ليت لي قلب يتفرمت على رقم سرّي
...واقدر احذف من التطبيق صفحة عذابه #
واظبط الوضع في حبي وشوقي وفكري
..............بالتزامن مع الغالي وحظرة جنابه #
او معي حظّ يسعفني بفانوس سحري
.............وادعكه لجل يطلع مارد الإستجابه #
يقول شبيك ثم لبيك وأعطيه امري
.............. ..أمسك الأمر وأتكلم علي بالإنابه #
روح ذلحين يالعفريت في امر قهري
..واحضر الزين ذي لا زال (جاري الكتابه..... #
الرسائل معد تنفع ولا الشوف يبري
..................كلهن نار تحرق والحرائق تشابه #
بس ذلحين لا تبطي شف الوقت بدري
................احضره لي وانا باقوم جهز حسابه #
بسأله ليش لمّا شوفه الليل يجري
.........ومطول الليل لو طوّل علي في غيابه #
وعن رسائل كتبها لي وموضوع حصري
..............واشتياقه وعن دمعه ولسعة عتابه #
ومالذي صارفي عقلي وثقلي و صبري
...........بعد ماشفت ذي الرحمن زيّن شبابه #
لون عينيه لو جيت اوصفه لون خمري
..................والشعر لو فلت منّه يغطّي ثيابه #
والشفايف عسل حالي مع توت برّي
.................من وراهن تجلّا برق ماله سحابه #
والخدود الذي ماشفتها طول عمري
...........رغم كم شفت لكن صدق ماله مشابه #
يمتلك صوت يشبه في النغم صوت قمري
................يشرد الذهن لما بستمع لا خطابه #
آسف انّي رميتك بالخطأ دون مادري
....... .....والله انّي نويت امزح وكانت دعابه #
وبعد ذلحين وش رايك مع الليل نسري
................... .....لا تعذر وجهزّ للمسائل إجابه #
قبل ماصبح من العشقة على جول قبري
...........وانت تقضي حياتك في العنا والكئآبه #
>>Click here to continue<<