من الأمور اللي لازم تتعلمها من تتزوج :
-تعلموا ان أهلكم ميعرفون بمشاكلكم الشخصية حتى تبقى قيمته وشخصيته كبيرة في نظرهم .
-راح تعرفين أن كلمة "صار ، تدلل " بالنسبة لزوجچ هي نفس عصاة النبي موسى عليه السلام تگدر تشق في بحر قلبه طريق لحبّچ.
-راح تعرف انك ميصير تحرج مرتك گدام أحد لان قيمتها من قيمتك ولو أهنتها ف راح تنطي فرصة لغيرك يشوفها بدون قيمة .
-راح تعرفون ان أحسن شي تقدموه لأطفالكم هو انكم متتعاركون هواي وتوصلوهم لمرحلة يكرهون بيها الزواج بسببكم.
-راح تعرفون ان طاولة الطعام مجرد منظر لاأكثر وانو ماكو أحلى من الأكل عالأرض.
-راح تعرفين ان وقت الزعل لازم متشدين المشكلة وتكبر السالفة وإن أفضل حل هو تنتظرين زوجچ علما يهدأ وتعرفي غلطه بالذوق والأسلوب .
-راح تكتشف انك تگدر تاخذ نور عينها من تطمنها وتعبرلها بأفعالك عن تمسكك بيها .
-ضروري انكم تتأكدون بأن الثقة مثل دموع العين لو سقطن ميرجعن مرة ثانية للعين ، ف ديروا بالكم من تصرفاتكم.
-راح تعرف أنو چان صحيح من ماحچيت عن علاقاتك وتجاربك السابقة المريت بيها ، وانتِ هم راح تحمدين الله لأن كتمتي ماضيّچ ، لان الماضي باب چبير للمشاكل القوية في المستقبل.
-الكمال لله وراح تكونين انسانة ذكية من تصيرين واثقة ثقة تامة أن ماكو احد مابي عيوب ف اخذي من زوجج الاشياء الحلو وادعي الله يغير الأشياء الموحلوة.
-راح تعرفون ان الإحترام بانزين أي علاقة وهو اللي يمشيها والحب من غير احترام ميسوه ف ضروري تريحون بعض بكثرة احترامكم لان التعب يجي من قلته.🧡
>>Click here to continue<<