Трансфармацыя палітычнай сістэмы
Намеснік кіраўніка НАУ Арцём Брухан у эфіры канала «Белсат News» пра сцэнары транзіту ўлады ў Беларусі.
https://youtu.be/sDguQobhgvg
На нашых вачах адбываецца па сутнасці трансфармацыя палітычнай сістэмы, убудоўванне новага канстытуцыйнага органа — Усебеларускага народнага сходу. Вядома, адбываецца гэта дзеля мэтаў самога Лукашэнкі. Самым лагічным для яго бачыцца заняць дзве пасады, сумяшчаць іх нейкі час, каб не наступаць на тыя ж граблі, як у Казахстане.
Таксама ён можа глядзець на прыклад Туркменістана: на пасаду прэзідэнта ён можа накіраваць кагосьці, каму будзе давяраць на 100%, а гэта — яго сын Віктар. У той жа час сам можа заняць пасаду старшыні УНС. У нейкай ступені гэта можа прадухіліць сцэнар, які адбыўся ў Казахстане. Цалкам можа быць і так, што Лукашэнка будзе сумяшчаць пасады, а ўжо потым перадасць уладу.
Але і грамадства — яно не зацэментаванае, сітуацыя можа змяніцца, хоць і казаць пра тое, калі гэта адбудзецца, вельмі складана. Узровень рэпрэсій і гвалту, узровень кантролю над грамадствам сведчаць пра пераўтварэнне аўтарытарнай сістэмы ў таталітарную. Такі ўзровень гвалту і рэпрэсій прыводзіць да стагнацыі, зачышэшчэння грамадства. Аднак не зачыняе акно магчымасцей — і да яго варта рыхтавацца.
@nau_belarus
>>Click here to continue<<