محرم (مسلم ع)
غريب وشايل اجروح
برحيلك ماخذ الروح
وابگلبك جمر من ودعتهم
.........
نويت وكل رحيلك.. يمسلم بده حيلك.. بالمسافات*
جمالك من تعوفه..يرايح ما تشوفه.. والله هيهات*
يتارك وصله من روحك*
مشيت وزادت اجروحك*
وداع ايعذب اعيونك*
يعالي ومحد ايلوحك*
وداعآ تغفى عالشفه*
سفينه اتغادر الضفه*
ابمهب الريح يمسافر*
گلب ما ينگطع نزفه*
وطنهم للغرب راح
صدر يتلگه الرماح
وابگلبك جمر من ودعتهم
.......
الولد كلشي ابحياته..الابو كل ذكرياته..بحضنه يرتاح*
يالمودعله طيرين..ودمعته اتغورگ العين..للذبح راح*
خنگت ابروحك اسوالف*
باولادك چنت عارف*
نحر يشبگ نحر عگبك*
جرح يم النهر نازف*
بترافة حلمك الوردي*
موعدهم سنه وتبدي*
مصيبة طاهر ومطهر*
قدرهم للذبح يحدي*
رحم ما عدهم الناس
يطحنوهم مثل ياس
وابگلبك جمر من ودعتهم
..............
يبو ازغار وحياره..گلبك تبدي ناره..عنهم ابعيد*
وداعك بيه وصيه..الاخو يبقى وياخيه..الايد بالايد*
اخيك ينزف اوريده*
اريدك تلزم ابأيده*
عله روج النهر تاني*
درب رحلتكم ابعيده*
لابد ننجمع كلنه*
الذبح مرجعنه ويلمنه*
ونرد نلتم مثل اول*
ولا واحد يفرقنه*
بوطن ما تلزمه احدود
اجي واحضنكم اردود
وابگلبك جمر من ودعتهم
.................
رحت ما ترجع الهم..سفر بايگ حلمهم..ترجع اشلون*
الورد من ولدك ايغار..النصل يوجعهم وحار..من يطيحون*
النحر يستاهل الشمه*
مو سيف ويجي يلچمه*
عمرهم ها بده توه*
بعد ما مكتمل حلمه*
من حق الولد يلعب*
مو بالسيف يتعذب*
غريبه قصتك مسلم*
وابنص النهر ينذب*
الولد كون اهله وياه
يخلص يمهم اصباه
وابگلبك جمر من ودعتهم
................
تطب الكوفه وحدك..وتضيع ابهيمه ولدك..غربه واحزان*
جريمه ابنص جريمه..يذبحوهم حريمه..وتبدي نيران*
يأول جرح ما يبرد*
باب الالم ما ينسد*
من تلگه طفل دامي*
بجرف الماي يتوسد*
زمن ما بيه بشر يفهم*
الولد ويه الاهل يلتم*
حلمه يصير بالدنيه*
يغفه بلعبته يحلم*
بعد ما تنفع الليش
يطلبون الولد بيش
وابگلبك جمر من ودعتهم
علاء المياحي
الفاتحه لروح والدي
>>Click here to continue<<