ن سيجا
رة و شرب كاسة قهوة
و بعدا رجع طلع لعندن
مازن : يا عمي بدك تشد حيلك حتى ترجع توقف على رجليك
صوفيا : بابا قوي كتير و بتشوف كيف رح يسترد عافيتو بفترة قصيرة
خلدون : صوفيا حبيبتي لا بقى تفارقيني بعد اليوم
مازن هالبنت أمانة برقبتك ازا بصرلي شي
صوفيا :بعيد الشر عنك لا تحكي هيك ، دمعو عيونا هيي و عم تبوسو ، لا تحكي هيك ابداً
انا بكوت ازا بصرلك شي
مازن : ان شاءالله العمر الطويل يا عمي
لسا بدك تفرح فينا و تشوف ولادنا مو هيك صفصوفتي
صوفيا ما عجبا الحكي و صارت تزاورو بعيونا
صوفيا : قلتلك انو ما بحب هالاسم بنوب ، لا تناديني صفصوفة
مازن : اي
انا طالع لبرا حتى دخن سيجارة و برجع
طلع مازن من الغرفة
خلدون : يا صوفيا لا تقسي عليه بالكلام
صوفيا : ما كنت بقصد بس اعصابي كتير تعبانة و متوترة ، برجع بصالحو
خلدون : ما بصير يا بنتي تزعلي هيك و بعدا تصالحيه ، انا كنت قلك على طول الكلمة السيئة متل المسمار يلي بينغرس بلوح الخشب ، ازا اعتزرتي بينشال هالمسمار بس بيبقى اثرو
صوفيا : حاضر بابا رح حاول اتحكم باعصابي اكتر
:
:
:
بقي خلدون بالمشفى يوم تاني تحت المراقبة حتى يطمنو على وضعو و بعدها نكتبلو اذن الخروج
من المشفى ، و مازن بقي جنبن بكل دقيقة بهالأوقات الصعبة ، أجل كل اجتماعاتو المهمة
حتى ما يترك صوفيا لحالها
مرق أسبوع و خلدون كان عم يستعيد صحتو بسرعة ، صوفيا تطمنت على ابوها و ارتاح بالا اكتر
بس كان في شخص ما عم يروح من بالا طوال هالمدة ، رغم انشغالا بوضع ابوها الصحي
و تعب نفسيتا من الشي يلي مرت فيه ، الا انو اللحظات القليلة يلي عاشتن معو ما فارقو خيالا
كل ما حطت راسا على مخدتا كانت تفكر فيه
صوفيا : لو ما مازن كبلي ورقة الايميل كنت قدرت اتواصل معو
اووووف منك يا مازن عم تعطل عليي كلشي حلو بحياتي ممكن انو عيشو
نادت الخادمة على صوفيا حتى تنزل على العشا
و على السفرة شافت ابوها و مازن يلي صاير اغلب وقتو يقضيه عندن
صوفيا : مسا الخير
مازن : تعي حبيبتي قعدي جنبي
قعدت صوفيا جنبو و بلشو اكلن ، وفتحو كتير سير على طاولة السفرة و تناقشو ابوها و مازن
بأمور الشغل العالقة بيناتن
مازن : صوفيا شو مو ناوية تنزلي على جامعتك و تداومي ، والا تعودتي على قعدة البيت
صوفيا : بعد ما تطمنت على بابا صار فيني ارجع للدوام
مازن : يعني بكرا مداومة ، مر لحتى وصلك؟
صوفيا : لا تعزب حالك ، بروح بتاكسي
مازن : فكرت ابوها لسارة رح يوصلكن
خلدون : شو دخل وائل بتوصيل صوفيا
مازن : لانو اخر فترة صوفيا و سارة صايرين كتير صحبة مع بعضن ، حتى انو وصلن سوا للمطار
مو هيك صفصوفتي
خلدون : بنتو لوائل كانت معك على نفس الطيارة
غصت صوفيا باللقمة بس قلا هالكلمة و تزكرت لمن كزبت عليهن بخصوص سفرتا مع سارة
صوفيا : نحنا سافرنا بنفس اليوم بس مو على نفس الطيارة ، انا رحت على فرنسا و هيي راحت على بلجيكا
الحمدلله ، انا شبعت رح غسل ايديي
راحت صوفيا تغسل و لحقا مازن
صوفيا : شو هالحكي يلي خبصتو على العشا
مازن : والله ما بعرف انا والا انتي يلي عم تخبصي ، رحت احكي مع وائل بيك لمن شفت الخبر
و قلت بلكي قدر يتواصل مع بنتو ، و طلعت متل الاهبل قدامو
صوفيا : مازن كان بدي يومين غير فيهن جو و رفه عن نفسي قبل الزواج
كان بدي هدوء و عزلة لاعرف فكر و لحتى ما تدقق عليي كتير كزبت هالكزبة
مازن : اي و ان شاء الله فكرتي بهدوء
صوفيا : اي هدوء من نوع اخر و ابتسمت
مازن : يا صوفيا هلأ عم تفكري قبل العرس بأسبوعين صار بدك تفكري
صوفيا : مازن كلشي صار بسرعة و كان لازم صفي ذهني شوي ، هاد زواج مو لعبة
قرب منها مازن و حاوطا بإيديه التنتين ، مازن: بس تحكي بجدية بتصيري حلوةكتير
صوفيا : مازن شو عم تعمل هلأ بيجي حدا
مازن : ما عم بقدر اتحمل كل هالمسافات يلي بينا
صوفيا: لك مسافات شو رح تفوت فيني
مازن : ههههه جدبة
صوفيا : مازن بترجاك بعد
مازن : عطيني بوسة بالأول
صوفيا : يي ما بصير
مازن : لك رح صير زوجك شو يلي ما بصير
صوفيا : يي بابا
التفت مازن لورا و صوفيا قدرت تفلت من بين ايده و تهرب
مازن : نفدتي هالمرة بس مرة تانية بوعدك ما رح تنفدي
صوفيا : خليك عم تحلم بالطريق للجنة
تركتو صوفيا و طلعت على غرفتا و قفلت الباب حتى ما يباغتا متل ما بيعمل دائماً
تاني فاقت مستهمة و كلا نشاط لبست تيابا و قالت انو رايحة على الجامعة
بس فعلياً هيي كانت رايحة لحتى تفتش على ياسر و طبعاً اول مكان خطر على بالا كان المطار
صوفيا : لو سمحتي بدي اسأل على كابتن ياسر ازا موجود او ازا بتعرفي ايمتى ممكن يكون موجود
الموظفة : كابتن الطيارة ، مو موجود بالمطار
صوفيا : يعني عندو رحلات و مسافر
الموظفة : على الأغلب هلأ بكون مشغول بتحقيقات الطيارة يلي تحطمت
صوفيا : اي ما فيكي تعطيني رقمو او اي وسيلة اقدر اتواصل معو من خلالا
الموظفة : هالمعلومات سرية و ما فينا نعطيهن لحدا ، بعتزر منك
صوفيا : انا كنت على متن الطيارة يلي تحطمت
>>Click here to continue<<