VERESHCHAGIN


Satang xonimlarning davrasi aro

U olis Turkiston ertagin so‘zlar.

Tegrada shukuhli, beg‘am bir sado,

Bashang quvonchlarga o‘rgangan ko‘zlar.

U so‘ylar Toshkandu Jizzax, Samarqand

Poyida qanday jon berganin sartlar.

Quvonchdan shivirlar: (Xonimlar tinglang!)

“Eh, bizning sollotlar, chinakam mardlar!”

Ko‘p yillar o‘tadi, anglar bir kuni

Boshqacha  so‘zlashi kerak edi u

Va o‘sha beshafqat lahzadan uni

Tark etmas hech qachon yarador qayg‘u.

Axir, yodida-ku: Toshkand yonida

Sarmast kazaklarni jarga boshlashar...

Go‘dakka o‘q uza olmagan bitta

Yoshgina soldatni chopib tashlashar.

Beshafqat haqiqat qaytadi qalbga,

U shunda anglaydi, anglatar ranglar;

Miltiq o‘qtalganlar – boshqa Rossiya,

Boshqa Rossiyadir o‘q uzmaganlar.

Ko‘zlarin oldida qotar abadiy:

(bu balki vijdonning o‘lmas mujdasi)

Miltiqning tig‘iga sanchilgan mitti –

Qonlarga bo‘yalgan go‘dak murdasi.

Balki shuning uchun tunlar Isoga

Yolvorib, sig‘inib, yosh to‘lib ko‘zga,

Urush maydonlarin egallab olgan

Quzg‘unlar to‘dasin chizar u bo‘zga.

Qonli kunlar haqqi endi u bedor,

Ko‘zini yumishga qo‘rqadi, hayhot,

Tig‘larga sanchilgan go‘daklar takror

Qichqirar ko‘zini yumgani zahot.

O‘sha kunlar haqqi, qo‘rquv, g‘am ichra

Zulmat bandalari qilgan shum, basir,

Qonli gunohlarni jon chiqargacha

Yuvolmay dunyodan o‘tdi musavvir.

Xurshid Davron

@javlonjovliyev

Javlon Jovliyev

VERESHCHAGIN


Satang xonimlarning davrasi aro

U olis Turkiston ertagin so‘zlar.

Tegrada shukuhli, beg‘am bir sado,

Bashang quvonchlarga o‘rgangan ko‘zlar.

U so‘ylar Toshkandu Jizzax, Samarqand

Poyida qanday jon berganin sartlar.

Quvonchdan shivirlar: (Xonimlar tinglang!)

“Eh, bizning sollotlar, chinakam mardlar!”

Ko‘p yillar o‘tadi, anglar bir kuni

Boshqacha  so‘zlashi kerak edi u

Va o‘sha beshafqat lahzadan uni

Tark etmas hech qachon yarador qayg‘u.

Axir, yodida-ku: Toshkand yonida

Sarmast kazaklarni jarga boshlashar...

Go‘dakka o‘q uza olmagan bitta

Yoshgina soldatni chopib tashlashar.

Beshafqat haqiqat qaytadi qalbga,

U shunda anglaydi, anglatar ranglar;

Miltiq o‘qtalganlar – boshqa Rossiya,

Boshqa Rossiyadir o‘q uzmaganlar.

Ko‘zlarin oldida qotar abadiy:

(bu balki vijdonning o‘lmas mujdasi)

Miltiqning tig‘iga sanchilgan mitti –

Qonlarga bo‘yalgan go‘dak murdasi.

Balki shuning uchun tunlar Isoga

Yolvorib, sig‘inib, yosh to‘lib ko‘zga,

Urush maydonlarin egallab olgan

Quzg‘unlar to‘dasin chizar u bo‘zga.

Qonli kunlar haqqi endi u bedor,

Ko‘zini yumishga qo‘rqadi, hayhot,

Tig‘larga sanchilgan go‘daklar takror

Qichqirar ko‘zini yumgani zahot.

O‘sha kunlar haqqi, qo‘rquv, g‘am ichra

Zulmat bandalari qilgan shum, basir,

Qonli gunohlarni jon chiqargacha

Yuvolmay dunyodan o‘tdi musavvir.

Xurshid Davron

@javlonjovliyev

hottg.com/javlonjovliyev/6103

2.5K viewsedited  Jan 4 at 13:16