🐚🍃🐚🍃🐚
🍃🐚🍃🐚
🐚🍃🐚
🍃🐚
🐚 281 ..
📚 😍 📃
📖 روايـــــــــــــة ✍🏼
{ قبل الورق وانتي في بالي قصيدة
وبعد الورق ضيعت أنا كل الأشعار }
📖🖌 @storykaligi 🐚🍃
دخلت منيره اللي نست المفاتيح فيه شهقت بخوف وهي تشوف أستبـرق رافعه السكين في وجه رعد : بسم الله الرحمن الرحيم شفييكم .. أستبـرق
نزلت السكين أستبرق و عينها بعينه ما أهتمت لوجودها ولا هي مهتمه في تحسين صورتها الأن قالت بهدوء وهي تبعده عنهـا : هلا خاله
ام رعد وهي مستنكره هدوءهم العجيب : ليش رافعه السكين في وجه زوجك ما تدرين أن الملائكه تلعنك .. و بعدين وش بينكم ماتنحل الامور بهالطريقه
استبرق بتصريف و هي تنشغل بتقطيع الفواكه الباقيه : ما بينا شي بس رعد كان يبي يشوف حدة السكين و لمعتها يفكر ياخذ مثلها في كشتاته
حبس ضحكته على كذبتها من متى وهو يكشت صار له قرابة السنتين ما طلع للبر أعجبه جموحها و نبرة الغيره اللي واضحه بمنطوقها .. كانت شهيه رغم حدتها و عقدة حاجبيها تعصب بشكل فاتن للعين
ام رعد بعتب : و هو وقت تشوف السكاكين .. ما تشوف حال رجلك وش جايبك هنا ما قلت اللي تبيه أطلبه و حنا نجيبه لك على كذا ماراح يلتئم جرحك
أستبرق بهمس يسمعه : أسمع كلام ماما يا حبيبي
قالت بصوتها الطبيعي وهي تلتفت لهم بعد ما سمعت صوت أيلين : فهميه يا خالتي يقول طفشان أقعدي عنده لحد ما أخلص السلطه
كان مستمتع بمظاهراتها و غضبها اللي أصدرته بحقه بغير وجه حق لكن لذة غيرتها عليه تعجبه
تجهمت ملامح منيره وهي تسمعه خطتها راحت في مهبّ الريح
قال بنبره غير قابله للنقاش فيها وهو يشوف تدخل امه العلني في حياته الخاصه : يمه روحي كملي شغلك قبل لا يوصلون فيصل كلمني قبل دقايق .. لا ينشغل بالك علي عندي أستبرق
ام رعد تذكره : أستبرق مشغوله .. عندك أيلين فاضيه دامك طفشان
قطع حوارهم صوت جواله اللي يرن رد بعد ما شاف أسم سكرتيره راشد : أرحب
طلعوا بعد ما تأخر رعد بالمكالمه اللي أستغرقت وقت طويل
وهي ترتب السلطه بالصحون حست فيه خلفها وبانزعاج حقيقي قالت : رعد بليز أترك هالحركات
أدارها ناحيته : تدرين أن جيتك لي رغم أن أبوي غلط و غلطته كبيره مو أي وحده بتسوي الـ.
قاطعته بحنك : لان أعرف أبوك و أعرف أطباعه و لو كان عندي شك واحد بالميه أنك مثله ما رجعت في النهايه مالك ذنب أنت صح ؟
سحب خُصله من شعرها و هو يتلمسها و بنبره متلاعبه تكيد لها : صح مالي ذنب بس ما تلاحظين أنك متغيره مره معي يعني لو أستبـرق القديمه ما رجعت وقومت القيامه
أرتبكت وهي تحس بالحراره تسري في عروقها قالت بإستفهام تباغت سؤاله اللي له أستدلالات كثيره : يعني تبيني أسبب مشاكل عشان أكون استبرق القديمه بنظرك ؟
رفع حاجبه تعجب من أصرارها بكتم مشاعرها و تحفظها فيها : أعرفي أن هالتغير يعجبني .. و مثل ما قلت لك اي شي ينقص ضيوفي كلميني على طول ما أبي شي ينقصهم و هم في بيتي
صدت عنه و هي تكمل شغلها بغصه حاده تشطرها
صعب تلقى شخص يفهمك و يفهم سبب تصرفاتك
كانت مسيره بمشاعر الغضب في الماضي أما الحين رجعت لطبيعتها و حالتها الاولى بعد ما أخذت حقها
•
•
بعد مرور ساعه .. نزلت أم سديم و معها بنتها وهي تشكره : مشكور يا ولدي عسى الله يحفظك لاهلك
سديم و بحالميه قالت بينها و بين نفسها : يارب تحفظه و تخليه من نصيبي .. يارب
رد عليها فيصل بأقتضاب و سبقهم في الدخول قال بنبره رزينه : أدخلوا من هالباب .. عمتي أم رعد تنتظركم
و غادر المكان متجه لقسم الرجال بحماس للموضوع اللي يدور براسـه .. جاء الوقت اللي بيحط النقاط على الحرُوف ما عاد قلبه يقدر يقاوم رغبته و أنجذابه فيها لو تعرف بحجم رغبته في إنه يمسك يدينها طول الحياه و طول الطريق و أنه يرسم البهجه على عيونها و يكون بكل ما يملك و ما لايملك لها .. حاجه في نفس يعقوب أنـه يقضي عمره معها و عندها و بين أيدينهـا
أستقبله رعد اللي قال بعد السلام و السؤال عن الحال : واضح أن ابوهم ماراح يتركهم في حالهم
فيصل بعد ما أرتشف من فنجال القهوه اللي بيده قال بكره وعدم أرتياح لهم : والله لو أنك ما تزهلت .. ما التفت لهم حتى لو أشوفهم بالشارع يصارعون بعض ما فارعت بينهم
ضحك رعد اللي فاهم سبب كرهه و بأستفزاز : كل هذا عشان أبوهم كتفك و ما عطاك مجال تفزع معي
فيصل بغبن و قهر قال : اي والله علي الحرام لو يطيح في يدي ما يسلم هو و الرخوم اللي معه
تنحنح و كمل : المهم ما علينا فيهم أنا جايك وفي بالي موال ..بس الوالده رافضه وأنا أبي شورك علي
🐚📚 @storykaligi 🐚📚🖋
🍃🐚
🐚🍃🐚
🍃🐚🍃🐚
🐚🍃🐚🍃🐚
>>Click here to continue<<
