#ماضي
#زواج عادات وتقاليد (الحلقة الثالثة)
"لا أظن اني سوف أريد يوماً أن اشفي من حبك "...لقائله
_______
#ماضي...
هُيام: مالك اتاخرت كدة؟
محمد:معليش حبيبتي وحدة زميلتنا جات جديدة في الشغل ما بتعرف حاجة قعدت اشرح ليها.
هُيام:"رفعت حاجبها تلقائياً"... يعني انا لي ساعتين قاعده عشان انت بتشرح ل زميلتك
محمد:و دي غيرة ول شنو؟!
هُيام:" بإرتباك "....ما غيرة ولا حاجة، بس ما بحب الانتظار انا
محمد: يااخ طيب ح احاول أصدق، قلت لي ما بتحب الانتظار
هُيام: محمد خلاص "ظهرت ابتسامتها"
محمد: خلاص خليتك، اها تشربِ شنو ؟ول اقول لك نطلب اكل انا جعان
هُيام: اطلب لنفسك انا عايزه عصير بس
محمد: ليه ؟!
هُيام: ما بحب اكل الشارع على قول امي
محمد :ما شاء الله ح تكونِ زوجة ممتازه بعدين انتِ، معناها مافي طلعات بعد العرس.
هُيام :انا ما قلت مافي طلعات، بس مافي اكل برا البيت بس، ح اعمل لك الاكل ب يدي، ح اعمل ب حب زي ما بقولوا .
محمد :"امسك بكفها مع كفه"الله يجيب الايام دي سريع، عايز الايام تجري وافتح عيوني وتكون مرتي خلاص.
هُيام: "بإبتسامة" وانا كمان عايزه الايام تجري واكون في بيتك.
#عودة....
سيف:هُيام سرحانة وين وصلنا؟
هُيام :مع الشارع "نزلت ب هدوء،ودخلا المنزل"
معليش ما خليتك تقعد في الخطوبة وخربت لك البرنامج حق الطلعة.
سيف: لو على الخطوبة قعدت وباركنا أهم حاجة، الطلعه ما مشكله الايام جايه لسه، انا قلت اغير لك جو من قعدة البيت بس.
هُيام: ربنا يخليك لينا
سيف :ويخليك لينا، امشي ادخل كريم غرفتو واجيك
هُيام :لا خليك، انا عايزه انوم جمبو الليله.
سيف: "بإستغراب وضيق" ليه انا قلت نقعد ونساهر سوا، مشتاق لك .
هُيام:معليش يا سيف تعبانه انا خليها يوم تاني "قامت بحمل ابنه واتجهت به إلى غرفته "
______
"بعد الخطوبة بأسبوع"
يوسف: محمد محمد محمد
محمد: اي
يوسف: اي شنو، سرحان وين انت؟
محمد :معليش راسي جايط وبفكر كتير الايام دي
يوسف: من يوم الخطوبة
محمد: اي، لازم بعد دا الزول يفكر يجهز ل العرس وكده
يوسف :عرس!!
محمد :اي عرس مالك قلتها بإستغراب!!
يوسف :محمد انت راسك جايط وبتفكر مافي العرس، لأن انت عارف كويس انك ما محتاج التفكير دا لعرسك، حاجاتك كلها شبه جاهز براك القاعد تأخر في الزمن، محمد انت قاعد تفكر في هيام صح، لاحظت لك انا من يوم الخطوبة لمن شوفتها وانت متغير.
محمد:
"عاد برأسه إلى الخلف"
ما قادر انساها يا يوسف، لمن شوفتها في الخطوبة كان نفسي اقوم واقول ليها بصوت عالي ليه عملتِ كدة، ليه غيرت رايك ووافقت ب ود عمك، ليه خليتني في نص الطريق برأي
"كان كل جملة تخرج من فمه تصاحبها لكمة على المكتب ".... عارف ما عملت حاجة غير إن قاعد اعاين ليها وهي ماسكة فيه وماشه...
يوسف: محمد الكان كان وهسا انت و هي اي واحد اساس حياتو مافي داعي ل دا كل، عايشه حياتها هي، انت كمان شوف نفسك وانا، هند بتحبك يا محمد وتتمنى لك الرضا.
محمد:" اخذ تنهيدة" أنسا... ياريت لو الزول يقدر ينسى بالسهولة دي، سافرت قريب ستة سنين عشان انسى، ما نسيت برضو
جيت شوفتها اتاكدت ميه في المية أن هي لسه جواي.
طلعت هربت من البلد ساي، وهي قاعدة جواي...
"قطع حديثهم هاتف محمد يرن"
اي ياهند.. عليك لله ....طيب ان شاء الله... ربنا يكتب سلامتو... تمام طيب... الليله ماعندي طريقة خليها لمن نهاية الأسبوع... تمام طيب. "بعد الانتهاء من المكالمه"
شوفت شكل حاشوفها كتير الايام دي
يوسف: ليه حصل شنو؟
محمد: هند اخوها صلاح ح يجي السودان، دا صاحب سيف راجل هُيام .
يوسف: اصلا طالما طلع في معرفة مع أهل هند في انت اكيد ح تشوفها سوا صلاح جا أو لا.
وهسا انت قلت هي جواك، يعني حتى لو ما شوفتها هي معاك، عشان كده طلعها من جواك، لازم تحاول...
محمد: الا اعرف إجابات الأسئلة حقتي "ساحب مفتاح سيارته وخرج من المكتب"
يوسف :ماشي وين؟!
"خرج من غير أن يجيب صديقه"
_____
"في صيدلية هند وهي تتحدث بالهاتف"
والله كلهم كويسين ...انت كيف وكيف مرتك وكريم
الحمد لله .. عندي لك خبر حلو .... لمن الأسبوع الجاي دا صاحبك ح ينور السودان .... والله العظيم .. ما يكون كان عامل مفاجأة وانا خربتها.... يكسر راسي بعدين... خلاص اعمل نفسك ما عارف.. قبل انسا امي قالت لك ح تعمل كرامة لمن يجي صلاح اتفضل معانا انت والمدام وأهم زول طبعا كريم.... ان شاء الله...
________
"رائحة البحر المنعشة، امرأة في عقد الأربعين من عمرها، أمامها" ترابيزة كما نطلق عليها بلهجتنا" ، رائحة البخور، الأكواب السكر، موقد النار على يسارها ،بعض من الكنب البسيط المتفارق يملأ المكان.
>>Click here to continue<<