قصيدة بحق مولاتي فاطمة الزهراء ع
امي من مشت ما ودعتني
هواي جروح عندي وفاركتني
✍✍✍
هنا يا الوالده يم المحنه
رحتي وين يم الحسن عنه
ما عدنه اهل وانتي اهلنه
وانه بعازه امي وتركتني
✍✍✍
يمه البيت اظلم عكب عينج
يا وسفه بعد ما اشوف وجهج
كلبي انفطر ما احمل فركتج
ليش امي الحنينه مشت عني
✍✍✍
مشت عني الحنينه الوالده امي
رحتي بعيد يمه وزاد همي
بفراكج ييمه كثر هضمي
هالفركه ييمه موتتني
✍✍✍
اه يا الوالده دهري رماني
بفراكج طفه عيني وعماني
شتطلبني بعد اه يا زماني
ليش امي مشت عني وعمتني
✍✍✍
ليش ام المحنه مشت لبعيد
وروحي للحنينه الوالده تريد
بعد ما الي فرحه ولا الي عيد
وسهام المنيه صوبتني
✍✍✍
يا يمه الدهر صوبني بسهام
ييمه مري بينا لو بالاحلام
ترجع ريتها يا ذيج الايام
وامي اعلى الهجر ما عودتني
✍✍✍
تمت بعون الله بقلمي المتواضع المله إم علي الحسناوي الفاتحة الى شرف النبي وعترته الطاهره والى روح والدي واموات المؤمنين جميعاً والى روح استاذتي المرحومة العلوية ام حسام
>>Click here to continue<<