#سەرگوڵے_حۆریان
چۆلە بوتخانەی دڵ ، ماڵی نەوێرانم کوای؟
شەکەتی سێحری شەوم ، حاکمی پەریانم کوای
نەیەکەی خەڵکی نەیستانم و ناڵان و غەریب
دەمی سووتانمە! شیبای دڵی بریانم کوای؟
شەمی سەر گۆڕی ئومێدم لەسەرم دا شەرەرێ
وەرە پەروانە وەره! شاهیدی گریانم ، کوای؟
بەختی ناڕەسەنان نرخی شکا سێحری بەیان
وەرە هاواری قەڵەم، پیری موکریانم ، کوای؟
بە گڕ و دووکەڵی سیگار و شەڕابی جەعلی
دڵەکەم دۆزەخە ئەی سۆزەیی زریانم کوای؟
کوڵی شمشاڵ و شنەی بێری نەبێ، چۆلە هەوار
وەرە، سەرقافڵەیی هەیئەتی بێریانم کوای؟
کێ دەڵێ جوانی جیهان یەک لە سەدی حۆریانە
وەره تەکزیبی کەوە، سەرگوڵی حۆریانم کوای؟
#ناسر_ئاغابرا
#ژاڪــــــاو
https://hottg.com/nasrakabra
>>Click here to continue<<