#قصص_الأنبياء_للأطفال

🌴 سيدنا عيسى عليه السلام

🌼 الحلقة8والأخيرة🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 بعد ان تخلص سيدنا عيسى من يأجوج و مأجوج والدجال

🌻 حكم الناس بالشريعه المحمديه وأصبح من أتباع محمد صل الله عليه وسلم

🌻 لأن دين الإسلام هو خاتم الاديان وباق الى قيام الساعه

🌻 وسيصبح الكون كله مسلم

🌻 لأن الإنسان كلما ازداد طاعه لله كلما سخر الله له الكون كله

🌻 ولذلك فعند نزول سيدنا عيسى عليه السلام سوف يعلم الناس ان هذه العلامه من علامات الساعه الكبرى

🌻 وهي دليل على قرب يوم القيامه ولذلك سوف ينشغل الناس جميعا بالعبادات و الطاعات

🌻 ويأمر الله الأرض ان تخرج بركتها على المؤمنين و يأمر السماء ان تنزل بركتها

🌻 فيفيض المال و لا يجد من يأخذه وتذهب الشحناء والبغضاء والتحاسد

🌻 وينتشر الأمان بين الناس وبين جميع المخلوقات

🌻 حتى ان الاسود تلعب مع الإبل و النمور و الذئاب يلعبوا مع البقر و الغنم

🌻 والاطفال يلعبوا مع الثعابين فلا تضرهم

🌻 وتنتشر البركات على الارض لدرجه ان الرجال يأكلون رمانه واحده ولا يستطيعون ان يكملوها

🌻 ولبن البقرة الواحده يكفى قبيله بأكملها وغير ذلك من البركات

🌻 وتكون هذه السنوات من اجمل و اسعد السنوات التي يعيشها الإنسان على كوكب الأرض

🌻 ويقول الله سبحانه وتعالى في سورة النساء في الآيه 159 "و إن من اهل الكتاب الا ليؤمنن به قبل موته و يوم القيامه يكون عليهم شهيدا"

🌻 وهذا يدل ان اهل الكتاب جميعا سوف يؤمنون بسيدنا عيسى و يكونون من اتباع محمد عليه الصلاة والسلام

🌻 وهذا يدل ايضا على بطلان ما ادعته اليهود من قتل عيسى و صلبه

🌻 وأن من قتلوه هو شبيه سيدنا عيسى

🌻 ويبقى عيسى عليه السلام لمدة سبع سنين يحكم الأرض ويذهب خلالها لحج بيت الله الحرام

🌻 وقد قال الرسول صل الله عليه وسلم في حديث رواه مسلم
(ثم يمكث الناس سبع سنين ليس بين اثنين عداوة)

🌻 ثم يرسل الله ريحا باردة من قبل الشام فلا يبقى على وجه الارض احد في قلبه مثقال ذرة من خير او إيمان الا قبضته)

🌻 ومعنى الحديث ان جميع المسلمون سوف يموتون بهذه الريح الباردة

🌻 وقبل إريسل هذه الريح سوف يموت عيسى عليه السلام

🌻 ويصلى عليه المسلمون ويدفن في الأرض المقدسه

🌻 ويخبرنا الله عز و جل بحوار وهذا الحوار لن يحدث في الدنيا وإنما هو مشهد من مشاهد يوم القيامة

🌻 وهو حوار عيسى عليه السلام مع الله سبحانه وتعالى

🌻 في سورة المائده من 116 ل 118

🌻 وسوف يقول الله لسيدنا عيسى يا عيسى بن مريم اانت قلت للناس اتخذوني و امي إلهين من دون الله

🌻 وسوف يرد سيدنا عيسى و يقول سبحانك ما يكون لي ان اقول ما ليس لي بحق

🌻 إن كنت قلته فقد علمته تعلم ما في نفسي ولا اعلم ما في نفسك إنك انت علام الغيوب

🌻 ما قلت لهم الا ما امرتني به ان اعبدوا الله ربي وربكم

🌻 وكنت عليهم شهيدا ما دمت فيهم وهذا مشهد من مشاهد يوم القيامه نقله الله الينا

🌻 وانتهت قصه سيدنا عيسى و بذلك نكون انتهينا من قصة سيدنا عيسى عليه السلام

🌻 وتعلمنا من قصة سيدنا عيسى ان اسلم طريقه للنجاه من الفتن ان نبتعد عنها و نهرب منها كما قال النبي صل الله عليه من سمع بالدجال فلينأ عنه اي يبتعد عنه

🌻 وتعلمنا ان قدرة الله ليس لها حدود فهو سبحانه و تعالى يقول للشيء كن فيكون

🌻 وأن الأخذ بالأسباب لا يتعارض مع التوكل على الله فالله كان قادر على ان ينزل على مريم الرطب من النخل و لكنه أمرها بأن تهز جزع النخله حتى يأمرنا ان نأخذ بالاسباب

🌻 وأخيرا تعلمنا ان العبد المسلم لابد ان يقابل نعم الله بالشكر والشكر يكون من جنس النعمه مع الاكثار من ذكر الله والصلاه

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
https://hottg.com/seerawqass

#قصص_الأنبياء_للأطفال

🌴سيدنا شمعون عليه السلام

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 كان بنو إسرائيل على طريق الاستقامه مده من الزمان ثم بدءوا يعبدون الاصنام بعد ذلك كعادتهم

🌻حتى و هم بينهم الانبياء و الرسل الذين يدعونهم الى ترك عبادة الاصنام و يأمرونهم بالمعروف و يوجهونهم لتعاليم التوراه

🌻 حتى زادوا في افعالهم السيئة مع الرسل و الانبياء فسلط الله عليهم اعدائهم

🌻فتم قتل ناس كثيرة منهم و اسر ناس كثيرة و استولى اعدائهم على بلادهم

🌻في حين انهم قبل ذلك عندما كانوا يحافظون على تعاليم التوراه و كان التابوت عندهم بما فيه من بقيه مما ترك موسى وهارون وما تبقى من الواح التوراه

🌻 وكانوا دائما ينتصرون و لكن عندما عصوا الله ورسله ضاع منهم التابوت كما ضاعت التوراة من قلوبهم

🌻و بدأوا في الهزيمه تلو الاخرى و ضاع منهم كل شيء حتى ان النبوة قطعت عنهم

🌻وكانوا ١٢ سبطا اي قبيله و كان يوجد قبيله اسمها لاوي و هذا السبط (القبيلة) الذي يكون فيه الانبياء

🌻و لم يتبقى منه الا امرأه حامل و قتلوا زوجها و لم يتبق في هذا السبط الا هي

🌻فأخذوها بني إسرائيل و حبسوها في بيت و احتفظوا بها

🌻لعل الله يرزقها غلاما يكون نبيا لهم و ظلت المرأة تدعو الله ان يرزقها غلاما

🌻فأستجاب الله لها فرزقها الله غلاما سمته شمويل و معناه سمع الله دعائي

🌻و منهم من يطلق عليه شمعون و هو بنفس المعنى

🌻و فعلا كان ولدا صالحا و لما اصبح شابا و بلغ سن الانبياء أوحى الله اليه و امره بدعوة بني إسرائيل

🌻و كان هناك في ذلك الوقت حاكم ظالم لبني إسرائيل واسمه جالوت

🌻و لما زاد ظلمه وكثر طغيانه ويأس بني إسرائيل من صلاحه طلبوا من نبيهم شمعون ان يجعل لهم قائدا ليقاتلوا الملك الظالم

🌻فقال لهم النبي ولو جعل الله لكم قائدا وملكا هل سوف تطيعوه؟؟

🌻وتقاتلوا معه في سبيل الله

🌻فردوا عليه و قالوا و لماذا لا نقاتل و قد اخرجونا من ديارنا و اخذوا ابنائنا خدم عندهم

🌻فأوحى الله الى النبي شمعون انه قد بعث طالوت ملكا على بني إسرائيل

🌻فتعجب بنو إسرائيل وقالوا كيف يكون ملكا علينا و هو ليس من ابناء اسرة يهوذا التي يخرج منها الملوك

🌻فقال لهم النبي هذا الأمر ليس بيدي و لكن اختيار الله عز و جل

🌻و قد زاده الله علما و اعطاه قوة في الجسد ~البقرة 246 الى 250

🌻فردوا عليه و قالوا وما هي آيه ملكه و يقصدوا ما هي العلامه التي سوف تدلنا ان هذا هو القائد

🌻فقال لهم نبيهم اية ملكه رجوع التابوت وسوف تحمله الملائكه بعد ان ضاع سنوات كثيره ويضعوه أمام من اختاره الله لهذه المهمة

🌻و فعلا جاءت الملائكه تحمل التابوت بين السماء و الأرض ووضعته امام طالوت

🌻و الناس ينظرون اليه و هذا دليل ان الله اختاره ملكا عليهم

🌻و امر الله شمعون بني إسرائيل بطاعته و المقاتله معه

🌻و جهز طالوت الجيش و خرج ببني إسرائيل لمحاربة جالوت

🌻و سار الجيش مسافات طويله حتى شعروا بالعطش فأراد طالوت ان يختبرهم حتى يعلم من سيدخل معه الحرب

🌻فأخبرهم انهم سيمرون بعد قليل على نهر اسمه الشريعه بين الاردن و فلسطين فمن يشرب منه حتى يرتوي لن يذهب للحرب معه

🌻لأنه يريد رجالا يتحملون العطش و اما من اخذ شرفه صغيره حتى يبل بها ريقه سوف يذهب معه للقتال

🌻يا ترى ماذا فعل بني إسرائيل؟؟
هل شربوا من النهر ام اطاعوا قائدهم طالوت سنعرف غدا إن شاء الله

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌼🌼🌼🌼🌼🌼🌼
https://hottg.com/seerawqass

#قصص_القرآن_للأطفال

🔦 قصة طالوت وداوود وجالوت

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا
مُحَمَّد

🌸 فاكرين يا ولاد بني إسرائيل اللي اتكلمنا عليهم قبل كده؟

🌸 هنحكي النهردة قصة جديده عنهم لأنهم عاشوا فترة كبيرة وكانوا مؤمنين وبيعبدوا الله عز و جل

🌸 وكان ربنا بيبعت لهم الأنبياء علشان يوريهم طريق الحق والخير

🌸 لكنهم نسيوا وبعدوا كتير عن ربنا وفي ناس منهم عبدوا الأصنام اللي هي حجارة لابتضر و لابتنفع

🌸 وفضل ربنا يبعت لهم أنبياء علشان يرجعوا تاني مسلمين لكنهم فضلوا كفار ومسمعوش كلام الأنبياء اللي ربنا بعتهم

🌸 فربنا زعل منهم وبعت لهم ناس كتير أوي علشان يحاربوهم ويطلعوهم من البلد اللي عايشين فيها

🌸 وفعلا اتقتل منهم ناس كتير واتسجن منهم كتير وأغلب البلاد اللي كانوا عايشين فيها خدوها منهم

🌸 مع أنهم كانوا زمان اقوياء بس علشان ربنا زعل منهم بعتلهم ناس تغلبهم

🌸 وكان عند بني إسرائيل كتاب اسمه التوراه محطوط في صندوق اسمه التابوت

🌸 والتوراه ده الكتاب اللي ربنا نزله على سيدنا موسي علشان يعلم بيه الناس الخير من الشر

🌸 وكان جوة التابوت ده حاجات تانية بتاعت سيدنا موسى وأخوه هارون

🌸 وكان بني إسرائيل أول ما يدخلوا حرب مع أي حد بيحطوا التابوت قدامهم علشان يحسوا إنهم مرتاحين ويخلي أعدائهم يحسوا بالخوف

🌸 ودي حاجة ربنا حطها جوه التابوت ده هو بس اللي بيتحكم فيها

🌸 ودي كانت نعمة من النعم اللي ربنا أعطاها لبني إسرائيل

🌸 وعلشان هما كفروا بربنا..ربنا خلى أعدائهم يخدوا التابوت ده منهم

🌸 ومكنش حد حافظ اللي مكتوب في التوراه غير شوية ناس قليلة جدا

🌸 وربنا سابهم فترة من غير ما يبعت أي نبي لهم

🌸 ومجموعة الناس اللي ربنا كان بيبعت منهم الأنبياء دول اسمهم لاوي مفضلش منهم غير ست حامل جوزها اتقتل في الحرب

🌸 وخدوا الست دي وحبسوها في بيت علشان كان أملهم الوحيد إن ربنا يرزق الست دي ولد يكون نبي لهم

🌸 وفعلا الست دي ولدت ولد وكان اسمه شمويل بعد ما فضلت تدعي ربنا كتير إنه يرزقها بولد

🌸 ومعني اسم شمويل أن الله استجاب دعائي وإنه هيكون ولد صالح

🌸 ولما كبر وبقى شاب ربنا خلاه نبي من أنبياء بني إسرائيل وأمره أن يخلي الناس تعبد ربنا لوحده بس من غير أصنام علشان تدخل الجنة

🌸 وحاول مع بني إسرائيل كتير وكانوا كل مرة مش بيسمعوا كلامه وفضل كده كذا سنة لحد ما ربنا هداهم وسمعوا كلامه وبقوا يصلوا ويصوموا

🌸 ولكنهم فضلوا زعلانين علشان التابوت اللي ضاع منهم

🌸 وقعدوا يفكروا إزاي ياخدوا التابوت مرة تانية

🌸 وملقوش غير حل واحد وهو الجهاد والجهاد ده يعني إنهم يحاربوا أعدائهم وهما مؤمنين بالله وعدوهم بيكون كفار

🌸 والجهاد لازم يجي بأمر من ربنا و لكن شمويل عليه السلام كان عارف إنهم مش هيوفوا بوعودهم لو ربنا أمرهم بالجهاد

🌸 فسألهم يعني انتوا مش هتهربوا لو ربنا أمركم بالجهاد فقالوا لأ مش هنهرب وإزاي نعمل كده و وإحنا مطرودين من بيوتنا وأولادنا عبيد عند أعدائنا

🌸 فلما شاف شمويل عليه السلام إنهم مُصريين دعا ربنا إنه يستجيب لهم

🌸 وفعلا استجاب ربنا وإختار واحد اسمه طالوت ليكون هو ملكهم وقائدهم في الجهاد

🌸 فرفض بني إسرائيل وقالوا إزاي يكون طالوت ملك علينا وهو فقير ومش معاه فلوس ومش من عائلة ملوك إحنا أحق بالملك منه

🌸 فاستغرب شمويل من رفضهم وقالهم ده ربنا إختاره وأعطاه علم كبير وقوة في الجسم والعقل تخليه ملك علينا

🌸 وبعدين ربنا بيعطي ملكه للي هو عايزه فقالوا طيب عايزين علامه من ربنا تدل على إن طالوت هو ملكنا

🌸 فقالهم ربنا قال انه هيبعت لكم التابوت اللي ضاع منكوا قبل كده وهتكون شايلاه الملائكة

🌸 وربنا خلى التابوت يرجع لهم من غير حرب ولا أي حاجة علشان يصدقوا إن طالوت ملك

🌸 وفعلا جالهم التابوت شايلاه الملائكة ووافقوا إن طالوت يكون ملك عليهم

🌸 ومرت الأيام وعرف طالوت إن أعدائم جايين علشان ياخدوا منهم التابوت

🌸 والناس دي رئيسهم كان اسمه جالوت وكان حاكم ظالم أوي

🌸 فجهز طالوت جيشه من بني إسرائيل وفكرهم إن ربنا بينصر المؤمن حتى لو كان أضعف من الكافر

🌸 ومشي بيهم طالوت في الحر الجامد وكان عددهم ٨٠ألف

🌸 لغاية ما وصلوا لنهر اسمه الشريعة بين الأردن وفلسطين

🌸 وقالهم طالوت محدش يشرب من النهر ده غير شفطة صغيرة أوي وده اختبار من ربنا

🌸 واللي هيشرب منه هيرجع و مش هيحارب معايا

🌸 تفتكروا بني إسرائيل هيسمعوا الكلام وهيشربوا ولا لأ؟

🌸 ده اللي هنعرفوا بكرة إن شاء الله

🌸 تصبحوا على خير يا حلوين

🌸 وصل اللهم وسلم على مُحَمَّد
🌸🍃🌸🍃🌸🍃
إقرأ 📚 وانشر 📬 تُؤْجَرْ
https://hottg.com/seerawqass

#سيرة_امهات_المؤمنين

🌴 السيدة زينب بنت جحش رضي الله عنها🌴

🌼 الحلقة 1🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 هنتكلم النهردة عن أم المؤمنين زينب بنت جحش رضي الله عنها

🌻الرسول صل الله عليه وسلم يبقى ابن خالها

🌻 وجدها بابا مامتها هو عبد المطلب جد الرسول

🌻وخالها سيدنا حمزة بن عبد المطلب وطبعاً هو عم الرسول

🌻وأخوها عبد الله بن جحش

🌻 وإحنا تكلمنا عليه قبل كده و هو الزوج الاول لأمنا السيده زينب بنت خزيمه

🌻وأخوها التاني أبو أحمد بن جحش و هو شاعر كبير

🌻وأختها حمنه بنت جحش

🌻وأمها عمة الرسول أميمه بنت عبد المطلب

🌻وهي الزوجه الوحيده للرسول اللي ربنا جوزها من فوق سبع سموات بالقرآن الكريم

🌻ولدت السيدة زينب في مكة قبل البعثه

🌻وكان عبد الله بن جحش أبوها دايماً بيقعد يحكي ليها عن شخصيه الرسول وعن صدقه وأمانته وعقله الكبير وطبعه الهادئ

🌻وعلشان كده كان عبد الله أخوها من أوائل الناس اللي دخلت الإسلام

🌻وبعد ما أسلم خلى أخواته يسلموا هما كمان

🌻ومن بعد ما أسلمت فضلت تتعلم دينها أول بأول

🌻وكالعادة كان كفار قريش بيضايقوا السيده زينب وباقي عيلتها وكل المسلمين

🌻وأول ما الرسول سمح بالهجرة هاجرت هي وأهلها للمدينه

🌻وهاجر معاهم زوج أختها حمنه سيدنا مصعب بن عمير وكان أول سفير في الإسلام الرسول بعته يعلم أهل المدينة الإسلام والقرآن

🌻وأول لما خرجوا من بيتهم أخذ أبو سفيان بيتهم وباعه لأنهم كانوا بيعملوا أي حاجة يضايقوا بيها المسلمين وبأي طريقه

🌻وأخوها عبد الله اشتكى للرسول فالرسول قاله متزعلش إن شاء الله ربنا هيعطيك بداله بيت في الجنه

🌻وعاشت السيده زينب في المدينه المنوره سعيده هي وأهلها بعيد عن الكفار الأشرار وكانت بتتعلم كل يوم حاجة جديدة وبتحب عمل الخير وأخلاقها كانت جميلة زي شكلها بالضبط

🌻وطبعا كلنا فاكرين زيد بن حارثه اللي الرسول سماه زيد بن محمد

🌻وإحنا حكينا قصته قبل كده والرسول كان عايز انه يكرم سيدنا زيد فأعتقه وخلاه حر

🌻وقرر النبي إنه يجوزه للسيده زينب بنت جحش

🌻وكان عايز الرسول إن ميبقاش في فرق بين غني وفقير علشان كده زوجهم لبعض

🌻ولكن السيده زينب مكنتش موافقه عليه لأنها جميله ومن عائله كبيره وهو يعتبر عبد

🌻لكن ربنا أنزل آيه 36 في سورة الأحزاب اللي بتقول إنه مينفعش لمؤمن أو مؤمنه لما ربنا والرسول يأمروا أمر إنهم يعصوه وميسمعوش الكلام

🌻فراحت السيده زينب للرسول وقالتله إنت ترضى إن أنا اتجوزه يا رسول الله

🌻فالرسول قال لها أيوه أنا راضي

🌻قالت له خلاص أنا مقدرش أعصي رسول الله وقبلت إنها تتجوزه

🌻واستمرت حياتهم الزوجية تقريباً سنة

🌻لكن بدأت المشاكل والخلافات تكتر بينهم

🌻وكان زيد بيروح يشكي للرسول و الرسول بيقول له أمسك عليك زوجك واتقِ الله

🌻يعني كان بيقول له وينصحه إن هو يستحمل

🌻لكن زي ما إحنا حكينا قبل كده إن ربنا كان عايزهم يسيبوا بعض علشان يلغي عادة التبني

🌻وفعلاً وصلت الحياة بينهم لطريق مسدود وتم الطلاق

🌻وبعد ما خلصت شهور العدة تزوجها الرسول صل الله عليه وسلم بأمر من الله سبحانه و تعالي نزله في سورة الأحزاب الايه رقم ٣٧

🌻وبعد ما نزلت الآيه دي الرسول أمر زيد إنه يروح يقول للسيدة زينب إن ربنا أمر بجوازهم

🌻وفعلاً سيدنا زيد راح يبلغ السيدة زينب ففرحت أوي وسجدت سجدة شكر لله وقالت أنا هصوم شهرين شكر لله علي النعمة دي

🌻لِسَّه في حاجات كتير حصلت للسيدة زينب بعد ما اتجوزت الرسول هنكملها بكرة ان شاء الله مع بعض

🌻ودلوقتي جه ميعاد النوم

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
https://hottg.com/seerawqass

https://fb.watch/r2FQDjbOgI/?

#سيرة_امهات_المؤمنين

🌴 السيدة زينب بنت جحش رضي الله عنها🌴

🌼 الحلقة 2🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 احتفل المسلمون بزواج السيدة زينب بنت جحش بابن خالها الرسول صلَّ الله عليه وَسَلَّم

🌻وعملوا وليمة كبيرة خبز ولحم

🌻 وأول لما الرسول دخل البيت عند السيدة زينب

🌻سيدنا جِبْرِيل نزل له بآية الحجاب

🌻وكانت السيدة زينب جميلة جدا

🌻 وكان الرسول ابن خالها وزوجها

🌻وكانت دائماً تفتخر بأن الله هو الذي أمر بزواجها من الرسول بقرآن نتلوه إلى يوم القيامة وده في آية٣٧ في سورة الأحزاب
{وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللَّهَ وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَنْ تَخْشَاهُ} [الأحزاب: 37].

🌻وأن جِبْرِيل عليه السلام هو السفير اللي نزل وجوزهم

🌻وكانت بتفتخر إن جدها وجد النبي واحد وهو عبد المطلب

🌻وطبعاً كل ده كان سبب في غيرة باقي زوجات الرسول منها

🌻وإحنا حكينا قصة عسل المغافير قبل كده اللي حصلت مع السيدة زينب بنت جحش مين الشاطر اللي هيحكيها؟؟

🌻وكانت السيدة زينب بنت جحش بتصلي كتير وبتتقرب لربنا على أد ما تقدر

🌻وكانت كريمة جداً لما بيبقى معاها فلوس بتخلصها كلها على الفقرا

🌻ونزل عند السيدة زينب قرآن كتير

🌻يعني مثلاً يوم ما الرسول قال لها تتجوز زيد وهي رفضت

🌻ربنا أنزل آية٣٦ سورة الأحزاب

{وَمَا كَانَ لِمُؤْمِنٍ وَلاَ مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلاَلاً مُبِينًا} [الأحزاب: 36]،

🌻ولما جه سيدنا زيد علشان يخطبها للرسول ربنا نزل الآية٣٧ الأحزاب

{فَلَمَّا قَضَى زَيْدٌ مِنْهَا وَطَرًا زَوَّجْنَاكَهَا لِكَيْ لاَ يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا وَكَانَ أَمْرُ اللَّهِ مَفْعُولاً} [الأحزاب: 37].

🌻ولما تزوجها الرسول الناس الوحشة اللي عايشة في المدينة مع الرسول وبيقولوا إنهم مؤمنين فاكرين اسمهم إيه؟؟

🌻صح براڤوووا اسمهم منافقين

🌻قالوا إن الرسول هيتجوز زوجة ابنه

🌻لأن الرسول كان بيعتبر زيد زي ابنه

🌻فربنا نزل آية٥ الأحزاب

مَا كَانَ مُحَمَّدٌ أَبَا أَحَدٍ مِنْ رِجَالِكُمْ وَلَكِنْ رَسُولَ اللَّهِ وَخَاتَمَ النَّبِيِّينَ وَكَانَ اللَّهُ بِكُلِّ شَيْءٍ عَلِيمًا} [الأحزاب: 40]. وقال أيضًا: {ادْعُوهُمْ لآبَائِهِمْ هُوَ أَقْسَطُ عِنْدَ اللَّهِ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ وَلَيْسَ عَلَيْكُمْ جُنَاحٌ فِيمَا أَخْطَأْتُمْ بِهِ وَلَكِنْ مَا تَعَمَّدَتْ قُلُوبُكُمْ وَكَانَ اللَّهُ غَفُورًا رَحِيمًا} [الأحزاب: 5]

🌻كانت السيدة زينب -رضي الله عنها- تفتخر على بقيَّة زوجات النبي ، وتقول لهنَّ: زوجكنَّ آباؤكنَّ، وزوَّجني الله من فوق سبع سموات
وتقول لهم آية زواجها رقم٣٧ الأحزاب

{فَلَمَّا قَضَى زَيْدٌ مِنْهَا وَطَرًا زَوَّجْنَاكَهَا...} [الأحزاب: 37]

🌻ورسول وصفها بأنها أوَّاهة، فقال لعمر بن الخطاب : "إِنَّ زَيْنَبَ بِنْتِ جَحْشٍ أَوَّاهَةٌ".
فيأل راجل: يا رسول الله، ما الأوَّاه؟

قال: "الْخَاشِعُ الْمُتَضَرِّعُ، {إِنَّ إِبْرَاهِيمَ لَحَلِيمٌ أَوَّاهٌ مُنِيبٌ} [هود: 75]"[10

🌻والسيدة زينب -رضي الله عنها- راحت مع النبي في غزوة الطائف بعد حنين وغزوة خيبر، وبعدين راحت معاه حجة الوداع

🌻ولسه فيه كمان قرآن تاني نزل بسبب السيدة زينب

🌻بس دلوقتي خلاص جه معاد النوم

🌻وبكرة إن شاء الله هنكمل مع السيدة زينب بنت جحش

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
https://hottg.com/seerawqass