Муротжон Азимов USAIDнинг Ўзбекистондаги миссияси директори билан икки томонлама учрашув ўтказди

Вилоят ҳокими АҚШ Халқаро тараққиёт агентлиги (USAID)нинг Ўзбекистондаги миссияси директори Девид Хоуфман бошчилигидаги делегацияни қабул қилди.

Мулоқот давомида воҳамизда USAID билан ҳамкорликда соғлиқни сақлаш, таълим, ҳунарманд аёлларни рақамли касбларга ўргатиш ва балиқчиликни ривожлантириш, “яшил” энергетика, агробизнес ва бошқа йўналишларда бир қатор лойиҳаларни рўёбга чиқариш бўйича фикрлар алмашилди.

Шунингдек, вилоят ҳокими USAID жамоасига воҳамизнинг салоҳияти ҳақида ахборот бериб, икки томон учун ҳам манфаатли бўлган лойиҳаларни амалга оширишга тайёр эканлигини билдирди.

Telegram|YouTube|Facebook|Instagram|X

Муротжон Азимов Хитойнинг “SUS Environment“ компанияси раисини қабул қилди

Бугун вилоят ҳокими Муротжон Азимов Хитойнинг “SUS Environment“ компанияси раиси Цзишен Лонг бошчилигидаги делегацияни қабул қилди.

Ушбу компаниянинг чиқиндиларни қайта ишлаш ва электроэнергия олиш бўйича лойиҳалари бутун дунёда қўлланилиб келинмоқда. Ходимлари сони 3500 нафарни ташкил этади.

Компания тез орада Қашқадарё ва Самарқанд вилоятларида 2 та "WTE" (Waste to Energy) пилот лойиҳаларини амалга ошириб, ҳам электр энергияси ишлаб чиқариш, ҳам табиятга чиқиндиларни зарарини камайтиришни режалаштирган. Бу борада вилоят ҳокими Муротжон Азимов ҳам Хитой давлатига ташрифи давомида музокаралар олиб борган эди.

Мулоқот давомида Муротжон Азимов ушбу компания билан ҳамкорликда чиқиндини сифатли қайта ишлаш тизимини жорий этиш орқали экологик назорат стандартларини ўрнатиш ҳамда чиқиндилар билан ишлаш бўйича мутахассис кадрлар тайёрлаш йўналишиларида инвестициявий лойиҳаларини амалга ошириш устувор вазифа эканлигини таъкидлади.

Шу ернинг ўзида томонлар ўртага ташланган масалаларни биргаликда ҳал этишлари учун англашув меморандумига ҳам имзо чекишди.

Telegram|YouTube|Facebook|Instagram|X

Qashqadaryoda maktab o‘quvchilari o‘rtasida “viloyat hokimi olimpiadasi” o‘tkazildi

Qarshi shahrida viloyat hokimi Murotjon Azimov tashabbusi bilan umumiy o‘rta ta’lim maktabi o‘quvchilari o‘rtasida tashkil etilgan fan olimpiadasining viloyat bosqichi bo‘lib o‘tdi.

O‘quvchilar matematika, fizika, biologiya, kimyo, informatika va axborot texnologiyalari, tarix, ona tili va adabiyot, xorijiy tillar(ingliz tili, nemis tili, fransuz tili) fanlaridan bilim darajalarini sinovdan o‘tkazishdi. Olimpiada 11-sinf o‘quvchilari o‘rtasida tashkil etilgan bo‘lib, 3 ta bosqichda yakunlandi.

📄 Yakuniy natijalar bilan tanishing

❗️Eslatib o'tamiz, olimpiada g'oliblari nizom talablari asosida munosib e'tirof etiladi hamda taqdirlash jarayoni haqida qo'shimcha axborot beriladi.

Telegram|YouTube|Facebook|Instagram|X