المَوضُوع المُنتشر وبكثرة هو الصَداقة بين البنية والشّاب وتَحت مُسمّىٰ الدّين*. 🌸🤍،
شوفوا يَقَلبِي أنتم يا بنات بعيدًا عن أن هذا الأمر هو خارج عن الإطار الشرعي وهو حرام شرعًا نجي نوضّح أهم الأخطار.
أولًا الشاب يبقى شاب بغض النظر عن المُسميّات سواء كان *خادِم، رَادُود، ذَاكِر، كَاتب، طَالب حَوزة، خوش إنسان، مُتعمّق بالدّين. 🌸🤍_
كل هاي المُسميّات ماراح تبررلة هو يبقى شاب حالة حال أي واحد ثاني فلا تحچون ويّة شخص حسب المكانة وهو طالب وهو مُتديّن وكذا وغيرها من هل أمور بالنهاية حتى وأن كانت علاقتكم مابيها كلام حرام بالمنظور العام هي حالها حال أي علاقة حرام بين بنية وشَاب.نجي للأمر الثاني يا بعد چبدي؛ الصَداقة هاي ماراح تضّرة للولد راح تضّرچ أنتِ يا حَجيّة لأن البنات عاطفيات زيادة حتى لو الكلام بحدود راح يصير أنجذاب شيئًا فشيئًا هذا الانجذاب تلقائي بالأستمرار بالكلام يصير بدون ماتحسّين فهنا إذا أنجذبتي عقلچ معناها *عزّل وأشتغلنة بسوالف گلبي ومو بيدي وما أگدر وهاي الكَلاوات..من عقلچ يعزّل وينعمي راح يشتغل گلبچ راح يصير العينتين يطلب صَوت، بعدها صورة وهكَذا.. 🌸🤍..
هاي أمور تصير غصبًا عنّچ فلا تتحججون بعلاقة شريفة لو علاقة صَداقة بالنهاية هيچ راح يصير إذا مو اليوم باچر بالتالي أولًا يجوز راح تحبون وهذا مو حب هذا وَهَم وضحك علىٰ نفسكُم العينتين راح يگلّج أي لازم اكوّن نفسي أو أتخرّج إلا اجي اخطبچ وأنتِ مثل المدمغة تصدگين وترفضين أي شخص يدگ باب البيت..فَأنتو ليش تستّغلون الدّين وشگلك فلان خادم وفلان طالب حوزة وفلان رادود ومن أول كلمة احبچ هاي أرخص كلمة عند الزلم بصورة عامّة يعني لأن حچاية بلاش مو بفلوس حتة الواحد يستصعبها؛ حافظوا علىٰ گلوبكُم وعلى ثقة اهلكُم خصوصًا من تشوفين أبوچ كدام عينچ أو أمچ وان جانت معاملتهم الج موحلوة وجافّة بس مايستاهلون علىٰ الأقل لخاطر شيباتهُم وتجاعيد وجوهم من التعب ما أخون ثقتهُم وأبن الحلال المكتوب يجي لاترحون تدوّرونة بالمواقع المسألة تحتاج بس ثقة بالله بأن راح يكتبلكم الشخص المُناسب الكُم🌸🤍•
هل موضوع بهاي الفترة ماخذ الحيّز الأكبر بالمواقع الأسف.وبعد بقت شغلة أكو بنات يسمّن هذا حُب مهدوي ويضحكون علىٰ نفسهم باسم المهدي جماعة المهدي يا ماتدورن هذا سهم من سهام إبليس بقلب امامكم المهدي تمام؟ فلحد يحط الحرام بأسم إمام زمانة.
بقت مودة جديدة وهيَ؛ أكو يكولون إذا الله يشوف هل حب مو مهدوي وحرام خلي هو يبعدنة!!.
يا بعد روحي أنتِ شلون يبعدچ يعني تردين أهلچ يشوفوچ وتحصّلين كتلة؟ وتالي تعرفينة حرام! لو شلون مو كافي هو رغم كل هل سوالف رب العالمين باقي ينطينة فرصة وساتر عليچ ومامخلي أحد يكشف هاي علاقتچ وتحلصين كتلة ورزالة وخيانة ثقة من اهلج ومعاملة مو حلوة!!.
يعني ماكافي أن الله كل يوم جاي يطلع كدامج منشور أو آية قرآنية تخلّيچ تحسّين علىٰ نفسچ وتعوفينة وبعدچ تضحكين علىٰ روحچ بأسم المهدي!!!.وباختصار ماكو حب حلال قبل الزواج بدون علم الأهل.. 🌸🤍٠
هذا حرام حرام حرام.
كل حب ينبني قبل الزواج راح يقل بعد الزواج وان صارلهم نصيب وتزوجوا..
السؤال زين ليش إذا تزوجوا عن حب تقل هاي المحبة بعد الزواج!
الجواب لأن مابدوها بحب طاهر نقي لأن من انعجب بيها بقوا يتواصلون ماراح خطبها گبل فهمة عاشوا شي يسمونة حب قبل الزواج لذلك بعدة راح طعم المحبّة أو قل 🌸🤍: : :
#اللهم_صل_على_محمد_وال_محمد
#استغفر_الله_العظيم
>>Click here to continue<<