Дыктатура ніколі не дае выбару, ніколі не пытае меркавання народу, ніколі не кажа праўды. Ніколі
Павел Латушка выступіў на акцыі «Чарнобыльскі шлях» у Варшаве і распавёў, як дыктатура савецкіх часоў адбіваецца на ўсіх нас:
Кожнаму, хто верыць, што з дыктатарамі можна дамовіцца, што можна дамовіцца з Лукашэнкам, што ён можа быць іншым — я раю ўзгадаць Чарнобыльскую трагедыю. Кожнаму, хто кажа, што с дыктатарамі можна дамаўляцца — я раю ўзгадаць Чарнобыль.
Ніхто не казаў ані беларусам, ані ўкраінцам, ані свету праўды пра Чарнобыль. Ніхто не казаў праўды тым, каго кідалі на ліквідацыю аварыі. Кажучы па-праўдзе — на тое, каб схаваць хлусню і жудасную бяздарнасць савецкай дыктатуры. Яны кідалі людзей, без належных сродкаў абароны, апраменьвацца, губляць здароўе і паміраць. Літаральна праз некалькі дзён яны гналі людзей на масавыя травеньскія дэманстрацыі. Бо дыктатура ніколі не кажа праўды і ніколі не пакідае выбару.
А зараз нашчадкі той савецкай дыктатуры, не пытаючыся меркавання народу, не пытаючыся меркавання нашых суседзяў, пабудавалі ў нашай краіне БелАЭС. Якая толькі ў працэсе будавання і тэставання ўжо мела шэраг аварыйных выпадкаў. І яны замоўчвалі іх гэтак жа сама, як замоўчвалі і хлусілі пра тую страшэнную аварыю на ЧАЭС.
Не пытаючыся нашага меркавання, не пакідаючы нам выбару, яны цягнуць у нашую краіну расійскую ядзерную зброю. Пагражаюць гэтай зброяй суседзям. І малююць на мапе Беларусі велізарную мішэнь.
І нехта яшчэ жадае дамаўляцца з дыктатарамі, з Лукашэнкам?
З тым, хто кляўся і бажыўся, што аніводны салдат, аніводны танк не прыедзе ва Украіну з Беларусі? А потым забяспечыў поўнамаштабнае ўварванне Расіі ва Украіну з тэрыторыі нашай краіны. А потым з тэрыторыі Беларусі ва Украіну прыляцела больш за 800 ракет. Лукашэнка ўцягнуў Беларусь у вайну. Ён вырабляе для Расіі зброю, дапамагае абыходзіць санкцыі, выкрадае ўкраінскіх дзяцей. Ён падтрымлівае гэтую агрэсію ўжо 2 больш за два гады.
Не спытаўшы ў беларусаў. Не пакінуўшы беларусам выбару. Масава кідаючы і катуючы беларусаў за кратамі за антываенную пазіцыю, за падтрымку Украіны, за супраціў ягонай дыктатуры, ягонай хлусні, ягонаму рэжыму. За імкненне беларусаў да незалежнасці, адказнасці, свабоды.
І ўсё гэта з намі і нібыта ад нашага ж імя робіць той, каго мы не выбіралі. І ягоныя памагатыя, якіх мы не выбіралі. Супраць якіх мы ўзняліся ў 2020 годзе. Каб павярнуць сваё права голасу, сваё права выбару.
Шлях, на які мы ўсталі тады, вельмі складаны. Але змаганне за праўду, за свабоду, за незалежнасць не бывае простым.
У акцыі таксама прынялі ўдзел сябры кааліцыі «Каманда Латушкі і "Рух за Свабоду"».
Дыктатура ніколі не дае выбару, ніколі не пытае меркавання народу, ніколі не кажа праўды. Ніколі
Павел Латушка выступіў на акцыі «Чарнобыльскі шлях» у Варшаве і распавёў, як дыктатура савецкіх часоў адбіваецца на ўсіх нас:
Кожнаму, хто верыць, што з дыктатарамі можна дамовіцца, што можна дамовіцца з Лукашэнкам, што ён можа быць іншым — я раю ўзгадаць Чарнобыльскую трагедыю. Кожнаму, хто кажа, што с дыктатарамі можна дамаўляцца — я раю ўзгадаць Чарнобыль.
Ніхто не казаў ані беларусам, ані ўкраінцам, ані свету праўды пра Чарнобыль. Ніхто не казаў праўды тым, каго кідалі на ліквідацыю аварыі. Кажучы па-праўдзе — на тое, каб схаваць хлусню і жудасную бяздарнасць савецкай дыктатуры. Яны кідалі людзей, без належных сродкаў абароны, апраменьвацца, губляць здароўе і паміраць. Літаральна праз некалькі дзён яны гналі людзей на масавыя травеньскія дэманстрацыі. Бо дыктатура ніколі не кажа праўды і ніколі не пакідае выбару.
А зараз нашчадкі той савецкай дыктатуры, не пытаючыся меркавання народу, не пытаючыся меркавання нашых суседзяў, пабудавалі ў нашай краіне БелАЭС. Якая толькі ў працэсе будавання і тэставання ўжо мела шэраг аварыйных выпадкаў. І яны замоўчвалі іх гэтак жа сама, як замоўчвалі і хлусілі пра тую страшэнную аварыю на ЧАЭС.
Не пытаючыся нашага меркавання, не пакідаючы нам выбару, яны цягнуць у нашую краіну расійскую ядзерную зброю. Пагражаюць гэтай зброяй суседзям. І малююць на мапе Беларусі велізарную мішэнь.
І нехта яшчэ жадае дамаўляцца з дыктатарамі, з Лукашэнкам?
З тым, хто кляўся і бажыўся, што аніводны салдат, аніводны танк не прыедзе ва Украіну з Беларусі? А потым забяспечыў поўнамаштабнае ўварванне Расіі ва Украіну з тэрыторыі нашай краіны. А потым з тэрыторыі Беларусі ва Украіну прыляцела больш за 800 ракет. Лукашэнка ўцягнуў Беларусь у вайну. Ён вырабляе для Расіі зброю, дапамагае абыходзіць санкцыі, выкрадае ўкраінскіх дзяцей. Ён падтрымлівае гэтую агрэсію ўжо 2 больш за два гады.
Не спытаўшы ў беларусаў. Не пакінуўшы беларусам выбару. Масава кідаючы і катуючы беларусаў за кратамі за антываенную пазіцыю, за падтрымку Украіны, за супраціў ягонай дыктатуры, ягонай хлусні, ягонаму рэжыму. За імкненне беларусаў да незалежнасці, адказнасці, свабоды.
І ўсё гэта з намі і нібыта ад нашага ж імя робіць той, каго мы не выбіралі. І ягоныя памагатыя, якіх мы не выбіралі. Супраць якіх мы ўзняліся ў 2020 годзе. Каб павярнуць сваё права голасу, сваё права выбару.
Шлях, на які мы ўсталі тады, вельмі складаны. Але змаганне за праўду, за свабоду, за незалежнасць не бывае простым.
У акцыі таксама прынялі ўдзел сябры кааліцыі «Каманда Латушкі і "Рух за Свабоду"».
