بناخذ تفكيرك دقيقة 🙂 وشوف كيف !
احني نسكتو في الوقت اللي لازم نتكلمو فيه، ونتكلمو في الوقت اللي كان لازم نسكتو فيه، الحالتين هادم بعد مايصيرو تصحبهم حالة تفكير في اللي صار تشق الدماغ، ياريتني تكلمت🥺 وقلت كدا كدا😔 ياريتني اشرت للنقطة هديكا !😮 كان يرجع الوقت لما نقول ونقول ونقول😬، ولا ياريتني ما تكلمت ونجريت وراء شعوري☹ ! كان قعدت ساكت خير!..🙁
وفي الحالتين هادم انت الخسران لا كلامك حينفع ولا سكاتك حينفع،😕 فأنت تقعد تحت رحمة ضميرك اللي ينخص فيك بياريت وياريت،😠 والمشكلة ياريت نتعلمو من المواقف اللي نمرو بيها🤕 واللي تصير في الحالتين هذه وبعد ماتطلع من موقف كان يلزم فيه انك تتكلم تقول لو يتكرر الامر بنقول ونقول ونقول ولما يتكرر مش حتقول🙂💔 وحرفياً حترجع لنفس النقطة والضمير قاعد ينخص🙂💔، الامر هذا فعلياً حيسببلك موجة من السرحان والتوهان مايعلمش بها الا ربي، 🥺يعني عادي وانت بتروح للحوش تلقى روحك ماشي للدرن (منطقة في طرابلس ) مثلاً🤨 ولا تولع السيارة وتقعد فيها اكثر من نص ساعة وانت سارح لين يجي حد وينبهك ليش ماطلعتش 🤔، ولا تمشي في الطريق على رجليك من غير ماتركز في الناس ولا تشوفهم من الاساس وانت مش عارف روحك وين ماشي وتتفاجئ لما تلقى روحك ماشي لصلاح الدين 😳، وبعد هذا كله تقول سبحان الله قداش ما الدماغ يتحمل والنفس تتحمل وحتى الناس الي قدامنا قداش مايتحملو في حالاتنا وتناقضاتنا وتواهانا .🥺

حتى وأنا قاعد نحكي خطر في بالي موقف كنت لازم نقعد ساكت فيه وتكلمت وكلامي رتب عدة امور خلتني نسرح فيها لوقت طويل .

#الصفر_واحد 💙 القناة @libya_011

الــدبــبــۃ²

بناخذ تفكيرك دقيقة 🙂 وشوف كيف !
احني نسكتو في الوقت اللي لازم نتكلمو فيه، ونتكلمو في الوقت اللي كان لازم نسكتو فيه، الحالتين هادم بعد مايصيرو تصحبهم حالة تفكير في اللي صار تشق الدماغ، ياريتني تكلمت🥺 وقلت كدا كدا😔 ياريتني اشرت للنقطة هديكا !😮 كان يرجع الوقت لما نقول ونقول ونقول😬، ولا ياريتني ما تكلمت ونجريت وراء شعوري☹ ! كان قعدت ساكت خير!..🙁
وفي الحالتين هادم انت الخسران لا كلامك حينفع ولا سكاتك حينفع،😕 فأنت تقعد تحت رحمة ضميرك اللي ينخص فيك بياريت وياريت،😠 والمشكلة ياريت نتعلمو من المواقف اللي نمرو بيها🤕 واللي تصير في الحالتين هذه وبعد ماتطلع من موقف كان يلزم فيه انك تتكلم تقول لو يتكرر الامر بنقول ونقول ونقول ولما يتكرر مش حتقول🙂💔 وحرفياً حترجع لنفس النقطة والضمير قاعد ينخص🙂💔، الامر هذا فعلياً حيسببلك موجة من السرحان والتوهان مايعلمش بها الا ربي، 🥺يعني عادي وانت بتروح للحوش تلقى روحك ماشي للدرن (منطقة في طرابلس ) مثلاً🤨 ولا تولع السيارة وتقعد فيها اكثر من نص ساعة وانت سارح لين يجي حد وينبهك ليش ماطلعتش 🤔، ولا تمشي في الطريق على رجليك من غير ماتركز في الناس ولا تشوفهم من الاساس وانت مش عارف روحك وين ماشي وتتفاجئ لما تلقى روحك ماشي لصلاح الدين 😳، وبعد هذا كله تقول سبحان الله قداش ما الدماغ يتحمل والنفس تتحمل وحتى الناس الي قدامنا قداش مايتحملو في حالاتنا وتناقضاتنا وتواهانا .🥺

حتى وأنا قاعد نحكي خطر في بالي موقف كنت لازم نقعد ساكت فيه وتكلمت وكلامي رتب عدة امور خلتني نسرح فيها لوقت طويل .

#الصفر_واحد 💙 القناة @libya_011

hottg.com/libya_011/609

2.6K viewsedited  Aug 15, 2020 at 23:30