قصة قصيدة
عن حال مولاتنا العليلة سلام الله عليها وهي تخاطب اباها الحسين وتتوسل اليه ليترك لها اخاها عبدالله الرضيع تتسلى به
يالناوي عالروحة ومحمل العيلة
خليلي عبدالله بالليل اناغيله
❥ــــــــــــ🕊️ـ❁❁🕊️ــــــــــــــ❥
يابويه يالشايل واخواني ماخذهم
ومحضر الاضعان وعيوني تنظرهم
تاخذ نظر عيني شوفة محاملهم
متعودة روحي. طفلك ألوليله
❥ــــــــــــ🕊️ـ❁❁🕊️ــــــــــــــ❥
تدريني مااكدر ماشوف ضحكاته
من گلبي صوته يزيل يابوية وجعاته
وترد علية الحيل يالغالي نظراته
يبقى يسليني وهمومي اشكيله
❥ــــــــــــ🕊️ـ❁❁🕊️ــــــــــــــ❥
گللها يافاطم الزغير مايصبر
من دون والدته بلياها مايگدر
بس نوصل اهناكه يرجعلج الاكبر
گلبي تمردينه. بعتبج يالعليلة
❥ــــــــــــ🕊️ـ❁❁🕊️ــــــــــــــ❥
لزمت بخوها وحيل بالركبة شمته
وگعدت وسط الضعون والدمع هلته
وكالت طلب يابوي ياريت نفذته
بيكم يذكرني وعالفركه احجيله
❥ــــــــــــ🕊️ـ❁❁🕊️ــــــــــــــ❥
من نومه فز الزغير ومفرفحه روحه
چنة يكل لحسين ويانه صعدوهه
متعود اعليها لا لا تخلوهه
فاطم عزيزتنه متأذيه ونحيله
❥ــــــــــــ🕊️ـ❁❁🕊️ــــــــــــــ❥
سار الضعن للموت وعيونها تباوع
ماجنها بيها الروح حسيتها تنازع
مو بالجسد ياناس دلالها طالع
بالسفر وياهم. يحرس مداليله
❥ــــــــــــ🕊️ـ❁❁🕊️ــــــــــــــ❥
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه
https://hottg.com/dmoh91
>>Click here to continue<<