لما يحدث بينك وبين شخص انفصال من طرفه وأنت متأكد ومحاسب نفسك على كل صغيرة وكبيرة وشايف انك مو مقصر ولا أخطيت بحقه وبالعكس ! موفّر له كل سُبل الراحة والاحترام والصدق والتقدير
لا تدخل في دوامة محاسبة نفسك
بما انه الانفصال أو الابتعاد أو ايًا يكن ؛ حدث من الشخص نفسه
سواءً من خلال تلميح أو اهمال أو قالها لك بكل صراحة؟
وأنت واثق انك ما تصرفت تصرف يدعي لهذا الانفصال
من الآن وحالًا بالًا
حاول قد ما تقدر توزن أفكارك وتوقّف لوم بنفسك وبطريقتك وشخصيتك وإلخ..
ما تدري؟ ممكن الانفصال هو أنسب طريقة لحفظ الوِّد بينكم من وجهة نظر الطرف الآخر؟
وممكن الانفصال لو ما صار كان حدث بينكم خلافات ومشاكل تمحي الصورة الحلوة الي كنت راسمها عن الطرف الثاني
وممكن فعلًا ابتعادكم عن بعض هو الأفضل
وكلنا ما نعرف الخيرة وين إلا بعد فترة نستوعب ان ذاك القرار؟ هو الأنسب والأفضل
لذلك سواءً الانفصال حدث من طرفكم أو من طرف الشخص الآخر
لا تلوم نفسك ولا تضغط على روحك
أنت واثق من اخلاقك ومعاملتك؟ الحمدلله هذا سبب كافي يخليك ترضى وتتقبل الأمر
الدنيا مو واقفه على أحد والأشخاص الي يناسبونك ويشابهونك موجودين والأكيد؟ راح تلقى الأفضل من هالشخص الي راح
الأمر كله خيرة لكن متى نكتشف؟ بعد ما نتعب ونتضايق وياكلنا الهم والنكد
وعشان مين وليش؟
وقفوا معاتبة أنفسكم لأن لا أنت ولا الوقت راح يتعوض إذا راح منك
امستردام .
>>Click here to continue<<