ماضي
#زواج عادات وتقاليد
الحلقة الثانية
"لم تكن صدفة بل ترتيب إلهي" 💕
________
"هُيام مع امها في الركشة"
هُيام: اضربِ لي فيهو كدي
أم هُيام:في جرس معناها واقع في حته ما اتسرق.
هُيام:ان شاء لله ما يقع في يد زول ويسرقو بس لان سيف ح يجوط دي المره التالتة في السنة دي.
أم هُيام:هسا نمشي البيت وشوفِ موضوع تلفونك دا، كريم دا تعبان.
"في الصيدلية"
الدكتورة:ي لله قفل، الا انتظر لمن يضرب تاني.
______
"في بيت هُيام"
أم هُيام:وحيد نام؟!
هُيام:اي، اخد الدواء ونام.
ام هُيام :امسكِ سيف ضرب في تلفوني ارجعِ ليهو.
هيام:حاضر...
الو، اي... الحمد لله احسن من اول... والله تلفوني نسيتُ وين ما عارفه... كده أضرب فيهو انت..... دخل معانا قبيل احنا .... حاول تاني ي سيف كده فيهو عشان لو زول رد تجيب لي معاك.... حاضر طيب... الله يسلمك.
________
محمد:الزمن جا نمشي الاجتماع بعد دا، مش جهزت الورق.
يوسف:اي كل جاهز، بعد الاجتماع طالع طوالي.
محمد:اي، ماشي لهند عايزين نختار الدبل.
يوسف:خلاص تمام، انا بديك تلفون المساء.
_________
"عند هند"
اي بس لمن تصل قول عايز هند...... الساعة ثالثة كده بكون قاعده أن شاء لله.... والله بعد ثالثة دا ما عارفه لو بقيت طالعة قول ليهم داير التلفون بس.....خلاص تمام.. العفو على شنو.
__"الساعة 2:45"
سيف: السلام عليكم كنت بسأل من دكتورة هند
هند:نعم انا هند، انت سيف؟!
سيف:اي، كلمتك قبل ساعتين كده عشان التلفون
هند:" بإستغراب" تلفون! سبحان الله دي شنو الصدفة العجيبة دي، ما عرفتني انا هند، اخت حلفا صحبك
سيف :هند بت عم مختار "سلم ليها تاني سلامة معرفة"
كيف انتِ وكيف اهلك كلهم؟! ، ما شاء الله كبرتي لمن ما عرفتك، اتذكر لمن هسا لمن كنا نجي البلد انا وحلفا كنتِ في الأساس انتِ
هند:اي اتذكر الايام تجري والله، اهلي كلهم كويسين الحمد لله
سيف:حلفا كيف هو لي زمن ما اتكلمت معاهو رقمو زاتو أتمسح ول ضاع مع التلفون القديم ما عارف
هند:حلفا كويس في الكويت هسا عندو ولد وبت
سيف:ماشاءالله ربنا يحفظهم
هند:اللهم امين، اها وانت اخبارك شنو؟ اتذكر حلفا كان بقول لي خاطب بت عمك من صغار
سيف:اي اتزوجنا وعندي كريم والتلفون زاتو حقها، قبيل جات تشتري علاج ل كريم.
هند:سلامتو إن شاء الله
"قطع حديثهم محمد جا داخل"
محمد:السلام عليكم
هند وسيف:وعليكم السلام
محمد:دوامك لسه ول شنو؟!
هند: لا خلاص خلصت، اعرفك دا محمد خطيبي، الخطوبة إن شاء الله يوم الجمعة، دا سيف صاحب حلفا اخوي من زمان
محمد:اتشرفنا
سيف: الشرف لي ومبروك مقدماً ، ما اخد من زمانكم اديني التلفون عشان امشي.
هند:لازم تجي وبالمرة تسلم على ناس امي
سيف:إن شاء الله
هند: اتفضل التلفون، قبل امشي اديني رقمك أو سجل رقمي
سيف :تمام، كدة جاك جرس
هند: اي تمام
"سيف استأذن وطلع"
محمد:يلا عشان ما نتأخر.
_______
"في بيت هُيام"
"هُيام بتاكل هي وسيف"
هُيام: سبحان الله صدفة عجيبة
سيف: اي، هسا بفكر نمشي الخطوبة يوم الجمعة
هُيام: ما نفسي امشي ي سيف بعدين انا ناس ما بعرفيهم
سيف:مالو هسا تعرفيهم والله ناس طيبين شديد، انا كنت بمشي اقعد معاهم بالشهر والشهرين ما بحس نفسي غريب منهم...
بعدين زاتو عشان تغيري جو شوية ممكن بعد الخطوبة نطلع نمشي نتعشا أو نمشي اي مكان على ذوقك
هُيام:طيب وكريم
سيف:بسيطة نخليهو مع امك او امي
هُيام:طيب ان شاء الله
______
"يوم الجمعة"
"ترتدي ثوب ب اللون الاسود والذهبي، وحجابها كان يزيد من جمالها باللون الأسود أيضا، كان يعكس مع لون بشرتها"
هُيام: وصفوا لك البيت!
سيف: اي يلا نطلع قبل نتأخر
هُيام: يلا
______
"في بيت أهل هند"
'من اول ماتدخل الحي تدري ان بهذا المنزل مناسبه سعيدة، فالزينة كانت تملأ المكان والإنارة والزغاريد والأغاني "اغاني السيرة"'
يوسف: ابشر يا عريس ابشر
محمد: ابشر ابشر
"محمد واقف منتظر هند تجي نازلة والأغاني شغالة،
دخل سيف وهيام البيت سيف بدأ يسلم على أهل هند ويعرفهم على هُيام"
سيف:حلفا ما بجي قريب
أم هند:والله يا ولدي ما معروف ليهو سنة ونص قاعد يقول نازل نازل، آخر كلام ليهو قال المره دي بنزل عشان عرس هند
سيف: إن شاء الله يجي بس، شكلو البلد عجبتو ياخالتي ما عايز يجي السودان.
أم هند:بجي بجي، هند ما بتخليهو لازم يجي يحضر عرسها
سيف:اي صح، هم العرسان وين لسه ول شنو عشان نبارك ليهم
أم هند :خلاص هند بتنزل بعد دا.
"محمد واقف بعيد مع أصحابُ، هند جات نازلة كلهم اتحركوا أهل هند وسيف وهُيام، محمد جا مسك يد هند وسط زغاريد الاهل وابشر يا عريس، هُيام كانت واقفه فجأة مسكت يد سيف ضغطت عليها بقوة"
سيف: مالك تحبي نقعد؟!
هُيام: لا نمشي البيت
سيف: بسم الله مالك كويسة انت؟!
>>Click here to continue<<