قصيدة بحق مولاتي عقيلة بني هاشم ع
عني غربوا ليش الاحبهم
تراب اللحد غطاهم وضمهم
😭😭😭
عني غربوا والقلب ذايب
خال الولد ليش اليوم غايب
راح وعافني بس للنوايب
عافوني الاهل احمل مصايب
تفر رويحتي لو مره اسمهم
✍️✍️
يخويه طالت الغيبه عليه
هذي روحتك لو بعد جيه
هيهات العزيز يرد اليه
يخويه شلون انسى الغاضريه
يا تالي هلي وشمعه نزلهم
✍️✍️
حيرني زماني خويه يحسين
يخويه حيل توجع سطرته البين
يوم على النهر طاحن الجفين
على مصاب ابو الغيره انفكست العين
رحت ميسره ويه الجتلهم
✍️✍️
سهم البين صوبني وعماني
ومن عكب الاهل ذبني زماني
اخويا باللحد نام ونساني
وعباس البطل فكده دهاني
ريت العمر كوض من عكبهم
✍️✍️
ليش تكابلت يا دهري وياي
خذت امي وابوي ونور عيناي
واخذت حسين مني لبت احشاي
يا دهر شبعد و شبقى بدنياي
مشوا اهل المحنه وشيردهم
✍✍
من يصير وكت النوم بالليل
اظل مساهره ودموعي تسيل
حسبه باثر حسبه تهدم الحيل
وتذكر هلي والكلب معول
زماني ليش عن عيني بعدهم
✍️✍️
اضل مساهره ودموعي تجري
ليش بعدت احبابي يدهري
جنت بجالهم مصيون خدري
ريت بحالتي عباس يدري
يوم بكربلاء من حشمتهم
✍️✍️
بقلمي المتواضع المله ام علي الحسناوي
الفاتحة الى شرف النبي وعترته الطاهره والى روح والدي واموات المؤمنين جميعاً والى روح استاذتي المرحومة العلوية ام حسام
>>Click here to continue<<