موضوع جديد :-
يا جماعه يوم عرفه ، كُل الناس تتكلم اتوقع ، يوم عرفه الماضي جربت تجربه والله العظيم اني ودي اعلمها لكل الناس ودي كل الناس يسوونها ويعيشون نفس التجربه لأني شفتها قدام عيني والله العظيم انا مدري كيف اوصل لكم الكلام اللي في بالي اللحين لكن بحاول يوم عرفه الماضي عرفت حقيقة ان يوم عرفه هو خير يوم طلعت عليه الشمس ياخي ما كنت اعرف هذا الشعور ما كنت اعيش ، مر علي يوم عرفه كثير بس ما عشت زي السنه الماضيه ياخي بعض السلف لما يقول " أنه ما دعى الله سبحانه وتعالى بدعوه وما يجي يوم عرفه إلا استجابه الله قبل ما يمر عليها سنه ؛ كنت ابي اعيش هذا الشعور حرفياً عشت تجربه اسمها مالك إلا الله سبحانه وتعالى يا جماعه ما صرت اشوف في يوم عرفه إلى ربي بس ادعي ربي ؛ قوه البشريه ، المستقبل المستحيل ، كلها كُنت اخليها ع جنب ، والله العظيم اني كنت اطلب ربي اشياء ابغاها في الدنيا اشياء ابغاها والله انها مستحيله في قدرتي الماديه مثلاً مستحييييله ، كنت اقول يا رب انا ابغى هذا الشئ يا رب انا ما ادري هو صح هو غلط هو خير هو شر يا رب انا ابغاه إذا كان فيه خير اعطني إياه ارضني واسعدني وابسطني فيه إذا كان فيه شر اصرفه عني وبدلني بشئ يرضيني يا رب مالي غيرك انا عبدك وانت ربي متصرف بما تشاء أن اعطيتني فلك الشكر والحمد والثناء والمنه وإذا ما اعطيتني واصبتني انا راضيه انا عبدك انا ملكك انت المتصرف بما تشاء ، ما دعيت الله بدعوه إلى اعطاني ؛ ياخي عندي طلب عيش تجربة مالك إلا الله هذي لا تشوف غير ربي ياخي ما فيه حاجز بينك وبين ربي ما فيه حواجز حتى لو بلغت الذنوب منك ما بلغت قول يا رب اغفر لي تعرف ايش معنا يا رب اغفر لي يعني اذا غفر لك عفاء عنك وإذا عفاء عنك ؛ احبك ، وإذا احبك ؛ اعطاك ، وإذا اعطاك ؛ اسعدك وارضاك ، لا تحط حاجز بينك وبين ربي ياخي الله سبحانه وتعالى ماد لنا حبل وثيق لا نقطعه بأنفسنا يوم الله سبحانه وتعالى يقول " ادعوني استجب لكم " سنه كونيه ادعوني استجب لكم مالنا غيره مين لنا غيره ؟ تدبير الكون وتدبير انفسنا وتصرفه في كل شئ يخصنا بيده ، الملك بيده ، ادعوا الله بما في قلوبكم لا تشوفون المستحيل شئ ولا تشوفون الناس شئ لا تشوف إلا الله سبحانه وتعالى 🤍
>>Click here to continue<<