#ماضي
للرائعة إبتهال حسن
زواج عادات وتقاليد 1
"لمحتك دقيقة أو أكثر كنت على عجل حينها، أعدت النظر سريعاً، ولا أعلم كم ثانية مكثت بوجهك محدقاً💕. " 'لقائله'
_____
_في منتصف المدينة حيث زحمة السير والسائرين، وبالتحديد في هذة الجهة المعمورة من المدينة، توجد بعض العيادات الطيبية وبعض الشركات و وكيلات السفر.
تقيف سيارة بالقرب من عيادة طيب اطفال تخرج منها إمرأة تحمل طفل في عمر سنة، وتلاحقها فتاة في ريعان شبابها ترتدي عباية سوداء تعكس مع لونها الأبيض.
أما في الجهة المقابلة من الطريق يقيف شاب في العقد الثالث من عمره مندهش لحظة رؤيته إلى تلك الفتاة.
تكون مسرعة وتعطي السائق الأجرة، وكأن شيئاً ما بداخلها أخبرها أن تنظر الجهة الأخرى.
دقيقه أو أكثر كانت المدة التى توفقت فيها المدينة والعالم بأكمله، الا عندهما كانت عيناهما تنظر نظرات شوق، عتاب، حنين لبعضهما،المسافة بينهم كانت طريق وسيارات لكن نظراتهم كانت قريبة.
يدخل صوت ويُقف تلك اللحظة.
أم هُيام :يا بت اتحركي سريع مالك واقفة كدة.
هُيام:جاية يا أمي كنت بحاسب بتاع الترحال.
أم هُيام:إن شاء الله يكون اخوك حاجز، تلفونُ مقفول زاتو.
هُيام:جيبي كريم يا أمي وامشي شوفي الحجز لو ما حاجز امسكي القروش احجزي، ح اقعد انتظر هنا.
أم هُيام:طيب.
"هُيام مع نفسها "
معقولة يكون هو؟! أكيد هو!! لو ما هو ما كان وقف يعاين لي كدة، طيب جا متين يااربي.
ياربي ح يكون ناسي ول متذكر.... "اخدت تنهيدة" مرت كم سنة من آخر مرة شوفتك فيها يا محمد بس ما اتغير شكلك، ولا اتغيرت من جواك؟!
#ماضي...
محمد :اتفضلِ
هُيام :شكراً... محمد :تشربِ شنو؟
هُيام:ما عايزه حاجة قول لي عايز تقول شنو عشان البنات منتظرين.
محمد:اول لازم تشربِ حاجه، وتاني خلي البنات يمشوا عشان كلامي كتير ما يتاخروا هم.
هُيام:خير ان شاء الله
محمد :اول تشرب ِشنو؟
هُيام:اي عصير طيب
محمد :لو سمحت قهوة وعصير مشكل وموية.
"هُيام تنظر حول المكان"
محمد:مالك متوترة كده، و تعاين يمين وشمال، المكان هادئ وما في زول قاعد يجي هنا كتير زاتو.
هُيام:ما متوترة
محمد:" بضحكة" طيب ح أصدق.
ادخل في الموضوع طوالي، احنا اتعرفنا لينا قريب شهرين ما أكضب عليك كنت شايفك برلومة في الدفعه التحت مني وبشرحها ليها عادي، شوية وشبه وعلاقتنا بقيت شبه أصحاب.
"أغلق الحديث عند وصل الوتير "
محمد:شكرا.
"قال كلمته وذهب الوتير، وبدأ حديثه مره اخرى "
لقيت نفسي بشتاق لك طوالي، ونفسي اشوفك كل يوم، وبحب اسمع صوتك، وبحب تفكيرك معاي لمن قاعد اشرح ليكم، وبحب القعدة معاك، بحب اشوفك مبسوطة كمان، بحب فكرة وجودك في حياتي كلها .
لي مدة ساكت ومعاي مشاعري الحلوة دي اتجاهك، الليله قلت اقول لك اي حاجه في قلبي.
هُيام انا بحبك♥️
"تظهر ملامح الخجل على وشها وتنظر إلى الجهة الأخيرة، هو ينظر إليها متأملاً خجلها"
#عودة
كاتب العيادة :وحيد سيف الدين..
أم هُيام:يلا يا هُيام الدور علينا.
هُيام:يلا...
_______
"يجلس في غرفة مكتبه الذي يطغى في ديكوره تدرجات اللون الاسود،ويتحدث بينه وبين نفسه"
"ياربي نسيت محمد ول لسه متذكره، شكلها اتزوجت ليها فتره والطفل ال مع امها دا ولدها "يقطع حدثه مع نفسه صوت يوسف صديقه".
يوسف:سرحان وين لي قريب ساعة بتكلم معاك وانت ما هنا.
محمد:معليش كنت بتقول شنو؟
يوسف:لا، خلي انا بقول شنو انت مالك حاصل شنو؟! من جيت ما طبيعي وسرحان متشاكل مع هند ول شنو؟!
محمد :لا، موضوع تاني ياخ، لقيت زول لي زمن ما شوفتو ف سرحت في أيام زمان.
يوسف :هُيام؟!
محمد:عرفت كيف؟!
يوسف:عِشرة كم سنة بقيت حافظاك حتى نبرة صوتك بتغير لمن تتكلم عنها او تتذكرها ما شكلك بس.
محمد:"اخذ تنهيدة "
يوسف:لقيتها وين؟! اتكلمت معاها وواجهتها؟!
محمد:لا، شوفتها من بعيد، بعد نزلت هند، كانت ماشة عياده دكتور أطفال.
يوسف:اها وبعدين؟!
محمد:بس شوفتها وبقيتِ تعاين لي، امها بتنادي فيها ومشيتِ.
يوسف:حسيت ب شنو لمن شوفتها؟!
محمد:ما عارف اوصف الاحساس، جايط انا لمن هسا.
يوسف:محمد انت هسا في حياتك ف وحده تانية ما تشيل ذنبها ب مشاعرك دي، وبعدين قلت معاها طفل هيام معناها كلام ابوها صح وهي اتزوجت الوقت داك.
محمد:ما عارف ي يوسف، بعدين هو من ناحيه كلام ابوها صح ف هو صح لأن انا سالت واتاكد ان وافقت علي العرس.
"في محاوله ل تغير الموضوع، نظر إلى الورق الموضع في المكتب"
المهم خليني في الشغل هسا، الاجتماع باقي ليهو قدر شنو؟!
يوسف:لسه بدري عليه،بعد ١٢ هو.
_______
هُيام:السلام عليكم، ممكن الدواء دا؟!
الدكتورة:وعليكم السلام، طيب كلهم في بس القبل الأخير دا ما عندنا عملت لك فيهو إشارة.
هُيام:تمام، اتفضلِ الحساب، شكرا لك.
الدكتورة: العفو
"بعد طلعت هُيام"
الدكتورة:يا أخت يا أخت التلفون.
.......
#نتلاقا🌸
>>Click here to continue<<
