قصيدة مولاي مسلم ابن عقيل ص
يا مسلم الحيد
يا سل يصنديد
هذا يوم الموزمة
ماريدك تهيد
سل سيفك الحومة غبار
وتريد بس ناس كبار
البيدك يموت اعله النار
يغفة بجهنم
صيح اني عمي الكرار
زلم العدة خل تحتار
ذكرهم بذو الفقار
الما منه مرهم
ذكرهم ابدر واحد وبصفين
مرحب علي من طكه سواه نصفين
كون التلوحة بسيفك يلكفه البين
واحد جنت ومحاوطينك الفين
ياهيبة الدين
ياعشك الحسين
بيك روحة ملازمة
ما منك اثنين
صول وهلاهل بكفاك
طوعة التحشمك تنخاك
عيشهم الذل اعداك
يالهاشمي
بالكوفة وادم غمان
ما تلكة بيهه الشجعان
كدامك الكل تنهان
لو تحتمي
تيهت زلم الكوفة وسط الكوفة
بس مسلم ادروبة اصبحت معرفة
نص عسكر ابن ازياد مات بخوفة
شيسوي مسلم من يطر اصفوفة
شيسوي بالناس
الداعيلة عباس
وبي وصت فاطمة
يمحيهه الارجاس
من حيدرة ماخذ حيل
تسحل زلم من الخيل
كاع الله خليهه تميل
بأرجاس اميه
بسيفك اذبحة اليدناك
تل ابني من روس اعداك
لا تقبل اليترجاك
هاي الوصية
ما بيهم الفعلن صدك يهوه حسين
وادم حقد بس للذبح مشتاقين
ما عرفو الله ولا ابد عدهم دين
من رحمة الله ونعمتة محرومين
وادهم اشرار
محتامة عالنار
عالحقد متحزمة
واطالب بثار
خلص زلمهم يا حيد
حسينك وصل ماهو بعيد
لو ضلو عليه تزيد
ذيج العساكر
بكل ضربه اصرخ يحسين
لعيونك اذبح الفين
يالربعك اعرف سبعين
هواي المخاطر
ارجع اذا تكدر ترة الناس تخون
غايتهم انت وكل هلك تنذبحون
ادري الذبح هين عليك من تكون
ويه الاجانب تمشي مسبيه ام عون
ما يحمل انسان
يسبولة نسوان
بنص شماتة مئلمة
واطب لديوان
انطوني الامان العدوان
طلعت اوامر شيطان
كالو نذبحك عطشان
فرحو شماتة
لعالي القصر بيه ايكود
يحسين اصيحلك عود
خانت ترة الناس عهود
خوفي لخواتة
من القصر شمروني وانباد الحيل
شدوني من اجدامي لجدام الخيل
من الصبح يفترن لحد. الليل
والدم بقة من كل كتر مني ايسيل
ارجع ترة الناس
ماعدهم احساس
ضعنك ايصيبة الضمه
وما تلكة عباس
خادم خدام زينب صلوات الله وسلامه عليها
حميد كاظم الشمري
>>Click here to continue<<