رقيه ع (محرم)
فشله الزلمه يتمرجل عالبنيه*
شيگولون عالبايگله ترچيه؟*
سوّد وجهه الله الطگله علويه*
حيلي وينه واركض رجلي مچويه*
شضل عندي وتجرني*
زغيره ولا تطگني*
متعوبه انه واركض*
وجمر الطف حرگني*
..........................
نار البيّه حسبالي تطفيهه*
چا مرعوبه گول البيهه كافيهه*
هاك اخذ التراچي ولا تعت بيهه*
خشنه اچفوفك وذاني تأذيهه*
ذهباتي اخذهن*
من دمي اصبغتهن*
بس خليني وحدي*
العماتي ارجع الهن*
.........................
من شيباتك اخجل انه تعبانه*
طحت امن الركاض ولسه عطشانه*
خلي ارجع لبوي انه ادري بمچانه*
ما اگله اعله جمر الخیمه چوانه*
خليني اردله*
باوع انه طفله*
ما اراويله اذني*
بخدي ما اگله*
.......................
هم تقبل بناتك واحد ايطگهن*
لو زلمه يجي اگبالك يسلبهن*
عماتي ذكن خليني ارد الهن*
يطّفن بالجمر بلكت اساعدهن*
عمتي ارجع الهه*
الماتو كل اهلهه*
مرعوبه اعله حالي*
عنك ما اگلهه*
.............................
بيمن تحتمي الما يمهه والدهه*
خدي ازغير چفك والله مو گدهه*
موش التاهت الوادم تجي اتردهه*
مو بالسوط والطگ ورّمو خدهه*
شوف اشگد زغيره*
مو مالت اسيره*
انه اسمي رقيه*
سموني الاميره*
...........................
ضل عطشان ابوي وانه ما شفته*
من فجر الله لسه وانه ما بسته*
يا عمي السهام امچاني ماخذته*
بس کون الحوافر ماهي ساحكته*
هدني بلكي الحگه*
مشتاگه انه اشبگه*
بس خليني اشوفه*
لا حافر يسحگه*
علاء المياحي
الفاتحه لروح والدي
>>Click here to continue<<