كيفك
انا كتير منيحة
بدي اطلب منك خدمة كتير صغيرة و بتمنى ما تخجليني
انا بدي سافر سياحة لمدة أسبوع
اي اي استجمام و بدي اعمل شوبينغ قبل العرس
و بابا ما حاببني روح لحالي ، خايف عليي يقبرني
بس انا بحاجة انو روح لحالي و صفي ذهني شوي
لهيك كزبت عليهن و قلتلن انو انتي رايحة معي
بترجاكي سارة لا تخجليني ، حاولي لا تطلعي قدامن هالفترة و بالأخص مازن ، اسبوع واحد بس
اعتبريها خدمة و رح ردلك اياها ازا احتجتي اي شي
حبيبتي تسليميلي ، ما في منك والله ، بيباي
صوفيا: و هيك اكبر مشكلة نحلت
برمت وشي و جيت لحتى روح شفت بابا عم يتطلع عليي من شباك مكتبو
اشرلي بايدو لحتى يعرف ازا حكيتو لمازن
رفعتلو ايديي باستفهام ، ضحك و راح
و انا دقيت لمازن ، اعتزرت منو على اسلوبي الغير لائق معو
و سمعتو كلمتين غزل و اهتمام طار عقلو
و اصر عليي يوصلني المطار تاني يوم ، بس انا تحججتلو بانو ابوها لسارة حيوصلنا
حتى ما تنكشف كزبتي و يعرف انو رايحة لحالي
تاني يوم كان يوم سفرتي الموعودة ، ركبت تاكسي و طلعت على المطار قبل بوقت
حتى ما تفوتني الطيارة ، دخلت شنتاياتي على التفتيش و انا دققت الجواز و بعدا قعدت
بالكافيتيريا تبع المطار اشرب قهوتي لبين ما يجي موعد سفري
…… : فيني اقعد
تطلعت صوفيا بالشخص يلي حكا ، كان شاب وسيم حاد الملامح
و انيق كتير
صوفيا : تفضل ، مافي مشكلة
مسكت صوفيا مجلة و قعدت تقلب فيها ، و لما نتبهت على خاتم خطوبتا بايدها
طلعتو من اصبعتا و ضبتو بجزدانا ، كانت تعمل هالحركة على طول بس ما تكون مع مازن
تطلع فيها الشاب و تبسم
صوفيا : عفوا في شي
ياسر : الهيئة مغصوبة على خطيبك
صوفيا: هاد شي ما بخصك ، بعدين ما فيك تحكم على تصرفاتي بدون ما تعرف ظروفي
ياسر : يعني كان عندي حق لمن قلت مغصوبة على خطيبك
لولا هيك ما كنتي نفعلتي و عصبتي لهالدرجة هاي
صوفيا انتبهت على حالا تلبكت شوي ، اخدت نفس و قالتلو : هاد الاسلوب بتستخدمو
مع كل بنت بتشوفا حتى تلفت انتباها
ياسر : ههههههه اسلوب شو
صوفيا : اطلاق الاحكام المسبقة
ياسر : يعني بتعترفي انو قدرت الفت انتباه صبية حلوة متلك
صوفيا : الموضوع مانو لفت انتباه ، لانو حتى القردة بتلفت انتباهي
ياسر : اوو طلعت قطة شرسة
صوفيا : شوف يا استاز انا بعرف اشكالك كتير منيح ، انت من النوع يلي بلاحق كل الصبايا حتى يصطاد
وحدة بالاخر ، لهيك بعد عني لانو ما بتعرف انا مين و شو ممكن يعمل فيك خطيبي ازا دري انك
عم تضايقني
ياسر : على مهلك يا بنت ما قلتلك شي حتى تعصبي لهالدرجة
شفتك قاعدة لحالك حبيت اتعرف عليكي حتى نضيع الوقت سوا
بقصد بين ما توصل طياراتنا
صوفيا : اشكال ما بتجي غير على الخوف
ياسر : طفلة !
صوفيا : صايع
ياسر : ………
سكت ياسر لانو حس قديشها بنت عنيدة ، ما رح تسكتلو و رح تردلو كل كلمة بقولا
هوي ما كان ببالو ابداً يعمل معا مشكلة ليلفت انتباها ،
كان حابب يحاكيها ليآنس وحدتو و تشجع لمن شافا عم تطلع بساعة ايدا كتير
ففكر انو بيقدرو يطردو مللن سوا
بس صوفيا هيك طبعا متسرعة عنيدة لسانا طويل شوي صغيرة و بتعصب بسرعة بس يمكن جمالا بيشفعلا لتتصرف بكل هالغرور و العنجهية ،كانت حلوة كتير بشعر اسود حالك و وجه ابيض ناصع متل بدر بليلة اكتمالو و بشامة جنب تما بتحسسك بأنها اول نقطة لرسام خطت فرشايتو على لوحة بيضا
و بشفاف مكتنزة بلون التوت و عيون بلون بحر يافا مافي رجال بيقدر يقاوم سحرن و جازبيتن
وقف ياسرهوي و عم يتطلع باللوحة المرسومة قدامو ، عم يراقب حركة شفافا بدون ما يستوعب
شو عم تحكيه ، انتبه على حالو تلبك و رجع خطوتين لورا
…… : كابتن ياسر العطل يلي بالطيارة تصلح ، رح نأقلع على نفس الموعد
ياسر : سبقني لاحقك
لفت صوفيا وشا و راحت
صوفيا : طلع كابتن طيارة و انا يلي مفكرتو صايع شو هالخجلة
بس بيستاهل اخد نصيبو لانو تدخل بشغلات ما بتعنيه
طلعت صوفيا بالطيارة لمن حان موعدا و انطلقت على فرنسا ، بلد اما
و بلدا التاني ، حتى تقدر تريح راسا و تاخد قرار قبل العرس
اما ياسر قعد بالطيارة خلق مقودو ، حط سماعاتو و حلق في سماء الأفق
:
:
:
بالطيارة كانت صوفيا عم تقرأ كتاب عن قواعد العشق ، كانت بنت بتهوى القراءة بنهم
و متأثرة كتير بحكي الروايات و القصص الرومانسية ، كانت على طول تحلم تعيش
قصة حب استثنائية ، كان بدا اكشن و اثارة بحياتا ، ما بتنلام هيي صبية بأول عمرا
و من حقا تعيش حياتا بالطريقة يلي بتشوفا مناسبة ، و مين فينا ما كان مندفع بشبابو
و حلم بهيك احلام ، يمكن هالتفكير هاد خلاها على طول تحس بالملل و الرتابة
بوجود مازن ، فرق العمر يلي بيناتن و اختلاف طريقة تفكيرن ما عم يوجد بيناتن نقاط مشتركة
حتى يقدرو ينطلقو منن بهالعلاقة
مازن شاب تلاتيني عم يدير شركات قابضة ، في براسو مسؤوليات و هموم اكبر من قصص
الحب الخيالية يلي عم تحلم فيهن صوفيا ، مازن عم يبحث عن زوجة يلاقي بقربا الاستقرار
و العيلة و الهدوء ، شاف صوفيا بوحدة
>>Click here to continue<<