Қазақстандағы төтенше жағдай кезінде көрсетілетін мемлекеттік қызметтердің 800-ден астамы онлайн жүйесіне көшіп отыр. Бұл коронавирус пандемиясы мерзімінде қазақстандықтардың тіршілігін дұрыс қалыпта сақтап қалу үшін жасалған шара. Мемлекет қабылдаған маңызды шараның бірі деп, мемлекеттік қызмет көрсетуші білім беретін сайттар мен интернет ресурстарды тегін пайдалануға мүмкін болғанын айтамыз. Бұл туралы келісім Цифрлық даму, инновациялар және аэроғарыш өндірісі министрлігі, Білім және ғылым министрлігі және елдегі ірі байланыс операторлары арасындағы әріптестік туралы меморандумда бекітілген.
Жуық арада байланыс операторлары ел азаматтарына тізімі келісілген ресурстарға тегін кіруге мүмкіндік беретін болады. Бұл сайттарды пайдаланғаны үшін абоненттерден интернет-тариф алынбайды. Төтенше жағдай жарияланған кезеңде, жоғарғы оқу орындары мен колледждердің қашықтан оқуға көшкенін және халыққа қызмет көрсету орталықтарының жұмыс регламенті өзгергенін ескерсек, мұндай шараның маңызы зор екенін түсінеміз.
Қазақстандықтар Білім және ғылым министрлігі ұсынған 24 білім беруші ресурсқа тегін кіре алатын болады және бұл тізім де, тегін интернет-русурстардың тізімі де бара-келе кеңейтіле түседі. Одан бөлек, «Электронды үкімет» www.egov.kz порталында, сондай-ақ, «eGov mobile» қосымшасы арқылы мемлекеттік қызмет көрсетілген кезде интернет трафик есептелмейтін болады. Бұл аталған порталдарға енбекші пайдаланушының есебінде қаржысы болуы керек. Білім беруші ресурстарды қай уақыттан тегін пайдалануға болатыны туралы байланыс опреаторларының сайттарында хабарланады. Меморандумға цифрлық даму вице-министрі Дарын Тұяқов, білім және ғылым вице-министрі Рүстем Биғара, сондай-ақ, «Қазақтелеком» АҚ, «Транстелеком» АҚ, «Кар-Тел» ЖШС, «КСелл» АҚ, «Мобайл Телеком-Сервисс» ЖШС, «Astel» АҚ басшылары қол қойды.
Бұдан бөлек, Нұр-Сұлтан және Алматы қалаларында карантин басталғанына байланыысты, халыққа қызмет көрсету Орталықтарының жұмыс тәртібін өзгерту туралы шешім қабылданған болатын. ХҚО-лар атқаратын қызметтер саны қысқарады. Азаматтар мұнда онлайн жүесінде қолжетімсіз қызметтер үшін ғана жүгінетін болады. Ал, елдегі барлық ХҚО сағат 17.00-ге дейін жұмыс істеу режиміне көшеді. Халыққа қызмет көрсету Орталықтары атқара беретін міндеттердің қатарында паспорт пен жеке куәлік беру, зейнетақы және басқа да түрлі жәрдемақылар тағайындау тәрізді, т.б. қызметтер қалады. ХҚО көрсететін қызметтердің толық тізімі жарияланады.
Бүгінгі күні мемлекеттік қызметтің 80%-ы автоматтандырылған және электронды үкіметтің eGov.kz порталы, eGov Mobile мобильді қосымшасы, сондай-ақ телеграмм-бот арқылы қолжетімді. Мемлекеттік қызметті алу барысында, қандай да бір, қиындықтар туындап жатса, азаматтар, мобильді және стационарлық телефон арқылы, Бірыңғай Контакт-орталыққа (1414) хабарласа алады. Қоңырау шалу тегін Ертеректе айтылғандай, Министрлік «ҰАТ» АҚ, «Қазақтелеком» АҚ және «Азаматтарға арналған үкімет» ҰАҚ-ымен бірлесе отырып, осы контакт-орталықты күшейткен болатын.
Цифрлық даму, инновация және аэроғарыш Министрлігі, Халыққа қызмет көрсету Орталықтары жұрттың топтаса жиналатын орыны болып табылатындықтан, азаматтарға аса бір қажеттілік туып жатпаса, ХҚО-ына бара бермеу керек екенін ескертеді.
Маңызды шараның бірі болып, мемлекет басшысының тапсырмасымен, ҚР Еңбек және халықты әлеуметтік қорғау Министрлігінің төтенше жағдай кезінде азық-түлік және тұрмысқа қажет заттар таратылатын жандардың тізімін құруы болып табылады.Бұл тізімге, жалпы саны 500 мыңнан астам, азаматтардың 4 санаты жатқызылған.
Дәлірек айтсақ, Қазақстанның барлық аймақтарында азық-түлік пен тұрмысқа қажет заттар адрестік әлеуметтік көмек алып отырған жағдайы төмен отбасыларының, соның ішінде, көп балалы отбасыларының, 6 жастан 18 жасқа дейінгі балаларына беріледі. Бұдан бөлек, карантин жарияланған аймақтарда азық-түлік пен тұрмысқа қажет заттар топтамасы:
- АӘК алып отырған отбасындағы ересектерге, оның ішінде, көп балалы отбасы мүшелеріне;
- және ІІ топтағы түрлі жастағы барлық мүгедектерге, сондай-ақ, мүгедек балаларға;
- мүгедек бала бағып отырған ата-анаға беріледі.
Азық-түлік пен т
>>Click here to continue<<