#السيره_النبويه_باللهجه_السودانيه
الجزء 77❤️
يلا صلوا على النبي ﷺ❤️
حكينا في الجزء الفات عن معاملة الأسرى بعد انتصارنا في بدر😍 .. غزوة بدر اتقتل فيها اكابر الكفار و اتقتل فرعون هذه الأمة ( ابو جهل )..🥳❤️لله الحمد
طيب نحكى شوية أحداث إجتماعية☺️:
المسلمين و هم راجعين للمدينة من غزوة بدر كانوا فرحانين جدا😍 و كانوا عايزين يفرحوا أهل المدينة😍 .. اهل المدينة قلقانين عايزين يطمنوا علي النبي وعلي الصحابة❤️ .. ما بياكلوا ولا يشربوا ..قاعدين علي باب المدينة ماف زول عاوز يرجع بيتو 🥹❤️ ..
فالنبي حايرسل اتنين من الصحابة يبشروا أهل المدينة😍 ..
حاترسل منو يا رسول الله ؟ 🤔
عبد الله بن رواحة و زيد بن حارثة فمشوا يبشروا أهل المدينة❤️ .. فضجت المدينة بالتكبير🥳 .. الله اكبر الله اكبر.. ربنا نصر المسلمين.. 🥳دا أول نصر للإسلام😍واكيد احساس اول إنتصار ح يكون عظيم😍❤️
.. ربنا قال ان يوم غزوة بدر هو يوم الفرقان لأن فيها فرق الله في بدر بين الحق والباطل❤️ .. الدنيا إتغيرت بعد بدر😍 .. نظرة الكفار للمسلمين اتغيرت😍 .. نحن بقينا كيان و دولة و جيش😍 ..حاتعترف قريش رسمياً بوجود المدينة بعد بدر 😍.. طيب وصل رسول الله مع الصحابة للمدينة ..
بس للأسف يا رسول الله فى شئ حايحزنك، شنو هو؟😥
النبى و هو داخل المدينة في نفس اللحظة كانوا الصحابة بيحفرو القبر علي رقية بنت محمد😭😭💔 ..ماتت رقية بنت رسول الله💔🥺 .. ما لحقت ترتاح يا رسول الله🥺 .. حبيبنا صلى الله عليه و سلم كان يرضى بقدر الله و يصبر و يحتسب❤️ و يقيف يصلى لغاية ما رجلو تتورم و بعد كل دا يقول أفلا أكون عبدآ شكورا..😭 (وين إحنا من الكلام دا) .. صلى الله على محمد .. 😭😭😭😭
فدخل النبي و لقي الصحابة وشهم متغير .. فعرف انو في اللحظة الـ هو داخل فيها كانوا خلاص قفلو قبر رقية ..
لأنو قبل غزوة بدر رقية كانت مريضة جدا💔 و كان النبي قلقان كان حاسس انها بتموت🥺 .. فالنبي قال لزوجها (سيدنا عثمان بن عفان) .. ما تجي معانا بدر خليك في المدينة علشان لو رقية ماتت تلاقي واحد من محارمها معاها.. 😭
فعثمان ما مشي بدر لي ؟
بأمر من رسول الله ..فيجي بعد كدا اعداء الاسلام يقولوا عثمان تخلف عن غزوه بدر و يُتهم عثمان بالباطل🤷🏻♀️ ..لكن دا كان امر رسول الله و كمان رسول الله بعد المعركة اعطي لعثمان نصيبه من الغنائم كأنه كان موجود❤️ ..
فتموت رقية ويبكي النبي بكاء شديد صلى الله عليه و سلم 😭.. و بعد موت رقية النبي يزوج عثمان لبنته التانية أم كلثوم🤝 .. ولما تموت ام كلثوم ، النبي يقول : لو كان عندي ثالثة زوجتها عثمان🥺💔 .. النبي بيحب عثمان حب غير طبيعي❤️ ..(فيُلقب عثمان في التاريخ بذي النورين عشان اتزوج بنتين من بنات النبي رقية و أم كلثوم..) 😍❤️
بعد غزوة بدر حالة قريش النفسية بقت سيئة جدًا🫢 .. قريش أقسمت انها لازم تنتقم من رسول الله😠 .. فيحصل حاجة عجيبة .. واحد اسمو صفوان بن أمية مشرك و صحبه عمير بن وهبة الجنحي.. الاتنين كانوا قاعدين في صحن الكعبة ..
فيقول صفوان والله وددت لو اني ذهبت إلى المدينة و أقطع راس محمد🙁..
فعمير رد عليه و قال : والله يا صفوان لولا عيال و دين عليا لذهبت إلي محمد فضربت عنقه🙁 ..
فصفوان قال ليه : عيالك عيالي و دينك ديني فلا تنشغل بهم و اذهب و افعل ما قلت✋🏼 ( انا ح أتحمل مسؤولية كل شئ..بس اقتل محمد😠 )
فوافق عمير و قال أجل سأذهب..
فصفوان قال ليه: خذ سيفي وناقتي..🐪⚔️
فمشى عمير بن وهبة واخد السيف وركب الناقة بتاعت صفوان ومشى المدينة ..
فلما وصل المدينة ، الصحابة قالوا عايز شنو دا !! فعمر شافو .. فعمر قلق.. قام عمر مكتفو من غير تفاهم ..فعمير قال لعمر : اريد محمد..
فعمر ساقو و دخل بيهو للنبي،
و قال : يا رسول الله ، هذا عدو الله عمير بن وهب و معه سيف ..
فالنبي ابتسم وقال ارسله يا عمر( يعنى فك قيده) فأرسله عمر .. فقال النبي : ادنو يا عمير (قرب شوية).. ما أقدمك يا عمير ؟( يعني الجابك شنو؟)
فقال عمير : لا شئ جئت أفدى أسير عندي .. فقال النبي : فما بال السيف في رقبتك؟؟
( يعني إذا إنت جاي للأسير لي معاك السيف دا ؟)
فقال عمير : قبحها الله من سيوف وهل أغنت عنا يوم بدر! (يعني عايز يقول للنبي .. شنو السيف دا يعنى.. دا و لا حاجة .. دا ما نفعنا حتى يوم بدر.. و إنهزمنا ) .. فالرسول قال ليه: أصدقني ما أقدمك؟ يعني قول الحقيقة فعمير قال : ما قدمت إلا في أسيري.. (مُصر على كلامو)
فقال رسول الله صلى الله عليه وسلم: فما شرطت لصفوان بن أمية الجمحي في الحجر ؟ " (يعني شنو كان الشرط بينك وبين صفوان؟؟)
فعمير إتخلع وقال : ماذا اشترطت له؟؟
فالرسول قال ليه : تحملت له بقتلي على أن يعول بنيك ويقضي دينك والله حائل بينك وبين ذلك ، (النبي حكى لي عمير عن إتفاقو هو وصفوان!)
فقال عمير : أشهد أنك رسول الله وأشهد أنه لا إله إلا الله 😭،
>>Click here to continue<<