Выбары ў Каардынацыйную раду — магчымасць быць больш моцнымі
Павел Латушка ў інтэрв’ю каналу «Обычное утро» расказаў пра важнасць ўдзелу ў выбарах у Каардынацыйную раду.
Упершыню за 30 гадоў у фармаце прамых выбараў пры канкурэнтнай барацьбе мы маем права галасаваць і абіраць сваіх прадстаўнікоў. І для нас гэтая кампанія — магчымасць быць больш моцнымі.
Падчас сустрэч з міжнароднымі партнёрамі мы заводзім тэзіс пра важнасць прыцягнення Лукашэнкі да адказнасці, збіраем доказы і матэрыялы, перадаем іх у адпаведныя інстанцыі. Аднак часам побач з’яўляюцца палітыкі, якія кажуць, што не трэба гэтага рабіць. Мы пастаянна сутыкаемся ў знешнім полі з гэтай праблемай — расфакусіроўкай нашай агульнай мэты.
Калі на дэмакратычных выбарах перамагаюць тыя, хто выступае за падыход працягваць змагацца за змену рэжыму ў Беларусі, недапушчальнасць перагортвання старонкі — гэта будзе пацверджаннем таго, што ў беларусаў захоўваецца агульная мэта.
Неўзабаве мы прадставім праграму. Наша праграма — яна пра незалежнасць, адказнасць, свабоду. Мы ведаем, па якіх накірунках трэба працаваць. Мы ведаем, якое значэнне мае адказнасць, санкцыйны ціск і палітычная ізаляцыя.
І мы ведаем, што зможам дасягнуць нашых агульных мэт.
>>Click here to continue<<