القضيه
وشهقت بصدمه:يمه شفيك مين مسوي فيك كذا؟ ليش م قلت لي؟
وجت عنده وهي تجلس بالكنبه اللي بجنبه
غيث بفرحه زفر: ماعليك بسيطه بسيطه بعدين أقولك إلا م قلتي لي كيف علميني متحمس وكيف تغريد أيش ردة فعلها؟
نُورا انتبهت ع إسم تغريد وطالعت فيه بقهر وغيره مين ذي تغريد اللي يبتسم وهو يذكر إسمها !

🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 43 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

هيا ضحكت: والله واضح مرة فرحت لكن فيه شيء مخرب عليها
غيث إبتسم وهو عارف هالشيء :يلا ماعليه إن شاء الله وقت تطلع فرحتها تكتمل
هيا:لا تشوف القاضي والا المحامين اللي قبل كانوا يتفلسفون علي ويقولون لا تمسكينها إنتي وإبنك بتفشلين أقولك إنصدموا
غيث ضحك:هذا اللي يحكم من الخارج وبعدين ما عرفوا المحاميه هيا م تمسك شيء إلا وهي متأكده منه كفو عليك والله
نُور إبتسمت ع علاقتهم مع بعض
هيا ابتسمت وطالعت بنُورا:ها حبيبتي ارتحتي بالبيت؟
نُورا ابتسمت بخجل:ايوه خالتي الحمدلله مرتاحه بما إن غيث معي وإنتي معي
هيا ضحكت:كان م قلتي أنا أهم شيء غيث عندك
وغمزت لها
غيث ضحك:اقول أنا بروح الغرفه تكسرت حسبي الله ع العدو
هيا:تمام يمه
نُورا إبتسمت له وراح لغرفته
وهيا ونُورا جلسوا يسولفون
غيث دخل غرفته وجلس ع السرير وهو يفتح الكوميدينا وياخذ مذكراتها ويفتحها ويقرأ حكيها هذا للمره الثانيه:
أنا أخاف الحياه !
لا أعلم لماذا ؟
ولكنني أخاف ان احب مرةً أخرى
وأخاف أن أموت بسبب الحب مرةً أخرى
أخاف أن أخرج من هذا السجن
وأرى أناسٌ جديدون !
لرُبما سيئون !
لا أعلم !
إني أخاف العيش مرةً أخرى..

قلب الصفحه :

أشتاق إليه كثيراً
أشتاق لصوته وضحكته !..
أشتاق لحديثه !
أشتاق لحضنه كثيراً
أشتاق لكُل شيء يخصه !...
لماذا أحببته بهذا القدر
لماذا أحببته أكثر من نفسي !..
.
قاطعه دخول نُورا اللي جت بجانبه لتقرأ اللي يقرأه لكنه قفل الدفتر إحتراماً لخصوصية تغريد
نُورا: شكنت تقرأ؟....
غيث:كلام عادي
نُورا سكتت
أما غيث رجع المذكرات بالكوميدينا وانسدح وهو ينام بعد تعب كبير... .
.

الساعه ١١:٠٦ مساءاً
عند نيهال ورائد..
نيهال:هففف ما بتقول لي شفكرتك؟
رائد ضحك:لا موتي فضول
نيهال وهي مقهوره: أساساً عادي م يهمني
رائد ضحك:واضح واضح
نيهال بنرفزه: ما يهمني
رائد وهو يحاول يكتم ضحكته:خلاص خلاص لا تعصبين
نيهال بدلع:خفف رائد حبيبي عمري حياتي أنت قول لي شبتسوي
رائد وهو يقترب منها وهو خاق:يا روحه بكرا تعرفين؟
نيهال خزته بقهر:ياخي ما بتموت إذا قلت لي
رائد ضحك وهو يخرب شعرها:ولا بتموتين إذا صبتري
نيهال عدلت شعرها بقهر
أما رائد حضنها:جعلني فدا العصبيه بس
نيهال إبتسمت دائماً يراضيها بحضنه اللي بالنسبه لها أمان أب
رائد طالع فيها وهو مقابل لها:ياعمري ع اللي يبتسمون
نيهال ضحكت بدلع : ياحياتي إنت ..

.
مساء يوم جديد .....
الساعه ٥:٢٤ مساءاً....
في مكانهم المعتاد كانوا مجتمعين جميعهم إلا نيهال اللي كانت م تقدر تتحرك كثير بعد م تم نداء الجميع حتى إياد اللي إعتذر لكن أجبرته ولاء يجي
ولاء:يلا رائد تكلم وقول ليش جمعتنا !
رائد أخذ نفس عميق: كلنا اكيد ندمانين ع اللي سويناه وكثير أنا صراحه مقدر أنام كويس وصرت أفكر وكثير لو أحد سوا هالشيء بولدي والا بنتي آيش بتكون ردة فعلي وانتوا فكروا نفسي ؟ كل شخص بيدعي على اللي تسببوا بهالشيء لولده والا بنته احنا ما ندري كم أم إحترق قلبها ع ولدها والا كم أبو ولا اخو ولا اخت يشهد الله إني م سويت هالشيء إلا لإضطراري وعارف إنه م يشفع لكن بحاول أصلح غلطي لو شوي واللي معي يقول فكرت نساعد في علاج المُدمنين ونبدأ أولاً بقائمة الأسماء اللي كنا نبيع لهم وراح نجيب مختصين يساعدوننا وبنشتغلل ع نفسنا ونوفر فلوسهم مين معي؟
عهد بثقه وإعجاب في فكرته : أنا معك لعل ربي يسامحنا
إياد: وأنا بعد
أسامه: وأنا حطوني معكم
رائد:ونيهال أنا عنها ومعنا هي
طالعوا جميعهم بولاء اللي ساكته
عهد:وولاء !؟
ولاء ميلت فمها بمكابر:معكم نشوف عاد
وقامت :عندي شغل اللي تتفقون عليه شخص منكم يكلمني و يعطيني خبر فيه سلام.
وطلعت وتركتهم يتناقشون.. .
.

عند ولاء دخلت بهدوء
وفتحت شباك المجلس وهي تدخل وتتأكد إن م في أحد (كانت تبي اوراق وأشياء وما تبي أحد يشوفها
فدخلت من المجلس لأن له باب يدخل ع البيت بدون محد يشوفها)
سمعت صوته خلفها:مين إنتي!؟
ولاء لفت بصدمه:شجابك أنت !!
عبدالله وهو ناسي بإنها أخت بندر: إنتي اللي شجابك!
ولاء خزته وهي تمشي بتطلع:شدخلك بيتنا
عبدالله وهو يوقفها:ليش داخله بهالطريقه؟
ولاء : اترك يدي لا أكسر يدك احمد ربك محترمه إنك صاحب أخوي
عبدالله ضحك بسخريه:توقعي لو جاء اخوك وشافنا كذا شبتكون ردة فعله
ولاء بلا مبالاه: ما يهمني
عبدالله وهو يترك يدها: أقول أنا عدلي نفسك أحسن لك
ولاء:أبشر تامر بشيء ثاني واقتربت خطوه منه:لا تهددني مره ثاني علشان م تنقلب عليك تهديداتك !
عبدالله بتلميح: الله أعلم ليش داخله البيت بهالطريقه!
ولاء بإستفزاز داست ع رجله بأقوى شيء عندها وطلعت وتركته وهو يتآوه
عبدالله بقهررر وهو ماسك رجله: والله مو بنت ذي ! .
.
🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 44 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

عند غيث
دخل السجن وهو يتوجه تحديداً لغرفة الحجز الخاصه بتغريد دخل بإبتسامه:سلام عليكم
تغريد كانت جالسه ع الكرسي تنتظره لأن اعطوها خبر من قبل ابتسمت:وعليكم السلام
غيث وهو يجلس ومعه ملف:مبروووك باقي قضيتين بس وترتاحين من كل ذا وتطلعين إن شاء الله
تغريد وهي متجاهله قضاياها تماماً: أمس ليش م جيت للمحاكمه !
غيث إستغرب شوي: حصلت لي حادثه بسيطه
تغريد وهي تطالع بوجهه بتدقيق:ذا اللي بوجهك؟
غيث ضحك:قصدك الخريطه! ايوه
تغريد: الحمدلله ع السلامه
غيث ابتسم:م باركتي لمحاميك
تغريد رفعو عيونها بإبتسامه وإستغراب:مبروك بس على آيش!؟
غيث: الخميس تزوجت
تغريد ضحكت وقلبها تتسارع نبضاته:شقلت!؟
غيث اتسعت ابتسامته: أقولك تزوجت الخميس
رفعت حاجبها الأيسر وهي مبتسمه وتهدي نفسها وغارزه اصابع يدها في فخوذها عضت شفايفها وهي تضحك وعيونها مليئه دموع قامت وهي تتصدد عنه تمنع نفسها من الإنهيار تمنع نفسها من السقُوط مره أخرى لكن هالمره م فيه احتمالية حياه ! تخاف تتمسك وهو يتخلى! نخاف الغلطه تنعاد
تغريد وهي تكتم شهقاتها وتعدل نبرة صوتها وهي جالسه ع سريرها ومعطيته ظهرها:تمام مبرووك الله يسعدكم انا بنام تعبانه
ومدت يدها جهة الباب وهي تأشر عليه وبالقوه ماسكه نفسها
غيث قام وهو مصدوم تماماً ومستغرب ردة فعلها ودموعها المُفاجئه طلع بسرعه وهو م يبيها تنهار وخاصه إن مرضها النفسي بدأ يتحسن بمراحل متقدمه ومُبهره جداً
تغريد أطلقت العناء لدموعها وتساءلت بداخلها ليش اللي نحبهم يروحون!!
نتعلق فيهم وفجأه! يرحلون وكأننا م صرنا بحياتهم يوم!
هل طبيعي ذا الشيء !
هُم ينسون والا يتناسون!
ضمت رجولها لصدرها ونزلت رأسها بينهم وهي منهاره تماماً ممكن ما حبته وممكن للحين تحب وليد بس اكيد تعلقت فيه مُمكن مُو حُب حُب مُمكن علشانه الوحيد اللي صدقها من بعد أمه !
بكت من كل قلبها كانت من البدايه حاسه بضغط مو طبيعي وجاء غيث وزادها....
.
.
عند ولاء
دخلت غرفتها وهي متنرفزه من أنه يهددها بأخوها ومن تدخله ولقافته زفرت وهي تمشي وتفتح دولابها و تطلع الأوراق اللي تبيها والأشياء
.
في المكان المعتاد لإجتماعاتهم كانوا يتناقشون وطول م عهد تتكلم كان إياد يسمع نبرة صوتها ويميزها باللي بباله
تلعثمت لما شافت نظراته لها أحد من السيف إياد غير اتجاه نظره لما انتبه ع نفسه وعرفها لكن مستغرب ليش ما قالت له !
رائد:عهد عليك تجيبين كل الأسماء اللي كنا نبيع لهم (المشترين) أما إياد عليك تكلم أهاليهم بطريقتك
إياد:اعفوني من ذا الشغله وهالفتره خاصه ماني متحمل نفسي
عهد وهي عارفه وضعه:خلاص انا ومعاذ هالشيء وإنت عليك الأسماء التي طلبها
رائد: وأنا وولاء بنكلم أطباء ونحجز لهم
عهد:كويس وميلت فمها بضيقه: بس..
رائد:شفيك؟
عهد:نقول لهم إننا السبب في ذا
رائد: لا لا طبعاً قلنا لهم ما راح يثقون فينا وبيسببون مشاكل غير السجن
عهد:تمام
إياد كان مو معهم أبداً وجت بباله بنته

فلاش باك.....
بوزت وهي طفله ما تعدت ٦ سنوات : ي بابا ما يصير لازم تشتري لي بالونات كثيررر نفس ليان(صديقتها )
إياد ضحك وهو يشيلها ويدور فيها:من عيوني كم عندي تالين أنا؟
تالين ضحكت برضا وبدلع:وحده بس بس
إياد وهو ينزلها و يدفن رأسه ببطنها ويلعب معها
أما هي كانت تضحك بقوه لكن فجأه قطع ضحكتها ضغطها بيدها الصغيره ع صدرها الأيسر و شهقاتها اللي تحاول من خلالها تتنفس
إياد وكل خليه بجسمه ترجف وبتوتر ولعثمه:تالين تالين بابا شتحسين فيه!!
تالين وشهقاتها تعتلي:نف..باب..
إياد قام بسرعه وهو يشيل جسدها الصغير بين يدينه ويطلع من شقته بسرعه متوجه للمستشفى و بداخله أمنيه ودعوه وحده يرددها ”يارب احفظها لي“.....

صحى ع صوت رائد...
رائد وهو يأشر له:وين وصلت
إياد وهو يصد بعيونه اللي إمتلأت دموع شوق وحزن وجرح وفقد وتعب! قام بدون ولا كلمه وهو منزل رأسه ويمشي ركب سيارته وهو يمشي لكن ما يدري وين ! ما يدري ايش حوله أهم شيء يهرب من ذكريات بنته وزوجته اللي تأسر قلبه بشكل مُوجع جداً
نرجع لرائد ومعاذ وعهد ...
رائد:شفيه
عهد وهي ساكته رفعت كتوفها بمعنى مدري قامت:بروح للبيت باي وطلعت وتركتهم
.
🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 45 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌼🍃

الساعه ٨:٠٧ مساءاً دخل البيت بتعب...
وسمع صوت أمه وزوجته دخل وسلم عليهم
ودخل لغرفته بهدوء وهو مستغرب تماماً ليش تغريد انقلبت فجأه قلق تنقلب حالتها بس شالسبب!
نزل شماغه ع سريره وهو يفتح الكوميدينا ويطلع مذكراتها ويكمل قراءه :
أعتقد أنني أموت أو أنني انتهيت ومُت!
م أنا فيه اشبه بالحلم لا أستطيع تصديق بأن
أمي صدقت ما قيل عني وأن ابي تخلى عني
أما أختي أعتقد أنها تخلت عني منذ زمن !!
ولكن م أعجز عن تصديقه حقاً حبيبي الذي هِمتُ بحُبه
لماذا تخلى بهذه السهوله وكأنه مستعد لخسارتي!
وكأنني أصبحت لا أساوي شيئاً من أملاكه
وأنا التي كام يقول لي يوماً”أبيع الدنيا لجل تضحكين“
خيبة أملي فيه كبيره وي ليتني أكرهه..... .
.
.
سكر مذكرتها وهو يمسح ع وجه ويبعثر شعره بحِيره قام وهو ينزل المذكره ويتوجه للصاله لعند أمه ونُورا
هيا ابتسمت:شفيك يمه دخلت مالك خلق؟
غيث ابتسم:ولا شيء بس تعبت من المراكض وراء تكملة الأوراق وكذا
هيا ابتسمت وهي مو مصدقه لكن تجاريه بمكره عليها
نُورا ابتسمت:بروح أجيبلكُم عصير تروقون فيه
غيث ابتسم لها
هيا:تسلمين ياروحي
قامت نُورا للمطبخ
اما غيث انتبه لنظرات أمه اللي يعرفها أكثر من أي شيء ونزل عيونه
هيا ضحكت: والله لو يصير ظهرك منحني وتمشي ع عصا أعرفك من نظرة عيونك قول لي شهالحاله
غيث أخذ نفس عميق:قلت لتغريد عن زواجي مدري كيف يمه بس كذا فجأه نفسيتها قلبت واخاف ترجع لحالتها ونرجع لنُقطة البدايه
سكتت هيا وهي تفكر باللي ببالها طالعت فيه: ماعليك ممكن متضايقه لأن أتوقع شافت أحد تعرفه بالمحكمة
غيث بفضول:مين؟
هيا بإستغراب من سؤاله:مدري بس ليش تسأل
غيث:فضُول وسكتوا ع دخول نُورا بصينية العصير وزعته وجلست بجنب غيث
هيا: إلا م قلتي متى موعد الجلسه الأخيرة؟
غيث : بعد ٣ أسابيع تقريباً وأنا لسّى ما لقيت دليل وم اعرف مين هم
هيا:اصبر وإن شاء الله بتلاقي وعشان بعدها تسافرون شهر العسل وضحكت متأخر بس ماعليه
نُورا ابتسمت:عادي أحسن عشان نعرف بعضنا أكثر
غيث: بالضبط
وابتسم:شرايكُم آخذكُم مطعم نتعشى فيه؟
هيا ضحكت :قدامكُم أنا
غيث طالع بنُورا بمعنى انتظر جوابك
نُورا ضحكت:م أقول لا بعد خالتي
هيا ضحكت:كفُو بنتي
غيث وهو يمثل الغيره:اقول ما كأنكم سحبتوا علي وتعززون لبعض وباقي شوي وتتغزلون في بعض
هيا ضحكت: والله يحقلنا
نُورا:منجد يحقلنا
غيث ضحك وهو يطالع فيهم:يحقلكُم تمام بس مُو كِذا
نورا وهيا ضحكوا وكملوا سوالف وضحك...
.
.
عند ولاء دق جوالها وهي بالسياره متوجهه لمكان...
ولاء:هلا؟
المجهول: أنا اوريك ي حقيره ي *** إن ما خليتك تندمين ع اليوم الي فكرتي فيه تغدرين فيني وتعطين الشرطه أدله م أكون رجال
ولاء ضحكت بسخريه لتستفزه:ي شيخ لا تهدد وتتمرجل فوق راسي لو فيك من المرجله لو شوي ما أرسلت واحد وذا رد بسيط عليك ولا يكون حسبالك إني ساكته كل هالفتره خوفاً لا بس أنا م عندي حركاتك فعلي يوصلك قبل تهديدي ويلا ي عالة المُجتمع
وبسخريه:ي رجال خيس بالسجن إلى يوم موتك وجماعتك كلهم إن شاء الله تتسلون مع بعض بالسجن قريب جداً
وقفلت بوجهه وهي توقف عند عند كافي وتاخذ لها قهوه بارده وتروح للبحر وتجلس مع نفسها بكل راحه ورضا عن النفس
فتحت جوالها وأرسلت له:
لقيت اللي تبيه والا باقي؟
وبعد ٥ دقايق اهتز جوالها ليعلن وصول رساله فتحتها
ولقت رده:القضيه الأولى مشت وكسبتها باقي الثانيه وهي اللي تبدأ من عندك
ولاء أرسلت له :تمام يصير خير بشوف لك اللي اقدر عليه لكن مُمكن بنص الليل ع الفجر اتصل عليك ووقت اتصل تجي بسرعه ما أحب انتظر
غيث رد:يصير خير .
.
ونزلت جوالها وهي تكمل قهوتها بتفكير وتذكر ... .
.
فلاش باك*
بعد م مرت السنوات وصار عمر ولاء١٧ كانت في بيت أبوها ونازله من الدرج وأوقفها حديثهم اللي انذكر فيه إسمها
أبو ولاء:جاءني واحد من جيرانا بعد م طلعنا من المسجد وخطب ولاء
زوجة أبو ولاء:افف زوجها وارتاح ترا البنت عاله حتى الممات
أبو ولاء :اي والله صدقتي نزوجها ونرتاح منها يمكن تعقل
زوجة أبو ولاء بفضُول:بس م قلت لي مين هو؟
أبو ولاء:أبو ياسر
زوجة ابوها ضحكت بسخريه وشماته :ما غيره اللي متزوج ثنتين!!
أبو ولاء:ايوه أيوه هو
ولاء نزلت وهي مقويه قلبها وكأنها م سمعت مخططات أبوها للتخلص منها وإنه يعتبرها عاله ويسمع كلام
زوجته ومبديها ع بنته.
ولاء وهي نازله :زواج ماني متزوجه
وجلست ع الكنبه وحطت رجل ع رجل وابتسمت بإستفزاز:ع قولتك ي زوجة أبوي ببقى عاله حتى الممات
أبو ولاء بعصبيه:شهالوقاحه ! أنا أبوك احترميني وأنا اللي متحملك ٤ سنين مو أمك اللي تزوجت واتوقع ما تذكر إن عندها بنت إسمها ولاء

ولاء بلعت ريقها بغصه:والمطلوب؟! أقول شكراً! لا والله م قلتها لأني عارفه م صبرت إلا عشان زوجتك الاولى ما ترفع عليك قضيه نفقه علي لأنها بتربيني ويكفي إنك من سنتين باليوم تذلني ع هالتربيه ٦٠ مره إنت طول حياتك شايل يدك عني ومصروفي اصرف على نفسي فخلك ع حالك أحسن لك
وطالعت بزوجة أبوها: شفتي لو تموتين وتبوسين الأرض م أنفذ اللي ببالك ي مُختل...
وقفها كف قوي من أبوها لو مو أبوها كان ردته أضعاف لكن سكتت ورفعت عيونها بكل قوه:صدقني عمري م بنساها لك ..
وراحت لغرفتها بدون ولا كلمه وما أشرقت الشمس إلا هي مجمعه أشيائها وشنطتها وطالعه من البيت بدون علم أحد
صحت من واقعها وهي تشوف طفله بعمر الثلاث
سنوات تقريباً تضرب بيدها ع فخذ ولاء لتنتبه لها ابتسمت ولاء ولأول مره تبتسم من زمان م ابتسمت من قلب ولاء مسكت يدها بلطف وهي تطالع فيها بإبتسامه وم هي دقايق إلا جت أمها اللي تدورها بخوف وما صدقت شافتها إلا اقتربت منها وحضنتها وتعاتبها وكأنها تفهم:ي ماما ليش تروحين خوفتيني
ولاء وهي تقوم وتضايقت من اللي شافته:انتبهي لها مو كل مره بتلاقينها ومشت وهي تتوجه لسيارتها....
.
.
#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://hottg.com/+AAAAAD1p6TqBBTyITQumpA

🌼📚 @storykaligi 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼