انه ياخذني شوگي وياك وافتح للحلم بيبان*
وبحرورة هلا وحياچ واملوحة حچي الخوان*

وابصدرك امان الگاه يمكاسر حياتي افياي*
شيباتك ضوه ومتعوب واشفافك حلم للماي*

هله يم عون...اسمعها*
سبيه هناك...اودعها*
...........................
بصابيع الحلم مرسوم ماي وامّ تهز كاروك*
واسوالف تحنّي الليل تكبر يبني وايزفوك*

يمه وعمك العباس مصباحك يثوب بير*
عبدالله صرت محلاك احلم يبني صرت اچبير*

حلم وردي.....هيچ احلم*
يرد عمري.....من نلتم*
..........................
خير امن الله عدنه الماي ياهو اليعطش انرويه*
الماي ابجود اخوي اهواي كلما يفرغ ايعبيه*

واليضمه يجي العباس لو شافه يرد شبعان*
بلون اعيونه حتى الماي يتمنى اشكثر عطشان*

النهر عطشان.....لشفافه*
يتاني الجود......بچتافه*
..........................
اترس عيني من الطيف وانسه اشسوه بيّه الشام*
بلحظه ورحتو عني ابعيد واشعر تچوي ليلي اخيام*

شنسه وعمري كله اجروح وانه احبابي كلهه ابعاد*
لا من اهلي لا عباس بأخته امن الخرايب راد*

حلم يقضه......الشفته*
سنة المرت......عايشته*
............................
خلّص عمري اتاني الموت من يوم المشيت ابعيد*
ثاري الدنيه كلهه اوهام بجروحي ترد واتعيد*

وانه ابغربتي لحسين يا ناس اشكثر اشتاگ*
ما فارگت اخوي ابيوم شلون احمل غرب وافراگ*

يموت احظر.......وديني*
عله اخواني.......فك عيني*



علاء المياحي
الفاتحه لروح والدي

قناه الشاعر علاء المياحي

انه ياخذني شوگي وياك وافتح للحلم بيبان*
وبحرورة هلا وحياچ واملوحة حچي الخوان*

وابصدرك امان الگاه يمكاسر حياتي افياي*
شيباتك ضوه ومتعوب واشفافك حلم للماي*

هله يم عون...اسمعها*
سبيه هناك...اودعها*
...........................
بصابيع الحلم مرسوم ماي وامّ تهز كاروك*
واسوالف تحنّي الليل تكبر يبني وايزفوك*

يمه وعمك العباس مصباحك يثوب بير*
عبدالله صرت محلاك احلم يبني صرت اچبير*

حلم وردي.....هيچ احلم*
يرد عمري.....من نلتم*
..........................
خير امن الله عدنه الماي ياهو اليعطش انرويه*
الماي ابجود اخوي اهواي كلما يفرغ ايعبيه*

واليضمه يجي العباس لو شافه يرد شبعان*
بلون اعيونه حتى الماي يتمنى اشكثر عطشان*

النهر عطشان.....لشفافه*
يتاني الجود......بچتافه*
..........................
اترس عيني من الطيف وانسه اشسوه بيّه الشام*
بلحظه ورحتو عني ابعيد واشعر تچوي ليلي اخيام*

شنسه وعمري كله اجروح وانه احبابي كلهه ابعاد*
لا من اهلي لا عباس بأخته امن الخرايب راد*

حلم يقضه......الشفته*
سنة المرت......عايشته*
............................
خلّص عمري اتاني الموت من يوم المشيت ابعيد*
ثاري الدنيه كلهه اوهام بجروحي ترد واتعيد*

وانه ابغربتي لحسين يا ناس اشكثر اشتاگ*
ما فارگت اخوي ابيوم شلون احمل غرب وافراگ*

يموت احظر.......وديني*
عله اخواني.......فك عيني*



علاء المياحي
الفاتحه لروح والدي

hottg.com/qajnm/726

3.4K viewsFeb 16, 2023 at 19:46