يجلس داخل سيارته متجهه بنظره نحو البحر، قرر النزول من السيارة، وجلس في أقرب كنبة"
محمد :لو سمحتِ قهوة خلي دواء
" اخرج علبة الدخان وقام بالتدخين "
_____
#ماضي.....
محمد: بقول لك اديني رقم ابوك
هُيام: ليه إن شاء الله
محمد: بس ح يكون ليه، اكيد عشان عايز أتقدم لك
هُيام: خليهو شوية
محمد:شنو هو خليهو شويه، مفروض تكون مبسوطة انتِ وطوالي تديني
هُيام: مبسوطة اكيد، بس قصدي لك خلي لمن انا اتكلمت معاهم اول
محمد: طيب يا ست هُيام
هُيام: وبعدين تعال هنا منو القال لك انا موافقة اصلا "وضعت يدها على خدها وهي تنظر إليه"
محمد: "كرر نفس حركتها" ومنو القال لك انا عايز رأيك، ح اتزوجك غصب عنك
هُيام:"بإبتسامة" الا خطف!
محمد: خطف قتل في النهاية ح اعرسك ح اعرسك
______
#عودة.....
سوسن: محمد!!!؟
"قام برفع راسه"
محمد :سوسن!
سوسن: دي شنو الصدفة السعيدة دي، اخبارك وحمد لله على السلامة جيت متين؟!
محمد: انا الحمد لله تمام زي ما شايفه، جيت لي فتره طولت هنا
انتِ اخبارك شنو؟!
سوسن: انا الحمد لله تمام والله
محمد: اتفضلِ اقعدي اشربِ حاجة
سوسن: مستعجلة والله من قبل قاعدين، خلصنا شغل قلنا نجي نغير جو شوية.
محمد :احسن ليكم ، شغاله قريب ول شنو؟!
سوسن: ما قريب شديد، مسافه ربع ساعه بالعربية
محمد: كويس والله
سوسن: جيت نهائي ولا ح ترجع تاني
محمد: جيت نهائي
"لاحظت لخاتم الخطوبة"
سوسن: مبروك كمان، جاي زول عرس شكلك
محمد: "تحسس خاتمه" الله يبارك فيك.. اها وانتِ اتزوجت؟!
سوسن :اي
محمد :ما شاء الله مبروك لك كمان
سوسن: الله يبارك فيك
"نظرت إلى هاتفها يرن" ... استأذن منك انا، اتاخرت على البنات
محمد :اذنك معاك اتفضل ِ....
سوسن: يلا سلام
" ما إن تحركت من أمامه، قامت بالاتصال مع شخص"
الو عندي لك شمار حار...
...
ما ينفع في التلفون...
...
في البيت انتِ
...
خلاص بجي عليك.
#نتلاقا 🖐️
>>Click here to continue<<