😄😄😄
😄😄
😄
*# يقال انه بعهد الإمام احمد حميد الدين دخل رعوي من رعية بني حشيش واسمه قائد ، ودخل معه للامام ثلاث صناديق عنب يشتي مصاريف لعياله ..!!*
*# وثلاث مرات وهو يدخل معه العنب ، وعسكر الامام يقشوهن ولا يدخلوه لعند الإمام ..؟؟*
*# اخر مرة لاحظ ان به ناس بيدخلوا للامام مباشرة ، وبدون هدايا ويخرجوا بإعانات ... بس كلهم من بيت نجم الدين شمس الدين ، وبدر الدين ..!!*
*# المهم كلهم من بيت الدين قام اعطي احدهم صندوقين عنب عشان يعيره التوزة والقاوق حقه ولبسهن واحتزب ، ووصل لعند البوابة .. وقال لهم بهنجمه اشتي ادخل لمولاي ..؟؟*
*# قالوا له من انت ..؟؟*
*# من نقوله ..؟؟*
*قال : قولوا له قائد قليل الدين ..!!*
*# العسكر شافوا اللبس لبس هاشمي والاسم فيه دين ..*
*# قاموا بلغوا الامام على طول انه في واحد يشتي يقابله ، وهو من بيت قليل الدين ..؟؟*
*# رد عليهم الإمام من بيت قليل الدين ماهي هذه اللعانة ..؟؟*
*دخلوا اللعين هذا نبسر ما معه ..*
*# دخلوه فقال له : ايش تقصد بقليل الدين ..؟؟*
*# قال يا مولانا ثلاث مرات اجي بهدية ويقشوها حرسكم ..*
*# وكل مرة اجي يجوا ناس ويدخلوا من جنبي وانا مقبع .. واحد نجم الدين والثاني بدر الدين والثالث شمس الدين ويخرجوا كلهم باعانات ..!!*
*# قلت وانا شاقع من بيت قليل الدين ، وادخل اغرف لي شوية دين لاعاد يكملوه ..*
*# ضحك الإمام واعطاه اعانة وقاله والله انك قليل دين من صدق ياعاق والديك ..😄😄*
*# فرد عليه الرعوي اما الحرس حقكم يامولانا مابش معاهم دين من مررررة ..!!*
😄😄😄
😄😄
😄
>>Click here to continue<<